أخوية - $$ مصاري $$

أخوية (http://www.akhawia.net/forum.php)

- الصـــــــــــالون (http://www.akhawia.net/forumdisplay.php?f=11)

- - $$ مصاري $$ (http://www.akhawia.net/showthread.php?t=87178)

اقتباس:

كاتب النص الأصلي : تالين (مشاركة 862970)

انا صبية يعني فيك تقلي ما تنســـي

المصاري سبب المشاكل؟:?
اي معك حق الظاهر انت من جماعة اصحاب القناعة كنز لا يفنى :sick:

وست الصبايا كمان

اقتباس:

كاتب النص الأصلي : اسد_الشام (مشاركة 833625)

$ $ مـصـاري $ $
لكل شخص قاموسه الخاص يضع فيه المفردات التي يستعملها والتي يسمعها بشكل متكرر
وصدقوني إذا قلت لكم بأن الكلمة المشتركة بين قواميس سكان الأرض جميعاً هي المصاري ((نقود)) ((فلوس))
ولكن أريد أن أطرح سؤالاً متمنياً بأن يجيبني أحد ما....لماذا ندخل المصاري في كل أحاديثنا ((يعني وحتى ونحن عم نحكي شي ما دخلوه بالمصاري فإننا نستعمل كلمات كلها مصاري)) يا جماعة وكأنو القاموس ما فيه غير هـ الكلمة هي .....
بلشنا عدوا لألكون........
حاكيني سلف , بيحكي بالتقسيط , بيربحك جميلة , خوذ وعطي , الغالي بيرخصلك , أنت غالي وطلبت رخيص , غالي على قلبي
ما بيسوى فرنك , راحوا فراطة أو راحوا بحق الفجل ((مع العلم بأنه يتكلم عن حدا ميت)) , دفع حياته ثمن لوطنه , شو بتخصر إذا قعدت , نكسب شوفتك , كلامك ذهب , ما في كلفة بيناتنا , كلفنا خاطرك , شو طالعلي منك , شو شاريهون للجماعة , طول بلا غلة ((شو دخل الطول بالغلة.....مصاااااري)) , مو قابضني جد . بيسوى تقله ذهب
· واحد مركب سنان عيرة والعيرة شو دين والدين شو مصاااااااااااااري
· مكسور عليه نوم ومكسور يعني مديون
· ما بيتعلم الواحد إلا من كيسه ......والكيس شو بيكون فيه يا حزركون مصاااااااااااري
· كيف صار أبنك ؟ فيجيب مثل الليرة ((في صبي مثل الليرة ))
· الولد ما بيتقدر بثمن ((من طلب منهم تقدير ثمن الولد يا أخي بدهن يبيعوه يبيعوه من ماسكهن ))
· عيونه 10/10 (( ليش كل هـ العشرات وهنن كلهن عينتين ))
· الفنانة هيفاء وهبي ثـــــروة فنـــــية
· إذا جماعة راحوا ليخطبوا شي بنت لأبنهم ((مدلل الماما)) شو بيقولوا لأهل العروس : والله حبيناكم من كل قلبنا ونحن بصراحة شارين بنتكون بالحلال ......شو البنت لعبة ليشتروها
· يشتري المشاكل شره.....((بقديش ومنين))

يعني عن جد شو بدكن بالحكي المصاري شي أساسي بحياتنا وهذا الذي يقول المصاري وسخ الدنيا على عيني وينك بس هات ارجيني ..... يعني معلش هدول شوية نماذج وكلمات وإلا ما شاء الله ما بتخلص
بعدين أبقوا تذكروا حكيي بعد كم سنة إذا مو كم شهر صباح الخير سوف تلغى من جميع القواميس سوف تستبدل
بـ صباح الليرات ....( يعني صباح الخيرات والليرات.... خلص موضة قديمة ) هذا عصر الليرات
وكما يقول المثل الدراهم مراهم .

فكرة المصاري من مسرحية لولا فسحة الأمل لـ زياد الرحباني

عم تحكي حكم ،،،،، اشكرك على هالموضوع اسد الشام ،،،، دمتم في سلام جميعا ،،،، وتقبلوا مروري من هووووووون

اقتباس:

كاتب النص الأصلي : waleeeeeedo (مشاركة 878422)

عم تحكي حكم ،،،،، اشكرك على هالموضوع اسد الشام ،،،، دمتم في سلام جميعا ،،،، وتقبلوا مروري من هووووووون

أهلا وليدو
ونور الموضوع بمرورك يا طيب

يعني لازم نخلي المصاري بايدنا مو بقلبنا
وسيلة ممكن تحقق السعادة موغاية بتبرر كل الوسائل للوصول الها
بس شو بدكن بالحكي ايدي عراسكن اذا بيصح لكل واحد منكن شي مليون ليرة من غامض علمه بيقول لاء المصاري وسخ الدنيا ولا بياخدن وبيضحك بعبة

أنت حتى لن يبتل ظمؤك بكوب ماء إن لم تمتلك القرش لتشتريه ..

لا نختلف أبدا على أن المال يتحكم بالعقول ..

و لكن الاختلاف على من يؤثر المال على قلبه ..

يعني ليش لنحكي كتير

اللي معو مصاري الكل بيدور حواليه

واللي ما معه مصاري بيموت غريب

هي حال الدنيا صفى ارخص شي هو البني ادم

الله عليكي يا دنيا ملعونة من يوم خلقتي

اقتباس:

كاتب النص الأصلي : XerostomiA (مشاركة 882779)

مشكورة لمرورك.....

بس كيف يؤثر المال على قلبه

اقتباس:

كاتب النص الأصلي : pioneer (مشاركة 882689)

يعني لازم نخلي المصاري بايدنا مو بقلبنا
وسيلة ممكن تحقق السعادة موغاية بتبرر كل الوسائل للوصول الها
بس شو بدكن بالحكي ايدي عراسكن اذا بيصح لكل واحد منكن شي مليون ليرة من غامض علمه بيقول لاء المصاري وسخ الدنيا ولا بياخدن وبيضحك بعبة

لو أنا بقول المصاري وسخ الدنيا وباخدون
يمكن مو بس أنا شعبك كله
حتى لو معي 100000000 زيادة الخير خير

اقتباس:

كاتب النص الأصلي : sweetyjojo (مشاركة 882851)

أي والله بقينا أرخص شي بالدنيا......
بس مو الكل.....الطفرانين بس....

مشكورة لمرورك ونور الموضوع

{وَتُحِبُّونَ الْمَالَ حُبّاً جَمّاً }الفجر20

اقتباس:

كاتب النص الأصلي : اسد_الشام (مشاركة 921920)

مشكورة لمرورك.....

بس كيف يؤثر المال على قلبه

عندما يؤثر المال على من يحب ..
أو يضحي بقريب لأجل المال ..

أو حتى يقبض يده على أمواله لمن يحب ..

اقتباس:

كاتب النص الأصلي : مالك الحلبي (مشاركة 921943)

{وَتُحِبُّونَ الْمَالَ حُبّاً جَمّاً }الفجر20

جزاك الله كل الخير ومشكور لمرورك

اقتباس:

كاتب النص الأصلي : XerostomiA (مشاركة 921952)

عندما يؤثر المال على من يحب ..
أو يضحي بقريب لأجل المال ..

أو حتى يقبض يده على أمواله لمن يحب ..

XerostomiA معاكي حق ....

وشكراً الك ع التوضيح