|
يا اخي في شي اسمو تطور اللغة ... قواعد اللغة و مفردات اللغة
هي الشغلة مو على كيفنا ... و الا لما وصلت اليه اللغات الحية اليوم .. فاللغات ما افترقت الا بعد التطور و التكيف المكاني و حسب الحاجة ... بعدين اذا شفت كلمات عربية بالفارسي او الكردي او التركي ... هي مو انتقاص من هذه اللغات ... لان بالمقابل تشوف كلمات فارسية و تركية بالعربي او باللهجات العربية .. و طبعا اللهجات العربية ايضا تحوي كلمات اانكليزي و فرنسي ... مو للفشخرة و لا لأن ابهاتنا من بريطانيا او من تركيا ... بس هيك اللغات تتطور .. و تدخل مفردات جديدة للسهولة يعني اذا قلت شاي Chi ... يعتي انا عربي .. بس اذا قلت tea ... صارت فشخرة وبالحقيقة الكلمتين مو عربية نلاحظ مفردات داخل نفس اللغة تدل على نفس الامر ... نتيجة الحاجة و السهولة هي مو معناها مع انو نحكي انكليزي او فرنسي و ننسى العربي بس مو عيب اذا حكينا كلمات انكليزية قد تعبر عن الحالة بشكل عملي اكثر من الكلمة العربية كم مرة بحياتكم قلتوا "سأذهبنَّ الى المدرسة " اقتباس:
. الثقافة الغربية هي السائدة لان كل العالم تعلمت انكليزي لسهولتها اللغوية و لان اللي يحكو الانكليزية ماسكين التطور و التكنلوجيا .. و طبعا بالانكليزية ما دخلت كلمات روسي او هندي او بلغاري ... يعني ما عندهم مشكلة مع العربية تحديدا :lol: بعدين كلنا نعرف انو سيبويه فارسي ... ليش ما الايرانيين يعترضوا ويقولوا يا عيب الشوم رحت كتبت قواعد العربي ونسيت لغتك و لغة اجدادك ... ! اخر كلمة اريد اقولها ... ما رج يزعل امرؤ القيس او عمرو بن كلثوم ... او المتنبي او المعري .. اذا قلنا نروح نتفرج على التلفزيون .. :lol: تحياتي |
بس لو تطول بالك علي شوي صغيرة .....
أنا يا أخي موضوعي مو عن تطور اللغة ، لأنو اللغة بتتطور وهالشي مفروغ منه ، لكن أنا بحكي عن الأسباب الشبابية يلي بتدفع الواحد لأنو يخلط و(يعك)في بعض الأحيان تحياتي |
انا مطول بالي و لو اتمنى تقرا كل الرد السابق ...
احل اعقب .. التطور بالمفردات يعني ادخال مفردات جديدة من لغات اخرى او اعادة تشكيل جذوور لغوية اخرى ضمن التركيبة اللغوية يعني كلمة Chi ... يجوز من زمن اجدادنا مستعملة... في حين كلمة كلاص من glass .. اليوم نستعملها باللهجات المحكية .. وغدا رح تدخل مفردات جديدة حسب الحاة و السهولة يعني مو عيب اذا حكينا كلمتين انكليزي مع بعض و قلنا I miss you .. مو ضياع الهوية و لا شي :lol: |
:hart::D
|
هلئ انا مرة كنت عم ادرب على كيفية تدريس الاميين وطبعا كان باللغة العربية فمرة انا غلطت بشي كلمة الت لاستاذ سوري
الاستاذ الي انتي بدك تعلمي احرف عربية؟؟؟:p شو هي سوري واوك وانتي بالدرس جد كتير خجلت وصار يناقش شو سبب يلي وصلنا لهيك انا طبعا مالي متاصدة اني احكي هيك بس حاليا صايرة عم انتبه على حالي يعني الخلط شغلة مو حلوة بس تعلم اللغات شغلة رائعة و وانا بشوف حتى الاجانب بيحبوا تعلم اللغة العربية ولو ما تعملوا بيحبوا يحكوا كم كلمة ( حسب يلي شفتوا انا ) هلئ في شغلة جديدة غير مزج بين اللغات, وهية لغة الشباب بين التطوير والتدهور يعني عم نلاحظ حاليا في قاموس خاص بالشباب عبارة عن كلمات مو معروفة متل خسة , وناسة, كلك حركات مممممم يعني;) السؤال هل مصير هذه اللغة هو التدوين؟؟ معقول تخلق لغة جديدة معاصرة للشباب وكمان عم نلاحظ اذا كنا على الشات بجي حدا وبيكتب mar7baa = مرحبا هي الطريقة انا لشوف خلقت اذا شخص ما عندو كبيبود ( لوحة مفاتيح :lol:) عربي بيكتب هيك بس والله مو حلووو وفي كتير مواقع بيتدعم المساعدة يعني نسخ لصق وانتهت الاصة بس نحنا صرنا نستخدما كلغة شات المواقع : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - حتى انا عندي سكربت يلي عندو مسنجر بلاس فينا نضيفوا للبلاس وبيحل مشكلة يلي ما عندو كبيبود اذا ما حب اني يستخدم المواقع دغري فيو يستغل من صفحة الماسنجر اذا حدا بيلزموا من عيوني:oops: اجمل من عبر عن هذه الظاهرة هو ياسر العظمة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وشكرا لصاحب الموضوع :D الي رجعة ان شاء الله حكيت كتير مو |
من خلال البحبشة لاقيت قصيدة من صلب موضوعنا
(my love) طولت بغيــابك (I hope) ترجـــع لنــا ثانـــي (I can't sleep) بسبــــــابك (At night) الـــنوم مــا جـــــاني (Come here) واعطف على أحبابك (My heart) علـــــيك ولهـــــاني (I wait) واصبر عــــلى حســـــابك (You must) تصــــبر على شاني (refuse) يالــــــــــترف خطــــابك (I can't Believe) تنســـاني (at last) يا حظ من جــابك (At home) ثم عــاش وحداني ============== my love = حبي I hope = آمل I can't sleep = ما أقدر أنام at night = في الليل come here = تعال هنا my heart = قلبي I wait = أنتظر you must = لازم refuse = يرفض I can't believe = ما أصدق at last = أخيرا at home = في البيت :lol::lol::lol: |
أنا لا أؤيد أبد ادخال مصطلحات للغة العربية
لأن لغتنا أحلى واصعب لغة بالعالم ونحن لازم نفتخر فيا انو انولدنا وحكينا عربي... |
اقتباس:
اول شي في فرق كبير بين تطوير اللغة وبين الفزلكة باللغة.. الأمور اللي اخترعوها الغربييين لازم نحنا نتقيد بمسمياتها اللي هنن سموها ياها والمسخرة برأيي انو نسمي السي دي القرص المغناطيسي او الكي بورد لوحة المفاتيح .. و الانترنت "الشابكة" والكومبيوتر الحاسوب والتلفزيون الرائي هي هيي المسخرة برأيي.. يعني بالمختصر من غير المنطقي انو نصر على استعمال كلمات ما حدا بيفهمها علينا.. ولو كان الموضوع بيتحدث عن تطوير اللغة فعلا كان من الممكن انو نحكي عن الدعوات القوية اللي توجهت من قبل مجموعة من المفكرين بالمنطقة متل سعيد عقل لترك اللغة الفصحى وتطوير اللهجة العامية بوصفها لغة العصر القادمة والأكثر تطورا بالمنطقة.. وكان ممكن نتحدث باسهاب عن آليات تطوير اللغة الانكليزية بالمية سنة الماضية.. |
اقتباس:
بصراحة انا بستغرب من رفقاتنا اللي بيسافرو سنة لبرا وبيرجعو حكيون مكسر.. غريب كتير.. انا بحكي 3 لغات بنفس المستوى تقريبا.. واختي بتحكي 5 لغات 4منهون بنفس المستوى.. وما منخلط بالحكي أبدا.. وما بلاقي تبرير للخلط بالحكي برأيي غير الاستعراض.. |
التهجين بين اللغات امر عادي بسبب العولمة اللي صايرة بكل الدنية مو بس عنا
يعني الكل عم تتهجن لغاتن بس في ناس بتحب تحافظ عا قوميتها متل الألمان اللي ما بيحكو بلغة تانية غير الألماني بالرغم من انو كل واحد منن بيعرف كذا لغة اما عنا هون فابلعكس فنحن منرحب بالعولمة بأذرع مفنوحة:frown: |
لا انا من وجهة نظري بشوف الناس ياللي تتكلم عربيزي ناس فارغة وتافهة انا عندي رفقات يحكو عربيزي وكمان ناس تتكلم سورس بس تدمج فيها مصطلحات عربية فصيحة وانا كتير بحترم الصنف التاني وحاول دائما كون متلن
شكرا على الموضوع خيوووووووووووووو |
| الساعة بإيدك هلق يا سيدي 00:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
؟!؟..