|
سأهدم وطني
اسيادي الكرام ...قررت ان اهدم وطني ان أقتل الوطن ...ان اغتاله
اسيادي الكرام طبعا لا اقصد بالوطن ذلك الصرح الحضاري الشعبي المؤسساتي الذي لا يجرؤ احد على هدمه سوا الخونة وهو غير قابل للهدم اصلا نعم الوطن باق اقصد بالوطن ذلك الكم المعرفي الثقافي المنتشر بين الأفراد اقصد بالوطن تلك الأفكار السائدة المنتشرة بين ابناء الوطن بكل ما تحويه من تهميش للأخر وتطنيش وتخوين وتكفير اقصد بالوطن النزعة المفرطة في اقصاء والإستقصاء السياسي المعرفي الثقافي الديني اقصد الإلغاء بكل ما تحويه الكلمة من معنى سوف اهدم الوطن ..لأنه عندما يمتلئ الوطن بأفكار الإلغاء والتكفير الوطني والديني فلن يبنى الوطن من جديد إلا بهدمه واعادة خلقه بمعنى اخر وللتوضيح عندما تريد ان تنشأ صرحا او بناء ما على ارض تملكها ويملؤها الركام وعليها ما يرتفع عن سطح الأرض بشكل عشوائي خاطئ فعليك قبل ان تبدأ بالبناء ان تهدم كل تلك العشوائيات اشبه الأرض هنا بالأرضية او الخلفية الثقافية التي سينشأ عليها الوطن الحضاري الجديد واشبه الركام والبناء العشوائي السابق بالكم المعرفي المنتشر بين ابناء الوطن والقائم على التهميش والتخوين والتكفير والتي لا يمكن للوطن ان يبدا بها على هذا تصبح التجربة اللبنانية على سبيل المثال والتي يراها الجميع رمزا لفشل الديمقراطية اراها انا أنموذجا متقدما لبناء الوطن فلبنان الأن في مرحلة ازالة الركام عن الأرض وبعد ازالته سنرى لبنان الحضاري الجديد سيعي الشعب اللبناني بعد هذه المحنة حلاوة العيش المشترك وسيثور على كل القادة الذين القوا به في جحيم الفتنة نعم يا اسيادي إن لبنان تلك القطعة التي نعتبرها رمزا للضياع والتشتت علينا اليوم ان نعترف انها مرحلة تعيش مرحلة متقدمة من مراحل البناء الديمقراطي يا سادتي سأهدم وطني كي يعيش ظل جيفارا |
اقتباس:
بس في شغلة صغيرة او راي صغير عندي بتمنى تتقبلو بصدر رحب متل ما بعرفك الوطن اللي بنحكي عنو اي وطن بغض النظر أن كان سوريا او لبنان او..او لحتى يكون بناء متماسك وقوي لازم تكوت اسسه قوية ومتينة وبعتقد انو الحضارات اللي مرت وعملت هالوطن كانت متينة وعملت اساس قوي ومتين لبناء الوطن يعني خليني اعطيك مثال ممكن تشوف بناء قديم تقول هدا البناء رح ينهار بس هو بالحقيقة صامد وماممكن ينهار رغم شكلو الخارجي بيوحيلك انو هالبناء لازم ينهدم وينعاد بنائو من جديد ....بس لاء هيك بناء عظيم برأي بكون بحاجة لترميم كما الوطن بحاجة لاعادة تأهيل تحياتي إلك ظل جيفارا :D |
اقتباس:
هالكلام مو كتير دقيق .... بالعكس أثبت الشعب اللبناني من أكتر من 150عام أنو أكتر شعب بيتمسك بالركام يللي حكيت عنو و عم يتبعها بشكل بيشبه القطيع أكتر من أي دولة تانيةحتى أنو عندو هالركام أهم من الوطن نفسو و ماني شايف أي أثر لهالديمقراطية يللي عمن تحكي عنها ... بالعكس الشعب اللبناني كتير متمسك بزعاماتو ( العائلية ) |
رد
اول شي خليني علق على رد اخي مادماكس
