أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > منتديات عامة > الصـــــــــــالون

إضافة موضوع جديد  إضافة رد
 
أدوات الموضوع
قديم 27/01/2009   #1
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي ذكريات و شخصيات أخوية


ذكريا ت و شخصيات أخوية
مرحبا أخواتي كيفكون
ما بعرف انو كيف خطرلي اني اكتب هالموضوع
ومابعرف بيجوز يصير سلسلة بس بزكر انو مدري شو صرلي قلب مزاجي فجأة وحبيت أني اتستطح ع الصوفاية وأطفى الضو وحط فيروز وعم فكر قمت تذكرت شخصيات أخوية اللي اثرت فيني وحبيت اني أكتب كل شخص مرق ببالي شو الذكريات اللي محتفظ فيها وبشو بيذكرني هالشخص
راح بلش
اول شي راح اذكر
ريتا : ريتا عرفتها اول ما فتت ع أخوية حبابة كتير متل ما الكل بيشفوها انا بالوقت الحالي أكتر اوقات بذكر فيها ريتا لما بسمع غنية البواب لفيروز من قبل كنت اسمع الغنية وارسم للغنية صور مختلفة أما هلق لما بسمعها ما بقدر إلا ما اتذكر ريتا واتخيل سيارة وشنطة سفر وشخص كبير عمبيسكر باب السيارة وبنت راسها طالع من السيارة وعم تسلم ع أبوها ومسافرة وكمان بتذكر غنية لما نكون سوا لوائل كفوري وريتا أكيد بتذكرها صح رتروت ؟؟

هلق منجي للست ليلى : ليلى انا بحب عطول قلها الست ليلى مدري ليش بتذكرني بالبنت الكتير ناضجة وفهمانة وكل ما اقرا اسمها بأخوية بتذكر غنية المصالحة تبعيت فيروز هي بتحبها كتير بس ليلى انا هلق ما عم شوفها كتير

حشت نشت : كل ما شوف اسمو بحس انو في واحد نازل ع الشام بدو يحط براسي مسدس اذا ما بعمل الشغلة اللي قلي عليها أما شو هالشغلة فهي سر

سيزار : كل ما اذكرو بحس انو في حدا مشيت انا وياه بطريق وفتنا على غرفة هو طلع وتركني بالغرفة لحالي وقفل الباب وزت المفتاح بالبحر وراااح وانا بضل متل الأجدب أصرخ وقول ليش ؟؟؟ بس بلا جواب

مجوود : مجود بس تنذكر بتذكر أنسة عندي بالمدرسة كنت حبها كتير يعني مدري ليس بتذكر الأنسات لما بتخطر مجود ع البال وكمان بذكر الأغاني التركية

حسام او الحكيم : مدري بالاول كنت حس بالخوف لما نحكي عنو انو بحس انو عم نحكي على شي حدا موقر طبعا هوي بيستحق الاحترام بس انا عم احكي كمجتمع افتراضي كان بيخوف انو كان لازم نكون عاملين كلشي على اتم وجه قبل ما يطل علينا

بارليب : بارليب تركبلوا براسي صورتين وكنت بتمنى انو يبقو صورة وحدة بس أحيانا القدر لازم يلعب لعبتو المهم بارليب لما بشوف اسمو بأخوية عطول بتذكر رسالة smsوصلتني منو قبل ماروح ع الجيش بعتبرها من أغلى الرسايل اللي وصلتني كان عم بيهون علي الروحة ع الجيش هي أول صورة أما الصورة التانية لساها مشوشة راح احتفظ فيها بألبومي الخاص

حسام (عاشق من فلسطين): كل ما اتذكرو بتذكر مطعم اسمو ستيشن كان هوي بشتغل بمنطقة قريبة من هالمطعم لما رحت لعندو وكمان بتذكر كلية الأداب بالشام لما كل مرة كنت شوفوا بالصدفة ووقف معو يوشوشني ويقلي شو بدك بالوقفة روح ع البيت أحسنلك بعدين عرفت ليش كان يقلي هيك كما اني بتذكر دخان اسمو شام

ياس : ياس كل مااذكرو بقول انو انا وياه ما منتفق بحس انو عندو صورة مصبوبة عندي ما بتتغير مع اني كنت كتير حاول غيرها

قطرميز زينون (جورج): بحس حالي انو في حدا بيضل يقلي مخادع و عم بيقول للعالم انتبهو منو بس بدون سبب او اسباب كانت بس ببالوا (جروح قديمة ماحدا يدقق)مجرد ذكريات

جوي joy: عطول بتذكر قصة مين أجى بالأول الجاجة أو البيضة وانا بقول الجاجة بالأول

مارسيل : من زمان كنت احكي مع مارسيل كتير طبعا هلق تير الوضع كنت حس انو شعرها قصير مدري ليش بس عطول كان يجيني هالشعور
سيمون : مدري لما بتذكرو بتذكر الأشوريين وبتذكر العسكرية لانو كان عسكري قبلي هوي وكان يقلي انو الجيش سهل
أنجي أو بلو أيز : هالبنت الجزراوية بيزكروها أكيد ريتا وليلى بس لما بذكرها أول شي بتخطر عبالي ستها وأختها الصغيرة وهي عم تبكي لأنو عاملتها تحتها (ملا ذكرى)

كريم كريمبو: كل مرة بمرق من قدام مكان شغلو بتذكر البيتزا والكلب تبعو كان حباب كتبر وكمان بتذكر الساعة الساعة اللي عملناها بأخوية ووعلى المينا تبعها أسماء الأعضاء كلون تقريبا أنا لهلاء محتفظ فيها وطبعا بتذكر هيفا ومحششتنا القديمة

ابو النسيم : بتذكر النكت اللادينية الله يرحم هديك الأيام لهلاء حافظ نكت من هالنكت

علي : عطول بتذكر أسبانيا ومعهد المسرح اللي كان عندي أمل في بس ضاع

جيني : بتذكر أول مرة شفتها بالجامعة كان معها رفيقتها كان انا كمان معي رفيقي بتذكر كيف ضلينا ساعة نروح ونجي من قدام بعض بدون ما نعرف بعض وكل واحد يتطلع بالتاني انو معقول يكون هاد ؟!!!!
مجد او هير ايام: كل يخطر ببالي أول شي بتذكرو وشم غيفار انو ضلينا فترة هوي يقول انا بدي اوشم غيفارا ع كتفي و انا قول هيك راح اوشوموا قبلك فمرة قلي فتحلي الكام وقبل كلشي كان حاطط كتفوا قدم الكام ليفرجيني الوشم
سعيد : اول شي بذكرو الحميدية بحمص وكيف مرة تصورنا صورة طلعنا فيها منضحك وبتذكر لما كنا رايحين ندور ع بيت ريتا وليلى لنصورة ونبعتلون الصور
هانية او هنونة : هالبنت كنت احكي معها بس ماكنت اعرف انو هي ومجد بنفس المحل كل ما احكي معها كنت حس انو محلها هو ع طريق بتطلع من بابو ببين عليك الوادي

لؤي أو فارون : لم بتذكرو بتذكر مشوارنا بالحميدية بحمص انا وهوي ومجد ولما فتنا ناكل صار يسألني انو بتاكل بيتزا سلامي وانا قلو أي شو فيها وهو يستغرب ويرجع يسألني اخر شي سألتوا انو ليش مستغرب قال لأنو فيها لحم خنزير وهو مفكرني اني ما باكل
مريومة الغزولة : ما بتخطر عبالي لحالها عطول هي ورفيقتها بتذكرون اقفين بمحل cd وعم تحاكيني وتقلي تعا زورنا
هاني داغر : اول شي بيخطر عبالي السكسوكة ونو عطول بيطلع كبير بالصور وانا قلوا قديش عمر وجن لما يطلع أصغر مني
فراس غودفازر : من اسمو لازم نتذكر ألباتشينو بس انا بتذكر تيستو لأنو كان يجي ال DJ كتير

ولسا في كتير زكريات
بس أخر شي انو فيني قول انو حست او اكتشفت انو اغلب الناس بأخوية متل العجين بيقدرو بتشكلوا حسب الظروف وفي ناس ما قدرو فكانت أخوية مجرد مرحلة بحياتون وتركوها ومشيو وناس قدرو يتعاملوا معها بكل الاشكال
وانا بعدين عايش بهداك الزمان …………

SYRIA

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

"حسام*عاشق من فلسطين*ناطرك"
We Ask The Syrian Government to STOP Banning Akhawia"

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 27/01/2009   #2
شب و شيخ الشباب سوا ربينا
عضو
-- مستشــــــــــار --
 
الصورة الرمزية لـ سوا ربينا
سوا ربينا is offline
 
نورنا ب:
Oct 2007
المطرح:
انا والاردن بقلب بعضنا
مشاركات:
2,815

إرسال خطاب MSN إلى سوا ربينا
افتراضي


من الشخصيات اللي ذكرتها ما بعرف ناس كتير منيح بس بعرف هاني وبرضو بس ينذكر اسمو بيجي ببالي السكسوكة تبعتو ...

إذا كان حبي للاردن عنصرية... فليشهد العالم اني اكبر عنصري

-------------------------------
N 1 H 1>>No One Have One

ماحدا لحدا >>>يا حبيبي (:
  رد مع اقتباس
قديم 27/01/2009   #3
صبيّة و ست الصبايا butterfly
مشرف
 
الصورة الرمزية لـ butterfly
butterfly is offline
 
نورنا ب:
Jan 2006
المطرح:
قلب الله
مشاركات:
14,333

افتراضي


اقتباس:
كاتب النص الأصلي : zen عرض المشاركة

ليلى :
اللي بتذكرو عنها روحة أسواق الخير وميكي ماوس .. والشوكولا اللي جابتلي ياه معها من أميركا وشعور الخوف اللي عطول خافو عليها .. اللي بتذكرو عنها .. انها طيوبة وهبولة جدا

حشت نشت : أووووووووه .. ابو نهلة اللي بتذكرو .. " أول سؤال سألني ياه .. بلعبة الصراحة بتشات جماعي " .. ما بقدر اكتبو هون .. وكان اول مرة بلتقي فيه .. وبتذكر كمان .. كام مرة مبكيني فيها .. بس اللي بتذكرو اكتر شي .. انو من أول ما تعرفت عليه لهلق .. هو أكتر شخص صادق معي .. بحبو جدا لأبو نهلة .. وبشتقلو كتير ..

سيزار : سيز في سمايلي بيذكرني فيه بيضل بيحطو .. وقت بفكر بسيزار بيخطر عبالي فورا ً .. لوحاتو وصور الأبيض والأسود اللي واعدني فين

مجوود :وقت بفكر بجودي .. بتنط فورا براسي بنتا .. بحس اني بشوف مجود كأم وما بقدر شوفا خارج هالإطار ..

حسام او الحكيم : بتذكر ابتسامتو لحسام اكتر شي .. ومعمل سماد كبريتي .. والتسحيب ع الريق .
وحمص .. ومنقوشة زعتر

بارليب :بارليب هو الشخص اللي ما شفتو لهلق .. وبحس اني وقت رح شوفو .. رح قلو شكرا ع كتير مواقف .. هالزلمي من الناس الغاليين هون .. وبحس بكل وقت بقدر اثق فيه

ياس : كلما بفكر بياسين بتذكر قدي فخورة أنو أنا صديقتو ... وطبعا ما بقدر ما اتذكر .. صوتو .. فيلم رعب

كريم كريمبو: الشام كلها .. بتذكرني بكريم .. عيد ميلادنا السوا .. الطريقة اللي بيدخن فيها .. الطريقة اللي بيحكي فيها عن سوريا ..

علي : بتذكرو بابتسامة دافية .. ع طول

سعيد : أول مرة شفتو رقصت معو فهيك اكتر شي بتذكرو عنو كيف بيرقص

مريومة الغزولة : وقت بيطلع براسي مرام .. بفرح .. اختي .. ورفيقتي والبنت الرائعة .. ما بقدر فكر بمرام بعيدا عن حمص " لهيك ما بحب شوفا بالشام " .. بيتن ..واهلا وناصر وايفون والكل .. الأيام اللي بقضيها مع هالعيلة من الأيام الحلوة كتير بحياتي .. وقت بفكر بمرام .. بفكر بالفرح .. البساطة .. الطيبة _ حاج _

هاني داغر : اول شي بيخطر عبالي هو مرام

كتير لسى في ناس يا زلمي
رح ارجع اكتب قائمة 2

انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 



- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


  رد مع اقتباس
قديم 27/01/2009   #4
شب و شيخ الشباب مايسترو
عضو
-- مستشــــــــــار --
 
الصورة الرمزية لـ مايسترو
مايسترو is offline
 
نورنا ب:
Jul 2006
المطرح:
المعهد العالي للسينما
مشاركات:
2,570

إرسال خطاب MSN إلى مايسترو إرسال خطاب Yahoo إلى مايسترو
افتراضي


ناطرين القائمة الجديدة

ميرسي زين

يمكن انا ما بعرف ولا واحد منون شخصيا وفي كتير من اللي زكرتهون مالحقتون هون باخوية

بس حسيت لما قريت كلامك اننا مجموعين وقاعدين كلنا وعم نضحك وتتذكروا هالايام

"We ask the Syrian government to stop banning Akhawia

اخوية باقية..

بقينا ام لم نبقى...
  رد مع اقتباس
قديم 28/01/2009   #5
صبيّة و ست الصبايا sweetbaby
مشرف متقاعد
 
الصورة الرمزية لـ sweetbaby
sweetbaby is offline
 
نورنا ب:
Mar 2005
المطرح:
في ذكريات الزمن القادم
مشاركات:
7,725

افتراضي


هففف اول الشي يلعنك انت وهالموضوع...مدري ليش وجعني...ويمكن زكرني بعالم انا كنت عم خلي حالي اتناسهون لانو بعدون كان كتير بيوجع..
حبلش فيك...

زين: زين بتذكر محادثة مسنجرية بيني وبينو وليلى وكريم (او بالاحرى كركوبة) وكنت انا وزين عاملين نفس الاسم ونفس اللون...بتذكر خناقة كبير صارت...ليش ماعم اقدر ازكر السبب...بس انو قامت القيامة وقتا... زين مرتبط اسمو بـ صيفية 2005


هلق منجي للست ليلى :مافي شي يزكرني فيها بخلقتي طول النهار

حشت نشت : ابونهلة العظيم...بيذكرني بابن عمي...وكيف راح قللو ازا بيوافق انو ابو نهلة يخطبني بيذكرني بحسام(اعدت معون سوا مرة) بيذكرني بـ كتير بهادل اكلتها منو...بذكر رقعة البلوك اللي طرقتو ياها لمدة سنة ونص لانو زعل ليلى


سيزار :بيذكرني انو بالمرتين اللي نزلت فيون ع سوريا حاكيه ع التلفون وماشوفو بس بتذكر ادي كان يساعدني لما كنت ناوية اعمل شي بالتصميم

مجوود : مجوود بحسها ام روحية لاخوية كلها...حتى لما كانت تكون غايبة عننا حساا حواليي وعم تدير بالها علينا...

حسام او الحكيم : بيذكرني كل مرة كنت شوفو فيا اونلاين بسنة الـ 2005 اول مرة شفتو فيا كانو خدودي مورمين (ِشايلة ضراس العقل) واضى الاعدة ضحك عليي...بيذكرني لما تسكرت اخوية لفترة لننقل من البيئة القديمة للحالية...لما محدا يقدر يفوت غير المشرفين...بتذكر كل مرة كانت تتهكر اخوية وخوفو انو يخسرها...كل مشكلة بتصير باخوية حتى وهو غايب قلقو وخوفو واحيانا خيبة املوو بتخوفني كتير


بارليب : نسر السريان..بارليب لك اااخ من بارليب...بخاف عليه كتير كتير بحس حالي مسؤولة عنو ولازم ضل دايرة بالي عليه...بيهمني كتير...مابعرف انا وبارليب مافي كتير النا زكريااات قديمة مانو خاطر ببالي شي....بس مؤخرا في كتيييير زكريات حلوة

حسام (عاشق من فلسطين):هممم حسام ماعندي الو زكريات جواتي...ماكان في احتكاك بيني وبينو...بس بذكرو مع كريم....عندو بالمكتب...

قطرميز زينون (جورج): قطرميز زيتون وماادراك ماقطرميز زيتون...جرجي بيذكرني باليابان...بيذكرني بحرب المكدوس والزيتون(لعبة الاشاعات لوحدة كان اسمها علوش) بيذكرني بمطعم اسمو SKYVIEW بحمص. طبعا اسم جورج مرتبط بانجي

كاكابودا(جورج): جورج بيذكرني بالخواطر وكيف ماكان يخلي بنت تزعل منو ويكتب خواطر للكل بيذكرني بالطلعات الساعة 4 الضهرصار اسمو مرتبط مع امين وسارة وريم وندين ومرام وناصر برغم كل شي صار باخر صيفية بيناتنا...بس جورج الو مساحة كبيرة جواتي..


