تزويج الفتاة من مغتصبها ...

[butterfly]

كاتب النص الأصلي : nour333

بجوز وقتها الشيطان كان آخد اجازة

ما تتخيلي عدد المرات بحياتي اللي كان فيها الشيطان بإجازة

كاتب النص الأصلي : mhsen77

يا خيتو انا ما نفيت عن المغتصب المسؤولية بس قلت احيلن البنت بتحط حالها بموقف ممكن تتعرض فيه للاغتصاب و

دقيقة دقيقة .. انا بدي راسي يوجعني ، شوي
خدوني ع قد عقلي
يا جماعة لو كانت عندو ببيتو ، ولابسة تياب فاضحة متل ما حابين تسموها ، وما عندا الرغبة بممارسة الجنس
فإجبارها ع ممارسة الجنس إغتصاب !!!
حتى لو كان حبيبها ، صاحبها ، لو نايمة معو من قبل !
فعل الاغتصاب هو ممارسة الجنس بالإكراه ، وهو فعل بيسيء لإنسانية الشخص ، فعل عدواني

يعني بدال ما نناقش يجوزوها ياه ولا لأ ، صرنا بدنا نلاقي مبررات للي عم يغتصبو !

[butterfly]

أي كمان مشان ما طق
اغتصاب العاهرات جريمة ، واغتصاب الحبيبة جريمة بنفس سوء الأولى ، واغتصاب العذراء جريمة بنفس سوء التنتين اللي قبلا

قال دفعتو ، وطبقتو و.. و..

[suryoyo]

يا اخوان ... رح نظل بنفس الدوامة ... بس لازم نطلع منها

قصة عضلات البنت اقوى شي بالعالم ... قصة مو مثبوتة على كل الحالات ... و المتعرضة لحلة الاغتصاب ما تكون بكامل وعيها من هول الصدمة

و مئات الحالات ... من الاغتصاب تمت بشكل تام بوجود مقاومة شرسة ..


القانون بنفس الوقت يظلم المرأة .. باعتبارها اذا حكت مع المغتصب ... تكون سهلت الامر و معناها اذا اغتصب الزميل زميلته ... تمت العملية بموافقة عميد الجامعة


ما اريد اقول اللي ايدو بالنار مو مثل اللي ايدو بالماي ... بس قدروا مشاعر بنات تعرضوا لوحشية الاغتصاب بعدين احكوا على الفبركة و البطيخ ....

و بالنهاية على قولة شوش ... كل حالة مستقلة بالظروف المحيطة لها ...

[mhsen77]

كاتب النص الأصلي : butterfly

دقيقة دقيقة .. انا بدي راسي يوجعني ، شوي
خدوني ع قد عقلي
يا جماعة لو كانت عندو ببيتو ، ولابسة تياب فاضحة متل ما حابين تسموها ، وما عندا الرغبة بممارسة الجنس
فإجبارها ع ممارسة الجنس إغتصاب !!!
حتى لو كان حبيبها ، صاحبها ، لو نايمة معو من قبل !
فعل الاغتصاب هو ممارسة الجنس بالإكراه ، وهو فعل بيسيء لإنسانية الشخص ، فعل عدواني

يعني بدال ما نناقش يجوزوها ياه ولا لأ ، صرنا بدنا نلاقي مبررات للي عم يغتصبو !

هي احسن حبة بانادول عيار خمسمية لقيتها بالصيدلية \ اصلي مهرب \ كرمال صحتك
انا معك بهالحكي مية بالمية و انا برجع بكرر اني ما شلت المسؤولية عن الشب و حطيتها عالبنت و اذا فهمتي من كلامي هالشي فانتي غلطانة بس انو مافي بنت تم اغتصابها بتتحمل ولو جزء من مسؤلية يلي حصل معها هي ما كتير ظبطت معي
خلينا بمثالك السابق كونها ما عندا رغبة بممارسة الجنس بس هيي عم تغريه برأيك ما بتتحمل اي نوع من المسؤلية؟
انا ما كنت عم دور على مبررات الاغتصاب لا بالاول ولا بالاخير
مشان جازة المغتصبة بتمنى اكيد انو ما تتجوز هالوحش و رايي انو القانون قاصر بحق هالانسانة
تحياتي بتمنالك الصحة والعافية و بلا ماتوجعي راسك

[achelious]

كاتب النص الأصلي : butterfly

دقيقة دقيقة .. انا بدي راسي يوجعني ، شوي

خدوني ع قد عقلي
يا جماعة لو كانت عندو ببيتو ، ولابسة تياب فاضحة متل ما حابين تسموها ، وما عندا الرغبة بممارسة الجنس
فإجبارها ع ممارسة الجنس إغتصاب !!!
حتى لو كان حبيبها ، صاحبها ، لو نايمة معو من قبل !
فعل الاغتصاب هو ممارسة الجنس بالإكراه ، وهو فعل بيسيء لإنسانية الشخص ، فعل عدواني

يعني بدال ما نناقش يجوزوها ياه ولا لأ ، صرنا بدنا نلاقي مبررات للي عم يغتصبو !

عيني مافي قانون ولاحتى شريعة بالدنيا بتجبر حدا عالزواج .. والاجبار عنا راجع للعرف الغبي الي بطريقه للزوال ..

بس هون بالقصة الي طرحتا مريومة عالنقاش انعرض خيار (استئناف الحياة المشتركة) عالفاعل
وهاد بالقانون يعني انو الواقعة هي واقعة "زنا" مش "اغتصاب"

لحطك بالصورة يعني, لأنو بس دعوى الزنا بالقانون السوري الي ما بتقوم بدون شكوى من الزوج أو من الولي .. وبتسقط بحال رضي الرجل باستئناف الحياة المشتركة ..
أما بالاغتصاب فمافي هيك شي ابدا لأنو "لا جريمة بدون نص ولا عقوبة بدون نص"

والمواد الي بتتعلق بالزنا زالسفاح بالقانون السوري هي هيه ..

المادة 473
1 ـ تعاقب المرأة الزانية بالحبس من ثلاثة أشهر إلى سنتين.
2 ـ ويقضى بالعقوبة نفسها على شريك الزانية إذا كان متزوجاً وإلا فالحبس من شهر إلى سنة.
3 ـ فيما خلا الإقرار القضائي والجنحة المشهودة لا يقبل من أدلة الثبوت على الشريك إلا ما نشأ منها عن الرسائل والوثائق الخطية التي كتبها.

المادة 474
1 ـ يعاقب الزوج بالحبس من شهر إلى سنة إذا ارتكب الزنا في البيت الزوجي أو اتخذ له خليلة جهاراً في أي مكان كان.
2 ـ وتنزل العقوبة نفسها بالمرأة الشريك.

المادة 475
1 ـ لا يجوز ملاحقة فعل الزنا إلا بشكوى الزوج واتخاذه صفة المدعي الشخصي «وعند عدم قيام الزوجية فتتوقف الملاحقة على شكوى الولي على عمود النسب واتخاذه صفة المدعي الشخصي».
2 ـ لا يلاحق المحرض والشريك والمتدخل إلا والزوج معاً.
3 ـ لا تقبل الشكوى من الزوج «أو الولي» الذي تم الزنا برضاه.
4 ـ لا تقبل الشكوى بانقضاء ثلاثة أشهر على اليوم الذي اتصل فيه الجرم بعلم الزوج «أو الولي».
5 ـ إسقاط الحق عن الزوج أو الزوجة يسقط دعوى الحق العام والدعوى الشخصية عن سائر المجرمين.
6 ـ إذا رضي الرجل باستئناف الحياة المشتركة تسقط الشكوى.

المادة 476
1 ـ السفاح بين الأصول والفروع، شرعيين كانوا أو غير شرعيين، أو بين الأشقاء والشقيقات والأخوة والأخوات لأب أو لأم أو من هم بمنزلة هؤلاء جميعاً من الأصهرة، يعاقب عليه بالحبس «من سنة إلى ثلاث سنوات».
2 ـ إذا كان لأحد المجرمين على الآخر سلطة قانونية أو فعلية «فلا تنقص العقوبة عن سنتين».
3 ـ يمنع المجرم من حق الولاية.

المادة 477
1 ـ يلاحق السفاح الموصوف في المادة السابقة بناء على شكوى قريب أو صهر أحد المجرمين حتى الدرجة الرابعة.
2 ـ وتباشر الملاحقة بلا شكوى إذا أدى الأمر إلى الفضيحة.

والمادة المتعلقة بالاغتصاب هي هيه

المادة 984 من قانون العقوبات السوري
"1- من أكره غير زوجه بالعنف أو بالتهديد على الجماع عوقب بالأشغال الشاقة خمس عشرة سنة على الأقل .‏
2- ولا تنتقص العقوبة عن إحدى وعشرون سنة إذا كان المعتدى عليه لم يتم الخامسة عشرة من عمره "

بالتالي القصة الرسمية الي عرفناها تم فيها عرض هالخيار , ولايمكن تكون بقى إلا زنا
وهون برجع لاقتباس من آخر رد لشوش بيقول الي بدي قوله

هلئ اذا تنين بحبو بعضهم حب لالله بالله و صار و حبو بعضهم عالتخت بعدين اكتشفو اهل البنت القصه .. فهي القصه رح يـقولو عنها اغتصاب - مع انو تعريف الاغتصاب هو اللي يتم بعدم موافقه طرف من الاطراف - الا انو ما رح يقولو والله بنتنا عم تمارس الحب .. و لذلك بهيك حاله اذا انعرض عليها الزواج منه هي يمكن تكون مكيفه و مبسوطه و عم تنطوط من الفرحه ..

بالتالي القصة مابقى قصة تزويجا من مغتصبها هون .. أو عالأقل مابقى فينا نقول غير هيك ..

أما موضوع تزويج الفتاه من مغتصبها فتصرف وحشي مابيقبله العقل ولا القانون ولا اي معتقد بالعالم ..
والسلام

[personita]

أتصور أنو المعيار هون مش هو البنت راحت البيت معو ولا لأ، كانت لابسة ولا شالحة، عذراء ولا لأ، المعيار هو هل هي كانت موافقة على العلاقة الجنسية ولا لأ. فأعتقد إذا كانت العاهرة من حقا أنو ترفض أو تقبل علاقة، والقانون بيحميها من الاغتصاب، كيف إذا بنت ما الها ولا عليها. حتى ولو رايحة معو البيت، حتى ولو حطت حالها في موقف ممكن يعرضها لهيك شي، من باب الغباء أو من باب الثقة بالشخص أو من أي باب كان، بالنهاية هي ما سمحت و ما كان بدها ها العلاقة تتم، ومشان الله لا حدا يحكي لي عضلات مهبل، لأنو كأنو عم تحكو عن جدار برلين!! يعني شو ممكن تعمل هل العضلات قدام ثور؟! مع الأخذ بعين الاعتبار عامل الرعب اللي ممكن يصيب البنت في هاي الحالة. وبالنهاية ما بعرف إذا قانون تخيير الجاني ما بين السجن أو الزواج من المغتصبة، المراد منو معاقبة الجاني أو الضحية! ما بقدر أتصور حجم المهانة والذل اللي ممكن يحس بيه إنسان تعرض لعملية اغتصاب (وحكيت إنسان لأنو الرجل كمان ممكن يغتصب، في السجن مثلا)، فمن باب المقارنة، ما أحلاها في هيك حالة مشان يردولو اعتبارو يخيرو اللي اغتصبو ما بين السجن أو انو يغتصبو رسميا كل يوم!!!

[أنامش كافر]

انو يمكن معك حق..................
بس المجتمع بيقول غير هيك................
لأنو نحن عنا كل شرف البنت بس ب....؟؟؟
يعني عنا الواحد بيتزوج رقاصة عذراء بس ما بياخد وحدة مغتصبة..............

[عمار فيكا]

يا شباب صار 9 صفحات والبنت مارجعت لعذريتها يعني كل هالحكي لا قدم ولا أخر من شان هيك حاج تتقاتلوا ع الفاضي

[The morning]

بالتالي القصة مابقى قصة تزويجا من مغتصبها هون .. أو عالأقل مابقى فينا نقول غير هيك ..

أما موضوع تزويج الفتاه من مغتصبها فتصرف وحشي مابيقبله العقل ولا القانون ولا اي معتقد بالعالم ..
والسلام

اللي قصـدت قوله أنـّو قد تسـمى الاشياء بغير مسمياتها احيانا .. و اللي كان بدي اوصله هوّ انو النظر بكل حاله و خصوصيتها أمر واجـب مش بس انو الشب غلط لا البنت غلطت لا جارتنا غلطت لانو عرفتهم عبعض .. هيك اطلاق الحكي بالمـطلق فيما يخص الاحوال الشـخصيه هو أمر بشـوف أنو ما لازم يتم و لازم الاخد بعين الاعتبار خصوصيه كل حاله عن غيرها من الحالات ..

كاتب النص الأصلي : عمار فيكا

يا شباب صار 9 صفحات والبنت مارجعت لعذريتها يعني كل هالحكي لا قدم ولا أخر من شان هيك حاج تتقاتلوا ع الفاضي

شـلون لا قدم ولا آخر ..
انت وقت بتناقش فكره ما دائما بتكون عم تناقشها لتوجد حل للمشكله الواحده اللي تعترضك .. انما نقاش الفكره هو مشروع حل و الغاء المشكله من اصلها (( مع الوقت طبعا )) ..

[عمار فيكا]

أنا يلي قصدتو أنو النقاش بهيك موضوع مارجع حقوق المغتصبات ويعني بالأخص أنو موضوع الأغتصاب موجود بكل دول العالم ف مارح نحسن نضبط كل الدول أو بالأحرى دولة وحدة ع الأقل أو نعاقب مغتصب واحد يعني أنا لو سلموني المغتصب أنا شخصيا ما بعدمو بس بخليه يتمنى الموت ومايلاقيه من شدة العذاب

[ritka]

كاتب النص الأصلي : عمار فيكا

أنا يلي قصدتو أنو النقاش بهيك موضوع مارجع حقوق المغتصبات ويعني بالأخص أنو موضوع الأغتصاب موجود بكل دول العالم ف مارح نحسن نضبط كل الدول أو بالأحرى دولة وحدة ع الأقل أو نعاقب مغتصب واحد يعني أنا لو سلموني المغتصب أنا شخصيا ما بعدمو بس بخليه يتمنى الموت ومايلاقيه من شدة العذاب

في كتير عالم قبلنا كانو يشوفو الشي (اي شي) اللي احنا منشوفو جدا طبيعي هلا شي مستحيل
بس مع الوقت كل شي بيتغير..نفس الشي اللي هلا احنا عم نعيشو بكرة مع الوقت رح يختفي
بتعرف كيف؟
بالحوار..و بالتفاهم.. و بالمناقشة
ما في شي هيك بيتغير من الباب للطاقة..

اما بالنسبة للمغتصب ما فيك تعدمو... و ما فيك تعذبو
هالشي مش من حقك ابدا مين ما كنت
بدل ما تستفيد منو و تعيد تأهيلو بتعذبو مشان بدل ما تكحلها تعميها؟

.

[Nay]

كاتب النص الأصلي : عمار فيكا

أنا يلي قصدتو أنو النقاش بهيك موضوع مارجع حقوق المغتصبات ويعني بالأخص أنو موضوع الأغتصاب موجود بكل دول العالم ف مارح نحسن نضبط كل الدول أو بالأحرى دولة وحدة ع الأقل أو نعاقب مغتصب واحد يعني أنا لو سلموني المغتصب أنا شخصيا ما بعدمو بس بخليه يتمنى الموت ومايلاقيه من شدة العذاب

الضغوط على الحكومات لتغيير التشريع هيي بالاساس بتجي من الناس.. ومن المثقفين خاصة.. ومن هيك حوارات..
وانا برأيي التغيير بمجتمعاتنا لازم يجي من التشريعات القانونية أولا مو من المجتمع لانو مجتمعاتنا بتنجرف بسهولة مع الرأي القانوني خاصة اذا كان مدعوم برأي رجالات الدين ..
والموضوع بالاساس عم يناقش ضرورة الغاء المادة 508 من قانون العقوبات الي ذكرتها سابقاواللي بتعفي المغصب من العقوبة اذا تزوج الفتاة اللي اغتصبها.. واللي في منظمات و حركات او شخاص مستقلين عم يدعمو الغاءها

[Nay]

عمار التشريع المصري غير كتير قوانين لصالح الغاء اشكال التمييز ضد المرأة بسبب ضغوط المثقفين واكيد بسبب وعي ورغبة حقيقية بالتوصل لقانون احوال شخصية وقانون عقوبات اكثر انسانية..
ما في مجال لذكر القوانين هون لانو الموضوع مو متحمل تشعيب اكتر من هيك ..
بس بحب اذكر انو القانون المصري الغى المادة 291 بقانون العقوبات المصري المقابلة للمادة 508 بالقانون السوري..

[zen]

انو قريت الموضوع من اولو وعفكرة بقناة المشرق حطو ذات لقصة من ذات الخبر تبع جريدة بلدة بنشرة هنا سوريا
هلق
انا تفاجأت كتير ببعض الردود
وثبتت براسي فكرة انو عنا هالنساء بيجو ع بعض يعني هني بيضوعو حقوقهون بايدون
وكمان بلاك قال انو مافي عملية اغتصاب بتم بدون موافقة من البنت

منطقيا التغيرات الفيزولوجية راح تطرأ ع حال المغتصبة
يعني لو فيها وقلة أدب لو وحدة اجت اغتصبت واحد مدت ايدها مدري لوين ماراح يتهيج الزلمة
انو هي القصة طبيعية
فالاغتصاب بيبقى اغتصاب
وبما انو نحنا مجتمع محكوم بالعادات وليس بالقانون ومو بس هيك مالقانون جاية لصف العادات والتقاليد
فلا حياة لمن تنادي
عمار فيكا قال تسع صفحات مارجعت عزريتها
وشو بدنا بعذريتا مو لترجع المخلوقة بالأول وتعيش بعدين اسأل عن الغشاء اللي انو راح فكر وجودو بجسم النساء غلطة او تشوه خلقي

وصديقتنا شمس سوريا قالت الوحدة تستر حالها ماحدا بيقرب صوبها وياسلام لو تعرف الشموسة انو معظم المغتصبات من المستورات شو بيصير (مستورات يعني حجاب وخلافو وطبعا المستورات ورد ذكرهون بانهم فقط الملتزمات بالالبسة المحتشمة ع ذمة شموسة)
و شب قايل انو القانون بسوريا بيسمح للزلمة ايمت ما بدو يغتصب مرتو ففي احد تاني سألو كيف
فكيف هي ع الشكل التالي
انو مثلا تنين متجوزين والرجال جاي عبالو ينبسط ويزهزه جنسيا طبعا لانو الزهزها والبسط عنا ما بيصير الا بالسكس المهم هي مابدها مو جاي عبالها فهوي بما انو جوزها قانونا بيحقولوا يجامعها وغصب عنها وبما انو غصب فهو اغتصاب
وبالاخر لو غيروو مليون قانون ما بيفيد اذاا المجتمع والناس بلشو بالتغير
ودمتم

و عفكرة
من هلق قررت انو اذا بدي اتجوز ما بدي وحدة عذراء
ما بدي ياها تكون مطلقة او ارملة يعني مو متجوزة قبلي ومانها عذراء
فعيشو بهالنعمة

[عمار فيكا]

أنا حاليا عم راسل المنتدى من الموبايل من شان هيك ماعندي إقتباس
ياأخت ريتكا إذا عاقبنا المغتصب من كون عم نعميها يعني بدك نسفق للمغتصب ونقلو حبيبي لا بقى تعيدها مابصير والبنت انشاالله عمرها
يعني إذا هي تعذبت طول حياتها معلش وهو لأ ماهي أكيد عم تتمنى الموت ولايكون صاير معها هالشي هي إذا ماصار معها مرض نفسي من أثر الصدمة ثم أنو التشريع السماوي بينص على معاقبة الزاني ب 100جلدة
فما بالك إذا كان مغتصب

[zen]

بعدين كل ما دق الكوز بالجرة بيقولو البنت عم تغري الشب
اذا لبست قصير وطويل وما بعرف شو
وانو الشب ما بيغري البنت ولا هي عندها انتي اغراء
يعني ما ممكن يكون مظبط ومشكلس حالوا وع اخر طرز ويغريها
ولا مام ممكن
طبعا بتمنى اشمس تجاوبني

[whiterose]

أكاد اعتقد انو النقاش انصب بعيد عن فكرة الموضوع كله بحد ذاته

المهم...

رأيي باختصار لا احبذ فكرة تزورج البنت من الشب يلي اغتصبها
الا اذا كان هية عندها رأي تاني او الاهل او او او

وفكرة مين بدو يطلع فيها بعد هالشي يلي صار معها
بتخيل الله كريم وقل مايصيبنا الا ماكتب الله لنا

[ritka]

كاتب النص الأصلي : عمار فيكا

أنا حاليا عم راسل المنتدى من الموبايل من شان هيك ماعندي إقتباس
ياأخت ريتكا إذا عاقبنا المغتصب من كون عم نعميها يعني بدك نسفق للمغتصب ونقلو حبيبي لا بقى تعيدها مابصير والبنت انشاالله عمرها
يعني إذا هي تعذبت طول حياتها معلش وهو لأ ماهي أكيد عم تتمنى الموت ولايكون صاير معها هالشي هي إذا ماصار معها مرض نفسي من أثر الصدمة ثم أنو التشريع السماوي بينص على معاقبة الزاني ب 100جلدة
فما بالك إذا كان مغتصب

انت ما فهمت علي تماما.. انا ما قلت انو نسفقو كفين و نقلو لا بقى تعيدها
واحد مغتصب ما بدو يكون بكامل قوا العقلية لما عمل هالجريمة لانو ما بتخيل انو في ايا حدا ممكن يسبب بخراب حياة حدا بس لمجرد نزوة دقيقة ازا كان بكامل قواه العقلية..
بمعنى بدل ما نعذبو بالحبس و نربي في شي مليون عقدة نفسية بعد شي 15 سنة يطلع برا السجن
و ينفس عن العقد تاعتو كمان مرة بنفس الطريقة ازا ما كان اخترع طرق جديد اكثر سفكا و دمارا!!

اما البنت فهاي لحالها قضية تانية
لانو الحل الامثل انو تحاول ترجع لحياتها الطبيعية الشي المستحيل بمجتمعنا هاد
بمعنى اخر انو قضية البنت حلها بيكون في تغير طريقة تفكير هالمجتمع.. الشي الي بدو وقت كبير و جهد اكبر

.