:shock::shock:...........العمى هي اخدة الموضوع جدي و بدها تعملو مسلسل كمان:shock::shock:
اي بس انا بدي تعويض عن المذكرات اللي بتاخديها من عنا.....لكن في شي اسمو حقوق نشر و توزيع:pos:

والله كلامك صح
بتعرف ياغالي اجاني اكتر من عرض للسفر وعروض مغرية وكل مرة يسالوني شو شوقلت كنت قلهم فورا لالالالالالالالالالا بس ليش ما كنت اعرف:cry: يسالوني ليش قلهم مو جويي او انو العرض ما عجبني

لك ابو السيم ما تستعجل عطيها شهر بالكتير لتفوت تحكيلنا خلص شباب لقتها و هي هيه و من هل حكي

بس وقتها بيصير عليك واجب انك تجيبني لعندك كيف ما بعرف ايوا

ولله يا صاحبي ما بيحس بيقمتها غير يلي بيطلع منها الله وكيلك ، صدقني 14 سنه يا صاحبي كل يوم بموت و بعيش فيهم مية مره على ايامي يلي عم روحها ماني بالشام
بيحكولك وضع مادي افضل اي يمكن افضل بس صدقني كلو رايح بقلبهم يعني بتاخود باليمين بتعطيهم باليسار ...

مافي احلا من الشام ولا حلاوة الشام ولا مية الشام ، ولا شوارعها ، بس وينك مو مطوله نازل بشهر 12 بعد انقطاع 7 سنين اني انزل بهل وقت هل مره نازل عكس الكل الكل بينزل بالصيفيه انا نزال بالشتويه ملية من الصيف

بدي انزل شوف باب توما الصبح و هل غيم معبي السما و الدنيه رمادي ، اخ بس اخ شو احكي لاحكي يا صاحبي:cry:

لك له يا آش أنا كنت شادة ضهري فيك على أساس أنتي الي رح تزودني بكل المعلومات:p بعدين الشباب رح يلحقوك ويعطوني الي ما بينحكى هون .... ولو يا شريك :gem:
بعدين المصاري تبع بيع الكتاب منقسمهن بالنص بيناتنا نحنا التلاتي يعني أنا وأنت ووسيمو وهي طلعنا أنا وياه ولاد حارة :adal:فشو رأيك بالمشروع .... :deal:

سيدي بتعرف شو, بيجوز تكون قدام عيوني وماني شايفها او بالاحرى ما بدي شوفها هيك بصراحة فيني قللك ....بكل الاحوال بردلك خبر بعد شي يومين تلاتة....بالكتير اسبوع زمانو بقلك مين صاحبة الحظ التعيس:o:o
لك االي صاير انو هلق بعد ما طلعنا ولاد حارة و هيك حركات محتار بشو بدي عيطلك....:?يعني قللك ام...ولا ام....ولا ام....ولا بنت....ولا ..........لوليت.......
على كل انا موافق على المشروع بس بتعرفي شو يعني ماني متخيل كيف رح تكتبي الكتاب...قصدي يعني انو بما انو كل واحد عندو يوميات مختلفة عن التاني و كل واحد عايش ببلد شكل مختلف كليا عن البلد التاني فكيف رح تزبطي هالامور كلها على شخصية وحدة؟؟؟؟؟؟؟؟؟؟؟:shock:

هلأ شو مشان اتركوني أعرف اكتب الكتاب على راحتي وبعدين بتشوفوا كيف رح يطلع :adal:
المهم هلأ الموافقات الأمنية آخدها ولو يا شباب بسلامتك فهمكن بدنا ... الموافقاااااااااااااااااا اااااااات ... شو أخدناها
أو في حدا معترض :deal:

قلتلك انا موافق بقى عاد شوفي المعلم اش:larg:
بس بدنا تقرير اولي عن الكتاب يعني شوية شرح بسيك عن اتوماتيكية الكتابة فيه كيف رح تكون:larg:

مسى الخير لكل واحد مشتاق لبلدو ومتغرب بعيد عن اهلو

وشو في جديد

و اليوم متل كل ايامي يوم و نطى ماعملت فيه اي شي اعد بالبيت بس بكرا يا شباب بدي احكيلكم عن احساسي وانا عم اسمع هل موسيقى تبع إلى نزار و شو حاسس و شو عم حس بس عم اسمعها و بدي الكل ينزل هل البوم مو لاني انا منزلهم لا بس لانو كل واحد لح ينزل هل البوم و يسمعو لح يعرف انا بشو حاسس ولله

صباح الخير للجميع هي بشكل عام
و تحية اعتذار خاصة لاش و رومانيستا:Dهنن بيعرفوا ليش:D
و تحية للي ما بعرف شو بدي سميها وهي كمان بتعرف حالها:D
(العمى رح فكر حالي بعرس و مبلش وزع تحيات و شبوشات:p:p)
مبارح بالليل يا جماعة اجوا لعندي جوز شباب واحد منهن فلسطيني و التاني اشوري تركي بس التنين عايشين كل عمرهن بالسويد ....المهم اجوا قعدوا شوية و قال بدهن معسل من عندي قمت انا والله بكل كرم اخلاق اعطيتهم و اذ بيجي هاد التركي بقللي انو بدو يدفع حق المعسل :pبتقوم بتدب النخوة بالطيز الرخوة و بحلف مية يمين اني ما باخد ولا متليك(ايوااااااااااا حمصي و بفهم بالاصول:larg:)
لما راحو سبحان الله يعني لسى كانو عالباب حكى معي رفيقي (هاد الشب ابوه و امه بولون بس خلق و عاش كل حياتو بالمانيا)و قللي انو ناطرني ع باب السكن الجامعي مشان فوتو........المهم فات الزلمي و قعدنا و تسلينا شوية وفجأة بلش ينق بدو يروح عالديسكو.........قمت انا دقيت ع جارتي و قلتلها جهزي حالك يا مرا رايحين مشوار:o المهم رحنا و شربنا شوية و لما رجعت انا و جارتي اخدت اللابتوب تبعي لعندها وحضرنا فيلم ocean 13 2007
وما شفلكن محسوبكن الا نايم على تختها للمخلوقة لليوم الصبح وهي انا شحني هون عم اكتب باخوية:D

سمعو شو صار اليوم و كل عاده و من كل يوم احد بعتبارو اول يوم عمل الله لا ينهيه
لازم يكون هنالك مفاجئه بنتظاري او خازوق مبشم كل عاده
المهم اليوم اجينا و بلشنا امتحان بيقوم بيجي واحد عندو امتحان بنشوف هيك بالكلينت حلو مالو اسم الشب بس علسيرفر في اسم
بعد مليون محاوله و دعاء و كفريه و ما بعرف شو ما كان يشتغل اجينا جبن حل واحد يلي هوه انو الكليانت ماعم يوصلو ريكوست من السيفر و بهل حاله في غلط بالشبكله و بعد تمحيص و تنكيش و ضرب و قتل و محاربه بيتضحلي انو في خطأ بالغت وي و الحل لازم رستارت لحتى التنين يشوفو بعض و في امتحان شغال يا سعدو
اظريت فوت بكل ادب اطلب من يلي عم يعمل امتحان انو تروك الجهاز بس شوي و بدي اعمل رستارت و انا بعرف انو لح يفصل امتحانو و يا عالم بيرجع من مطرح ما ترك او لا ...

المهم عندنا و عملنا رستارت و بعد عشر دقايق و نفسي موقف و عم حارب بيهن السيرفر و بين المخدم و بنشغل هل اب ديت ام شتغل و نزل اسم الشخص التاني هلا رحت شغلو الامتحان ليلي حكتلو وقف شوي و انا عم ادعي و اقرأ كل شي بعرفو من قران و انجيل و ارفع ايدي و نزلهم و صلب لحتى انو يمشي المهم مشي و بهيك نتهة مشكله عمرها ساعتين نشفة دمي فيهم الله ينشف دمهم الله يا ربي ينشف دمهم بس و يلعن هيك سيرفرات بقدمي

وشكرا

انو يسعد هالمسا
كيفكن حبايبي ان شاء الله بخير:D
انا اليوم ما بعرف ان كنت مبسوط ولا زعلان,,ان كان لازم افرح ولا ابكي.........
اليوم بصراحة حكيت مع امي عالانترنت و صرلي شي شهر ما سمعت صوتها او صوت حدا من سورية:cry::cry:
و صارت تحكيلي عن بنت اختي الصغيرة و كيف الكل مبسوطينفيها و طاير عقلن فيها.....:cry::cry:الا انا ما بعرف شي من شي ولا بحسن شوفها ولا اسمع صوتها وهيي عم تبكي:cry:ولا ضحكتها ولا اي شي عنها:cry:
و كمان خبرتني انو اختي التانية كمان حامل يعني رح يكون الحفيد التاني بالعيلة:o:o:o
ااااااااااخ الله يلعن ابو الدراسة اللي جبرتني اطلع برى سورية:cry:بس يا اخي الواحد شو بدو يعمل ببلدو اذا ما بيحسن يحقق طموحو و يدرس اللي بدو ياه ببلدو و يأمن مستقبلو..................:cry:

لك يا حب الله يرجعك الهم سالم غانم يا رب ، شو رايك تنزل معي باخر شهر 12 ولو ولله بنروق شوي

يا صاحبي انا اليوم كنت مضغوط كتير كتير كتير وحياتك من الساعه 4 للساعه 9 و شوي و انا عم اركد من المكتب للسيرفر لقاعة الامتحنات ، لهاد عم يسال و لهاد بدو يمتحن و لهاد بدو ظراب السخن المهم شريك خلصة شغل رجعة علبيت اكلت صحن ملوخيه على كيف كيف كيفك ، و هي كاسة الشاي جنبي و السيجاره بايدي و عم نتابع اخر التطورات بهل موقع الجميل جدا جزيلا

الله يعطيك العافيه خيي ASH

اما انا اليوم صحيت الصبح مريض بالانفلونزا ورحت عالجامعة متل القتيل وهلأ خلصت محاضرات وعم بحبش بالاخوية

بدنا مساعدة منك د.ابو السيم كيف بدنا نقضي على الانفلونزا

لك اسمع استشارتي انا
خدلك شي حمام بارد واستنى ليصير الجو بارد واطلع وشوف كيف رح تصير!!!!!!!!!!
لا عم امزح الف لا بأس عليك وانشالله عدوينك الله يشفيك
اتدفى منيح واشرب لموناضة وانشالله بتصير احسن
;)

هلا انا لاه مافي شي عندي لاني مشغول كتير شبيبه بس لنا عوده او وينو ابو السيم اليوم ؟؟

بعدين سلامتك يا معلم الف سلامه
ونورتي وشم ولله الك وحشه

الله يسلمك حبيب
:D