شوية حكي بلا طعمة

امرأة من ورق · 29/05/2006

هلأ انا بنت متغربة للدراسة وصرلي كذا سنة عايشة بغربتي لحالي ومعتمدة على حالي بكلشي يعني ماديا ومعنويا وكلشي كلشي
المهم من فترة كان عندي مشاكل بكلشي...... مشاكل مالية ومشاكل عاطفية ومشاكل بالدراسة بالاضافة لضغوط الحياة اليومية وزيدو على كل هاد احساس الغربة والوحدة
بقى كنت عم احكي مع صديق الي وعم اشكيلو همي على اساس انو يواسيني شوي
قام هاد الصديق قال كلمة فلجتني عن جد
قال انتو البنات ماعندكن هم بالدنيا..... المشاكل كلها بتوقع على راس الرجال
انا صار شكلي هيك

وفتت بمية حيط مسلح
يعني كيف البنات ماعندون هم...... اذا كنت مستقلة عن اهلي تماما وعندي كل الضغوط اللي بتواجه اي انسان مستقل وهاد الصديق بيعرف وضعي..... يعني اكيد مو متخيل انو انا ببيت اهلي وبدمعة وكلمة رح يهبو اهلي كلون ليحلولي المشاكل تبعي
انو ليش لسه هالفكرة انو البنت ماعندها هم؟؟؟؟؟؟؟
دخيلكون حدا يفهمني

محمد ابراهيم · 29/05/2006

اقتباس:

كاتب النص الأصلي : امرأة من ورق

قال انتو البنات ماعندكن هم بالدنيا..... المشاكل كلها بتوقع على راس الرجال

عندو حق بصراحه

انتي في كل هالمشاكل وجايه تكتبي موضوع هون

اقتباس:

انا صار شكلي هيك

وفتت بمية حيط مسلح

انا اللي صرت هيك

وفتت بمية حيط مسلح .جايه تكتبي موضوع بعد كل هالمشاكل

[/quote]انو ليش لسه هالفكرة انو البنت ماعندها هم؟؟؟؟؟؟؟
دخيلكون حدا يفهمني

[/quote]
بصراحه انتي صعبتي عليا وانا ببكي لحالك

عندك كل هالمشاكل .كفايه عليكي الغربه

الله معك

امرأة من ورق · 29/05/2006

اقتباس:

كاتب النص الأصلي : محمد ابراهيم

عندو حق بصراحه

انتي في كل هالمشاكل وجايه تكتبي موضوع هون

لأ هي المشاكل كانت عندي من فترة..... وهلأ انحلت اغلبها وارتاح بالي شوي

شكرا عالتعاطف والمرور

بس بجد حدا يفهمني كيف طلعت مع هاد الشخص هالفكرة

ابومزيد · 29/05/2006

كل انسان عندو مشاكل ما دخل الجنس بالموضوع
بس الرجل في طبيعة انو اذا بيمرض شوي بيصير يشكي
والبنت بتضل نص عمرها مرضانة ما بتقول شي
ونفس الشي بالنسبة للمشاكل بقى عادي لا تزعلي من صديقك لانو هي طبيعة بكل زلمة
انو بيفكر انو البنت ما عندها مشاكل بالمرة وهو حامل هم الدنيا كلها على كتافو
وبيجيك اسباب تانية متل تهميش المرأة وعدم القناعة باكتمال العقل عندها

فيروزة · 29/05/2006

للأسف يا إمرأة من ورق هيدي الفكرة موجودة على طول بعقل الرجل انو المرأة ما عندها هم
وأنو هو بس المهموم والمشغول
بس طبعا هيدي فكرة مش صحيحة
يمكن تكون هيدي الفكرة صحيحة أحيانا بس أكيد مش دائما

امرأة من ورق · 29/05/2006

اقتباس:

كاتب النص الأصلي : ابومزيد

كل انسان عندو مشاكل ما دخل الجنس بالموضوع
بس الرجل في طبيعة انو اذا بيمرض شوي بيصير يشكي
والبنت بتضل نص عمرها مرضانة ما بتقول شي
ونفس الشي بالنسبة للمشاكل بقى عادي لا تزعلي من صديقك لانو هي طبيعة بكل زلمة
انو بيفكر انو البنت ما عندها مشاكل بالمرة وهو حامل هم الدنيا كلها على كتافو
وبيجيك اسباب تانية متل تهميش المرأة وعدم القناعة باكتمال العقل عندها

مية وردة لعيونك ابو مزيد

امرأة من ورق · 29/05/2006

اقتباس:

كاتب النص الأصلي : فيروزة

للأسف يا إمرأة من ورق هيدي الفكرة موجودة على طول بعقل الرجل انو المرأة ما عندها هم
وأنو هو بس المهموم والمشغول
بس طبعا هيدي فكرة مش صحيحة
يمكن تكون هيدي الفكرة صحيحة أحيانا بس أكيد مش دائما

مرسي فيروزة للمرور ورأيك

اكيد في بعض البنات ماعندون هم بس بيضلو قلال ونفس الشي في شباب ماعندون هم بالدنيا

صياد الطيور · 29/05/2006

هلق مو هيك الموضوع
بس انو البنت ...قد ما كانت آكله هم ..بتفكر بآخرتها بالزواج .. وانو الزوج هو الي رح يشيل كل همومها

يعني الشب بيكون عم يفكر بدراستو اول شي ..وبمصروف دراستو .. لأنواذا اشتغل الشب ودرس عادي .. أما البنت فكارثة ....
بعدها بيفكر بالجامعة ومصاريف الجامعة ... والبنت ما حدا بيعتب عليها

بعدها بيفكر بالجيش وبلاوي الجيش
وجيشنا ما بيحوي بنات

والشغل البنت اذا كبرت الشغلة معها بتترك وبتمشي ... وألف واحد بيكونوا بصفها ( برافو عليك ) أما الشب ... ما فيو .. بيتبهدل اذا ترك الشغل

وبعدين بيجيك هم الزواج الي كلو على الرجال والبنت ... بتروح على الجاهز
بقى بتقلولي هموم

هموم البنت بتنحصر بيومها .. يعني هموم عائلية ... عشقية غرامية
بالكتير اجتماعية

أما الشب يا حسرتي .. شو بدو يلحق ليلحق

ابومزيد · 29/05/2006

البنت ما بتفكر بدراستها ولا بمصروفها ولا بالجامعة ولا بمصاريف الجامعة لانو امورها محلولة ليش لانو اهلها معون يعطوها بس ما معون يعطو اخوها
معقول هالكلام يا رجل
وبالنسبة للشغل والله اذا كبرت براس الشب بيترك كل شي الا انو حدا يزعجني بشغلي وبالنسبة لامور الزواج والجيش اي معك نص حق فيون بس لا تنسى انو هاي الايام انو البنت كمان عم تساهم بالزواج

امرأة من ورق · 29/05/2006

يعني صياد انا معك بشغلة العسكرية وبس
اما الشغل وتجهيز البيت للزواج وكل هالامور متل ماقال ابو مزيد صايرة عم تشارك فيها البنت متلا متل الشب باغلب الحالات
ومشان الدراسة كمان اغلب البنات صايرين عم يدرسو متلون متل الشب واذا مشان الشغل مع الدراسة سوى فسمحلي فيها انو نادرين الشباب اللي عم يعملوها لانو غالبا الاهل بيبدو الابن على البنت بحالة اذا معون يدرسو واحد وبس

وتحياتي

فلاش باك · 29/05/2006

الله يعينا على كلشي ,في ناس حظن من السما يعني الشغلة بتجي لعندن مقشرة جاهزة وفي ناس بيلاطشو يمين وشمال حتي تمشي امورن شوي لقدام .

امرأة من ورق · 29/05/2006

اقتباس:

كاتب النص الأصلي : فلاش باك

الله يعينا على كلشي ,في ناس حظن من السما يعني الشغلة بتجي لعندن مقشرة جاهزة وفي ناس بيلاطشو يمين وشمال حتي تمشي امورن شوي لقدام .

شباب وصبايا

**butterfly** · 29/05/2006

لأول مرة منكون أنا وامرأة الورق ... نختلف على نقطة
أنا مع انو البنت عندا هموم وممكن تشارك .. بكل شي ...مع الرجل ..
بس في مشكلة ...عند الشب ..أنو هوي ملزم ... أما هي فمخيرة ؟؟
فبتكون الهم الأكبر عليو ..
وقلبي معو

فلاش باك · 29/05/2006

اقتباس:

كاتب النص الأصلي : امرأة من ورق

شباب وصبايا

طبعا أكيد شباب وصبايا

ابومزيد · 29/05/2006

اذا عم تحكو على الهموم شي واذا عم تحكو ا على المسؤوليات شي تاني

Reemi · 29/05/2006

انو كيف يعني ما عنا هموم..... ....... عدو معي لقلكن...... .....!

من المدرسة ببلش الهم وانت ببيت اهلك..يعني بدك تدرسي وتطلعي دكتورة..ويا ويلك اذا ما جبتي علامات..
الجامعه ..عم نصرف عليكي كل هالمصاريف وما عم تجيبي علامات..هات بقى اهكل هم المسؤولية وكيف بدك تعوضلهن الي عم يعطوك اياه...
بنروح ع الشغل..هلق اذا دراسة + شغل...فبكون الهم كالتالي..انو كيف بدو يوفق الواحد بين الدراسة (العلامات) والشغل(الاعتماد على النفس والدخول الى معترك الحياة العملية )..والحية الاجتماعية..وبانو لازم ننبسط بحياتنا قبل ما يمر هالقطار..
طيب شغل ما بعد الدراسه..اهكل هم تلاقي شغل..مشان ما تروح دراستها ع الفاضي طبعا..بعدين لقينا الشغل هات الي يكونو بالشغل منيحين او لا(لو شب بدبر راسه بس البنت يا حسرة شو بتعمل وهاد خصوصا اذا ما كانت قد حالها بتروح عليها)..طيب لقينا الشغل وطلع منيح وفخامة..الي بعدو..هات بدنا نحب وننخطب و نتزوج..يا ويلي من هالهم الي بيسوا تقلوا...وتزوجنا وشو بضمني انو يطلع منيح بعد ما تزوجنا(ما بتضمن نفسيات العالم حتى لوقصة الحب صارلها مليون سنة قبل الزواج)..طيب وطلع منيح هات اهكل هم الاولاد وبيت الحمى..واذا فيها هالبنت تكون ع قد هالمسؤولية..اولاد وبيت ورجال..ولي ولي ولي..!
ومع هادا وكله لازم اضل هاكله هم لنفسها وجمالها وانو ما تهمل حاالها بنص هالزحمة ...
ولسا بتقلولي شو همومنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:jakoush : ؟؟؟؟

ابومزيد · 29/05/2006

الحية الاجتماعية؟

امرأة من ورق · 29/05/2006

اقتباس:

كاتب النص الأصلي : butterfly

لأول مرة منكون أنا وامرأة الورق ... نختلف على نقطة
أنا مع انو البنت عندا هموم وممكن تشارك .. بكل شي ...مع الرجل ..
بس في مشكلة ...عند الشب ..أنو هوي ملزم ... أما هي فمخيرة ؟؟
فبتكون الهم الأكبر عليو ..
وقلبي معو

اي اختلفنا شوي بس بتضلي عزيزتي الحلوة

هلأ ايام زمان كانت البنت فعلا مانها ملزمة بش اكتر من حدود البيت وبس..... بس برأيي هلأ صارت ملزمة وملزمة كتير كمان..... يعني قلة التعليم او انو تكون ست بيت وبس وهي صبية صغيرة من الجيل الجديد هالشي بالتأكيد رح يعطيها احساس بالدونية وانها متروكة ورا المجتمع كلو
هي من ناحية ومن ناحية تانية انو اذا اي صبية بدها تتدلل وتطالب الشب بكل شي وتعتبر انها مخيرة بالمشاركة وغير ملزمة فشبه اكيد انها مارح تلاقي الشب اللي يناسبها لانو بهالايام نادر مايكون شب قادر يجهز بيت واللي منو لحالو
وبالتالي برأيي البنت ملزمة من الناحية الاجتماعية ومن الناحية المادية كمان انها تثبت حالها بالدرس والشغل وكلشي