أنت لسه أنسان طيب بس اتأكد

[soley_again]

انا مؤمنه بأننا لسه بشر ، ومتأكد اننا برده عايشين علي كوكب الأرض ، وموقن أننا لسه محتفظين بشكل البني آدميين من حيث التركيب التشريحي والفسيولوجي.
بس بدأت أشك إن أنا لسه انسان, وبدأت أحس ان انا عايشه في زمن بقي وجود الانسان فيه نادر قوي.
ايه الدليل ان انت لسه انسان؟......ايه ضمانك علي ان الزمن المادي اللي احنا عايشينه ما طمسش جوانا معاني الانسانيه ؟
في تجربه عايزين نعملها مع بعض........: ننزل كلنا بكرة الشارع ، ولما ننزل عايزين نبص ع الناس ......................لأ كلمة نبص دي مش معبرة.........إحنا عايزين نبحلق في الناس .......حلو لفظ نبحلق ده.
هانلاقي حاكم أو مسئول مش مهم عنده ان في ناس بتموت من الجوع كل يوم ، المهم عنده انه يعيش هو وأحفاد أحفاده زي الملوك ...........عايزين نقرب منه ونسأله انت لسه انسان؟
هانلاقي صاحب عبارة بيكسب ملايين علي حساب مووت الآلاف، ومش مهم ستات تترمل وأطفال تتيتم وناس يضيع شقي عمرها ...........برده عايزين نخش عليه بالسؤال ونساله : انت لسه انسان؟
هانلاقي موظف قاعد عل مكتبه معطل المراكب السايرة ، ومش مهم ان في ناس كتير ماتعرفش تقضي مصالحها وتخلص شغلها ، المهم انه يريح دماغه "وفوت علينا بكره ياسيد"...................برده نكبس عليه : انت لسه انسان؟
عايزين نرصد ونرصد ........ونسال ونسأل .
وأنا عايزه أسأل حضارتكم : ازاي نحافظ علي انسانيتنا من التلاشي؟ ، ازاي أبقي انسان مش مجرد بشري عايش علي كوكب الأرض، وأهم حاجة ازاي ألاقي الانسان وأفرقه من اللي مش إنسان ، لأني مؤمن بأن لسه في ناس كتير بخير بس نلاقيها فين؟
اه صحيح نسيتني........
هو انت لسه انسان؟

[ِAbu Alzooz]

بوس أيديك بس بيكفي مية موضوع بيخلو الواحد يكفر يعني ضربتين على الراس بتوجع

no coment