|
يا أش..يا ألو..هلق أنا معي عمى ألوان..و لا انت عيونك خضر؟ |
اقتباس:
ابو السيم حووووووووووووووووووووووبي مليون ورده لعيونك يا صاحبي ... اي لنحكي مبارح شو عملت .... كل عاده فقت علشغل او يوم بالاسبوع بيكون يوم متعب شوي ، ما علينا كان عندي شي 8 طلاب بدهم يمتحنونو معظمهم امتحان CCNA لانو هاد الامتحان بعد بكرا لح يتغير و ينزل فيرجن جديد منو ، و غيرو كان عندي نقاش طويل عريض باخويه كرهني حياتي بالاول بس بعدين تعرفت على ياس ، شب مبين عليه قمة الرواق ... خلصت ورحت علبيت اكلت ، امي حامله اكلة محاشي شي بيشهي ولله ، شتهتك فيها يا ابو السيم اي وحق الخضر ، المهم بس خلصت اكل ، اعدة على هل جهاز كملة هل نقاش ، بعدين قمت حطية راسي و نمت ... الشي المضحك بالموضوع انو مبارح كنت مكتأب شوي ما كنت اعرف ليش ، بعدين بالاخير عرفت وانا عم شوف ومبيلي بالصدفه ، انو عندي مسح صرلو سنه بالجهاز ، هاد المسج وصلني منها لما تصالحنا اخر مره .. المضحك فيه ، انو بتحكيلي هي اخر مره بعمل هيك و بعد عنك ، وهاد لح يكون درس ألي "قصدها على حالها" طول عمري مشان اتعلم منو ... لوووووووووووووووووووووووو ووووووووول 4/11/2007 |
4/11/2007
لك على راسي احلى عبد والله :D
ميت صحة وهنا عالمحشي يا معلم وكأني اكلت معك (مشتااااااااق لهالاكلة كتييييير :cry: ) المهم مبارح ما صار معي شي مهم يعني كل النهار بالغرفة عم ادرس شوية و دردش باخوية شوية بس مبارح لقترحت اقتراح باخوية انو ينعاد نكوشة المواضيع القديمة للاشخاص القديمين الغائبين عن اخوية و بلشنا فيه انا و ريمي ومادماكس وكانت خطوة حلوة منهن انو تفاعلو مع الموضوع :D وهلق شوية تانية رايح ع محاضرة الكيميا وليييييييييي 4 ساعات العمى بدي موت و ما تخلص :cry: بعدين عندي مشوار على شؤون الطلبة مشان جيب شوية وراق مشان تاجيل العسكرية و كرت الاقامة السنوية تبعي و بعدين بوشي عالبنك في كم شغلة لازم سويهن هنيك |
5/11/2007
لك انو شوووووو مشان ما في حدا هون اليوم :jakoush:
اي يا جماعة الخير اليوم متل كل يوم اثنين عندي كان محاضرة كيميا عملي 4 ساعات خلصتها بطلوع الروح و كانت صعبة اليوم والله :cry: بس المعيدة كانت حبابة و ساعدتني شوية و مشي الحال و الحمد لله المهم بعدين رحت شؤون الطلبة قامو قلعوني :p لا مو هيك بس انو قال الشهادات مو جاهزين لسى بعدين رحت عالبنك و بعدين رجعت و طبخت رز و مرقة بازلاء بلحمة العجل وشووووووو طلعت طيبة (اشتهيتك عبد و حياتك عالغالي)اي و اكلنا و دردشنا شوية باخوية و هيك عاد بقى دراسة و اخوية ....دراسة و اخوية....هييييييك و هلق بعد شوية رايح نام :na3san: باااااااي الى اللقاء غدا |
قلت لحالي والله عيب انو يمر اليوم بدون ما سلم فيه سلام خاص على المعلم عبد الملقب ب ASH كيفك حبيب :larg:
اي اي صحي وبحب وجه تحية لداندون و بسومة:D و ابو سليمان و لوليت اللي صرلها مدة غايبة بدون مبرر:pos: و وشم الجمال و ريمي و X52 و تموز اللي كان يطلطل فترة و هلق غاب و مين لسى يا ربي دخيلك مين لسى......هممم....(حاسس حالي بشي برنامج طلبات اغاني :o)و اسف من البقية لاني ماني متذكر اسماء كتير هلق والله و باااااااي :D |
انا اليوم حاسة بغربة رهيبة ومو طايقة سوي شي حاسة الدنيا سودا بلون شعر فارسة احلام وسيم وجواتي رغبة رهيبة بتفجير كل شي بتعرفوا يا اصدقائي الدنيا امرها كتير عجيب احيانا بتحتوينا بكل حب لنظن انها ام رؤوم واحيانا قاسية بلا حدود لنظن انها بتنتقم منّا مو مشكلة ربنا بيعين ويسلمو عالسلام ابو السيم وبالنسبة للمسج اش: الدنيا دروس واحيانا الانسان بيثق بناس ما كان لازم تعامل معهم بس اقدارنا اللي بتعلمنا انو في شي محتوم وشي ثابت المحتوم الشي المكتوب علينا وبنمر فيه والثابت هي العبرة اللي بنتعلمها بهالدنيا طنش تعش تنتعش |
وشم لقلك شغلة: انتي هلق بيجوز لانك مكتئبة من الحياة هيك عم تحكي بس انا و انت منعرف انو لما تزول هالحالة النفسية السوداوية اللي عندك ياها مؤقتا رح ترجع الابتسامة لوجهك البشوش و تردعي تثقي بالحياة من جديد و تثقي باشخاص تانيين و من هالحكي.......فلذلك بدك يا عزيزتي تطولي بالك و تصبري فما بعد الصبر الا الفرج و دائما قولي لحالك (عسى ان تكرهوا شيئا و هو خير لكم)صدق الله العظيم و كمان (قدر الله وما شاء فعل )فلذلك لا تحزني على شي ولا تندمي على شي لانو ما في شي بيستاهل :D
|
اقتباس:
دير بالك عليهون لعيونك منيح هه :jakoush: اوعك تحط نظارات او هيك شي:deal: |
اقتباس:
سكرا أنكل وشيم:D |
يعني والله أنا مراقي منزوع و معصبة...أنو هلق بدي أفهم وقت واحد بيحكي شغلة لشخص و بيأمنو ما يحكي..لك تقولو هالكلمة بتحرض الناس أنو يحكو...شي أنو تقول لا تحكي..دغري بيروح بيحكي..اي يلعن أخت الثقة بهالناس..أنا بقا يابدي اكل هوا يا بدي أكل هوا..مافي كلام:larg: الله يستر يارب:cry: |
اقتباس:
لك هدي عحالك شوي؟؟؟؟؟؟؟؟؟؟؟؟ بعدين لازم المرة الجاي تنتبهي لمين بتحكي ماالعالم مابتسدق تلاقي شغلة تحكي عليها ومافي شي بستاهل والله طنش عش تنتعش;) |
ايامي اخ من ايامي صرلي يومين مبارح و اليوم ماني عم افضى فوت على اخويه متل الخلق ولله وهل شي مدايقني :(
مبارح كلو شغل صدقوني من 7 الصبح لل 9 المسا شي بيشل يعني ولله حرام انا على هل حاله لح موت حاسس حالي يعني انا حاسب اني عيش مية سنه على هل شغل لح عيش بس 90 سنه :( اي مو حرام طيب .. هلا مافي شي مهم أذكرلكم ياه عن مبارح غير شغلي واني عم حضر للاختبار الجايه مشان الشبكات ونشا الله بنجح فيه بدي خلصهم قبل ما انزل علشام ... دندون انا لازم البس نظارة شمسيه بالشمس لانو عيوني حساسه من الضو ، و هلا عم البس نظارة حفظ نظر بس مشان الكمبيوتر لانو بعود كتير ورا الشاشه البلاتينيه ... المهم انتو شو اخباركم حكولي |
6/11/2007
يا جماعة هلق اليوم صرنا بتاريخ 7/11 بس عم اكتب عن مبارح لانو النت كان مفصول عندي والله حسيت حالي مغربط من فوق لتحت بلا اخوية متل الضايع الله وكيلكن :cry:
المهم الحمد لله اجى النت و مشي الحال :o مبارح يعني ما صار معي شي مهم غير الدراسة ثم الدراسة ثم الدراسة و متل العادة مع مادة الانسجة بلا نتيجة :cry: |
7/11/2007
هلق بما انو تقريبا خلص اليوم ف رح اكتبلكن شو صار معي بهالهار هاد:
اول شي من الصبح كان عندي درس لاتيني رحت عليه و صارت هنيك شغلة انو : المعلمة سالت سؤال قمت انا بكل بداهة و شطارة جاوبت عليه :larg: فقامت الانسة و سجلتلي نقطة ايجابية عالدفتر عندها مشان هيك البولون كلهن انبع..وا مني ليش انا طالب اجنبي و عرفت السؤال مع انو و حياتكن انا متل الاطرش بالزفة مع هاللاتيني بس هيك صدفت انو عرفت السؤال لاني كنت دارسو :p بعدين كان عندي درس انسجة ومتل العادة بدون مناقشة رسبت بالمذاكرة بس اليوم صرنا ندردش انا و المعلمة و نمزح شوية بالحكي و بلشت امدح بالبولونيات و من هالحكي و هالكذب ....مشان هيك كمان البولون رفقاتي غارو مني شوية انو منين عندي هالجرأة اني دردش و امزح مع المعيدة لانو هيي ما بتعطي وش لحدا بالصف و صارت تساعدني كتير وانا عم اشتغل عالمجهر:p المهم بعدين رجعت عالبيت و كان النت متصلح و الحمد لله و حكيت مع امي عالماسينجر :sosweet::sosweet: صرلي اكتر من شهر مو سامع صوتها :cry::cry: بس الحمد لله مشي الحال و اخدت دفعة معنوية منها كبيرة لقدام :gem: اي وهلق قاعد عم ادرس....ادرس.....ادرس.....ادرس.... (طبعا مع شوية استراحات قصيرة للدردشة مع رفيقي:p) اي و هيك بتوقع انو ينتهي نهاري بدون اي شي تاني مهم و دمتم و دامت اخوية اللي بتجمعنا :D |
اقتباس:
واااااااااع..أنا مالي أكلة هم المرة جاية.. لاني حرمت ماعد قول غير لحالي:cry:..احكي مع حالي أحسن الشي هلق يلي بيرعب النتيجة:sick: |
اقتباس:
بيتحسسو من الضو :? :? اي تبع الكومبيوتر عادي..:larg: |
والله أنا اليوم كالعادة ماعملت شي:sick:..بس نزلت دور على شغل..ولي بدي أعد سنة كاملة بالبيت..اي مية بالمية بنتحر..:pos: آم أنا وماشية بهالمول شفت صالون منيكور و بديكور ..آم طلعت فجأة براسي:o..فتت و ساويت أضافيري ..بس شو طلعو فلجة من الفلجات:ss: و بعدين خطرت فكرة براسي..و قررت أخد دورة عن المنيكور و البديكور:clap: ..واشتغل بهي القصة..خرطت مشطي.. ادعولنا يا جماعة:deal: |
تبعا بعد انقطاع يومين يلي هنه الاربعاء و الثلاثاء برجع لموضوعي ...
خلاصت اليومين كانت ... شغل بشغل بشغل ، من ال8 الصبح لل 10 المسا ، لدرجة انو مخي بطل يستوعب اي شي تمام ... مافي اي شي مميز بهل يومين كلو نفس الشي روتين و عم ينعاد ، الايام حاسس مطبوعه بورق كربون وانا بس عم أدي واجبتي و خلص مراحلي اليومه يلي لازم أمرق فيها ... مالح وجعلكم راسكم بكتر الحكي .. اليوم خميس ما بعرف اليوم شو ممكن يتغير بس بتمنى مثلا بليل اطلع اسهرلي شي سهره او اعمل شي غير جو فيه .. اكيد راجعلكم بس |
| الساعة بإيدك هلق يا سيدي 21:57 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون