|
شوية حكي قبيــــــــــح
في تصرفات بيعملوها شوية ناس وهي مرفوضة اجتماعية واخلاقيا ودينيا يعني مرفوضة بكل المقاييس وقبيحة.... وبس نسمع فيها بنحس بقرف..... بس ياترى كل مين قام بتصرف من هالنوع هوي انسان قبيح
يعني الرشوة مثلا قبيحة كتير...... في ناس بتاخد الرشوة لانو طماعة وبدها تكسب مصاري وتعمر قصور وتخزن بالبنوك..... هدول بدون شك ناس قبيحين..... بس في ناس عندها ولاد بدها تاكل وبدها تدرس والراتب يمكن مابيكفي مصاريف الحياة لاكتر من اسبوعين وبعدين بيقعدو اسبوعين بالشهر بلا ولا شي..... هلأ حتى بهالحالة الرشوة لسه قبيحة بس فينا نسمي الشخص اللي اخدها بهيك حالة انسان قبيح؟؟؟؟ القتل قبيح وجريمة يمكن من اكبر الجرائم...... بس اذا حدا قتل دفاعا عن النفس يعني كان بموقف ياقاتل يامقتول وقتل كمان بيكون قبيح شي؟؟ او اللي بيكون بحالة حرب وبيقتل عدو لبلدو هاد قاتل بس بطل برأيي انو دايما في تصرفات بنسمعها وبنحكم على اللي عملها بقسوة بدون مانحاول نفهم شو ورا نفسية هالانسان..... يمكن لو نحاول نفهمو رح نحس انو نحنا مو احسن منو ابدا...... بس يمكن ظروفنا احسن من ظروفو..... وماحدا بيعرف لو كنا بمحلو شو كنا عملنا |
معك بكل حرف
:clap: :clap: :clap: :clap: :clap: :clap: :clap: :clap: :clap: أو بالأحرى الأفضل ما افرح بالعكس هالشي بيزعج وبزعل:cry: ليكي بالنسبة للقتل بالحرب صحي هو بطل بس هالشي بنظر أهل بلده أما البلد التاني فبيعتبره قاتل يعني ما استفدنا شي |
اهلين يائيل نورت :سوريا:
|
اذا ما رتشينا منموت من الجوع :adal:
|
اقتباس:
مدري مين خبرني أنو البوطي فتاها . ما اسمها رشوة ... بس يفتي اللي بدو ياه . من كدر الدهر علينا يا حبيب . |
لش شو فتاها البوطي 8)
انا سمعت أنو مو حرام ..لأنو بيجوز على موظفي الدولة الصدقة |
شباب الظاهر فهمتوني غلط
انا ماعم حلل الرشوة بالعكس عم قول انها ظاهرة قبيحة ومقرفة والى هنالك من صفات بشعة...... بس انو اللي بيرتشي لمجرد يطعمي ولادو هاد انسان قبيح او انو الظروف اللي جبرتو على هاد الشي هي القبيحة؟؟ يعني كتير ممكن لو هالشخص نفسو واصل لكفاية حاجياتو و حاجيات عيلتو وبس..... يعني عندو الضروري يمكن ماكان ابدا فكر بهيك شي كرمال الغنى الزايد يعني انو حل المشاكل هي مو بانو نشوف الصغار اللي عم يضطرو يساووها ونحكم عليون بقسوة...... بس انو نحاول نفهم وضعون ونلاقيلون حلول جذرية لاصل المشكلة |
اول شي الاستاذ البوطي ما فتاها وما بيفتي هيك شغلات ابدا
ورجاء لا تدخلوا الدين بدون وجه حق لانو في ناس بتزعل تاني شي وين القتل دفاعا على النفس او بالحرب ووين الرشوة لتامين متطلبات الحياة الكمالية او شبه الاساسية في كتير فرق اعذريني امرآة من ورق هاد اسمو ضعف ومقارنتك غير مقبولة ب اللي عم يتوظف وبيعرف مسبقا شو الراتب وانو الراتب ما بيكفي فهو من الاول ناوي على الرشوة وتاني شي كل موظف بيرتشي ليسد حاجاتو الشبه اساسية معك معك بتلاقيه حامل الشيطان(موبايل جديد) وبعدين بيركبو الشيطان الحقيقي ركب وبيصير من جماعة اللي بيرتشوا وهن مو بحاجة ابدا |
اقتباس:
خيو أنا ما بدي انزعلها الموضوع .. لذلك خالص من عندي , خاصة كوني فهمت غلط . |
اقتباس:
بس اللي عم قولو انو لما بنشوف الغلط نحاول نلاقي الحلول الجذرية الو..... وانو نحاول نشوف الوجه الانساني للبشر اللي عملوه..... يعني مو انو بس اي انسان غلط نحولو لشيطان رجيم بعدين عم تحكي عن الوظيفة ورفض الشخص للوظيفة..... كتير حلو بس لاقيلو البديل.... يعني يابدو يمشي بهالطريق يابدو يكب ولادو بالشارع ويقلون لقطو رزقكن لحالكن بالشحادة او السرقة او.... او ..... طيب حاول تتخيل حالك بمكان هيك شخص شو رح تساوي؟؟؟ بس اللي بدي اياه انو اول شي نحاول نفكر بالشخص اللي اخطأ كإنسان وبعدين نحاول نلاقيلو الحل مو نستشرف بالحكي عليه |
اقتباس:
شكرا مي تو :سوريا: |
هذا من فضل ربي :clap:
اهلين ابو مزيد اعذرني ابو مزيد اول شي خيو بلا فلسفة مجعلكة لانو البوطي فتاها تاني شي اذا الواحد بدو يرتشي ماعم يلاقي شواغر بعدين شو صار بالبطاطا لهلاء ما اجو فرطنا من الجوع |
اول شي الواحد بيلاقي الشغل بعدين بيزوج وبيجيب ولاد مو العكس
|
اقتباس:
ليش أبو مزيد فاتح عرباية بطاطا ؟؟؟ |
اقتباس:
|
اقتباس:
لك ابو مزيد معاد رد علينا عم يمسح جوخ لك بدنا ناكول رجع تصل مع الجماعة انا عم موت من الجوع :adal: |
اقتباس:
او يرميهم بالشارع او يسرق (والسرقه حرام ) او يرتشي (وهادي حلال للموظفين بس) |
اقتباس:
|
اقتباس:
وهادي هي الحلول الوحيده لو عندك حل قولي انا رايي يرتشي والله معو |
الحل المعقول والاخلاقي يرفعو دخلو لهل يتيم المسكين يلي عم يشحد راتبو شحودة وعم يخلي يسرق وينهب ويرتشي ويقتل ووووو ............... الخ
|
اقتباس:
شلي هالطقطيقة من أيدك ووقف متل العالم و أنت عم تحكي مع أمراة من ورق ..:سوريا: |
اقتباس:
او الحل المستحيل :o |
اقتباس:
ما اخدت بالي انك هون ما سمعت صوت سيارتك وانت داخل المنتدى .ولا جيت هون بالجمل :o |
وجهة نظر الاخت امرأة من ورق صحيحة وموضوعية
وينطبق المتل اللي بيقول اللي جبرك على المر الأمر منه وهي بينت الاوجه القبيحة للناس اللي بتستفيد ومانها بحاجة والوضع القبيح للناس اللي بدها تعيش بزمن الكلاب تحياتي لك على الموضوع الرائع |
اقتباس:
معناتو بدك من هدول العصي الصغيرة اللي في باخرها من الطرفين قطن .. مش تبأا تستحما يالا ؟ |
اقتباس:
غير طريقة دخولو المعلم صار يجي على بساط الريح |
اقتباس:
ومنشان الحلول مانها بايدي ولا بايدك :cry: |
اقتباس:
أنت المعلم .. و اللي بيرتشي بيكون كلب .. مشتهي اسمع بشي حدا ارتشى ليطعمي ولادو ... اللي بيرتشي بيرتشي ليعمر قصور زائلة .... |
اقتباس:
بس للأسف مو بايدنا انو نحققو :سوريا: |
اقتباس:
|
اقتباس:
|
اقتباس:
انا بسمع الكلام من سكات :lol: |
تعددت الاسباب والموت و ا حد
كذالك الرشاوي |
اقتباس:
لك كل يلي بيرتشو بيكونو قليلين خير لاهلون |
اقتباس:
كل الشكرلك :سوريا: :سوريا: :سوريا: |
اقتباس:
صدقني بيتمقطعو فيك بلاوي بالاخير لحتى ياخدو منك كم ليرة حق انو مشولك المعاملة شوي اسرع او اسهل من اللازم :cry: بس اذا بدك تقلي انو هدول عم يرتشو ليعمرو قصور مارح فيي افهمها لانو الواحد والوحدة منون بتشوف التعتير على وجوهن...... وشي بيقطع القلب:cry: |
اقتباس:
لما نصير مكانو ومافي حد يساعدنا (اذا مجتمع فاشل في توزيع الحقوق والثروات) وعنا ولاد صغار بيبكو من الجوع .لازم يكون في حل بايدي وبايدك . هو اخذ تلك الحقوق بطرق غير مقرره في قانون المجتمع الظالم ) |
بيجوز كون اكبركم بالسن و أكتر واحد فيكون اشتغل .. زمنيا ..
مريت بأوقات عصيبة و أوقات منيحة .. مرت بأوقت مديون و أوقات مدين .. بناء عليه : على قدر أهل العزم تأتي العزائم وتأتي على قدر الكرام المكارم وتعظم في عين الصغير صغارها وتصغر في عين العظيم العظائم أو للي بدو : " يستبشرون بنعمة من الله و فضل و أن الله لا يضيع أجر المؤمنين " يقول الله تبارك وتعالى في سورة الزلزلة المباركة : " فمن يعمل مثقال ذرة خيرا يره ومن يعمل مثقال ذرة شرا يره " |
اقتباس:
|
اقتباس:
ما فيني يتقطع قلبي على حدا سبق و تمقطع فيني .. بعدين هدول مو كتير هم .. الهم الأكبر هو المخفي . |
| الساعة بإيدك هلق يا سيدي 03:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون