انا والقمر

[layla]

وحدك ياقمر رفيقي بالسهر
وحدك ياقمر شريكي بالضجر
دخلك ياقمر حكيني ياقمر
انت اللي ياما نادوني باسمك وقالو فشر

ياقمر يللي متلي انت
برحلتك الطويلة قللي شو شفت
بلاد كتيرة بعرف انك زرت
دخلك حكيلي شو اللي فيها سحر


قللي يابنت يلي عمرك بعدو باولو
شو بدك بحكي القمر وعمايلو
لاتكوني حابة والحب قليلة جمايلو
او غارقة والقلب بلحظة إنأمر

قلت ياقمر يللي كشفت سري الغميق
دخلك عبلاد الشرق رحلك شي مرقة طريق
بتلاقي شخص ساكن بقلبي البريء
دخلك جبلي منو ولو نتفة خبر


راح القمر عالشرق وغاب شي جمعة
شفتو بعد بشهر وبعينو في دمعة
سألتو شبك تأخرت بالرجعة
قلي ماشفت اكتر من قلبك صبر

يابنت يللي شبهوني فيكي
بحلاكي بلطافتك برقة عينيكي
نص الأرض قلوب شبابها معلقة بأيديكي
ليش لتحبي الحلو اللي قلبو حجر

قلت ياقمر دخلك شو الجرى
صرلك شهر روحت من عيني الكرى
كيفو الحلو شو أحوالو ياترى
والله تعب قلبي من كتر السهر

ياحلوتي لاكتير تخافي من السهر
ياحلوتي لاكتير تملي من الضجر
رح يجي يوم وتنسي هالحجر
وتتلاقي بالحلو اللي يقول مافشر القمر

الأربعاء 17 أب
3:16 صباحا
-------------------------
بدي اهديها لشخص وقللو
بعمرو القمر ماكان بس كوشة حجر
بعمرو الحجر ما ضوا بليالي السهر
انت يللي ظنيت حالك شي حجر
بقللك انت القمر واحلى من مية قمر

[zen]

لك بتجننننننننننننن
يسلموا ايديدي ونيال الي كاتبتيلوا ياها

[here i am]

وحدك ياقمر شريكي بالضجر

و الله يا أم اللول كتير هيك يعني عنجد خجلتيني كتير ممنونك
ميرسي

[krimbow]

اول شي هي محلها بقسم الشعر لأنو مستوفيه الشروط

تاني شي هي يمكن احلى قصيدة قريتها بالاخوية

رائعة جدا جدا يا ليلى

بدي اهديها لشخص وقللو
بعمرو القمر ماكان بس كوشة حجر
بعمرو الحجر ما ضوا بليالي السهر
انت يللي ظنيت حالك شي حجر
بقللك انت القمر واحلى من مية قمر

يا لطيف كيف الكلمة ممكن تغير كوكب

عن جد نيالو

غرت منو

[ميخوووووووو]

حلوة كتير
يسلم هالتم

[توت توت توت]

سألت القمر.. وينك .. اشتقتلك يا قمر ...
نزلت دمعتو عخدو وقلي ...
نسيوني الناس ... وقالولي في أحلى مني قمر ..
في صبية حلوة سهرانة و تعبان معها السهر ..
حالتها متل حالتك ... لأ ويمكن على أمر ..
قلتلو .. رووووح .... روح يا قمر
سلملي عالغالي اللي هجر ..
وسلملي عالصبية وقلها
يسلم تمك ... و بعمرو القمر ما كان حجر
اسهري وغني ... ما في أحلى من السهر ..

[Atramez_Zeton]

انا والقمر

اي معناتا انا و ليلى

لانو في عالم بتسميني قمر :P

[here i am]

اقتباس:
انا والقمر

اي معناتا انا و ليلى

لانو في عالم بتسميني قمر

و أكتر أبو جريج

[layla]

كاتب النص الأصلي : zen

لك بتجننننننننننننن
يسلموا ايديدي ونيال الي كاتبتيلوا ياها

الله يسلمك ابو الزوز بس ماكتير نيالو فيك تقول الله يعينو :P :P

كاتب النص الأصلي : here i am

و الله يا أم اللول كتير هيك يعني عنجد خجلتيني كتير ممنونك
ميرسي

والله ياشريك بتستاهل اكتر من هيك

كاتب النص الأصلي : krimbow

اول شي هي محلها بقسم الشعر لأنو مستوفيه الشروط

تاني شي هي يمكن احلى قصيدة قريتها بالاخوية

رائعة جدا جدا يا ليلى

يا لطيف كيف الكلمة ممكن تغير كوكب

عن جد نيالو

غرت منو

اول شي صهري الغالي شكرا على مرورك وتسميتك الها بالقصيدة مع انها مابتتجاوز خربوشة وكتير مبسوطة انها عجبتك
تاني شي الله يعينو مو نيالو

كاتب النص الأصلي : ميخوووووووو

حلوة كتير
يسلم هالتم

شكرا كتير على مرورك

كاتب النص الأصلي : توت توت توت

سألت القمر.. وينك .. اشتقتلك يا قمر ...
نزلت دمعتو عخدو وقلي ...
نسيوني الناس ... وقالولي في أحلى مني قمر ..
في صبية حلوة سهرانة و تعبان معها السهر ..
حالتها متل حالتك ... لأ ويمكن على أمر ..
قلتلو .. رووووح .... روح يا قمر
سلملي عالغالي اللي هجر ..
وسلملي عالصبية وقلها
يسلم تمك ... و بعمرو القمر ما كان حجر
اسهري وغني ... ما في أحلى من السهر ..

طل القمر ليقلي زيد من السهر
قلتلو وينك زاد بقلبي هالضجر
قللي كتار هني اللي السهرانين
والاكتر ناطر الحلو اللي هجر

مشكور توت على المرور وعنجد مافي احلى من السهر

كاتب النص الأصلي : Atramez_Zeton

اي معناتا انا و ليلى

لانو في عالم بتسميني قمر :P

شو جاب لجاب ابو جريج

[مرارة الايام]

كفيتي ووفيتي
الاخت ليلى انا امبسطت كثييير لا قريت هذه القصيده التي عندما قراتها
احسسب بالصدق فيها واجمل ما فيها هو بساطة المعاني ورقتها
والقمر الحقيقي هو ذاك الذي يحرك اناملك لتخط مثل هذه الكلمات
وأمل من الله ان يزيدك من فضله بكتابه اخوات لهذه القصيده
لتتحفينا وتجملي امسياتنا بابهي المعاني

وربنا يوفق يا ست الناس

[ريري]

شكرا ليلى ع الموضوع كتير حلو

والله نيالو بس متل ما عم تقولي انت الله يعينو :P :P :P

[Syria Man]

شكراً مشرفتنا العظيمة
يعني على شوي تانية كنت لح قول للشباب أنو أنا هي بعتلك اياها عالخاص
وأنت اعملتيها موضوع
بس يلا ما لح قلون هالمرة
بس لا بقا تعيديها
:P :P :P :P :P :P
شكراً أم اللول مرة تانية

[sweetbaby]

كاتب النص الأصلي : syria man

شكراً مشرفتنا العظيمة
يعني على شوي تانية كنت لح قول للشباب أنو أنا هي بعتلك اياها عالخاص
وأنت اعملتيها موضوع
بس يلا ما لح قلون هالمرة
بس لا بقا تعيديها
:P :P :P :P :P :P
شكراً أم اللول مرة تانية

لك تضرب شو كذاب
مو انا اللي فرجيتك ياها هديك المرة وقت كتبتها

شكرا للوش صاير يطلع معك من ورا ضهري بسيطة

[layla]

شكرا للوش صاير يطلع معك من ورا ضهري بسيطة

عجبك انتي يا شيخة
بعدين يا سيد سيريا مان مااتفقنا نخيلها سر شبك فضحتنا :P

[Syria Man]

لك تضرب شو كذاب
مو انا اللي فرجيتك ياها هديك المرة وقت كتبتها

شكرا للوش صاير يطلع معك من ورا ضهري بسيطة

لا مو أنتي هيديك غير وحدة

بعدين يا سيد سيريا مان مااتفقنا نخيلها سر شبك فضحتنا

أنا آسف والله مو قصدي

:P :P

[السلطان انا]

هـل تـدركـين ؟



بأني أدمنت على سماع عزف صوتكِ على أوتار أذني
و همسكِ الدافئ الذي ينعش قلبي
فلا تغمض لي عيــنٌ على جفنٍ
إلا حين أتناول جرعةً من حبكِ
فأنا مدمن هواكِ
و لا أتنفس سوى عشقكِ
و ياله من عشقٍ يداعبني
يداهم الأضلع ليشعل نار الشوق بين جنبيها

حبيبتي
هل لي أن أغوص في أعماقكِ؟
هل لي أن اقلب صفحات قلبكِ و أجوب في خفاياه؟
لأرى مقدار شوقكِ لي

يا بسمة حبي و ودادي
يا وردة عشقي و فؤادي
يا نجمتي في سهادي
إذا سألت عن الحب .. تذكرت حبكِ لي
و إذا قيل لي الوفاء .. سحرت في وفائكِ
و إذا قالوا ما الحنان .. ذبت في حنانكِ
و إذا قالوا ما الصدق .. لم أجده إلا في كلامكِ

حبيبتي يا أمل عمري..
سألوني مراراً و تكراراً
من تحب ؟ قلت حبيبتي
لم تحب ؟ قلت حبيبتي
كيف تحب ؟ قلت حبيبتي
و طلبوا مني التفسيــر
قلت لا أبالي .. يكفيني عقل حبيبتي
هو الوحيد الذي يفهمني

وجدتكِ في كل جوانب حياتي
بحلوها ومرها

بسهلها و بصعبها
لم ولن أجد سواكِ
لا يهمني إن قيل عني مجنون
يكفيني فخراً أن أكون مجنونكِ
لأهمس دوما في أُذنكِ بأني
أحبكِ

اشكرك اختي layla على الكلمات الرائعه واتمني من دري ينيل اعجابك ،،


اخوكم الصغير ،،

السلطان انا

[waleed_daoud]

شكراً ليلى عالخواطر الرائعة
وشكراً سلطان عالرد الرائع

[Syria Man]

شكراً ليلى عالخواطر الرائعة

بجد رائعة