|
شوية حكي بلا طعمة
هلأ انا بنت متغربة للدراسة وصرلي كذا سنة عايشة بغربتي لحالي ومعتمدة على حالي بكلشي يعني ماديا ومعنويا وكلشي كلشي
المهم من فترة كان عندي مشاكل بكلشي...... مشاكل مالية ومشاكل عاطفية ومشاكل بالدراسة بالاضافة لضغوط الحياة اليومية وزيدو على كل هاد احساس الغربة والوحدة بقى كنت عم احكي مع صديق الي وعم اشكيلو همي على اساس انو يواسيني شوي قام هاد الصديق قال كلمة فلجتني عن جد قال انتو البنات ماعندكن هم بالدنيا..... المشاكل كلها بتوقع على راس الرجال انا صار شكلي هيك :shock: :shock: :shock: وفتت بمية حيط مسلح يعني كيف البنات ماعندون هم...... اذا كنت مستقلة عن اهلي تماما وعندي كل الضغوط اللي بتواجه اي انسان مستقل وهاد الصديق بيعرف وضعي..... يعني اكيد مو متخيل انو انا ببيت اهلي وبدمعة وكلمة رح يهبو اهلي كلون ليحلولي المشاكل تبعي انو ليش لسه هالفكرة انو البنت ماعندها هم؟؟؟؟؟؟؟ دخيلكون حدا يفهمني:cry: |
اقتباس:
انتي في كل هالمشاكل وجايه تكتبي موضوع هون :? اقتباس:
[/quote]انو ليش لسه هالفكرة انو البنت ماعندها هم؟؟؟؟؟؟؟ دخيلكون حدا يفهمني:cry:[/quote] بصراحه انتي صعبتي عليا وانا ببكي لحالك :cry: عندك كل هالمشاكل .كفايه عليكي الغربه :cry: الله معك :سوريا: |
اقتباس:
شكرا عالتعاطف والمرور :سوريا: بس بجد حدا يفهمني كيف طلعت مع هاد الشخص هالفكرة |
كل انسان عندو مشاكل ما دخل الجنس بالموضوع
بس الرجل في طبيعة انو اذا بيمرض شوي بيصير يشكي والبنت بتضل نص عمرها مرضانة ما بتقول شي ونفس الشي بالنسبة للمشاكل بقى عادي لا تزعلي من صديقك لانو هي طبيعة بكل زلمة انو بيفكر انو البنت ما عندها مشاكل بالمرة وهو حامل هم الدنيا كلها على كتافو وبيجيك اسباب تانية متل تهميش المرأة وعدم القناعة باكتمال العقل عندها |
للأسف يا إمرأة من ورق هيدي الفكرة موجودة على طول بعقل الرجل انو المرأة ما عندها هم
وأنو هو بس المهموم والمشغول بس طبعا هيدي فكرة مش صحيحة يمكن تكون هيدي الفكرة صحيحة أحيانا بس أكيد مش دائما |
اقتباس:
|
اقتباس:
اكيد في بعض البنات ماعندون هم بس بيضلو قلال ونفس الشي في شباب ماعندون هم بالدنيا |
هلق مو هيك الموضوع
بس انو البنت ...قد ما كانت آكله هم ..بتفكر بآخرتها بالزواج .. وانو الزوج هو الي رح يشيل كل همومها يعني الشب بيكون عم يفكر بدراستو اول شي ..وبمصروف دراستو .. لأنواذا اشتغل الشب ودرس عادي .. أما البنت فكارثة .... بعدها بيفكر بالجامعة ومصاريف الجامعة ... والبنت ما حدا بيعتب عليها بعدها بيفكر بالجيش وبلاوي الجيش وجيشنا ما بيحوي بنات والشغل البنت اذا كبرت الشغلة معها بتترك وبتمشي ... وألف واحد بيكونوا بصفها ( برافو عليك ) أما الشب ... ما فيو .. بيتبهدل اذا ترك الشغل وبعدين بيجيك هم الزواج الي كلو على الرجال والبنت ... بتروح على الجاهز بقى بتقلولي هموم هموم البنت بتنحصر بيومها .. يعني هموم عائلية ... عشقية غرامية بالكتير اجتماعية أما الشب يا حسرتي .. شو بدو يلحق ليلحق |
البنت ما بتفكر بدراستها ولا بمصروفها ولا بالجامعة ولا بمصاريف الجامعة لانو امورها محلولة ليش لانو اهلها معون يعطوها بس ما معون يعطو اخوها
معقول هالكلام يا رجل وبالنسبة للشغل والله اذا كبرت براس الشب بيترك كل شي الا انو حدا يزعجني بشغلي وبالنسبة لامور الزواج والجيش اي معك نص حق فيون بس لا تنسى انو هاي الايام انو البنت كمان عم تساهم بالزواج |
يعني صياد انا معك بشغلة العسكرية وبس
اما الشغل وتجهيز البيت للزواج وكل هالامور متل ماقال ابو مزيد صايرة عم تشارك فيها البنت متلا متل الشب باغلب الحالات ومشان الدراسة كمان اغلب البنات صايرين عم يدرسو متلون متل الشب واذا مشان الشغل مع الدراسة سوى فسمحلي فيها انو نادرين الشباب اللي عم يعملوها لانو غالبا الاهل بيبدو الابن على البنت بحالة اذا معون يدرسو واحد وبس وتحياتي |
الله يعينا على كلشي ,في ناس حظن من السما يعني الشغلة بتجي لعندن مقشرة جاهزة وفي ناس بيلاطشو يمين وشمال حتي تمشي امورن شوي لقدام .
|
اقتباس:
|
لأول مرة منكون أنا وامرأة الورق ... نختلف على نقطة
أنا مع انو البنت عندا هموم وممكن تشارك .. بكل شي ...مع الرجل .. بس في مشكلة ...عند الشب ..أنو هوي ملزم ... أما هي فمخيرة ؟؟ فبتكون الهم الأكبر عليو .. وقلبي معو :oops: :oops: |
اقتباس:
|
اذا عم تحكو على الهموم شي واذا عم تحكو ا على المسؤوليات شي تاني
|
انو كيف يعني ما عنا هموم.....:shock: ....... عدو معي لقلكن......:( .....!
من المدرسة ببلش الهم وانت ببيت اهلك..يعني بدك تدرسي وتطلعي دكتورة..ويا ويلك اذا ما جبتي علامات.. الجامعه ..عم نصرف عليكي كل هالمصاريف وما عم تجيبي علامات..هات بقى اهكل هم المسؤولية وكيف بدك تعوضلهن الي عم يعطوك اياه... بنروح ع الشغل..هلق اذا دراسة + شغل...فبكون الهم كالتالي..انو كيف بدو يوفق الواحد بين الدراسة (العلامات) والشغل(الاعتماد على النفس والدخول الى معترك الحياة العملية )..والحية الاجتماعية..وبانو لازم ننبسط بحياتنا قبل ما يمر هالقطار.. طيب شغل ما بعد الدراسه..اهكل هم تلاقي شغل..مشان ما تروح دراستها ع الفاضي طبعا..بعدين لقينا الشغل هات الي يكونو بالشغل منيحين او لا(لو شب بدبر راسه بس البنت يا حسرة شو بتعمل وهاد خصوصا اذا ما كانت قد حالها بتروح عليها)..طيب لقينا الشغل وطلع منيح وفخامة..الي بعدو..هات بدنا نحب وننخطب و نتزوج..يا ويلي من هالهم الي بيسوا تقلوا...وتزوجنا وشو بضمني انو يطلع منيح بعد ما تزوجنا(ما بتضمن نفسيات العالم حتى لوقصة الحب صارلها مليون سنة قبل الزواج)..طيب وطلع منيح هات اهكل هم الاولاد وبيت الحمى..واذا فيها هالبنت تكون ع قد هالمسؤولية..اولاد وبيت ورجال..ولي ولي ولي..! ومع هادا وكله لازم اضل هاكله هم لنفسها وجمالها وانو ما تهمل حاالها بنص هالزحمة ... ولسا بتقلولي شو همومنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:jakoush : ؟؟؟؟ |
الحية الاجتماعية؟
|
اقتباس:
هلأ ايام زمان كانت البنت فعلا مانها ملزمة بش اكتر من حدود البيت وبس..... بس برأيي هلأ صارت ملزمة وملزمة كتير كمان..... يعني قلة التعليم او انو تكون ست بيت وبس وهي صبية صغيرة من الجيل الجديد هالشي بالتأكيد رح يعطيها احساس بالدونية وانها متروكة ورا المجتمع كلو هي من ناحية ومن ناحية تانية انو اذا اي صبية بدها تتدلل وتطالب الشب بكل شي وتعتبر انها مخيرة بالمشاركة وغير ملزمة فشبه اكيد انها مارح تلاقي الشب اللي يناسبها لانو بهالايام نادر مايكون شب قادر يجهز بيت واللي منو لحالو وبالتالي برأيي البنت ملزمة من الناحية الاجتماعية ومن الناحية المادية كمان انها تثبت حالها بالدرس والشغل وكلشي |
| الساعة بإيدك هلق يا سيدي 04:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون