|
معلش شو صار سوريــا متل النار...!
خلص الشوط الاول لصالح المنتخب العراقي.... :pos::D 2-0... اول جول من ضربة جزاء..:pos:... اخدوها من خطأ غبي ..:frown:.! وتاني جول .. بجدارة ..... :D ضيعو الشباب .:x. كم فرصة ممتازة ...:cry: ع كل حال...مستوى جيد لمنتخبنا..;-). بس الجيد اكتر من هيك.:lol:..هوي صوت الجماهير..لك طاغي ع صوت العراقيين...مع انو الحضور العراقي اكتر بكتتتتتير من الحضور السوري....:o. ضايل معنا شوط...رح تشعلل المباراة...ونعوض باذن الله..:yahoo:.! كانت معكن ريم ... من قلب الحدث....:D |
:x:x:x
يلا الشوط التاني النا انشاله :yahoo::yahoo::yahoo: |
:jakoush::jakoush::jakoush::jakoush::jakoush:
معليش شو صااااااااار سوريا متل الناااااااااار :gem: |
اقتباس:
لك صوت السوريين معبي الملعب.:hart:.. شوي بقلك...عندك بحريه يا ريييييس ...وبكمل واخر شي بقول.. وصلني سوريا ..يا ريييس:yahoo: وبعدين بقولو.... الله سوريا وبشار وبس...:clap: وبيرجع بقول ... من سوريا الاسد جينا..ومن حلب الشهباء جيينا..ومن الشاغور جيينا..:gem:.وبعد هدول ما عاد فهمت عليه..:?.! بلش الشوط التاني....:larg: بااااااااااااااااااااااااي ...يا رب :clap: |
وأنا مع أيران
:clap::clap: والله ايران موقفا معنا زلومي .. :lol: |
الي رجعة للتحليل:D
وهارد لك شباب:cry: |
لا تعليـــق على اداء منتخبا:cry:
|
عادي عادي....
اصلا اخر جول للعراق تسلل...:pos: منتخبنا لعب باستبسال بالشوط التاني وخصوصا ببدايتو...:yahoo: ضاعت علينا ضربة جزاء..من هالحكم الغبي...:x لما وقع ماهر السيد .:cry:... بسيطة بسيطة...المهم لعبنا حلووو كتتتتتير ...:larg:.! |
انو معلم لا تنسى انو من يومين مسحنا فيكون الارض بارضكون وبين جمهوركون وبمنتخب مهتري عايف التنكو. مو لعبان ولا مباراة قبل البطولة.
فرجاء بلا اللعي الفاضي. بس تلعبو معنا وتخسرونا انتو 3-0 تعا وقتها احكي ولو اني بعرف انو اداء المنتخب زفت بس ما توقعت يخسر 3-0 وخصوصي انو نص لعيبة العراق الاساسيين ما لعبو. (هيك حسب ما فهمت) بكل الاحوال انشالله البطولة الجاي يكون صار عنا منتخب. وما حدا يحط الحق عالحكم. لانو فريق دخل عليه 3 غوال اكيد اكيد ما خسر من الحكم |
اقتباس:
الجول التاني..كان حلو.... اجى بجدارة...حلال عليهون:ss:...! الجول التالت .... كان فيو تسلل..:x.حسب ما شفت....حتى المعلق قال تسلل!!!:?!! ضاعت علينا ضربة جزاء...وقت ما فركشوه لماهر السيد..بس الحاكم... انعمى ع حظنا..:jakoush:..! بس اكيد اكيد ... كان ادائهن منيح... :D رح تبلش مباراة الاردن وايران...لنقوم انشجع ايران :clap: |
المنتخب السوري خسر اليوم، هذا أمر واقع...
المنتخب السوري يستحق الخسارة اليوم، كمان هذا أمر واقع... النتيجة كبيرة بخسارتنا بثلاثة أهداف، كمان هالشي صح... بس أنا بعتبر أنو الخسارة الأكبر كانت لأخوية!!!! أنا ما كنت بتصور أنو يوصل مستوى الحديث لهون.... (أخص بحديثي نسيم بالدرجة الأولى والباقي بالدرجة الثانية)... ما بدي احكي كتير بس عندي طلب صغير: أرجو من الجميع عدم الرد على هذا الموضوع وعدم فسح المجال أمام مهاترات من هذا النوع... ريثما يتدخل المعني على هذا القسم ويطهر أخوية من هذه الألفاظ التي لم أعتد على سماعها لا بأخوية ولا بغير أخوية!!!!! |
اقتباس:
حبيبنا فارس نحن مابدينا معو هو اللي بدي وشغال كلام واكل هوا وبدو يمسح الكرامة واكل هوا انا اذا انمسحت الردود مامشكلة مافارقة بس دير بالك انو هو اللي بدي .. :D |
بلا نار بلا بطيخ
كل بطولة منقول نفس الكلام ... و قبل كل بطولة نفس التفاؤل .. و بعد خروجنا من كل بطولة نفس الحجج يا جماعة كان منتخبنا متل الهبلان بالملعب .. تمريرات غلط .. تسديدات بعيدة وبلا معنى .. ما في ولا لاعب بمستواه ... و اسخف شي بهالمنتخب كلو ... هالمدرب ... يا أخي دول العالم صارت ترصد لمدرب المنتخب مبلغ مادي كبير .. ونحن معندين على المدرب الوطني .. على اساس نحنا عباقرة بكرة القدم و عنا خبرات عظيمة .. طيب ما شي أنا أجيت معهم على المدرب الوطني بس يحطو مدرب فهمان .. مو ( فجر ابراهيم ) إي حاج ولووووو ... والله قرفنا الرياضة السورية .. أحسن شي تابع بطولة العالم للكريكيت :frown: |
هو صراحة المدربين السوريين مو سيئين.
بس فجر ابراهيم بحياتو ما درب فريق. حسب ما بعرف انو طول عمرو كان مساعد مدرب. يقوم هيك يحطوه مدرب للمنتخب :shock: مع هيك الحق مو كلو عليه. المشكلة باللي ما عم يأمن للمنتخب اللازم. واللي هو الاتحاد الرياضي |
انا من اول البطولة ومع الفوين اللي فزناهن عبقول عن فجر ابراهيم بياع بطاطا وماخرجوا يدرب بالمرة
وانا استغربت من الاول انو كيف لهلأ حاطينو مدرب للمنتخب يعني اقسم بالله احترق قلبي على الخسارة اللي خسرناها بعد ماانبسطنا اخر الشي اكلنا هوا :frown: يعني والله هي مي حالة يعني الله كاتب علينا انو مانفرح بيوم من الايام وتكمل فرحتنا :cry: ااااااااااااااااااااااااا خ بس |
والله صراحة انا كنت معتزل متابعة الرياضة السورية.
بس بعد ما شفت فريق الشباب شو عمل بكأس العالم. وفريق الكرامة شو عمل باسيا. قلت والله كرتنا عم تتطور معناها. قام ليك وين وصلنا بالتطور. هديك السنة. مدري من سنتين. خسرنا ببطولة العرب قدام العراق بضربات الجزاء بالمبارات النهائية. هلق خسرنا قدام العراق بغرب اسيا 3-0 بالربع مدري نصف نهائي |
اقتباس:
وبغرب اسيا بقطر عدلناهن بالدقيقة 91 بالوقت بدل الضيع وضلينا مصمدين معن الشوطين الاضافيين وفازو علينا بضربات الجزاء على مااعتقد بعني بالعربي كل بطولة مستوانا عبتراجع معن يعني ياهنن عبتقدموا وبيطوروا يا اما نحن عمنرجع كل مالنا لورا :shock::? |
أنا قلبي قابضني من هلأ ع المنتخب الأولمبي!!!
حاسس أنو رح نتبهدل كمان!! الله يستر... لا كرامة بدون فريق الكرامة :D:D |
لا بأكدلك انو نحن اللي عم نرجع لورا
|
اقتباس:
خليك متأكد ;-) |
ايمتى الاولمبي؟
|
اقتباس:
يعني هلأ عملتولنا الرياضة السورية كلا نادي الكرامة :? |
لك معلم هلق مين عم يجيب نتائج كبيرة على الصعيد الاسيوي والعربي بسوريا؟؟
الكرامة. اي خلص معناها. انشالله سنة الجاي الاتحاد كمان بيوصل متل نادي الكرامة. ومنلعب معو بالمباراة النهائية بكأس اسيا. ومنخسرو ومنتأهل على كأس العالم. ولانو بيعجبهون اداء الاتحاد كمان بخلوه يلعب بكأس العالم. ومنلتقى كمان مع الاتحاد بالمباراة النهائية بكأس العالم. وكمان منخسرو. هيك منكون ربحنا كأس العالم. ومنكون عملنالك عقدة :p |
اقتباس:
بس الكرامة بضل نادي مو الكرة السورية كلا المهم ماعلينا .. خيو اذا وصلنا ع النهائي بكأس اسيا نحن منفوز ع ليكن وبالمباراة النهائية بكأس العالم للاندية انتو منخليكن تفوزو علينا :yahoo: وهيك منطلع خالصين اتفقنا :deal: |
يعني حسب معلوماتي البسيطة عن الطابة .. والمنتخبات ...
بس يعني فريق العراق .. لعيبة .. ويمكن لو ما الظروف والواسطات من احسن الفرق العربية ... انو احسا من اللي عنا ... لما كنا نلعب بالحارة كنا نلعب احسن من هيك ... هارد لاك ... ومبروك لأخواتنا العراقيين ... ( مو هيك الروح الرياضية ) الله يرحمك يا عدنان بوظو |
اقتباس:
بس ملاحظة شفت الشباب عم تنفخ بالكرامي كتير بدي قلكم مبارح شفتو لعيبة الكرامة وكيف هنن اللي ضيعو اغلب المباراة ما عم قول انو الفريق منيح بس لو جهاد الحسين حاطط الانفرادتين وهاد الدب جنيات لو ما اشتغل شويطة طول اللعبة كان يعني فيها امل اوك المنتخب فلتان بس يا خيو بدو رص هاد جنيات والتاني جهاد ينعن كفرو لكن معقول لحالك مع الجول وتجي بدك تبيضو والله انقهرت مبارح لانو حرام سيدي ما مشكلة باذن الله موفقة سورية:D |
الجنيات انا معك.
مدري شبو, عم يشوط عالفاضي. تسرع كتير, اخطاء كتيرة, ولسى فوقها طلع للطابة بايدو بمنطقة الجزاء :shock: (بس يا خيو مع الكرامة شغلة كبيرة) بس جهاد الحسين بدك تسمحلي. هو عمل نص فرص الفريق. بهاي المباراة والمباريات اللي قبلها. |
لك اي والله بحبو بس لاعب مالو عللاقة بشي اسمو جول
يعني ما بعرف رجلو كتير ضعيفة وخالص لدرجة مو طبيعية قدام الجول مع الكرامة او المنتخب لازم يدرب حالو كتير على هي النقطة لانو بيطلع معو حرام |
لك لعمى
هلق انت ما كان عندك درس؟؟ اي روح دروس روح :willi: عالم ما بتنعطى وش. :pos: |
:lol:
شوفو مين عم يحكي... انا بكرا بخلص اي صحي لهلا ما دقرتو للكتاب بس والله ما بيطلع بايدي ادرس الا اذا حسيت حالي اكلتها وما عاد لحق;-) |
اقتباس:
يعني بربك عاطف جنيات هادا لاعب لك عبط الطابة عبط بايدو لك انو حدا هيك بيعمل هالحركة يمنطقة الجزاء وبدافع عن وشو بايدي التنتين :? يعني بربي لما منلعب بالحارة ابشع لعيب مابعمل هالحركة وهي بالحارة هه بقى شلون بمباراة رسمية وبمنتخب :pos: جهاد الحسين ما اختلفنا لعيب وبعدي وكتير انبهرنا في وماعليه حكي بس انو يعني تعديات غير مثمرة يعني بعدي من عشرة وبفتل مدري شقد بس هو بوصل ع الكول وبنفرد بالحارس بكبا :frown: يعني مو حرام الانفرادة اللي ضيعا وكان ع يسار الحارس فاااااااااااااااااااااضي قام الاخ راح لعبلو ياها بالنص :shock::frown: يعني كفرنا مية كفرية علىه الحركة اللي عملا وكان في لاعبين ع يسارو كمان كان بيقدر يمررلن بس لعبا للحارس :jakoush: والجنيات عمل حركة بحياتي ماشفتا بكل المباريات :o وجهاد الحسين عين الله عليه لعيب ومافي متلو بس عند الكول انسىى مابعرف منتخب فايت ببعضو واللعيبة عبلعبوا بلا نفس من عاطف جنيات وانت نازل يعني داخلين ع الملعب غصبالعنن للاسف :pos: |
اقتباس:
قال كلن قال ريتك بتقربني على هالزكا بك حبيبي في تلت لعيبة اساسيين مادخلو بتشكيلة العراق وواحد منن هوار ملا محمد ولييييييييييييييييييييييي يييييي هادا كان بيلعب بقبرص وحول ع العين والاندية عبتتقاتل عليه هادا فنان بمعنى الكلمة يعني لو دخل الله واعلم شو كان صار فينا :cry: |
جهادووووو شغلة كبيرة كتير... وهو برأيي شايل الفريق، مشان هيك ما بينعتب عليه إذا كب شي طابة برات الغول... بينما عاطف جنيات!!! آآآخ... ما بعرف شو بدي احكي... لك الزلمي لعيب... بس كتير سويعاتي.. يعني مبدأياً ما قدم مع المنتخب نص يلي بيقدمو مع الكرامة! رغم أنو كمان مع الكرامة أوقات بيكون رائع وأوقات أخرى بتحسو مالو علاقة!! أنا عاطف والبلحوس بصراحة ما كتير بيعجبوني (بالمنتخب + بالكرامة)... أما فيما يتعاق بحبي لنادي الكرامة... فوالله هالنادي غير شكل يا أخي... يعني بطل الدوري آخر سنتين ، وبطل دوري الشباب آخر 3 سنين... ووصيف آسيا السنة الماضية، وهالسنة لهلأ وصل لربع النهائي وما بعرف لوين ممكن يوصل.... يعني فريق محترم... أما بالنسبة لنادي الاتحاد، فهو فريق كبير كمان، وأنا أول مين بتمنى أنو يرجع لمستواه، خصوصاً بعد ما صدر قرار بحل الإدارة تبعيتو... يعني بركي الإدارة القادمة بتكون أحسن.. والكل بيتذكر أنو بالسنة الماضية بكأس آسيا لو لعب الاتحاد الذهاب (أول 3 مباريات) متل ما لعب بالإياب لكان اتأهل للدور التاني من البطولة.... يعني عندو لعيبة كتير مناح بس في سوء إدارة + بصراحة المدرب ما كتير بيعجبني... غير هدول الناديين قلي مين في عنا بسوريا؟؟؟ ما في حدا... كل سنة بيطلع شي فريق هيك طفرة وبيرجع بيتراجع مستواه السنة يلي بعدها... وبالتالي ما بحقلي انبسط وشوف حالي أنو بسوريا في فريق متل الكرامة ؟؟؟ :D:D |
1 ملف مرفق .
نسيت شغلة كمان... فريق الكرامة لم يخسر هادا الدوري ولا لعبة... وهادا الدوري والدوري يلي مضى لم يخسر ولا لعبة على أرضو... وببطولة آسيا السنة الماضية وببطولة آسيا هذه السنة حتى الآن، لم يخسر على أرضه ولا مباراة.... :D:D شوفولي هالكليب لجيهادوووووووووو ملاحظة: الدقة ما كتير واضحة مشان ما يكون حجم الملف كبير... هذا الكليب مأخوذ من منتديات نادي الكرامة، اقتضى التنويه.. :D:D |
اقتباس:
|
اقتباس:
لك سكتي سكتي... أنا بشجع الوثبة كمان!!! نزلو السنة ع الدرجة التانية.... :gem::gem: |
جيشاوية:larg:
|
اقتباس:
حكى بدري :o |
انا بكل تواضع عندي الحل الناجع والاكيد للكرة السورية اي اي لا تستغربو انا كنت لا عب تركس مهم المهم
انو يعطو لكل لاعب بالمنتخب بوصلة:? اي اي بوصلة لاتستغربو لانو الشباب بيلعبو منيح بس ما عندون فكرة وين اتجاه مرمى الخصم:o الشي التاني انو لازم يوزعوا لكل لاعب طبيب نفساني اي منشان ما يضل هاد اللاعب متوهم حالو انو افضل لاعب كرة قدم في العالم بس ظروفو السيئة هي يلي خليتو يلعب مع شوية لاعبين درجة عاشرة :p وبعدين شوفوا النتائج وحاسبوني اذا بدكون تحاسبوني :ss:ولا شو رأيكون؟؟؟؟ على فكرة ريمممممي مساك فرح |
لك اهلين وين الغيبه ؟
|
| الساعة بإيدك هلق يا سيدي 23:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون