please!!

[Maher 4x4]

باختصار ألي ملاحظة على حجم الملفات المرفقة و نوعيتها بالستايل الجديد يا ريت ترجعولنا الميزات تبع الستايل القديم ع الأقل

يعني من ناحية الصور و الرموز الشخصية وهيك
والويندوز ميديا بلاير وأهم شي روووووح شايفلك

Please!! فهمتو علي كيف يعني ؟؟

[GodAdmin]

بالنسبة للمرفقات نعم حنزود الحجم طبعا .. بس حيكون ليها الية شوية مختلفة ..
وايضا حيكون في خواص الميدديا بلاير وهدول .. طبعا طبعا ..

شكرا للتعقيب

[Willi]

لك انطر عليهون شوي دغري عندك اعتراض؟

[GodAdmin]

لا لا تمام .. بدنا نسمع كل الإعتراضات والتعليقات وهيك .. بحيث هلق الموقع روداج
ولازم نعرف كيف انشد البراغي ووين ..

[Willi]

يعني بلش حط اعتراضاتي ؟؟؟


يالله انتو فتحتو هالباب

[Willi]

طيب بدي اعترض على شغلة الرد السريع

اي اخي نشطوه من لوحة التحكم
ضروري كل ما بدنا نحط مشاركة نكبس على الدويرة مشان انشطو

انا لو ما بعرف كيف بنشطو
كان بحياتي ما خطر على بالي شو الطريقة لنشطو

[Maher 4x4]

كاتب النص الأصلي : GodAdmin

لا لا تمام .. بدنا نسمع كل الإعتراضات والتعليقات وهيك .. بحيث هلق الموقع روداج
ولازم نعرف كيف انشد البراغي ووين ..

أي تمام لكان

بس ديرو بالكون ع السيغمانات عند التركيب مشان تحصر ضغط منيح

[Akhawia]

كاتب النص الأصلي : Willi

طيب بدي اعترض على شغلة الرد السريع

اي اخي نشطوه من لوحة التحكم
ضروري كل ما بدنا نحط مشاركة نكبس على الدويرة مشان انشطو

انا لو ما بعرف كيف بنشطو
كان بحياتي ما خطر على بالي شو الطريقة لنشطو

نعم معك حق.. فكرنا بالموضوع ولسا عم بنفكر بالموضوع (انو نفعلو لكل البشر بشكل عادي)
بس هاي فيها ضعف تقني الحقيقة
1- نحنا عنا أقسام مسموح فيها الكتابة لغير الأعضاء -يعني للبشر الي ما مسجلين دخول- بالتالي لما بيعدي محرك بحث نيح الموقع ..(متل ما بتعرف محرك البحث بيفقش كل الزرار وبيوح على كل الروابط) .. فلو مفعلين عملية الرد السريع بدون كبس على ايقونة الرد الصاروخي.. فهال الشيئ بيعمل ضغط على السيرفر (عمليا ما حيتم اضافة ردود لانو الحد الأدنى 10 حروف بالرد) بس بيهكل الموقع عم يشتغل بربو.. عموما هاي ما كتير قضيّة ..

من ناحية تانية _مهمة بالنسبة لينا_
2- من ناحية تقنية اخرى في طريقة للعرض ما مفعلينها الآن وهي الطريقة الشجرية وبيها بتظهر المواضيع والردود مرتبطة بعضها ببعض ..
في حالتنا هاي -الحالية انو بك تكبس على رد سريع بالمحل الي عم بترد عليه- بيرتبط ردك بالمشاركة الي انت كبست من عندها على ايقونة رد صاروخي -يعني بالطريقة الشجرية للعرض بيظهر ردك مرتبط مباشرة بالمشاركة الي كبست من عندها .. -
بينما لو مفتوح الرد بدون كبس على ايقونة الرد الصاروخي للتفعيل .. بيصير العرض الشجري غير منطقي .. اقصد بتبطل الردود مرتبطة بالمشاركات
واحنا عاملين حساب الموضوع _ولو اننا اليوم ما مفعلين النظام الشجري بالعرض .. بس عاملين حسابنا ليه بهال الشغلة بحيث لمن بنفعل النظام الشجري بيكون المواضيع نسق موضوعي ومبينة من الأساس بشكل اتكون متوافقة معو وهيك -

بالنهاي مختصر الموضوع انو في شيئ بدك اضحي فيه كرمال شيئ تاني
يعني بك اتضحي براحة العضو بالكتابة .. كرمال اتريحو بالقرائة
او بك اضتحي براحة العضو بالقرائة .. وبتريحيو بالكتابة

متل نظام تنسيق المواضيع.. تنسيق المواضيع واضافة تخين ويمين ويسار وكود وخط الخ .. كلها متعبة عمليا .. الأسهل انو الواحد يكتب ويزت ..
بس بيضحي الواحد براحتو بالكتابة كرمال يريح باقي الناس اثناء القرائة .. بتلاقيه بيغير اللون بيعرض الخط بينسق الموضوع الخ ..
وهيك ..

(احنا ما غاويين عزاب اعضاء هاهاهاهاها) .. بس الشيئ لزوم الشيئ

[Maher 4x4]

هههههههههههههههههههههه شوهااااد قريت بآخر صفحة أخوية

(( نرحب بالعضو الأطزز )) شو هاد

يا أخي الأطزج مو أحسن

[Willi]

مممممم
والله يا معلم افحمتني
بس مشان عرض المواضيع بالطريقة الشجرية
اذا بدك رأيي
خليها هيك احسن
ومنحط موضوع منخبر الاعضاء شلون بنشطو صندوق الرد الصاروخي

لان بطريقة الرد الشجري اول الشي ما رح الاعضاء ما رح يشوفو كل الردود وخصوصي باقسام النقاش
وتاني شي رح يبلشو يضيعو بالموضوع بين انو هاد الرد قريتو وهاد ما قريتو وبجوز بعض الاعضاء يكون عندهون النت بطيء يعني مو معقول ينطرو ساعتين مشان كل رد


الي رجعة تاني

[Akhawia]

اي هوي هيك ..
يعني العرض الشجري ما رح بنفعلو كخيار افتراضي وانما خيار اختياري بالموضوع بحيث لو حب حدى يستخدمو فيه يستخدمو .. (مو هلق بوقت لاحق اقصد)

بالنسبة للموضوع لاء هوي احنا ما كتير ميالين لكتابة مواضيع شرح كيفية التعامل مع البيئة .. منفضل اتكون البيئة شارحة حالها لحالها .. (يعني انو الواحد يحط موضوع شرح التعامل مع البيئة في ناس ممكن اتشوفو وفي ناس ممكن ما اتشوفو الخ ) .. بس بخصوص هال الموضوع و علاقتو بانو البيئة تشرح حالها

حنعمل بس انو انخلي ايقونة الرد الصاروخي المدورة هاي .. بشكل اكبر وبمكتوب عليها بالعريض وشي رسمة صاروخ "الرد الصاروخي" هيك بيكون عدانا العيب والي عاد ما بيشوفها وما بيلاحظ هال الشلغة بيكون الحق مو علينا فيه ..

على عيني حبيب

[Willi]

طيب انت جرب تحطها مع الرد الصاروخي

يعني قبل كلمة الرسالة

او بعد كلمة الرد الصاروخي
بتوقع صعبة بس بتصير واضحة اكتر

[هموسه]

طيب
عندي إقتراح.................

نبي تواقيع فلاش ............

[hanny dagher]

كاتب النص الأصلي : هموسه

طيب
عندي إقتراح.................

نبي تواقيع فلاش ............

صعب كانت مسموحة قبلا ولم تعد مسموحة مو حلوة لانها

كاتب النص الأصلي : hanny dagher

صعب كانت مسموحة قبلا ولم تعد مسموحة مو حلوة لانها

ليش ما حلوة باله

[hanny dagher]

كاتب النص الأصلي : عابر سباحة

ليش ما حلوة باله

طبعا ردي ما رح يكون على سؤالك لانو انتي سألتو بس رح يكون لانو بعرف في كتير عالم بس تقرا جملتي رح تتساءل نفس السؤال
يعني من خلال شوفة التواقيع الفلاشية او التواقيع الصورية بباقي المنتديات ما عجبتنا الفكرة
لانو قعدنا نفتش على الموضوع وعلى الردود ومعد قدرنا نميز بينهن وبين التواقيع فلذلك ومن هذه النقطة (ويمكن يكون في نقط تانية ممكن غيري يفيد فيها ) تقرر عدم السماح بتواقيع فلاشية او انو تحط صورة بتوقيعك

[Willi]

نقطة تانية
في كتير عالم الانترنت عندها بطيئ
يعني اذا كل واحد حط فلاش بتوقيعو
اكلوها هوا (لا تواخذونا يعني)

بعشر سنين ما بتتحمل معهون الصفحة

[Hus]

التركيز بأخوية على المحتوى، أولا، لهيك كلشي ما بيخدم المحتوى، او للدقة اي شيئ ممكن يكون عائق دون سرد محتوى جيد ، وتصفحه ايضا بطريقة سلسة وجيدة ، غالبا منتجنبو ،

* برجع بقول هون مش الفكرة التضييق على الأعضاء ، بدنا الكل يكون مبسوط ، بس لانو بدنا الكل يكون مبسوط ، فما فينا نسمح بتحميل مثلا تواقيع كبيرة يقعد المتصفح او الزائر او العضو ، يدور على الرد وينو، او تقعد الصفحة كذا دقيقة لتتحمل ، هذا هويي الموضوع ..