|
هلو يا قوم من جديد
والله مبارح شيت كانت اخوية مسكرة ف عشت على اعصابي و طول الوقت محرقص و ماني عرفان شو بدي اعمل بدون اخوية المهم يهني بصراحة ما صار معي شي مهم كتير شيت متل الادمي ضليت بالبيت عم ادرس و ادرس و ادرس.......... و اليوم كمان عم ادرس و ادرس وادرس و بكرا بعد كل هالدراسة رح اكل خازوق اكيد مية بالمية شيت عم ادرس هلق مادة الانسجة و يلعن سما هيك مادة شو بكرهها..............:cry::cry:يا شباب الله وكيلكن الكلام بيفوت من ادن و بيطلع من الادن التانية:cry::cry:و ما بيعلق بمخي شي نهائيا:cry:اما الخازوق اللي رح اكلو هو انو عنا يا شباب بيعملوا مذاكرة بالمحاضرة قبل ما تبلش..و بالشي اللي بدنا ناخدو....يعني يا اما بتكون حافظ الدرس الجديد قبل ما تاخدو و بيرضى عليك المعيد يا اما بتتبهدل و بتضل متخوزق طول المحاضرة....:cry: و متل ما بيقول المتل: خذ الصفر ولا تبالي ان الصفر من شيم الرجال:cry: |
هلا بتعرفو اليوم مافي يوميات عندي لانو بكل بساطه فقت الساعه 6 المغرب و هلا الساعه 1 بليل و بدي روح نام لانو تعبان شوي ، وبكرا بيبلش دوامي الله يلعن هل حكي
بس كونو واثقين بكرا لح يكون في تجديد دائم للموضوع لانو يومياتي بالشغل انا بيصير فيها احداث اكتر من اليوميات يلي كتبها جيفارا بذات نفسو ، يعني يوميتي لح تكون كلها تجدد و حيويه و نشاط لووووول بس ولله شتقتلكم يا شبيبه كيفو ابو السيم الغالي شوفي مافي يا روح ، ما تحكولي هل اسبوع شتقتولي اكيد |
مبارح موقع اخوية ما فتح معي اليوم منيح فتح مبارح رحت قصيت شعري بعد اعتصام سنتين هههههه
|
اهلين باحلى اش والله اشتقلتلك يا رجل
تموز اي نعيما خيووووو:D رايح نام هلق يا شباب شيت الدراسة متل قلتها مع هالمادة......يلعن ربا شو بكرها:cry::cry: |
مرحبا شباب
انا لهلء مافهمت شو بدكن من هالموضوع يعني اذا مذكرات لاحكيلكن شو عملت اليوم اليوم فقت الساعة ستة المغرب لاني مبارح طوال الليل مانمت عم انتظر اخوية تفتح شو كنو كان في اختراق؟؟ والجو هالايام عنا بالسعودية شوب ممل كتيييييييييييييييييييير عطلة ماعم فكر افتح كتاب مشتاقة للشام وجوها تحياتي. مع مذكرات جديدة للبائسة دانيا. |
اقتباس:
|
هيك الظروووووووف شو اعمل انا يعني..
عم قلكن اني بائسة يعني هالكلمة ما بتكفي... |
اقتباس:
و اهلين باحلى دانيا:D انا اليوم رح يكون في عندي شوية تغيير عالروتين شيت بعد الدوام رفقاتي و رفيقاتي عازميني على حفلة صغيرة ببيت واحد من الشباب اللي معي بالكروب:yahoo:و الله يستر و اعرف طريق الرجعة...شيت الشرب مع البولون مو لعبة اي نحنا منسكر من المي مقارنة فيهن:cry: |
اقتباس:
|
يا جماعة انا مبسووووووووووووط كتيييييير لاني و اخيرا صرت خااااااال شيت اختي مبارح بالليل ولدت بنت امورة:clap::clap::yahoo::yahoo:
:ss::ss: |
اول شي الف مبروك لاخونا و حبيبنا ابو السيم بمناسبة بنت اختو الله يا رب يخليها تربى بعزكم و دلالكم يا روح
هلا لنحكيلكم شو صار اليوم بعتبارو اول يوم عمل ممل و كئيب كلعاده ... يا صاحبي مبارح نايم شي 16 ساعه ، كيف لح قلك كيف فئت الساعه 6 المغرب ماشربت اي شي لا قهوه ولا نسكفه ولاهم يحزنون وصلة علساعه 12 ونص بليل اخدتلي حبتين بندول نايت الساعه 1 رجعة نمت هيك لليوم الساعه 7 الصبح ، فئت علقرف كل عاده لبسنا و تجهزنا و تعوذنا من الشييطان مشان لما روح علشغل مالاقي شي خازوق منتظرني لشي امتحان المهم وصلنا و الجو تمام مافي اي شي ، اعدة على هل مكتب و بلشت شوف شو في امتحنات لهل اسبوع هلا الحمد لله طلع اليوم مافي شي بس بكرا في اكل هوا لدينو ، و الاسبوع الجايه مفاجئات شي على دين الكيف .. رجعة زبطة المواعيد و الاوقات مشان ترجع للشي الطبيعي وهلأ يا صاحبي اعد عم اكتبلكم هل سطور بعتبار هي يومياتي الصباحيه الجميله ، يلي ما بتوقع لح تتغير من هون لشهرين لوووول يلعن ابو الروتين شو ممل يا رجل ، بكره الرروتين ، اي انت شو عندك غير انو شرفتنا هل اموره على هل دنيه |
اقتباس:
هلا اختي هاد الموضوع اسمو يوميات مغترب ، هون عم نكتب كمغتربين كل شي بيصير معنا ، و أحاسيسنا و اشتيقنا وهل قصص هي .. حابه تشركينا بيكون شي حلو منك علاقل بنكون عائلة المغتربين ولو بشكل صغير :D |
اقتباس:
لك هيك ورينا الفرحة خليها تملي حياتك بس ما قلتلنا بدك اقتراحات لاسم الصبية والا؟ ما تخلي زوج اختك يسميها بعدين بيصدق حالو وما بيعود حدا قادرلو |
اقتباس:
مشان الاسم لا تخافي انا نقيتلو ياه من شهرين و اعتمدوا عليه واللي هوي ليليان:D |
اتعلمون ما اصعب شيء في الغربة
ان يجد الانسان نفسه بين نارين نار الانصهار في المجتمع الجديد الذي هاجر اليه بعاداته و تقاليده و نار العادات و التقاليد التي حملها معه من وطنه عادات و قيم لا بد ان تنصهر في ظل الحياة الجديدة هذا بالنسبة لكم اما انا فلا اعرف ما هي عادات وتقاليد بلدي ولا اعرف معنى الانتماء فهل انا بغربة او مهجر ............................؟؟؟! |
اقتباس:
ياشباب اليوم اكلت صدمة شي كتير مهم دخلتلكن اليوم عمحل بيبيعوا في اشيا عتيئة حكالي عليه اللي بيعمل شاي و قهوة عنا بالشركة يعني بحب نكوش بيهيك اماكن يعني احيانا الواحد بيلاقي شغلا ت مهمة اصحابا ما بيعرفوا قيمتا بلا طول سيرة عم نكوش بين الغراض و فجاءة شفتلكون شوفة شوية كتب معتة صار معي ربو و انا عم اتصفحن من سمك الغربة فوقن و از فجاءة بشوفلكن هالشوفة ما صدقت عيوني كتاب اسمو اراء لينين في قيادة المجتمع الاشتراكي بس شو خفت اتنفس و انا حامل الكتاب كرمال ما يهر بين ايدي :larg: |
اقتباس:
بس بالنسبة لوضعك انت بالذات .........:cry::cry:اي والله ماني عرفان شو بدي قللك:cry::cry: خيو الافضل كونك حاسس حالك بالمهجر او بالغربة(سميها متل ما بدك)انك تكتب و تشرح بالضبط بشو بتشعر وشو بتعاني و هيك منتناقش معك بالموضوع مشان نفهم عليك عالاقل:D |
اقتباس:
بصراحة هالاكتشاف بيجوز يكون مهم الك(قصدي عالكتاب)بس انا بقول و بصراحة اني ما زيادة استهضمت الشيوعية شيت بالاساس مالي بالسياسة و الاخد و العطى......بس بتمنى انك تكون مبسوط باكتشافك هاد مشان تنبسط شوية عالاقل:D:D |
| الساعة بإيدك هلق يا سيدي 07:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون