الغيرة

[شام 2006]

مسا الخير عكل الشباب والصباية وبقلكون كل عام وانتوا بالف خير مرة ثانية :
حابب دردش اليوم عن موضوع الغيرة عند الشب والبنت وياهل ترى هل بحق للواحد انوا يغير على التاني ودرجة الغيرة هي قديش لازم تكون لأنو متل ما بتعرفو للغيرة درجات ولكل درجة حلاوتها اكيد انا بعتبر هاشي حلو لما بشوف الطرف التاني غيران علي بحس بقيمتي عندوا بس هذا ما بيعني انوا انا بستلز بهالشي لآ بالعكس انا ضد هالفكرة .
لما بتكون الغيرة صادقة فما احلى منها بالنسبة للطرفين .
صحيح هي صعبة وبتعمل وجع راس وخاصة اذا زادت الغيرة عن حدها الطبيعي بس الواحد شو بدوا يساوي اذا وصلنا لأصعب مراحل الغيرة اللي بتخلي الواحد يأرف عيشتوا .
وللحديث بقية .........................ودمتم

[attarco]

الغيرة شي طبيعي وجميل ضمن الحدود يلي اتفضلت فيها .....

بس اذا زادت فهي مشكلة ومتل ما قلت بتخلي الواحد يقرف عيشتو

[dena-anton]

برأيي ما لازم يكون في غيره لانو مو من المنطق انو الواحد يحكم تصرفات التاني

[شام 2006]

اذا ما كان في غيرة فهذا يعني ما في حب كيف بدك تعرفي اذا الشخص التاني بحبك ولا لأ من خلال غيرتوا عليكي وطبعا" هذا الحكي بينطبق على الطرفين بس فينا نقول انوا الواحد لازم يحط حالو مطرح التاني وشوف شو رح يتصرف بهيك موقف .
يعني انا اذا شفت حبيبتي او خطيبتي أو زوجتي عبتحكي مع شخص تاني زميل جامعة او قريب فهذا الشي بخليني جن بس برجع وبقول في حال كان العكس شو التصرف رح يكون.
وشكرا" على المشاركة يا جماعة .

[توت توت توت]

والله شو بدك بالحكي ..
إذا بقلك ما بغار عليها بكون كذاب ...
يعني إذا عليها ماغرت على مين بدي غار انا ؟؟؟
( تؤبش عضامي ريتها )

[Maher 4x4]

الغيرة باختصار .... شقّت الحصيرة

[Syrian__Angel]

كاتب النص الأصلي : شام 2006

اذا ما كان في غيرة فهذا يعني ما في حب كيف بدك تعرفي اذا الشخص التاني بحبك ولا لأ من خلال غيرتوا عليكي وطبعا" هذا الحكي بينطبق على الطرفين بس فينا نقول انوا الواحد لازم يحط حالو مطرح التاني وشوف شو رح يتصرف بهيك موقف .
يعني انا اذا شفت حبيبتي او خطيبتي أو زوجتي عبتحكي مع شخص تاني زميل جامعة او قريب فهذا الشي بخليني جن بس برجع وبقول في حال كان العكس شو التصرف رح يكون.
وشكرا" على المشاركة يا جماعة .

شو بدك تحرمها من انه تحكي مع اي انسان بهالدنيا !؟؟

هلأ مشان سؤالك الاول .. انه بيحق للواحد يغار على التاني ؟
اي طبعا بيحقلله .. بس بشرط انه يكونوا التنين على علاقة .. بس احيانا اللي بيصير انه هو بيحبها مثلا وهيي لاء .. وبيصير بده يغار عليها لو شافها عم تحكي مع اي حدا .. اي وقتها مين بيكون عطاه الحق انه يغار ؟! اذا الشغلة مو ملكك ليش لتحرق اعصابك عليها ؟؟

هلأ سؤالك التاني ... اديش لازم تكون درجة الغيرة ؟؟!
الغيرة حلوة لما تكون بحدود المعقول ,,, متى ما زادت عن حدها بتصير كأنها قيد .. وبيصير الواحد كأنه مراقب بتصرفاته وبكلامه ..وما بيعود بيسترجي يحكي مع انسان الا بيكون بموضع شك .. !! طبعا هيك حياة بتخللي الواحد ينتحر ويرتاح .. وحاجة وجع راس

[توت توت توت]

يا جمااااااااااااااااعة والله الغيرة ضرورية .. وكتيير كمان ضرورية ...
واللي بدو يقللي لا تغار بدي ادعي عليه يروح علا السوبر ماركت ومايلاقي الشوكولا اللي بحبا..

ومشان حدود الغيرة ...
الغيرة بتضلها حلوة .. ما دام السقف تبعها هوي الثقة ...
انا بحب ؟ .. اكيد انا بحب
انا واثق فيها ...؟ طبعا انا واثق فيها
انا بغار عليها ... ؟ شي اكيد .. حتى من النسمة الطايرة بغار عليها ...
بس بشك فيها ؟؟ اكيد لاء .. لأنو إذا كان الحب وردة .. فالشك هوي دودة عم تاكل بهالحب ...

و مشان الدوووووود ماالكن الا مبيداااااااااااات عمك ابو صلااااااااااااح ...
من انتااااااااااج معمل الأفراااااااااااااح ..
دوما .. جانب الفرن الألي ..

[سنفورة]

اي والله الغيرة ما بتنحمل وخاصا اذا زاديت على حدودا

[layla]

هلأ من ناحية الغيرة ضرورية اي ضرورية وكتير
يعني انا اذاا ماحسيتو بيغار عليي مارح صدق انو بيحبني
بس متل ماقال توت انو الغيرة بتوقف عند حدود الثقة يعني غيرتي عليه مابتخليني شك فيه
الثقة اهم شي وخاصة اذا كنتو مشردين كل واحد بديرة

[شام 2006]

يا جماعة الغيرة شي والثقة او انعدام الثقة شي تاني في فرق كتير كبير بيناتون .
لما بتنعدم الثقة فهون مشكلة كبيرة مالها حل غير الانفصال هيك رأي بالموضوع
وبعدين من حق الواحد انوا يغار على زوجتوا او اختوا او خطيبتو او حبيبتوا انا ما عمبحكي عن علاقة من طرف واحد لأ بالعكس عبحكي على العلاقة الصحيحة والقائمة على اسس صحيحة .
نحن كمجتمع شرقي نتميز بالغيرة على اللي بينغار عليه فأنا ما بجيب شخص من الشارع وبغار عليه ومثل ما قلتكون ........... فرقولوا بين الثقة والغيرة .
شوكرا" كتير على المشاركة

[شام 2006]

مرحبا يا جماعة وشكر عالمشاركة ...........
لازم نفرق بين الغيرة والثقة او عدم الثقة ....
لأنو في فرق كتير بيناتون وبصراحة ما حدا جاب سيرة الثقة بالموضوع لأنو اذا ما في ثقة فهون انعدمت كل المعايير واختل الميزان لصالح الخراب والدمار بس هون انا لما حكيت عغبرتي لما بشوفها عم تحكي مع فلان من الناس بغض النظر عن طبيعة المعرفة فهون في شي داخلي بيحركني لأدَخل ( شددولي عالدال ) وبعدين انا لما عبغير انا ما عم جيب حدا من الشارع وعمبغير علي اكيد انا عم بغير على الشخص اللي انا مهتم في وكمان ما الي حق غير عشخص مو مبدي شي تجاهي يعني فيني قلك انوا غيرتي شرعية وحق من حقوقي ومثل ما بقول المثل عامل الناس كما تحب ان يعاملوك .
متل ما انا ما برضى عالطرف التاني يخالط غيري فهو كمان مابيرضي علي ذلك .
لاتقولوا عني معقد بس انا هون عمبحكي مع علاقة خاصة الي الحق في انوا ابدي غيرتي عليها وبنفس الوقت انا ما عمبقطعها عن العالم لأ انا عمبغير عليها لأنو بحبها وبس .................
والسلام

[hanny dagher]

انو موضوع حلو حرام ينطرح هون كان لازم ينحط بالصالون مشان الكل يشاركو في

بالنسبة لرايي

اول الشي ما فينا نفصل الغيرة عن انعدام الثقة

يعني الغيرة حلوة ودليل محبة اذا كانت تحت الخط الاحمر وضمن الحدود المعقولة وبالعكس بتقرب الاحباب من بعضن

بس وقت بتزيد عن حدا يعني بتوصل لدرجة هيستريا يعني خليني اعطيكن مثال في مسلسل اجا على السورية برمضان ال 2004 اخد ضجة كبيرة(ما بتذكر اسمو ببقى بحطلكن اسمو) اخدت في سلاف فواخرجي دور وحدة غيورة يعني شفتو لوين وصلتا غيرتا آخر الشي هلأ هون صار اسما انعدام ثقة وبطل اسما غيرة

يعني راي نهائي انا مع الغيرة اذا ضلت ضمن حدودا الطبيعية وما خرجت منها الى حد الجنان اذا فينا نقول هيك

[جاد]

إن غيرة المرأة على زوجها هي طبيعة من طبائع الأنوثة التي فطرت عليها
والسيدة عائشة بالرغم مما كانت تعرفه من مكانتها في قلب رسول الله صلى الله عليه وسلم , كانت تغار عليه من سائر زوجاته, بل كانت تغار ممن ماتت من نسائه
وكان رسول الله صلى الله عليه وسلم يقابل هذه الغيرة تارة بابتسامة , وتارة بتوجيه لين , وتارة بعتاب إذا مس الأمر غيره

بس صدقاً تبقى غيرة المرأة أرحم بكثير من غيرة الرجل فالأولى سلاح دمارإقليمي أما الثانية فسلاح دمار شامل
وإذا مافي غيرة مافي حب ..؟؟