انا ما حكيت هلأ انو في ديمقراطية بلبنان مخطئ من يظن ان هناك اي اثر لرواسب لبقايا ديمقراطية في منطقتنا بأكملها ولا ألوم الحكومات او السلطة ابدا ليس ذنبها هو ذنب المثقفين ورجال المجتمع لأن ثقافة الديمقراطية غير موجودة فلن يكون هناك ديمقراطية انا قلت سيدي إن لبنان تسبقنا بمراحل كثيرة في العمل لأجل الديمقراطية فلن يكون بناء إلا بعد هدم وزعامات لبنان تجر لبنان بشدة نحو الهاوية التي اسميها انا هدم الركام انا اعلم ان الزعامات تهدم الوطن واعلم ان هذا الهدم هو ما أريد فرنسا مثلا لم تبني نفسها إلا بثورة الطلاب على الوضع المذري الذي وصلت إليه إبان حكم الأباطرة وهاهي هي فرنسا اليوم مثالا يحتذى به ..... لم تكن لتصل إليه لولا تسارع حركة التذمر الشعبي وهذا ما سيحصل في لبنان نحن لم نصل إلى حالة التذمر وما زلنا نهوى واقعنا المتخلف ولا تبدو في الأفق ملامح تذمر من الواقع المتخلف لذا سنبقى فوق الركام نحيا اقتباس:
مية اهلين وسهلين فيك ابو سليمان طبعا حضرتك من الناس اللي بفتخر فيهن انا بأخوية سيدي الكريم الوطن بناء حضاري مؤسساتي شعبي ثقافي الثلاثة الأوائل لا تهدم كما قلت ولن تهدم ولكن الوطن بالفهوم الأخير هو ما علينا هدمه وكما أرى مشاكل المجتمع الثقافية لا يمكن ترميمها لربما حضرتك ترى من منظور اوسع ولكن ارى التكفير التهميش التطنيش التخوين لا ترمم بل تهدم وارى طريقة الحل الوحيدة هي الإنحدار المتسارع نحو الأسفل كي يعلم الخلق اين اخذهم الوضع في ظل عقائدهم الثقافية البالية التي نملكها الأن وشكرا لمرورك سيدي الكريم |
اقتباس:
|
رد
اقتباس:
اتوقع ان الفكرة الأساسية لم تصل واضحة |
اقتباس:
والمشكلة انو أساس كل شي مو تحرير لبنان ولا تقدم لبنان .. اساسو المصلحة الشخصية والسلطة .. والشعب بهمو اللي من جماعتو يوصل للسلطة مشان مصلحتو .. واذا غلطانة فهمني لانو مو قادرة توصل لعقلي فكرة انو تجربة لبنان تجربة ناجحة بأي شي .. وإلا بعد تاريخ الحافل بالحروب كان قدر يوصل لاستقرار . |
رد
اختي نيرفانا رح اشرح اكتر يمكن طريقتي اصلا غامضة بتبع طريقة المعنى في قلب المقموع ..على كل يا ريت تسمعيني ..........
كل ما اشتدت العاصفة فتكا عليك ان تعلمي ان بعد العاصفة سيعرف الناس ان كل ما حضروه من عتاد للعاصفة كان مفلسا في وجهها فيعودون لبناء امكانيات جديدة تمكنهم من بناء عتاد جديد يواجهون به العاصفة ..... أما المفلسون الذين لا يملكون عتادا للعاصفة مفلسين ويأملون ألا تأتي العاصفة فلن يعرفوا ابدا إفلاسهم .... لذا احلم بالعاصفة الهوجاء التي تدمر الوطن ليعلم ابناء الوطن كم كان عتادهم ضعيفا هذا في حالة وجود العتاد اتوقع اصبحت الصورة واضحة الأن لبنان الان يتحضر للعاصفة الفتاكة ...التي سيعرف بعدها الشعب كم كان مخطئا في بناء عتاد غير قادر على تحدي العواصف وسيبني بعدها العتاد القادر على ذلك أقسم لك اني اعلم ان العاصفة لو وصلت إلى أي بلد ثاني غير لبنان بنصف مقدار ما هي الأن عليه هناك لكان استفحل الغباء وظهر على حقيقته وليس كما تظهره بعض الوسائل التي لها مصلحة في اظهار الأمن مستتب ... شكرا |
رد
اختي نيرفانا رح اشرح اكتر يمكن طريقتي اصلا غامضة بتبع طريقة المعنى في قلب المقموع ..على كل يا ريت تسمعيني ..........
كل ما اشتدت العاصفة فتكا عليك ان تعلمي ان بعد العاصفة سيعرف الناس ان كل ما حضروه من عتاد للعاصفة كان مفلسا في وجهها فيعودون لبناء امكانيات جديدة تمكنهم من بناء عتاد جديد يواجهون به العاصفة ..... أما المفلسون الذين لا يملكون عتادا للعاصفة مفلسين ويأملون ألا تأتي العاصفة فلن يعرفوا ابدا إفلاسهم .... لذا احلم بالعاصفة الهوجاء التي تدمر الوطن ليعلم ابناء الوطن كم كان عتادهم ضعيفا هذا في حالة وجود العتاد اتوقع اصبحت الصورة واضحة الأن لبنان الان يتحضر للعاصفة الفتاكة ...التي سيعرف بعدها الشعب كم كان مخطئا في بناء عتاد غير قادر على تحدي العواصف وسيبني بعدها العتاد القادر على ذلك أقسم لك اني اعلم ان العاصفة لو وصلت إلى أي بلد ثاني غير لبنان بنصف مقدار ما هي الأن عليه هناك لكان استفحل الغباء وظهر على حقيقته وليس كما تظهره بعض الوسائل التي لها مصلحة في اظهار الأمن مستتب ... شكرا لمشاركتك ظل جيفارا |
اقتباس:
و طبعا متل ما بقول زياد : الشعب العنيد بالتيسنة يا سيدي لبنان بالفعل سابقنا بمراحل كتيرة بس مو بالديموقراطية بالعكس بالعبودية لما وطن كامل بيختزلوه بشخص .... ما بظن أنو هاد دليل لا حضارة و لا ديموقراطية و عنا نحنا اذا حاليا بتسمو هالمرحلة مرحلة قمع او دكتاتورية ...أو متل ما بدكون فهالمرحلة كتير عمرها قصير بالنسبة للتراث اللبناني بالتيسنة من أيام المير بشير و رفقاتو ....و الولاء بلبنان هو للعائلة ( الحاكمة للطائفة ) و مو للوطن يعني لسا بدهون عشرات السنين ليصير ولاءهم للطائفة بشكل عام و مو لعيلة وحدة و شوف بقى كم سنة بدهن ليوصلو لدستور علماني صدقني .... الركام بلبنان أهم بكتير من الوطن ( يللي لحد الآن مختلفين على هويتو ) :D |
اقتباس:
هلئ هون حصرنا موضوع الهدم بالناحية الثقافية وكمان انا هون بأيدك بس مو ضد الوطن هي مو ثقافه الوطن _ التهميش التطنيش التكفير التخوين ..الخ _ خليني احكي ببساطة المشكلة عنا مو بالثقافة الموجودة بالوطن المشاكل متل ما قلت انت تماما مشاكل المجتمع الثقافية يعني العلة بالمجتمع _عقائد ثقافية بالية _ اما لما بنحكي عن وطن هيك بنكون شملنا تاريخنا الثقافي كلو يلي هو اهم إرث إلنا بهالوطن بس المشكلة تماما بالمجتمع باشباه المثقفين المعتنقين اشباه الثقافات واشباه العقائد اللي ذكرناهن سابقا بموضوعك الرائع هدر المثقفين هدول اللي لازم نسئصلهم من الوطن ونرجع نزرع بذور الثقافة اللي نشأ عليها واللي وصلتنابمراحل سابقة لوحدة وطنية ..او للمصطلح المنافي للمصطلحات اللي ذكرتها وانشاالله تكون وجهة نظري_ طبعا مانها من منظور واسع لاني ما بمتلكو _ وجدت مكان عندك لنرجع اناقشها مع كل المحبة :D .... |
اقتباس:
بتمنى لبنان يتقدم ويتطور نتيجة لهالتجربة بس انا بشك .. لانو معظم الأطراف هدفهم مو مصلحة الوطن بل مصلحتهم الشخصية ... لانو الوطن يحتمل أكثر من رأي وموقف واتجاه .. اذا تفاعلو كما يجب في سبيل مصلحة الوطن .. والشعب يحاسب الجميع .. (هاي هيي الديمقراطية) |
اقتباس:
يا صديقي عكس التجربة اللبنانية تجربة الدول اللي بتقلك الشعب ما خرجو ديمقراطية لهيك خلينا عايشين بنظام شمولي وهو عم يبني الوطن.... طيب انا معكن الشعب ما خرجو ديمقراطية صحيح ما خرجو بس هالشي مو معناه انو نعيش بنظام شمولي طولة العمر بدنا نعلم الشعب الثقافة الديمقراطية ولحتى نعلمو بدنا نلغي الأفكار السلبية الموجودة بوسط الشعب تمام يعني مو ضروري اذا كان الشعب ما خرج ديمقراطية نروح نرضى نعيش بنظام شمولي طولة العمر ........... الشغلة التانية انو بيطلع معي لبنان متقدم بكل بساطة لأنو هالشغلات " الحرتوكات : جمع حرتوكة وهي الحركات الهدامة ههه" هي الشغلات اللي عم تصير رح تخلي الناس تصحى شي يوم وتقلك ولك يا خيي لحنا ع ورين رايحين ما ولادنا ماتو وبيوتنا تهدموا بدنا نضل " ........" وبيصير تغيير بالوضع عرفت عليني كيف ..... شكرا إلك أما انو نضل بنظام شمولي فحياة عمره ما رح يتغير شي بالوضع ورح نضل شعب "....." لهيك انا برأيي لبنان سابقنا لأنو هنيك في حركات عم تصير يعني رح يصير تغيير اما لحنا فمتل ما لحنا أفضل مراحلنا كانت بالأربعينات يمكن ومن وقتا لهلأ متل ما لحنا .. |
اقتباس:
سيدي الكريم طبعا الهدم محصور بالناحية الثقافية هيدا شي اكيد . تقول ان هذه الثقافة -التخوين التهميش الإلغاء - ليست ثقافة الوطن أقول لا بل هي ثقافة الوطن لأنها ثقافة الأفراد المشكلين للوطن ثقافيا فهي بالتالي ثقافة الوطن ..... طبعا هذا لا يشمل تاريخ الوطن الثقافي لأن الوطن قد مر بمراحل مختلفة منها ما هو متقدم ومنها ما هو متخلف كما نحياه الأن لأننا نعاني من اشباه المثقفين ومن اشباه الثقافات كما تفضلت حضرتك ... انا اقصد الوطن حاليا واجهة الوطن هي الحاضر وليس الماضي الذي نفتخر به ثقافة الإلغاء كما أراها تستفحل بين ابناء الشعب أرى لا سبيل لحلها إلا بحرب طاحنة تعلم الناس كيف تكون نهاية طريق الإلغاء ..لكي لا يلغى احد ... لا يمكن ان يلغى احد من الخارطة الإجتماعية الثقافية السياسية للوطن ويفرح لهذا لا بد ان هناك حقدا دفينا على من ألغاه وسيفجر حقده يوما ما على من تجرأ عليه ..... والعاقبة وخيمة ..... |
اقتباس:
سيدي الكريم طبعا الهدم محصور بالناحية الثقافية هيدا شي اكيد . تقول ان هذه الثقافة -التخوين التهميش الإلغاء - ليست ثقافة الوطن أقول لا بل هي ثقافة الوطن لأنها ثقافة الأفراد المشكلين للوطن ثقافيا فهي بالتالي ثقافة الوطن ..... طبعا هذا لا يشمل تاريخ الوطن الثقافي لأن الوطن قد مر بمراحل مختلفة منها ما هو متقدم ومنها ما هو متخلف كما نحياه الأن لأننا نعاني من اشباه المثقفين ومن اشباه الثقافات كما تفضلت حضرتك ... انا اقصد الوطن حاليا واجهة الوطن هي الحاضر وليس الماضي الذي نفتخر به ثقافة الإلغاء كما أراها تستفحل بين ابناء الشعب أرى لا سبيل لحلها إلا بحرب طاحنة تعلم الناس كيف تكون نهاية طريق الإلغاء ..لكي لا يلغى احد ... لا يمكن ان يلغى احد من الخارطة الإجتماعية الثقافية السياسية للوطن ويفرح لهذا لا بد ان هناك حقدا دفينا على من ألغاه وسيفجر حقده يوما ما على من تجرأ عليه ..... والعاقبة وخيمة ..... اتمنى متابعة الحوار معك سيدي الكريم .....أفتخر بالحوار معك سيدي |
رد ثاني
اقتباس:
في شي انضاف هو رغبة واضحة عند القياديات ومن ورائها الشعب بعدم الإنجرار إلى حرب أهلية بل التركيز على الوسائل التي تعتبرها الدولة مشروعة ....التظاهر الإضراب ولملمة اي مظهر من مظاهر الإقتتال كما حصل في الثلاثاء الأسود هي مسار حلزوني للتطور في نصفها العلوي حياة ديمقراطية في نصفها السفلي حياة غير مستقرة في أسفلها قمع مع حياة مستقرة سيئة جدا شكرا لمرورك |
اقتباس:
بس انك تحكي عن التجربة اللبنانية على انها تجربة صحيحة ... فهالحكي فيه مغالطات كتير و اذا بترجع للتاريخ شوي ... بتلاقي أنو ( الحرتوكات )اللبنانية مو جديدة من عدة قرون و لبنان عم يتحرتك يعني بالقرن العشرين كل الدول العربية هديت الا لبنان ( التحرتك ) فيه مستمر و مع هيك ما شفت حدا بلبنان صحي ... لا بالعكس كل مانهون لورا |
اقتباس:
بس بتضل احسن من السكوت التام على حالة غير دول ....... للحديث بقية |
اقتباس:
تمام كتير هالحديث اذا بدنا نحكي عن الوطن بمقياس هالعالم اسمحلي قول انو هاد اشلاء وطن وبقايا وطن بس اخي الكريم وين راحت العالم المثقفة بجد يعني وقت بسمع حديث حلو متل حديثك بقول لسه الوطن بخير وبغض النظر عن العالم التانيه . وكمان شغلة تانية انو لا سبيل إلا لحرب طاحنة كلام صحيح مية بالمية ليرجع يصير في وحدة وطنية بس هلئ ما بيصير نتعلم من اخطاء الغير ما بيصير وحدة وطنية من تجارب الغير يعني شفنا شو صار بالعراق وعم نشوف شو عم يصير ب لبنان بالرغم من انك اعتبرتها بمرحلة متطورة اكتر بس ماضروري نعبر هيك مرحلة لنوصل لوحدة وطنية ع كل حال هلئ إلي رجعة تانية تحياتي إلك :D |
صديقي العزيز ابو سليمان يشرفني استكمال الحوار ...
صديقي رغم ان الأمثال الشعبية المعروفة تبقى في إطارها العام شعبية ويبقى الشعب بإطاره العام دون الحد المطلوب من الثقافة ولكن هناك بعض تلك الأمثال نابع عن خبرة في الحياة وتقول الأمثال : ما حدا بيتعلم غير من كيسو وهيك لازم يصير كما قال ماركس : ضرورة حتمية للتاريخ ... |
اقتباس:
وهدا المثل الشعبي انا بايدو تماما ولهون انا معك بس انت برأيك شو نسبة التهميش عنا بالنسبة لباقي الدول وبرأيك التهميش اللي عنا نابع من حرية فكرية .. وانا هدا الشي بستبعدو تماما او انو نابع من احقاد تاريخية خفية وبالنسبة لماركس كلامو مافني قلك شي عنو لانو بالتأكيد اللي لازم يصير رح يكون نتيجة ضرورة حتمية لنوصل للشي المطلوب تحياتي إلك |
اقتباس:
أنا بتمنى تكون وجهة نظرك هيي الصح .. لأنو رأيي بهالموضوع بالذات سوداوي جدا .. عأي حال دائما الشعب ضحية مع انه في بعض الأحيان يكون القاتل والضحية بنفس الوقت بسكوته واستسلامه .. والقيادات واللي كمان بتمثل جزء من الشعب اذا مو كلو اسلوبهم بالحوار "الديمقراطي" وتراشق الاتهامات والاهانات كافي لزرع فتنة بين الطوائف والأحزاب وكافة الأطراف. شكرا الك عالموضوع |
اقتباس:
أما مشان اسباب التهميش ف برأيي ما بنختلف على اسبابها كتيرة كتير .... وانا معك بكلشي حكيته تحياتي لأصحاب العقول ...سيدي الكريم .انت منهم احترامي الشديد لك ... اقتباس:
ارحب بمرورك على مواضيعي ...شكرا للحوار |
اقتباس:
لو انو بالعنوان .. اعتقد ما توافق مع المضمون .. لكن وصلت الفكرة .. وهذا الاهم .. أكبر خطر بيهدد نمو مجتمعاتنا .. و أوطانا ... هو ( تهميش الآخر ) و الالغاء .. و عدم تقبل شريك في المواطنة .. .. ولحتى نعيش الديمقراطية .. ما بيكفي نستورها ,., ونتعلمها من آخرين .. (رأي شخصي - طبعا ) الأهم بالديمقراطية .. لما نتربى عليها .. ونربي أجيال عليها ... ونتعود عليها ... الديمقراطية وعي .. والوعي ممارسة طبعا ... عشان ما بيكفي ندرس عنها .. لازم نمارسها .. بالبيت .. بالأسرة .. مع فريق العمل .. الخ .. لحتى تصير نمط بحياتنا بشكل عام ...!!! اشكرك مجدداً اقتباس:
اعتقد انو المقصود بالتجربة اللبنانية ... المساحة الموجودة من المطالبة بالديمقراطية ,,, بغض النظر عن عبودية او ديمقراطية... أكيد ب بلد متل لبنان بتحكمه 18 طائفة ... و 18 جهاز مخابرات ... ما رح يكون في ديمقراطية ... وفي جملة عن ( سليم الحص ) : " لبنان بلد الحريات .. لا الديمقراطية " اذا بتتطلع على مؤسسات المجتمع المدني بلبنان .. بتشوف اديش حجم النشاط .. اللي بيعملوه من أجل رفع مستوى الوعي عند جمهور كبير من الشباب ...يعني ممكن لو في ظروف ب لبنان أحسن من هيك .. ممكن يتحسن وضع الديمقراطية !! اقتباس:
بس و حياة الكرامة والشعب العنيد ..وغلاوتك ... !!! اعذرني ... يمكن أكتر شعبنا ما بيعرف شو يعني ديمقراطية !! |
سيدي الكريم ظل جيفارا
اول شي بعتذر عن الرد الاخير وعن كلمة اجدب يعني ماحلوة بموضوع إلك لان مواضيعك ماحلو يكون فيها جئ ولوص اخي العزيز انا بس بدي احكي شغلة صغيرة بعد ما قرأت الردود اكتر من مرة هلئ انا ما بدي قارن حالتنا الوطنية بأي بلد تاني ولا بدي ناقش موضوع الديمقراطية ب لبنان او غيرها مع احترامي لجميع اللي ردو وما بقصد الانقاص من مقدار ردودكن وبتعرفو اكيد بس طالما في عالم متلكن عم يعايشو هالواقع فأكيد احنا بألف خير هلئ خليني احكي من المحيط الكنت موجود فيه بسوريا ما بقلك ما كان في تهميش او تخوين او ..او هلئ بما انو عنا قاعدة من الشباب اللي فكرها نضيف يعني عنا ارضيه لنوقف بوجه إلغاء الآخر كمان شغلة وقت برجع بفكر بايام الاحتلال العثماني او الفرنسي بشوف انو كان في وحدة وطنية كان في احترام للآخر وفي وحدة بالصفوف السياسية والطائفية و.و.و بس من بعدما اخدنا الاستقلال بلشت هالامور تظهر لوصلنا لهون يعني لازم نكون محكومين من احتلال ما لنوقف بصف واحد لازم نرجع لايام المقاومة بعتقد انو لاء هاد الشي ما بقى ينفع متضر قارن هون الوضع بفلسطين يلي ما زالت محتلة بس عضوهن مجال صغير ليحكمو حالهن اشتغلو ببعض وبلش كل مين بدو يلغي التاني اكيد احنا مو بحاجة هالشي صرنا بمرحلة متقدمة اكتر بالعالم اللي متلك سيدي الكريم انت وكتير اعضاء امراة من ويرق ماد ماكس نيرفانا كهربجي وكتيرين يعني وقت بتشوف هالعالم بتتاكد انو فينا نوقف بوجه هالالغاء انشاالله ماكون تقلت عليك بكتر الحكي وكون قدرت وصلك وجهة نظري البسيطة |
اقتباس:
تاني شي لهون موافق مية بالمية على كل كلامك اقتباس:
في النهاية تحياتي لمرورك الكريم اخي قهوي دايمي |
اقتباس:
اخي الكريم نعود للنقاش .... اقتباس:
فلا أتوقع ان التسامح الطائفي واللحمة الوطنية كانت سائدة في اي عصر رغم ان البعض يحاول ان يظهر ان هناك وحدة كانت سائدة في مواجهة الإحتلال الفرنسي ولكن هذا الكلام بعيدا جدا عن الواقع .... لسنا في صدد الحديث عن التاريخ نحن ابناء اليوم ... كنا نتشدق بالكلام فنقول نحن لا نتحد إلا عند وجود خطر خارجي في العراق وفلسطين الخطر الخارجي واضح المعالم لكي لا نقول هلامي التكوين كما في حالة سوريا الخطر في فلسطين والعراق واضح الملامح ومع ذلك تبقى لثقافة الإلغاء الكلمة الحق ..... نعم هناك ثلة من المثقفين ممن يحلمون بالتغيير يحاولون حتى الأن أن يتنازلوا في داخلهم عن ثقافة الألغاء الموروث الإجتماعي الأكبر والاول والرئيس الذي يتشربه الصغير والكبير في مجتمعنا نحاول ان نغير ولكن كيف عدد من المحاولات عدد كبير من المحاولات في النهاية اعلم انه من الأفضل ان احمي نفسي من التغيير بدلا من ان اتغير واذكر كلام نيرفانا في موضوع اخر تقول اخاف ألا استطيع تغيير موديل شعري ... اخاف أني لن استطيع دخول الحمام إلا بإذن من الجبار " تغير الجبار عن ذي قبل" أراك بحب اخوك بحب ظل جيفارا |
اقتباس:
او خليني استخدم مصطلح ثقافة الالغاء لانها صارت ثقافة موروثة ومتشربة بالمجتمع بس هون انت حطيت حل ممكن انو يفيدنا هلئ اذا كل انسان واعي ومثقف وقف بوجه هالثقافة ولو من منطلق انو يحمي حالو من التغيير ممكن نتخلص منها بس شرط المعادلة الوحيد انو يكون نسبة العالم القدرانة تحمي حالها اكبر من متبعي هالثقافة بتمنى نكون التقينا بوجهات النظر وعلى امل انو نلتقي تحياتي ومحبتي إلك :D |
نعم سيدي الكريم التقينا على الخط الموحد .....مواجهة ثقافة الإلغاء ولي في هذا موضوع كامل بعد انتهاء الإمتحانات ....
إلى ان نلتقي احمي نفسك جيدا .. لم يتبق سوا انا وانت وثلة قليلة ..الالغاء اضحى ثقافة عامة اقتباس:
على امل اللقاء تحياتي المليئة بالإفتخار بمثلك .. ظل جيفارا |
اقتباس:
إي الفخر اني اتناقش معك واجتمع معك بالافكار وبانتظار موضوعك القادم بكل الحب اخي ظل جيفارا :D وبالتوفيق بامتحانك |
شكرا عزيزي الغالي ابو سليمان إلى اللقاء
اخوك بحب ظل جيفارا |
| الساعة بإيدك هلق يا سيدي 18:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون