لك شبك خير شوفي ولله شغلتي بالي شو صاير معك يا امي ؟؟؟؟

احكيلكم عن يوم الخميس و يوم الجمعه

الخميس بختصار شديد كان كتير يوم مطحون لدينو يعني الشغل كان دابحني ، احلا الشي فيه كان انو بليل بس خلصن من هل شغل رحت لعند صاحبي فتحنا لتر هل وسكي و نزلنا ماجره فيه و اول كاس شربتو كان على صوت حبيب القلب ابو السيم الورد ، يلي حسيتو من فرحتو لح ينفجر لوووول ، بس كانت سكره اخت اختها رجعت علبية الحمد لله مو شايف ابعد من منخيري ، اعدت على هل جهاز احكي بالمختصر المفيد لانو مايل حيل كان اني اكتب علكيبورد .. المهم نمت الساعه 6 الصبح

يوم الجميعه

الساعه 9 كان الكل فوق راسي بدهم يروحو علبحر انو اهلي و بيت خال ابي و بيت خال خطيبة ابن خال ابي ، و رفقات اخواتي ، ويلا قوم و يلا فيق ويلا بطخ ويلا ذفت ، المهم بالزور فقت ولله ، و رحنا علبحر كنت بالبي اميه انا ولله شي خيالي اي ولله حسية حالي مالك الطريق كلو ولله و انا كاويها للصاجه ، الطريق من بيتنا للبحر كان قرابة شي 80 كيلو لانو رحنا على منقطه بعيده ، المهم تصورت كم صوره جنب البحر انا و السياره لووول بنزلهم قريبا بعود مشان امتعلكم ناظركم شوي لووووووووووووول
المهم رحنا و رجعة شي الساعه 7 بليل ، غيرت اوعي بعد ما تحممت و رحت لعند صاحبي و بوشنا على الفلاجية لفينا و درنا هنيك و افلنا لشبعنا ، بعدين رجعت لعندو علبيت كان لسى في وسكي ، اعدت هيك طراتهم لحالي علسريع ، طبعا فكرة علسريع كانت فكره كتير غبيه لانو كتأبة من هل سكره ما حبيتها ولله بس انو احسن من لا شي .. رجعت علبيت عدت علنت شي 4 ساعات و نمت ..

بنكملكم يوم السبت

يوم السبت ما كان انظم من يوم الجمعه الساعه 11 فيقني صاحبي قوم لنتغدا برا لك اخي ما بدي قال لا بدك تروح ، قمت على مضض و لبست و غيرت اوعي و رحنا على الغدا اكلت لحتى طلع الاكل من ادني ولله قرفة الاكل و قتها .. وبس خلصنا اكل رحنا على الستي سنتر و هنيك شفت صاحبي التاني ، اعدنا بكفي شوب شربتلي وحده تركش و وحده امريكن كوفي ، و شدينا على الملعب شنو كان في مباره بين سوريا و تركمنستان
بالمعلب الله لا يورجيكم ، كل شي شوايا سوريا كانو بالملعب شي بيأذذ النفس بس انو اعدنا ما بيصير عيب المباره كان حاضرها الدكتور لانو ، شفت هنيك اخونا حسون "GOVERMENT" ولله هل شب نهفه شي بيشل على قد مانو ظريف ولله ، و اعدنا نشجع شوي و نسب شويتين ، و فازة سوريا بالمباره 3/0 مع انو كان لازم يجيبو اكتر من هيك الفريق ما بو شي تبع تصفيات كاس اسيا لاقل من 19 سنه ..

خلصنا المباره حملة حالي و علبية اعدت درستلي شوي و اعدت علنت شي 4 ساعات كمان ، تناقشت مع كم شخص بمواضيع الدين و الدوله ، وكان شي مثمر الصراحه ...

هلا هي هيه اخر 3 تيام ما كنت فيهم نزلتلكم ياهم هون مشان يكون عندكم اطلاع على اخر تطوراتي ولله

نلقاكم المسا

ع راسي احلى عبد والله...بشرفي انبسطلك لانك مبسوط و عم تزهزه :D
بانتظار الصور حبي :o
لك شو هالفصاحة باللغة يا اش ما عرفتك يا رجل :o
انو عالهامش شو يعني على مضض؟؟؟؟:?
امين

و الله يا جماعة انا من ناحيتي ما عم يصير شي يذكر بهاليومين غير الدراسة ثم الدراسة و النت و هيك اشياء باستثناء اتصال عبد اللي عن فرحني والله :D
يعني مختصر الكلام فيكن تقولوا اني مقضيها شوية دراسة و شويتين انترنت و هيك عم يمضى هالوقت و محروم من كل المتع و الملذات ليوم السبت يعني لخلص امتحاناتي
و ادعولي الله يرحمني :cry:

ابو السيم حبي الف موفق يا رب شد حيلك بالدراسه يا صاحبي ، صدقني هي مستقبلك و غيرو مافي شي لح يفيدك ولله

انا عم ادعيلك يا صاحبي و صدقني مشتقلك كوميات

يعني شو ؟صار فيكي تنزلي عالشام؟؟:clap:

12/11/2007
 

اي انو مرحبا من جديد
اليوم يا جماعة تقريبا خلصت معاملة كرت الاقامة السنوية,بعد ما طلعت عيوني من وراها طبعا,المهم الحمد لله تقريبا خلصت,متل العادة بتعرفوا اليوم الاثنين و كان عندي محاضرة كيميا بس ما رحت لانو اليوم كانت راجعة و تحضير للامتحان و كنت مشغول بالمعاملة
و هيك مضي النهار على شغلات فاضية و هلق رايح ادرس شوية و حط راسي و نام ( مع انو بيني و بينكن حاسس حالي ما رح انجح لا بالكيميا و لا بالتشريح ) بس الواحد بيعمل اللي عليه و بيدرس قدر المستطاع و على الله العوض

اي يا جماعة شو اخباركن اليوم؟؟؟؟
:larg:

انو الف الف مبرووووووووووووك :yahoo::clap:
انو شو مشان ما فهمت شو قصدك؟؟؟