صفات الشب الكذاب

**zen** · 05/12/2008

بلا طول سيرة عليكم هي تجربه شخصيه خدو الحكمة من تجارب الاخرين :

1 - الشب المنظوم بيحاول التعرف عليكي بشتى الطرق حتى يحصل رقم الموبايل او رقم الارضي اذا كان محظوظ (لانك بتخافي اهلك يردو وبتصيري انتي تدقيلو ..... لا تفكري كتير عم يوفر يعني )

2 - بيصير يصرعك باتصلاتو ليل ونهار على اشتقتلك وبحبك و مرفقه طبعا بالمسجات الي كلها حب وغرام و غزل (مو من حظك طبعا لازم تردي بشي مسج شكرا عالقليله او مس كول وهو بيفتح الخط بوجهك ..... خرجك )

3 – بيتصل باخر الليالي وانتي بعز النوم او عم تحضري شي فلم عال mbc2 وبيسمعك اغاني حب ورومنسيه

متل اغاني تامر حسني و شايني وورد (و يا خوفك يسمع البابا او الماما او حتى الجيران بسابع طابق صوت الغناي لانو معلا صوت بس شوي )

4 – بعد فتره تمتد بين اسبوعين و شهر (حسب شخصيتك هي الفترة ) وبعد ما تكوني تعودتي عليه بيوقف المسجات فجاة ولازم تعرفي انو هاد تكتيك مشان تحسي بالفقد انو في شي ناقصك بهالدنيا .

5 – بيصير بعد قطع المسجات بفتره لا تتجاوز التلات ايام يخفف الاتصالات و يكتر المس كولات بس شو لا تخافي الاتصالات كلها حب وغزل و من الحكي الي بيعجبك ( وطبعا بيصير يشكيلك انو ما معو مصاري و متقاتل مع ابوه ووووو ومشاكل و الدنيا كلها ضدو ..... في شك !!)

6 – هلق صرنا بمرحله جديدة وبيقلك الكلمة السحريه حلمت فيكي مبارح بالليل وياريت هالحلم حقيقه كنا انا وانتي بالجنه وكتير كتير كنا مبسوطين (طبعا مو ضروري الجنه أي مكان اخضر و معزول بيكون منيح من اجل الرومنسيه)

7 – المهم بعدين بيطلب يشوفك بوقت متاخر اكتر من العادة يعني مثلا بتشوفو بعض الظهريات زيديون 6 ساعات

(وانتي بترضي لانك جدبه !!)

8 – بعد الف لعبه وحيله و تعب بتقدري تشوفيه الساعه 8 المسا ( طبعا المكان مخفي ما بدها حكي ..)

9 – هلق بعد ما تشوفو بعض و بتجلسو بسعاده على غفله بيمسكلك ايدك و بيطلع بعيونك بكل رومنسيه و بيقلك بحبك و بيصيرو عيونو يدمعو بس'مو شرط' ( وهون انتي بتسخسي ما هيك ..... غبيه !!)

10 – هاد الحكي السابق كلو مرفق بتخفيف المس كولات و الاتصالات وانعدام المسجات من ناحيتو و طبعا انتي بتبحبحي ايدك و بتصيري تتصلي و تسرقي موبايل البابا و الماما و اخوكي لتحكي معو ....... (no comment).

11 – بتصير بهي المرحله كل اللقاءات مسائيه ( لانك كتير ذكيه الله يخليكي لاهلك ...)

12 – ها ها هلق بعد فترة من الزمن بلقطكم ابن الجيران الصغير (وهاد اذا كنتي محظوظة كتير كتير ) او بتلقطكم شرطة الاداب ( اللي ما لو حظ لا يتعب و لا يشقى بهالحياه ..) ..

13 – اذا ما انفضحت نص البلد فيكي بتصيري تطلبي تشوفيه الظهر بس لانو ماعاد فيكي تطلعي المسا ( هئ هئ هئ هئ وصلتي يا بعدي ...) وبيصير مشغول كتير و كل شغل العيله عليه و كل الدنيا عم تطالبوا بمصاريف و ديون .

14 – بتصيري تدقيلو كل النهار يا خارج التغطيه يا بيسكر بوجهك ( هون نصيحة اختي حفظي ماء و جهك و حذفي رقمو ..) .

15 ما محيتي الرقم ما هيك والله بعرف المهم يا ذكيه كملي معي لشوف شو بدو يطلع معك ..... بيتصل فيكي و بيقلك انتي انسانه رائعه و كل شب بالدنيا بيحلم فيكي بس ...................... انا اهلي خطبولي ( وطبعا هاد كذب يا زوطة لانو مو خادم عسكريه و ما معو اجرة سرفيس بس يعني هاد اذا عندو شي جد ابن حلال بيحسسك بالاكشن و عاساس انو لهلق بيحبك بس هي الظروف ..) اما اذا ابن حرام بيقلك حلي عن ربي حاج تدقي على هاد الرقم ما حلك تفهمي ماني طايقك تضرب هديك الساعه ..... (sorry for you )

16 – اخيرا و ليس اخرا بعد ما تكوني اكلتي الصواب الصعب و بلشتي بكي لصارو عيونك حمر و مخاطتك متر

بيطبقك رفيقو الي حس بدناوتو لصاحبو معك (!!!!!!) و بس يطبقك يا عزيزتي بترجعي بتقراي الايميل من الاول لانو الحمار استحى انو يوقع بنفس الجورة مرتين

mandy moore · 05/12/2008

فعلا فى بنات هبله كتير بيحصل معاها كده
بس انا الحمد لله مش بعرض نفسى للحاجات دى
ولا بسمح بيها
وبعدين دى حاجات قدييييييييييييييييمه قوى
لسه فى حد بيعمل كده؟

حموده ابو حميد · 05/12/2008

موضوعك حلوكتير وهام خصوصا للصبايا في هذا الزمن

شكرا الك كتير

satoman · 05/12/2008

حلوووووووه بس هالخبره مو جاي عبث خيو

طبعا مع ادق التفاصيل

توم و جيري · 05/12/2008

اقتباس:

كاتب النص الأصلي : satoman

حلوووووووه بس هالخبره مو جاي عبث خيو

طبعا مع ادق التفاصيل

وشو عرفك انو عن تجربة ..........

i m sam · 05/12/2008

حلو الكلام بس انو هي الجملة

اقتباس:

بلا طول سيرة عليكم هي تجربه شخصيه خدو الحكمة من تجارب الاخرين :

التجربة الشخصية من وين اجت ؟؟؟
عم بمزح هه
مشكور

megar · 05/12/2008

انو بدي اعرف اللي كتب هالمشاركة شب ولا بنت

a7la lolo · 05/12/2008

كلامك صح مية بالمية ..

حموده ابو حميد · 05/12/2008

سامعين يا صبايا الحزر مطلوب

شكراااااااااااااااا

M@hmoud · 05/12/2008

بصراحة الكاتب صاحب/ة خبرة

يعني فعلا بنات المراهقة عم بيوقعو بسهولة بهيك حيل

الله يحمي الجميع ويهدي اللي عقلو فاضي لهيك عمايل

اقتباس:

كاتب النص الأصلي : megar

انو بدي اعرف اللي كتب هالمشاركة شب ولا بنت

خيو انا بقللك

يا اما شب وتاب عن هالنقاصات

يا اما بنت وتعلمت من هالنقاصات

وميت الشلامة

**suryoyo** · 05/12/2008

اقتباس:

12 – ها ها هلق بعد فترة من الزمن بلقطكم ابن الجيران الصغير (وهاد اذا كنتي محظوظة كتير كتير ) او بتلقطكم شرطة الاداب ( اللي ما لو حظ لا يتعب و لا يشقى بهالحياه ..) ..

ذكرتني بالافلام المصرية ............