سيمون : اشوري وعسكور اخوية...سيمووون مابعرفو غير عسكري مابقدر اتخيلوو غير هيك....في كتير عالم مشتركين بيناتنا..حكينا كتير كتير كتير بالصيف وماقدرنا نشوف بعض كان يضل بالشام

أنجي أو بلو أيز : انجي همممم شو بدي احكي؟؟ يااااخ شوفي زكريات بذكر كيف كنت استنى الساعة 9 بليل لنحكي...بتذكر اليسا اللي كبرت هلا ومعد اعرفا...بتذكر اديش كانت تخوفني عليها... كتير اصص وبتذكرني بجورج طبعا

كريم كريمبو: هون اجا الوجع...بذكر يااااخ بذكر لما عصب من ابو نهلة مرة مشاني انا وليلى...وبلش يهددو بانو ينزل ع حمص يقتلو...بذكر سلطة النوتيلا نهار التلاتا...بذكر روحاتو ع المعرة وصيدنايا ولما يحكي معي يجاكرني...بذكر لما كان يروح مشاني ع محل انترنت ليحاكيني ويعصب من العجئة وابل مايكفي النص ساعة يكون رايح...بتذكر النص الساعة اللي شفتو فيون شخصي...بتذكر الرجعة ع البيت بالسيارة...ياااااخ في كتيييييييييييير زكرياااات

ابو النسيم : شغلة وحدة...الرسائل الخاصة

علي : علي بذكرني بموضوع حطوو اسمو دعوة للغضب مدري ليه علي الاشقراني اللي كانو الكل يتغالظو علينا لاننا شقر...
محبة: لما قللي مين هوي ماصدقتولحتى فتحلي كاميرتو كان يطعميني بهادل كتييييييييييير

جيني : جيني= صيفية 2006...

مجد او هير ايام: مجد كل شي مجد لما بسمع اسمو قلبي بيفرك كلو سوا...بيعرف عني كل شي...مافي شي صاير معي الا ومجد هوي جزء منو...

سعيد : ابن العم...بيذكرني لما كان واعدني يخطبني لرفيقو...ولما حربنا مع بيت الداغر...(انا بذكر سعيد من الحارة وبذكر وسيم لسا اكتر من سعيد...بس احلى شبين عنااا)
هانية او هنونة : حماااتيي ازا بدي قول هانية بدي قول الصبح هيت تو ويت...بدي قول علقاتنا مع مجد ولؤي وبتذكر ورقة مكتوب عليها بخط ايد(احدهم) فرجتني ياها عالكام


لؤي أو فارون :همممممممم اووووف احسبو كل زكرة من صف التامن للصيفية الماضية ممكن تكون لؤي اكيد في الو شي منها....
مريومة الغزولة : بتذكرني بانو بدنا نلعن الغيم... بتذكرني بسمايلي صيفية الـ2008 كانت ولاشي لولا مرام

هاني داغر : بتذكر مرة رحت عايدون بالعيد مع اختي ورفقاتا...وصابتني حالة ضحك فظيعة...كل الاعدة وانا عم اضحك....مابعرف هاني من انا وصغيرة بعرفو مابقدر اربطو باخوية
فراس غودفازر : بتذكر كيف شفتو بمطار دمشق الدولي... بتذكر بهادل كتييييييييييييييير...فاقدت و كتير لفراس


هففففففف منك زيين بكرهك

قالت سفيرتي للنجوم الكذبة مش خطية

الصفر اكبر من اي عدد اصغر منو

أنـا لـحـبـيـبـي وحـبـيـبـي إلـي،
فـيـا عـوازل فـلـفـلـو...

لِـ عـيـنـيـك أتـلـو صـلـاتي: أنـتَ ابـتـدائـي وأنـت انـتـهـائـي

بكرا التغيير جاي على ايدنا نحنا جايي...

Baby!! you are like my own personal brand of heroin

  رد مع اقتباس
قديم 28/01/2009   #6
شب و شيخ الشباب LiOnHeArT.3LA2
عضو
-- مستشــــــــــار --
 
الصورة الرمزية لـ LiOnHeArT.3LA2
LiOnHeArT.3LA2 is offline
 
نورنا ب:
Oct 2007
المطرح:
مشغل سيكارة .. وقاعدلك
مشاركات:
3,492

افتراضي


حلو ..

عم نتفرج ..

,, Abu Mustafa ,,

الخيار لك...والرغبة منك...والحل بيدك...لنكون كلنا معا في سبيل مستقبل أخوية...
..
عقلنا .. ليس وظيفته التفكير .. لكن لرفع مستوى الادرينالين عندما نفعل شيئا منافيا له ..
..
احتجاج دماغي .
  رد مع اقتباس
قديم 28/01/2009   #7
صبيّة و ست الصبايا sweetbaby
مشرف متقاعد
 
الصورة الرمزية لـ sweetbaby
sweetbaby is offline
 
نورنا ب:
Mar 2005
المطرح:
في ذكريات الزمن القادم
مشاركات:
7,725

افتراضي


صحي لازم قول انو في عالم كتير الي كتيير زكريات معون...بس هدول الاشخاص اللي حطيتون...انو مرتبطين بفترة من حياتي هيي الـ2005...اللي بعتبرا من احلى ايام حياتي...واغلبيتون غابووو
  رد مع اقتباس
قديم 28/01/2009   #8
شب و شيخ الشباب السيد المكاوي
عضو
-- قبضاي --
 
الصورة الرمزية لـ السيد المكاوي
السيد المكاوي is offline
 
نورنا ب:
Oct 2005
مشاركات:
964

افتراضي


نسيتو اهم شخصية من شخصيات الأخوية التي كان لها تأثير كبير على مجرى الأحداث بالأخوية

السيد مكاوي العظيم

صاحب القوائم السوداء التي وضعت اغلب الشخصيات الأجرامية بأخوية بها يمكنك مراجعة موضوع القائمة السوداء
  رد مع اقتباس
قديم 28/01/2009   #9
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


ريمي
نسيت اذكرها : بس انا ريمي بتذكرني بجبلة كل ما تطلع جبلة ع التلفزيون بتذكر ريمي وكمان بتذكر الجيش كان بدها تعملي واسطة لما رحت ع الجيش بس كانت تقلي هالزلمي اللي بدي احكي معو مواطن شريف ما بيحب الواسطة
وكمان كل ما شوف فادي بذكرها
  رد مع اقتباس
قديم 28/01/2009   #10
صبيّة و ست الصبايا حيفاويه
عضو
-- مستشــــــــــار --
 
الصورة الرمزية لـ حيفاويه
حيفاويه is offline
 
نورنا ب:
Apr 2005
مشاركات:
4,470

افتراضي


انو هدول الشخصيات يلي عنجد كانو محليين اخوية وكانت وقتها اخوية بخير

عنجد قديش كانو اعضاء حلوين

هلا انا بتزكر عاشق من فلسطين

وعبورة مشرفة قسم الصبايا

واطرميز زيتون

و جاد

كمان لازم ينزكرو بالموضوع

أنا فتاة الكلمات البسيطة

وشهيدة الخريطة

أنا حيفا النرجسية

فأيها القابضون على طرف المستحيل

من البدء حتى الجليل

أعيدو إلي اسمي

أعيدو إلي الهوية

كي أبقى فلسطينية
  رد مع اقتباس
قديم 28/01/2009   #11
صبيّة و ست الصبايا Reemi
مشرف متقاعد
 
الصورة الرمزية لـ Reemi
Reemi is offline
 
نورنا ب:
Dec 2005
المطرح:
WHATEVER
مشاركات:
13,241

افتراضي


لو بتعرفي قديش ضحكت وقت قريت اسم نسر السريان ياااااخ حسيت حالي ختيييييييييياره انو ايااااام ,, ويلعنك مشان جورج ... و عفكره سيمون كمان انا ما بتخيلو غير عسكري انو مستحيل اتخيلو طبيعي متلنا ...اخر مره رجع بعتلو برايفت قلتلو شو خلصت عسكريه طبعا هوي كان مخلص من شي الف سنه ..

لك انتي عرفتيه لمحبه ؟؟ انا ما عرفتو هوي يا خطيتو مفكر حالو مشهور انا ضليت سنه لعرفتو وانا قلو والله ما قدراني اتذكرك ... الله يحميه كان صديقي وخطيبتو صديقتي كمان بتجنن الله يحميها يا رب

مجد هير اي ام بتذكر اول مره شفتو بحمص ياااخ شو ضحكنا كان مدري شو عامل بسنانو وطالع من عند الدكتور وانا جاي عبالي اتفقس وطلعت براسو ... خطي مجد

غادفاذركان دايما يعصب علييوبخاف منو


بعدين شو نسيتو علي مي2 ؟ انا بعدني بحكيه عالماسنجر

ذكرونا مين كمان؟
والله اياااام


اقتباس:
بارليب : نسر السريان.

كاكابودا(جورج): جورج بيذكرني بالخواطر وكيف ماكان يخلي بنت تزعل منو ويكتب خواطر للكل بيذكرني بالطلعات الساعة 4 الضهرصار اسمو مرتبط مع امين وسارة وريم وندين ومرام وناصر برغم كل شي صار باخر صيفية بيناتنا...بس جورج الو مساحة كبيرة جواتي..

سيمون : اشوري وعسكور اخوية...سيمووون مابعرفو غير عسكري مابقدر اتخيلوو غير هيك....في كتير عالم مشتركين بيناتنا..حكينا كتير كتير كتير بالصيف وماقدرنا نشوف بعض كان يضل بالشام

محبة: لما قللي مين هوي ماصدقتولحتى فتحلي كاميرتو كان يطعميني بهادل كتييييييييييير
مجد او هير ايام: مجد كل شي مجد لما بسمع اسمو قلبي بيفرك كلو سوا...بيعرف عني كل شي...مافي شي صاير معي الا ومجد هوي جزء منو...
فراس غودفازر : ... بتذكر بهادل كتيير...فاقدتلو كتير لفراس


شو هالعمر اللي مش باقي شي
لولا الوقت الولا خلى شي
خلالي طريقي و رح أمشيه


- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


آخر تعديل Reemi يوم 29/01/2009 في 02:01.
  رد مع اقتباس
قديم 29/01/2009   #12
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


يييييييي رمروم انا ما بذكرك بشي

انو محبة لما عرفتو صدفت انو ألو مسرحية أسمها شبح ال 48 بس ما كان بيعرف اني بعرفو فصرت حط اسم المسرحية نيك نيم ع المسنجر وهي يسألني حلوة قلووو اي بتجنن
وبتذكر حوار الأديان ولما كانت تجينا الهجمات السعودية

شايفين من ايمات عم نعني منو ن
  رد مع اقتباس
قديم 29/01/2009   #13
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


موضوع حلو زين بجوز لانو اجى بوقت حساس

بس الشي يلي بفكر فيه دائما انو اديش هالاشخاص مجروحين من اخوية لحتى تركوها بصورة ملفتة
وبشكل بيجرح

مجود وسيزر كريم ليلى يلي هنن عصب الأخوية

حتى حسام غيابه قتل اخوية بالروح

يعني بدنا نقنع انفسنا انو اخوية 2005 متل اخوية 2008 او 2009

زين ..نسيت كنانة؟؟ولا تناسيتا

لا تـــحــــزن لأن الحزن يزعجك من الماضي
ويخوفك من المستقبل ويذهب عليك يومك
لا تحزن لان الحزن يقبض له القلب
ويعبس له الوجه وتنطفي منه الروح
ويتلاشى معه الأمل لان الحزن يسرُّ العدو
ويغيظ الصديق ويُشمت بك الحاسد
ويغيِّر عليك الحقائق
سعود الشريم
  رد مع اقتباس
قديم 29/01/2009   #14
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


السورية المشتاقة بالبال عطول مبارح كانت ببالي كنانة كل مرة بسمع هاذي دمشق وهاذي الكأس والراح بذكرها كتير حبابة وكتير أثرت فيني
وايت روز كل مارح على الكوخ بدمر بذكرها أصلان كل ما أمرق بدمر بذكرها
صحي نسرين بعدك بتحكي مع كنانة سلمي عليه وقليلها اني زعلان
  رد مع اقتباس
قديم 29/01/2009   #15
صبيّة و ست الصبايا layla
أميـــــــــ
 
الصورة الرمزية لـ layla
layla is offline
 
نورنا ب:
Apr 2005
المطرح:
USA
مشاركات:
4,894

افتراضي


انو شو اجى على بالك؟

الناس اللي مكتوبين غلاوتن بقلبي كتيرة... لدرجة انو بقدر احكي على كل واحد ساعات و ساعات
لهيك بس بدي قللن... اشتقتلكن كلكن
و شكرا على محبتكن و على كلشي... شكرا لانو بلاكن ماكنت صرت انا... و ( انا ) شي كتير بفتخر فيه
ميمو... لساتني متل مابتتذكريني... بس بطلت هبل... بيكفي don't you think?

ادعـــي علـــي بالموت.. ولا سمني
بس لا تفارقني دخيــل الله و تغيب
طاري السفر يا بعد عمري همني
شلون اودع في المطار اغلـــى حبيب :cry:
تعال قبل تروح عني ضمني
اقرب من انفاسي ترى حالي صعيب
ابنتثر قدام عينك لمني
وابسألك هل نلتقي عما قريب
نسيت حتي اسمي دخيلك سمني
باللى تسمينى البيلك واجيب
مجنون عاقل ما علي من لامني
انا مع نفسي واحس اني غريب


  رد مع اقتباس
قديم 29/01/2009   #16
صبيّة و ست الصبايا layla
أميـــــــــ
 
الصورة الرمزية لـ layla
layla is offline
 
نورنا ب:
Apr 2005
المطرح:
USA
مشاركات:
4,894

افتراضي


انو شو اجى على بالك؟

الناس اللي مكتوبين غلاوتن بقلبي كتيرة... لدرجة انو بقدر احكي على كل واحد ساعات و ساعات
لهيك بس بدي قللن... اشتقتلكن كلكن
و شكرا على محبتكن و على كلشي... شكرا لانو بلاكن ماكنت صرت انا... و ( انا ) شي كتير بفتخر فيه
ميمو... لساتني متل مابتتذكريني... بس بطلت هبل... بيكفي don't you think?
  رد مع اقتباس
قديم 29/01/2009   #17
شب و شيخ الشباب zen
مشرف
 
الصورة الرمزية لـ zen
zen is offline
 
نورنا ب:
Mar 2005
المطرح:
جريدة الدليل والوسيلة عمدور ع شغل
مشاركات:
7,229

إرسال خطاب ICQ إلى zen إرسال خطاب AIM إلى zen إرسال خطاب MSN إلى zen إرسال خطاب Yahoo إلى zen بعات رسالي عبر Skype™ ل  zen
افتراضي


اقتباس:
كاتب النص الأصلي : layla عرض المشاركة
انو شو اجى على بالك؟

الناس اللي مكتوبين غلاوتن بقلبي كتيرة... لدرجة انو بقدر احكي على كل واحد ساعات و ساعات
لهيك بس بدي قللن... اشتقتلكن كلكن
و شكرا على محبتكن و على كلشي... شكرا لانو بلاكن ماكنت صرت انا... و ( انا ) شي كتير بفتخر فيه
ميمو... لساتني متل مابتتذكريني... بس بطلت هبل... بيكفي don't you think?

لك اشتقتلكون يعني شو أجى عبالي
انو صحي كلون بحبون
بس لانو صرلي زماااااااان مو شايفك أكتر حدا رد وانبسطتت بردو هوي أنتي
كيفك؟؟
  رد مع اقتباس
قديم 30/01/2009   #18
صبيّة و ست الصبايا Gazita
عضو
-- مستشــــــــــار --
 
الصورة الرمزية لـ Gazita
Gazita is offline
 
نورنا ب:
Dec 2005
المطرح:
Casablanca ma ville et ma vie
مشاركات:
4,831

افتراضي


yey kanet ahla ayyam

(¯`v´¯)غزلان زهرة نيسان(¯`v´¯)






(¯`v´¯)Le souvenir du bonheur n'est plus du bonheur ; le souvenir de la douleur est de la douleur encore.(¯`v´¯)







(¯`v´¯)اخوية صبية وست الصبايا(¯`v´¯)
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 05:18 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.15938 seconds with 12 queries