|
اقتباس:
|
ليك ياس
انا ضد اعتقال اي شخص مشان رائيو بس ميشيل كيلو مدري شو صار بالاخر والي تعقيب انت تعال هلاء ع سوريا شوي تانية فيك تقول انو منصير السعودية صار تحول بشكل غريب ومفاجئ انا ما قدرت اتقبلوا يعني بلش هالشي بعيد مولد النبي (ص) ومستمر لهلاء منو انهون سمحو للقبيسيات باعطاء دروس بالمساجد ووووو ما بعرف شو القصد من هالشي بس بظن انو خطة سياسية لكسب وارضاء القسم الاكبر من السوريين طبعا الاحصائيات بتقول انو اكتر 80%من السوريين سنة وال18 %الباقين بيشكوا السوريين الباقين ما بعرف اذا هالشي واقعي بس انا مو مصدق لانو عدي تحليل وتقسم لطوائف والاديان بسوريا بيقول عكس هالشي |
اقتباس:
لك خيو اعتبرها فائدة سلبية يعني راح قللك نحنا الكل بسوريا منعرف انو كلشي الا الدين والسياسة وما قصدي بالفائدة الفائدة الي انت فهمتها :سوريا: :سوريا: :سوريا: |
اقتباس:
و برجع اسأل... الحق ع ميشيل كيلو؟ |
لا مو ع ميشيل كيلو
انا قلت انو الي تعقيب ومو قصدي ميشيل كيلو بس ميشيل كيلوا بالاخر غلط ةبالذات بالمقال الي اشار الو كريم |
اقتباس:
لما الشيخ فارس الخوري صار رئيس وزراء سوريا بمبايعة الكتلة الاسلامية و كان ضمن صلاحياتو وزارة الأوقاف الاسلامية رغم أنو هو مسيحي ماكان في لسا خيالة البيجو 505 البيضا.... يعني لا تعمللي التعايش الديني السلمي من منجزات الحركة التصحيحية منشان النبي....بالعكس تماما |
:? :?
ياسووو انا معك انو كنا متعايشين بس لا تنسى قصة الاخوان المسلمين الي كان من الممكن وحتى من الاكيد كانت راح تعمل حرب أهلية |
اقتباس:
أخي ما عجبتك المقالة احكي رأيك عن المقالة...لا تطجلي أحكام عالزلمة هيك عالمستريح لأنو ظلم هالشي... |
اي معك حق
بس كمان لا تنسى اعلان دمشق -بيروت كمان مانو صح |
ياسووو
اقتباس:
يعني الشباب الطيبة حلو قصة الاخوان على خير....بالله عليك يا زلمة لا تخلط الموضوع لأنو بضيع أنا و بتضيع أنت... للحديث بقية...تصبحو على خير |
اقتباس:
يا ياسو انا قلت مثال وتعقيب :سوريا: :سوريا: :سوريا: |
طيب ليش انا مو شايفه انو في طائفية بالبلد.؟؟؟؟؟؟؟؟؟؟؟؟؟؟؟؟
|
مرحبا
ما بعرف ليش البعض عصب زيادة عن اللزوم ... من ايمت كننا نتناقش بهالطريقة ؟؟؟ يظهر انو ما كان كتير واضح الرد تبعي اولا لا و لم و لما اشير في ردي او في غيرو انو الحجي ميشيل كيلو هوي سبب النعرات الطائفية بالبلد، بالعكس تماما وضحت بردي انو انا مع نظرتو و ما انكرت الطائفية الموجودة بس هاد الشي ما بيعني على الاطلاق انو الحجي ميشيل كيلو ما كان عم يمسح جوخ للسنة على حساب العلوية و هاد الشي مزعج حقا ازا ميشيل كيلو، الواعي و المثقف و المحترم و صاحب السجل النضالي الكبير ... عم يحكي بهالطريقة و عم يفرق بهالاسلوب المتجني و الاستفزازي بين السوريين ... فعلا محير بمين ممكن نوثق من هلأ و طالع تانيا: ممكن حدا يفهمني من وين اخترعتولي قصة تاريخ التعايش السلمي ؟؟؟؟ انو شو بتريدوا كب التاريخ (او ما وصلنا منو بدون تحريف) و اضحك على حالي ؟؟؟ نسيتوا مجازر السريان و الاشوريين و الارمن ؟؟؟ نسيتوا مجازر جبل لبنان ؟؟؟ نسيتوا كيف "استولوا" ع المسجد الاموي ؟؟؟؟ لما تجي ع الشام انزيل ع ضيع القلمون و هنيك بيخبروك عن التمن الباهظ يللي دفعوه من دمهم و مالهم لحتى يبقوا على دينهم ايام العثمنلي و بعدها يا ريت تزور جبال "العلويين" لحتى يخبروك لأي درجة من الانعزال اضطروا انو يتقوقعوا فيها لحتى يهربوا من البطش و القتل باسم الدين الحنيف سألت حالك شي مرة ليش 90% من المهاجرين بالاميركيتين قبل سنة 1920 من المسيحيين و الدروز و العلويين ؟؟؟ هربا من البطش و القتل باسم الدين الحنيف بقا كرمال الله ... ايا تعايش سلمي و ايا لحمة وطنية ؟؟؟؟ ما عم دافع عن النظام ... فهوي سيئ متلو متل غيرو بموضوع التعايش السلمي، لكن هاد ما بيعني انو غيرو كان احسن منو بيجوز .. بايام الانتداب الفرنسي و ما اعقبها من سنوات تعد على اصابع اليد الواحدة ... صار شوية تعايش سلمي، بس لا قبلها و لا بعدها كان في هيك شي بتعرف شو السبب ؟؟؟ السبب انو ايام الانتداب و ما تلاها من سنوات ... كان الحكم علماني، لا سني و لا علوي و لا شيعي و لا بلوطي كان الحاكم عم يدور فعلا على مصلحة سوريا اما اليوم .. و ما قبل هديك الايام، صار الحاكم آخر همو مصلحة سوريا صار همو مصر، او همو العروبة، او الاسلام، او عيلتو، او طايفتو او دينو .. المهم انو مو سوريا هيي همو روق ياس هاد هوي واقعنا و لهالسبب رح تبقى اسرائيل و غيرها لالا |
كريم انا حكيت على العايش السلمي بعد الانتداب الفرنسي
|
والله يا زين ... شكلك بالفعل عايش لوحدك بهالبلد
طائفية للعضم حبيب، متأصلة و متجذرة بالارض السورية منذ الفتوحات المباركة و اي نوع من انواع اللحمة الوطنية رح يبقى باطل طالما في ناس بتفكر انو من حقها تاخد جزية من ناس و زكاة من ناس تانية و شغلة انو اعز اصحابك مسيحي .. هي ما بتعني شي و انا كمان اعز اصدقائي اسمو محمد بس يا حزرك اديش مقبول وجودو بمجتمعي ؟؟؟؟ لازم لما كون مع محمد اني عرف فيه مباشرة لحتى ما حدا يغلط و يزلقلو بشي كلمة تهين محمد و دينو و نفس الشي لما بنزل لعند حلاقي .. لازم يعطي اشارة سرية للشباب انو انا مسيحي .. لحتى ما يغلطوا بشي كلمة قدامي لما بكون مع شخص من غير طايفتي .. في حدود حمرا و اشارات حمرا ما لازم نتجاوزها بالحوارات يللي رح نفتحا بينما لما بكون مع شخص من طايفتي .. سبحان الله، لحالها هالخطوط و الحدود و الاشارات بتختفي .. و بيصير كل شي مباح ينحكا فيه ازا مو هي هيي الطائفية .. فأنا ما بعرف شو هيي الطائفية اما عن موضوع انو وضعنا مو متل لبنان .. يمكن معك حق.. بس هالشي ما بيعني ابدا انو وضعنا متل سويسرا مثلا |
قللك شي كريم
انو متل ما عم تحكي ممكن يكون عنا الطاييفية وبالدرجة الي قلت عليا بس انت قلت شي مهم انو لازم تنبه مجتمع انو رفيقك مسلم مشان ما يزلق كلمة ويهين الدين واذا مرجع للدين اي دين كان ما بيقلك هين الاخر بس نحنا اختعنا هالشي لانو عنا ظن انو اذا الاخر موجود نحنا منلتغي يعني عم نلعف لعبة السورفايفر |
في متل شعبي بيقول مو الحق على الرمانة القلوب مليانة وهيدا اللي صاير بين الدولة وميشال كيلو وغيره اللي قاله ميشيل كيلو هو الواقع واللي عم نعيشه بسوريا يعني ما اخترع شي من عنده عنا طائفية وطائفية متأصلة بالنفوس كمان بس المخابرات اللي كابسة على اعناق الشعب بأيد من حديد ما عم يسترجي واحد ينطق لو عنا منفس صغير للحريات كان الواحد شاف شي تاني تحياتي
|
اقتباس:
للمرة المليون الحجي ميشيل كيلو لم يجانب الحقيقة في ما يخص الطائفية و مدى انتشارها عتبي عليه كان انو نقل صورة الطائفية الموجودة بسوريا بطريقة خطيرة و قاتلة نقلها و كأنو العلويين هم سبب كل مصايب بلدنا ... بينما السنة المدنيين حسب زعمو هنن يللي رح يصلحوا كل شي بهالبلد و هالكلام مرفوض مرفوض مرفوض ازا في شي بدو يصلح البلد هوي العلمانية .. لا السنية و لا الشيعية و لا المسيحية و لا اي طائفة يللي كتبو ميشيل كيلو بمقالتو ما الو غير اسم واحد ... تمسيح جوخ تماما متل ما عمل بزمانو ميشيل عفلق لما مسح جوخ للمسلمين لكسبهم بحزب البعث و تنيناتهم .. عفلق و كيلو .. استحقوا لقب "الحاج محمد" عن جدارة |
| الساعة بإيدك هلق يا سيدي 04:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون