|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
01/03/2008
|
#1 | ||||||
|
شبه عضو
-- اخ حرٍك --
  |
بجد ياختي..ده عيالو عايزين يورثووه!!
هو السبب أحلام؟!!......بقلم/بهاء عجمي . .  . .. . هو السبب كان ايه الباشا ده بيقول مزور وده كمان عليه يدور يا اما شيك بدون رصيد يا اما قرض وعليه مصور لو قلت تاني حكون سليم ومش حخبي على الحكومة اي حاجة يطلعلي واحد من اللي هما يقولي غور يا ابو وش غمة عايزني اعيش من غير فساد واكون فقير بين العباد مانت يا اما مجنون او متعشي بذر زتون يبقى السبب كان ايه كان صحن فول ع الصبح مرمي والا الفلافل بتقوله وسع يا وش نحس يا وش فقر يا عقل م الدوشة بيلسع اكيد حكون سبب الخراب لاني عايش بين الشباب انصح في ده واقول لده ابعد يا واد ع الظلم ده يبقى السبب كان ايه يكونش السبب معروف وانا اللي عامل خروف يا امل قلبي رهيف ومش لاقيلي رغيف هو السبب كان ايه ويجي واحد جميل واسمر جنان مشمر يعدي يرمي مليون سلام اقوله اهلا يا حلو اهلا تعالى اشرب من غير كلام يقولي غور يا سيدي غور هو انت حتى لاقي تاكل بكرة زمان عليك يدور يا اما تسرق يا اما تفسد يا اما تبقى عايز تقول الحقني يابا الحقني يللا الفساد جاب كل حاجة الشباب راح عقله منه والبنالت بتقول يا ويكا يا نهار اسود على اليوم ده والا اقولك يا نهاريكا وهو السبب كان ايه يمكن عشان عايز اشوف البت وزة يقولي وزة عليها رزة والرز غالي باتنين وربع باتنين وربع؟ يا خلق هووو يعني الفقير لو حب ياكل ياما يشحت يا اما ياكل من صحن فول شاريه زميله ويقضوا فيه الليل بطوله يا اما يجي يقول لصاحبه ماتيجي نسرق فلان ده جارنا ياليلة عدي يا ليلة فوتي قبل الولد ما يفوت في توتي هو السبب كان ايه فلان مغمي وفلان مسمي على روح زميله ويقول ده عمي ولو حد بص للباشا بصة يبقى يا حوسته ويا الف وكسة ده الباشا ده مطرب كبير كان عنده مكنة تعمل عصير ويلونه اصفر وبني ويمكن اخضر وبيه يغني قال السبب كان ايه واخونا عامل فيها شيخ يا عم شيخ بعيد بعيد لا الريحة تطلع في يوم علينا ويقولوا شيخ كان عنده ريح وتكون دي فتوى كبيرة جدا ووزير ثقافة عليها يدن يا حوستي يا ختي يا خيبتي يا ختي حتى الشيوخ بتقول كلام يا عم نام هو السؤال هو السبب كان ايه يا سيدي ريح وارميها بونطة اما انت غاوي تجيب مشاكل وابوك عجوز يا اما يزعل يا اما يغضب يا اما ع اللحمة بيلوي بوز ويا عيني لو حتى راح يخمر ويا الحبيبة ويقول بشمر حتبقى كارثة حتبقى وكسة وعمرو خالد يقولك انسى ده الحب نعمة ده الحب ليلى وغيرها طعمة وتقولي شيخ هو السبب كان ايه حتى الفراخ عليها زحمة وقالوا فكرة تخف زحمة ارموها عريانة ف طريقنا حتجيلها نكبة حتجيلها وعكة ساعتها بالبرد حتمرض ويا ويله من ياكل فراخ وبعدها بسنين طويلة الفراخ بقت عليلة الايدز صابها والبرد صابها مابقتش عايزة غير ربع صبغة حتى الفراخ يا خلق هووو بيقول هاتوو يا عم غور دي عيشتنا باظت بتقولي باظت على ايه يا حسرة ما هي بايظة من يوم واكتر هو السبب كان ايه اخدنا زيروو في الكورة برضه ونادي قرن احمر يرفرف يعدي ليلة يقول تريكة وهي ليلة يجيله سكر طب والفراخ؟ يا عم داخ هي الحمير مش حللوها لقوها حلوة وبنت ناس ناكل حمير وماله يعني؟ يعني حمير دي بنت كخة مش برضه عايشة معانا فيها والدنيا ايه يللا نناديها هو السبب كان ايه يمكن فلان كان مستخبي من حكم تابيدة عليه او حتى كان سارق فلوس م البنك اللي قريبه فيه حتى فلان ده صابه داء عايز يشوط في الكل دايما ومحد مالي عنيه يا حسرة ده كان ابوه فلاح حقير بتقول في بير بقول خسيس رخيص دلوقتي عايش بدون كلام يغلط ويشتم في الناس وبس وحتى ابويا من الحب نابه في اللية نايب عدى عليه في يوم وقاله يا محترم يا ابن اللذينا بتحب دينا ...والرقص يحلى هو السبب كان ايه كان قط ماشي في الليل يسرح وبعلو صوته يقول يا قطة تعالي شوفي البنطلون بتقول قانون قانون يا حسرة دول حتى جابوا يوميها بصرة وقالو دين قال كان جديد جابوه منين الله اعلم وهو السبب كان ايه هو انت لسة قاعد بتكتب يا عم روح شوف حد يقرا ده يسري نايم وليلى نايمة وهند شايلة م الواد بليلة بتقول دي نيلة يا عم نيلة نقط سكاتك بالله علينا بتقولي فول وكمان فلافل حتى الفراخ جبتيلها وكسة وعايزني ارد كمان عليك هو السبب كان ايه يمكن يكون في الحلم نايم او حتى متخبي ف زكايم بس الزمان بكرة يدور ماتقولش غور انا قلت حاجة يا عم انت والا انت عايز جنازة تلطم جنازة ليه؟ يمكن تكون بتخاف من امك والعطسة خبتها في كمك وتقولي لسة عايزين نجاح ماقلتلك ده كان فلاح فلاح وعامل علينا ريس عمال يهيس ويقول كلام بيحب سوزي والفلوس عنده ف كياس والكياس دي مكانها فين قرب ودانك لحد يسمع بيقولوا ان الفلوس هناك مع حد تبعه في العز فايت زي الحديد بتقول حديد اه يعني صلب والصلب دايما تلاقيه معاه يعني الفلوس من مصر طالعة ولمصر داخلة بس بقانون قانون ده ايه؟ قانون طوارئ يشد يلوح يقول هاتووه في السجن يرمي من غير سؤال او حتى اخووه ما تقله نوو كان غيرك اشطر يابن الابلسة حتقله نوو حتلاقي نفسك ويا الكلاب ويا الحمير ويا الحمير يعني الفراخ حتكون معايا ونقول مشمر ونقول معمر ونقول يا مرسي يا ابو العباس بتقول خلاص يا ريت خلاص ده لسة ياما عياله عايزيين يورثووه ده في الفلوس والتاني نهجه يعني السياسة يا خلق هوو ابوس ايديكم ارحموووه او ابعتوووه للعم سام يمكن يلاقي هناك جواب اكلي ودني الله يجازيه ويقول ده قال هو السبب كان ايه . تحياتي بهاء عجمي
لن توهب الحياة..لمن ليس له لسان
. الأسكندرية..موجة حب على أرض مصر . قتلتني وتعتذر؟! |
||||||
|
|
01/03/2008
|
#2 | ||||
|
عضو
-- مستشــــــــــار --
|
هوي أنا كتييييييييير كلمات ما فهمتها من هالمعلقة التاريخية. بس عم تحكي عن الفقر وارتفاع الاسعار كأنو باسلوب كوميدي ساخر. مشكور على كل حال والله يبعتلك حق صحن فول 
صديقي الله .
لا أحسدك على معرفتك مصير كل منا . لأنك قد تبكي على مصير حزين بينما صاحبه سهران يضحك. وتعرف الفرح قبل وقوعه فلا ترى مثلنا لذة المفاجأة. .... |
||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 21:10 (بحسب عمك غرينتش الكبير +3)