هل سوريا دولة طائفية؟

[COSTA]

كاتب النص الأصلي : yass

قانون الأحوال الشخصية الحالي تكريس للتفرقة الطائفية. لما تكون محكوم بقانون مختلف بسبب انك مسجّل ضمن طائفة معينة هالأمر أكيد فيو تفرقة

الحل؟ قانون مدني للأحوال الشخصية يخص الزواج و الطلاق و الوراثة و ما الى ذلك. و يحقلك تختار هالقانون المدني اعتبارا من العمر القانوني أو البقاء على القانون الكنسي أو الشرعي

هلأ انا معك انو في اخطاء
يعني كان المسيحي يمشي على الوراثة بالشرع الاسلامي .....
بس هلأ تم تعديلو وصارت مسالة الوراثة بحسب الكنيسة ( بس بعتقد انو الطوائف الكاثوليكية فقط يللي تعدل بشانها )
وبشان الزواج و الوراثة بين المتزوجين من غير طوائف
هل في شغلة انو المراة المسيحية يللي بتضل على دينها لاترث زوجها المسلم ( على اساس انو يللي بيرث هو من يتبع اشرف الدينين ) وهي قمة التفرقة
الرجل المسيحي لا يقدر ان يتزوج المسلمة الا اذا اشهر اسلامه ....
هدول يللي متذكرون هلأ بس في كتير شغلات تانية

[MadMax]

أنا بظن أنو القانون الطائفي ( نوعاً ما ) بسوريا ..هو انعكاس لطائفية المجتمع ...و ليس العكس
و لو المجتمع السوري ( بأغلبو ) بيتقبل فكرة قانون أحول شخصية مدني ..... بظن الدولة ما عندها مشكلة بسن هيك قوانين

[Willi]

أنا بظن أنو القانون الطائفي ( نوعاً ما ) بسوريا ..هو انعكاس لطائفية المجتمع

وطائفية الناس جاي من طائفية القوانين.
هع
وقعنا بدوامة

[MadMax]

كاتب النص الأصلي : Willi

وطائفية الناس جاي من طائفية القوانين.
هع
وقعنا بدوامة

لا ..طائفية الناس الها اسباب كتيرة
يمكن اهمها ... الدين ....و العادات المتجذرة بمجتمعنا

[phoenixbird]

كاتب النص الأصلي : COSTA

هلأ انا معك انو في اخطاء
يعني كان المسيحي يمشي على الوراثة بالشرع الاسلامي .....
بس هلأ تم تعديلو وصارت مسالة الوراثة بحسب الكنيسة ( بس بعتقد انو الطوائف الكاثوليكية فقط يللي تعدل بشانها )
وبشان الزواج و الوراثة بين المتزوجين من غير طوائف
هل في شغلة انو المراة المسيحية يللي بتضل على دينها لاترث زوجها المسلم ( على اساس انو يللي بيرث هو من يتبع اشرف الدينين ) وهي قمة التفرقة
الرجل المسيحي لا يقدر ان يتزوج المسلمة الا اذا اشهر اسلامه ....
هدول يللي متذكرون هلأ بس في كتير شغلات تانية

يعني نعمل قانونين الاول مدني والتاني ديني ؟
طيب ما هوي تلت رباع الشعب اخدها من باب الدين اذاً شو الفايدة ؟
طيب وما ممكن انو يلعبوا رجال الدين دور مضاد للقانون المدني ؟

[ASH]

ما فات بمخي هل حكي تبع مسيحي و مسلم ما بعرف ليش بحسو علاك

[maroun]

كاتب النص الأصلي : COSTA

كل الامثلة يللي جبتها مالي فيها ولا حتى سمعت فيها ....
بس على كلامك انو قانون الدولة طائفي .....
وين الطائفية بالقانون ؟
ليكون قصدك انو الرئيس مسلم مثلا ؟

كلو يا معلم مو بس قانون الرئيس و قانون الاحوال الشخصية اللي بيمنع غير المسلم من انه يتجوز مسلمة بس المسلم يحق له ان يتجوز اللي بدو ياها هاد مو طائفية؟؟

[maroun]

ناس بتقلك ان الطائفية سببها القوانين و ناس بتقول الناس هم سبب الطائفية...طيب سؤال مين وضع قوانين الدولة مو ناس هنن اللي حطو القوانين؟؟؟ طيب فاذان الناس هنن طائفيين

[ASH]

هي تبع انو غير المسلم يتجوز مسلم ممنوع او ما بيصير هاد حكي على ورق و كلو علاك يا صاحبي الله وكيلك

[maroun]

كاتب النص الأصلي : ASH

هي تبع انو غير المسلم يتجوز مسلم ممنوع او ما بيصير هاد حكي على ورق و كلو علاك يا صاحبي الله وكيلك

ايه علاك ماختلفنا يا اخي و صارت كتير و بعرف كتار مسيحية تجوزو مسلمات بس بتعرف لما سجلولهم الزواج بالدولة كتبو الرجال مسلم. حتى لو حبر على ورق بس هالحبر و الورق عاملين القانون طائفي. يعني متل قصة الرئيس شو يعني اذا الدرزي او المسيحي او اللي بيعبد القرود كان دارس و فهمان و عندو مشروع بيفيد فيه كل المواطنين ليش ممنوع انه يصير رئيس بس كرمال دينو هاد مانو اجحاف بحق المواطنين كلهم قبل مايكون اجحاف بحق اللي بدو يكون رئيس. انا مو مختلف معك انو كلو حبر على و رق يا عزيزي بس متل ما قلتلك هالحبر و الورق مخليين الدستور و القانون طائفي كتير و غير منصف.

[بنفسجة]

كاتب النص الأصلي : maroun

كلو يا معلم مو بس قانون الرئيس و قانون الاحوال الشخصية اللي بيمنع غير المسلم من انه يتجوز مسلمة بس المسلم يحق له ان يتجوز اللي بدو ياها هاد مو طائفية؟؟

لاهيدي مش طائفية هيدي تعاليم ديانة كمان موجودة عند اليهود ومعتمدة في كصير من بلدان العالم اليهودية لايحق لها الزواج من غير اليهودي ولازم يعتنق من يتزوجها الديانة اليهودية
يا جماعة المجتمع عنا بغالبيتو العظمى مسيحين ومسلمين هو شعب مؤمن وكتير مرتبط بالتعاليم الدينية والدستور لايمكنه تخطي هذه النقطة لانها موجودة في تعاليم دياناتهم

[COSTA]

كاتب النص الأصلي : COSTA

انو سبقو كتبت بردي السابق ورجعت حذفت هالجملة ( عدا قانون الاحوال الشخصية )
بس انت نكشتها

هاد يللي كنت خايف نوصل الو بالموضوع ....
لانو شائك كتير صار ......
طيب الي رجعة

[ASH]

كوستا ليش حاسس انو الموضوع تشعب كتير انا ، ممكن بعد اذنك بس تجملنا بنقاط شو اخر شي وصلنالو لانو حاسس حالي نفصمت انا ولله

[W.E.G.A]

كاتب النص الأصلي : was616im

يعني والله يا معلم اذا بدك تحكي بالواقع ما بعرف كيف بدي اشرحلك ياها
لانو الشغلة اولا و اخيرا بتعود للانسان نفسو
يعني في عنا بسورية عالم كتير طائفيين بس بالمقابل في كمان كتير ناس مو طائفيين
بقى هيك حسب ما انا كنت عايش بحمص بين اصدقائي اللي منهن علوي و منهن سني و منهن مسيحي و غير طوائف بقلك انو ما كان في مشاكل بيننا نهائيا و بحياتنا ما اختلفنا على شي اسمو طائفة او دين لانو هاد كان اخر همنا قصدي انو بحبك على معاملتك الي مو لدينك او لطائفتك
بس هالحكي مو يعني انو كل شباب حمص و سكانها هيك
فلذلك الامر محير

معاك 100 % القصة نسبة وتناسب

[Donald Duck]

انا حسب رأي ..

ومع اني مو من سوريا ..

في طائفيه بكل دول العالم .. وبدون استثناء ..

بس بتختلف قوتها من بلد لبلد ..

بس الي اغرب من هيك ..

انو الطائفيه بتبدا من المنتديات .. وخصوصا هذا المنتدى ..

لانو انا ما كنت اعرف اشي عن الطائفيه ..

بس لما دخلت المنتديات واتعرفت على الطوائف ..

وشوفت مواضيع كامله .. بتحكي عن الطوائف .. وكلو تحت غطاء " حرية التعبير " ..

وفي هذه المواضيع بسيئوا للديانات .. وما بدهم تعصب طائفي .. !!

لتلغي الطائفيه بين الناس .. مستحيل ..

بس ممكن تخففها لدرجه انو ما تعشر فيها .. عن طريق احترام الطوائف ..

[brave heart2]

سوريا هي بلد طائفي ويلي عم يغذي هي الطائفية هوة النظام

حتى انو تمادى ودعمها كأرهاب لحتى يفهم الشعب انو يا نحنا منمسك الامن ومندعس على راسكن

يا مليشيات وتفجيرات

للاسف

[yamos2]

كاتب النص الأصلي : Madmax

بس بشكل عام .... الشعب السوري أفضل حالأ من شعوب المنطقة

you are write

[alickous]

يا سيدي الله من يوم خلق هالدنيا خلقت هالطائفية و نحنا لبعد الف سنة بدنا نربى و نعيش انو فلان كذا و فلان كذا اي يلعن رب هالشغلة لك بس لو ننسى قصة هالدين شوي لك اكفر خلق الله بس يشوف حدا من غير طائفتو
بصير نبي و مرسل من الله ع فكرة اللي بيقول انو ما في طائفية بيكون مانو من الاقليات او مو عرفان الله وين حاطو
لك الدين افيووون الشعووووووووووب