تزويج الفتاة من مغتصبها ...

[nour333]

كاتب النص الأصلي : whiterose

أكاد اعتقد انو النقاش انصب بعيد عن فكرة الموضوع كله بحد ذاته

المهم...

رأيي باختصار لا احبذ فكرة تزورج البنت من الشب يلي اغتصبها
الا اذا كان هية عندها رأي تاني او الاهل او او او

وفكرة مين بدو يطلع فيها بعد هالشي يلي صار معها
بتخيل الله كريم وقل مايصيبنا الا ماكتب الله لنا

عزيزتي وايت روز بجوز تحول النقاش لقصة انو الفتاة المغتصبة ضحية ام شريكة وهاد ومهم لنقول انو ازا كان الها دور او ادعت هيك ادعاء يعني زواجها من الشب اللي ادعت انو اغتصبها بجوز حل خاصة بمجتمعنا
بس كمان في حالات اغتصاب وحشيه هون ما بتخيل انها الفتاة تقدر تكفي مع شخص خربلها حياتها

[jovia]

هلا موضوعك كتيرررررر مهم بس هاد الحل انو يتزوجها اكيد هالزواج مؤقت وحيكون جحيم للبنت وبدلما يحكملا للبنت بالثأر لشرفها بيحكم عليها بالعذاب الأكبر مابعرف ليش مجتمعنا دايما بيظلم البنت والمراة بشكل عام بكل شي عن جد شي بيطفش العيشة ياه

[ابو نجبو]

كاتب النص الأصلي : jovia

هلا موضوعك كتيرررررر مهم بس هاد الحل انو يتزوجها اكيد هالزواج مؤقت وحيكون جحيم للبنت وبدلما يحكملا للبنت بالثأر لشرفها بيحكم عليها بالعذاب الأكبر مابعرف ليش مجتمعنا دايما بيظلم البنت والمراة بشكل عام بكل شي عن جد شي بيطفش العيشة ياه

صلّي عالنبي.....صحتك

[nour333]

كاتب النص الأصلي : butterfly

دقيقة دقيقة .. انا بدي راسي يوجعني ، شوي
خدوني ع قد عقلي
يا جماعة لو كانت عندو ببيتو ، ولابسة تياب فاضحة متل ما حابين تسموها ، وما عندا الرغبة بممارسة الجنس
فإجبارها ع ممارسة الجنس إغتصاب !!!
حتى لو كان حبيبها ، صاحبها ، لو نايمة معو من قبل !
فعل الاغتصاب هو ممارسة الجنس بالإكراه ، وهو فعل بيسيء لإنسانية الشخص ، فعل عدواني

يعني بدال ما نناقش يجوزوها ياه ولا لأ ، صرنا بدنا نلاقي مبررات للي عم يغتصبو !

مرسيل كيفك
لقلك انت سبقتيني بشغله كنت بدي احكيها هلا مفهوم الاغتصاب بيختلف عنا عن دول الغرب
هلا بالغرب العلاقات الجنسية مو محصورة بأطار زواج ومتاحه بجميع اشكالها و ما في فصل اجتماعي بين رجل وامرأة يعني برا ممكن امرأة تتشارك بسكن مع رجل ومو ضروري تكون على علاقة جنسية معو هو يكونلو علاقاتو وهيه كمان لهيك لو هالشخص جبرها على الممارسة يعتبر اغتصاب بس عنا لو وحده راحت تشتكي انو الها شريك سكن اغتصبها بيعملولها قضية آداب لهيك لازم ما نضحك ع حالنا ونتجاهل قانونا اللي بيحرم وجود امرأة ورجل بشقة من دون عقد زواج وكمان ممنوع بالفنادق اتنين غير متزوجين ياخدو غرفه منفرده

[whiterose]

الفتاة المغتصبة ضحية ام شريكة

شريكة!!!! شريكة بشو مهما كانت البنت لابسة لبس فاضح
الاغتصاب بيضل جريمة وحشية بطلها حيوان كبير

او ادعت هيك ادعاء يعني زواجها من الشب اللي ادعت انو اغتصبها بجوز حل خاصة بمجتمعنا

هي بقا موضوع تاني بس بتخيل كل شي اتطور وصار الطب بيقد يكشف اذا كان فعلا في اغتصاب او لا

[xxlarge]

[quote=marioma alghzayala;1265518]مرحبا ..

...حسيتن عم يساعدوه...







أو حاسدينو ........... بس علشو .......على أنو كتير غريزتو الحيوانيه الشهوانيه أقوى من عقل التصرف

أنا برأيي هاد انسان بلا ضمير وأقدم طرق الأعدام الصيني قليلي بحقو ........يا لطيف ألطف

[xxlarge]

[quote=nour333;1267555]
لقلك انت سبقتيني بشغله كنت بدي احكيها هلا مفهوم الاغتصاب بيختلف عنا عن دول الغرب


السلام عليكم ورحمة الله وبركاته
نقلا عن الشيخ عبدالمحسن الأحمد
يقول الخبر :
أن كل 9 ثوان تغتصب امرأة في امريكا

وفيكي عزيزتي تتأكدي من صحة الخبر شايفي الحمدلله.......... شو بيختلف مفهوم الأغتصاب

[nour333]

كاتب النص الأصلي : whiterose

شريكة!!!! شريكة بشو مهما كانت البنت لابسة لبس فاضح
الاغتصاب بيضل جريمة وحشية بطلها حيوان كبير


هي بقا موضوع تاني بس بتخيل كل شي اتطور وصار الطب بيقد يكشف اذا كان فعلا في اغتصاب او لا

لا انا ما بقول شريكة يعني شو لابسه ولو معقول وصل لهيك مستوى
بس القصد ازا ادعت ولكون واضحه ممكن عنا البنات يدعو هيك شي خوفا على حياتهم هلا الطب الشرعي طبعا بقدر يحدد هالشي بس ازا تم الكشف مباشرة بعد الواقعة


نقطة اخيرة على لباس البنت سواء محتشم ام لأ مو مبرر ابدا لأنو احنا مو بغابه متل ما انو مو مبرر ازا لقينا فلوس قدامنا نروح نسرقها

[عمار فيكا]

يانور بحب قلك إنو المال الداشر بيعلم ع الحرام
وأهل النفوس الضعيفة يلي نفسهن وغريزتن عم بتقودن وماعم يقدرو يضبطو عقلن للإسف كتار

[balqees]

كاتب النص الأصلي : أإأبو العبد

بس يعني لو ماتزوجا المغتصب مين رح يتطلع فيها بمجتمعنا؟؟؟؟؟؟؟؟؟؟

شوف كيف كانت نظرتك على طول عليها هيه (الضحية )

[عمار فيكا]

هو ما عم ينظرلها نظرت إسحتقار لأنو بيعرف إنها ضحية بس هو عم يحكي الواقع يعني للأسف نحط عليها إشارةxبمجتمعنا

[ritka]

كاتب النص الأصلي : عمار فيكا

يانور بحب قلك إنو المال الداشر بيعلم ع الحرام
وأهل النفوس الضعيفة يلي نفسهن وغريزتن عم بتقودن وماعم يقدرو يضبطو عقلن للإسف كتار

افهم من هيك انو انت بنظرك البنات عنا مال داشر؟
طب البنات ببلاد برا مال شو؟ بيتوزع ع الفقرا؟

بدل ما تقول مال داشر و مال محفوظ (هاد اللي بيعلم السرقة) يا ريت تفكر بالاسباب الحقيقية اللي بتدفع الواحد انو يفكر بهيك شي

عنا بالمجتمع في شي عشرالاف علّة ممكن توصل الواحد لهيك مواصيل
ما عم دافع عن المغتصب بس بحب نوّه انو ما في شي بس لانو "داشر" بيصير
كل شي الو دوافع و اسباب بدل ما نحط الحق ع بنت بريئة ما زنبها شي غير انو لابسة بلوزة "نص كم" و عم تاخد كل شي بطبيعية و بلا ما تفكر بالنوايا الخفية للي قدامها بالاحرى نشوف احنا شو وضعنا اللي وصلنا لهون,,

طبعا انا بشوف من حق اي بنت تلبس اللي بدها اياه,,, و عندي قناعة تامة بانو الوحدة بدل ما تفكر شو تلبس مشان ترضي العالم
بيكون من الافضل انو تلبس اللي بيريحها, تفكر بمستقبلها و تعيش حياتها بقى,,,
بدون كل هاي الحسابات اللي ما عم تعمل شي غير انو ترجعنا لورا شي عشرطعشر سنة

[الحب حياة]

البنت المغتصبة للأسف بمجتمعنا الحالي الاغلبية عم بطلعو فيها انها بنت مو شريفة ..

وانها ما بتستاهل غير الشب ياللي اغتصبها .. بس انا برأيي انو البنت المغتصبة هاي ضحية ..

وانو الشب هاد ما بيستحق انو يتخوزها .. بس بسيتحق انو ينعدم لأنو هاد شي ما بيعملو انسان طبيعي ...

وتحياتي إلكم

[الحب حياة]

البنت المغتصبة للأسف بمجتمعنا الحالي الاغلبية عم بطلعو فيها انها بنت مو شريفة ..

وانها ما بتستاهل غير الشب ياللي اغتصبها .. بس انا برأيي انو البنت المغتصبة هاي ضحية ..

وانو الشب هاد ما بيستحق انو يتخوزها .. بس بسيتحق انو ينعدم لأنو هاد شي ما بيعملو انسان طبيعي ...

وتحياتي إلكم

[A moment of peace]

أكثر شي يستفزني قوانين دولة سوريا
والقانون اللي حكيتي فيه من هذه الخيارات..

القانون ينص (بمعنى لأني مو حافظ):
أن من يقوم بجريمة الإغتصاب يسجن لمدة 15 عاما مع الأشغال الشاقة ..وإذا كانت المغتصبة قاصر فإن العقوبة تكون السجن 21عاما مع الأشغال الشاقة ..ويمكن نقض هذه العقوبة بالزواج من المغتصبة!!!!!!!!!!!!

أولا :الإغتصاب جريمة دنيئة وحقيرة فهو لايؤذي نفسه فقط بل يؤذي غيره الكثيير ..فمهما كانت الظروف لايجب أن ينجوا بجريمته ويكافأ بالزواج !! ومجانا!! (طبعا اذا المغتصبة وافقت سواء كان اجباريا أم كانت حــره بموافقتها).

ثانيا: من يدافع عن هذا القانون الخطير ..بسبب أن المغتصبة لن ينظر أحدا لها !! من قال أن السعادة الأبدية بالزواج
مع ان الزواج مــهم جداا جدا ولكن ليس هو كل شيء....ولنفرض مرة أخرى أن المغتصبة تود الزواج..(فبحد علمي ) جميع القوانين والأديان وافقت على عمل ترميم غشاء البكارة اذا كان تمزق بسبب جريمة الإغتصاب.
ولنفرض مرة اخرى (يمكن تقتنعوا )..أن المغتصب خرج بعد 15 سنة والشر يتأجج من عينيه ناصبا العداء للمغتصبة..وحكى كل اللي صار ..مافي شي يثبت ماقاله ...
ولنفرض مرة أخرى ان الزوج صدق هالكلام وكانوا عئلاته صغااار وطلئه للمخلوئه !...شو يعني
بهدا الوقت تكون متجوزة وعنده أولاد .. واذا ماصارت متجوزة وعند أولاد..هذا نصيبة وهي بريئة بشهادة القانوون!! ...والأهم نفسه ..المهم أنو هي عارفة انها بريئة ..

انا ضد هذه الإجراءات والقوانين لأن فيها الظلم الكثييييييير و تتبع عادات غبية (sorry)..بس الحق ينقال.