هلأ انا طالع خلقي من الشغل و من كل شي اسمو سيرفر بتاريخ البشريه
ويلي بيطعج بيجيني واحد حمار بدو يفهمني شو اعمل وشو ما اعمل ، لا و بيتنطوط بتقوم بتخرطو الكف الصباحي مشان يهدا و بتنتظر يجي المدير ليحل هل مشكله بينكم ..
بتحكيلو مشكلة سوتش بيحكيلك لا ايبي ، بتحكيلو يا ابن الرب السيرفر شايف الجهاز بس مافي داتا عم توصل بيحكيلك لا ايبي ، بتحكيلو يامولا فهام على ربي بيظل متنح يلعن ابو الهند بس ، اخي مافي مجال نخرط كف و بنتظار القادم

وشكلي اليوم بس يجي المدير بدي فوت ارجي الزنبع من اين ينبع كمان

شعوري بالغربه بهوي.... اي اي سيدي بهوي... مو هديك التهوايه الي بتعطيك هوى ناعم .. لالا خيو راح فكرك لبعيد وكتير كمان .. في نوع تاني هوي النوع الي بهوي .. هاد هوي كيف بدي قلك يعني ممممم لما تحس حالك قاعد بين غرب لما حد يتحركشك بالطريق وما بتقدر تعمل شي شنو ما حدا لحدا لما بتشتاق تشرب كاس مع رفقاتك لما بتشتاق تسهر للصبح وتتمشى بالوارع القديمه لما بتشتاق للبشر بتشتاق للبسمه بتشتاق للنخوة اي سيدي للنخوة يعني فيني قلك بتشتاق لحالك :cry:

غرباء بالرغم من كل من هم حولنا
غربة الروح اشق وامضى من غربة الجسد....وألم الرحيل عن الذات هو الذي لا يطاق
الف تحية لكل المتغربين ومية وردة لاش ولوليت ووسيمو وx52

ايييييييه يا ريمي اييييه خليها لربك......خليها بالقلب تجرح ولا تطلع لبرى و تفضح
قال بيقولولك اذا كل هالشي بتحب بلدك و بشتاق ليش اتغربت روح ارجاع على بلدك و عيش بين اهلك وناسك و خليك مبسوط
اي على عيني كلامكن صحيح بس مو للاخر...يعني اذا بدنا نرجع لبلدنا و نسكن هنيك انا من ناحيتي مثلا ما بقى فيني ادرس هنيك بسورية لانو شهادتي البكلوريا صارت قديمة و ما بيحقلي عيدها يعني مجبر عالدراسة بالغربة و بعد ما خلص دراسة كمان ما فيني ارجع لبلدي لانو بصراحة و من ناحية مادية بسيطة رح احسبها انو انا عم ادفع سنويا تقريبا 10000 يورو بين تكاليف الجامعة و مصروف المعيشة هون اي بقى اذا بدي ارجع و اشتغل بسورية اي بقضي عمري كلو ما بجمع هالمبلغ اللي رح كون دفعتو لبين ما خلص دراستي بقى وين بدي ارجع قولولي:cry:
عالهامش: نورتي الموضوع والله:D:D
طيب واذا اجتمعوا غربة الروح و غربة الجسد ساعتها شو بيصير بالانسان:cry::cry:
ميت اهلين و سهلين

طوووووووووول بالك يا روح......لا تعمل لحالك مشاكل انت بغنى عنها كلو بسبب التعصيب
ابو عبيد كل شي بدو روااااااااق عالاخر:larg::larg:
اعتبروا انو محشش يا اخي ولا تواخذو:o:o

يا عيني عليك يا ريمي يا عيني على هل حكي يعني شو بدي احكيلك حكتي شي من يلي بنفسي اي ولله
لما تشتاق لكل شي ما كنت تشتقلو لما كنت فيه ، لما بتشتاق للكل شي كنت تعتبرو ممل و انت ببلدك
لما بتشتاق لحالك بالطرقات و بتشتاق لايام الولدنه ..

ولله بتصدقو مشتاق ارجع متل ما كنت صغير مو مشان شي لا بس مشان عيش عمري كمان مره بالشام ، بتزكر اديش كنت مشاغب و اديش اتخنق و كل اسبوع اجي علبيت مفتوح راسي
او رجلي مجروحه من كتر ما اوقع علزفت
لا و بشتاق لريحة المازوت اي ولله لريحة المازوت ، كنت كل يوم لما ارجع بالباص عليبت اتزحلط بالباص من اخرو لاولو و الصدريه تصير كلها مازوت من نظافة الباص كل يوم امي تدعي عليهم و كل يوم تحكيلي لم يا عبد هدا لك هدا هدا يا عفريت ، كان ابي جايبلي 6 صدريات من هدول الزرق لوول بعتبار كنت مدرسه خاصه كنت بمدرسة الاخوه اخ على ايامها يا ربي كل يوم يا وسخها يا شقها و على ضرب لووووول

او لما كنت اهرب من البيت البس شحطاه كل فرده شكل لوووول
بتزكر كنت اهرب من المدرسه كمان من انا و صغير عندي ميلو للهروب لووول كنت شاطر بمدرستي هيك كانو يكتبولي على الجلاء يا ربي شو مشتقلو لهل جلاء ، كانو يكتبو تحت بالاخير :

" ذكي ، ممتاز ، من الأوئل ، ولكن مشاغب مشكلجي و كثير الحركه"

اي ولله يا ربي لو بدي اتزكر ايامي بالمدرسه تخيلو عمري 25 سنه من كتر ما ذاكرتي قويه بتزكر ايام مدرستي الابتدائي لليوم مستعد عدهم كلهم و احكيهم كلهم و ضحكم على هل ايام ...
فتحتيلي قريحتي على هل شي يا ريمي اي ولله

يسلمو على هل رد

اخي بدي اتهور خلص ماعد في مجال بعد رجعتي من السفر شوف بدي اخرطو سكين لهل هندي رجعو على الهند على ظهر الفيل بس ستنى علي ، يا رجل كفرني بالعبري اليوم ..
لح صلب و اتهود و ادعي و اقرا قرأن عليه غير هيك ما بيمشي الحال

اي صح مظبوط..أنا قلت بموضوع قصة اسمك أنو هاد دلع لاسمي الحقيقي..دلع بمعنى اختصار لاسمي الحقيقي شنو أنا اسمي دانة>>>دندون:p..وبعدين عادي..مافي أشكال ولو بتمون أنكل وسيم:p
مشان هي البنت..خلص يا زلمة توكل على الله و لا حول ولا قوة إلا بالله..يعني حاببا انت اكتر..بقا كلو أنشاء الله بيقلب لصاحلك..بركي بتترك شغلا:o:o
يلي ما قالولك عني اني بشتغل قارئة فنجان و بيض الفال و ابشبش في الودع بعد الضهر:deal:

لك ضحكتني..اتاريك مهضوم و انت معصب..إذا هندي الزلمة قيم أيدك منو خاااااالص الزلمة..بعدين روق يا أبو زهدي..ولو..أنشاء الله عمرو الشغل..عميل متلي..أنا اتخانقت مع الكل و تركت:o:o..

يي عليكي رح تبكيني..بس اد ماكان انتي ببلد عربي..تعي شوفي يلي ببلد غربي..شي بيهوي التهواية الأصلية يلي على كيف كيفك :tears:

وسيم حكيك كتير صح..لو فينا نرجع على بلدنا و نضمن عيشة هنية بنرجع اليوم قبل بكرا..بس الواحد شو بدو يحكي..:cry::cry:

ذكرتني بأيام الابتدائي..كانو هالآنسات يطعموني أكلات غير شكل..شني كنت كتير لذيذة..بس بجلائي يكتبو كثيرة الكلام يعني ثرثارة..لعما شو اتجاكر..شو بدي أعمل إذا أنا طبعي اجتماعي:lol::lol:

يحرق حريشك ما بعرف بدي اضحك ولا ابكي يا رجل...............................ماني م اعرف شو بدي رد او علق على هيك رد..........سكتتني و ربطللي لساني:cry::cry:
:o:oليك الملعون ليك علمني شي كم كفرية بالعبري بحياة ابوك:p:p
شو انكل وسيم مو انكل وسيم العمى لك ساويتيني ختيار وعالعكازة:shock::shock:
:deal::deal:

غربتك وانت برة وطنك بتهون لما تكون غريب بوطنك

هالحكي بيطلع لما الواحد ما يكون مجرب الغربة برات الوطن..هلق أنتو ماعم ادققو على أصغر الشغلات يلي بتفرحنا نحنا يلي صرنا غربا

سارة شبك انتي هيك متشائمة من وطنك؟؟؟؟؟؟هاتي لنشوف فضفضي قلبك هون لنتشارك كلنا بالهموم سوا:deal:
هلق حكيك صح ولا غبار عليه بس طولي بالك عليها شوية لنشوف شو قصتها

اي معلم البعض منن سئيل والبعض التاني رواء لدينون بس ماخرج اطحش فيهن مو فاضيين
واليوم كان عندن استعراض ع الكورنيش بشان شعار الالعاب الاسيوية 2016 بالدوحة

وانا اختي ما حكيت هالحكي الا لاني جربت الغربة برة الوطن