اقتراح الى الادارة!!!!!!!!!

ملك الهكرز · 05/05/2006

مرحبا شبيحة

في عندي اقراح صغير انو يا ريت تلتغى الرسائل الخاصة بالمرة

او يصير اسمها الرسائل العامة

احسن ما كل واحد عما تجي رسالة عم يفتح فيها موضوع

وياريت تحطولنا شي قسم للخناق وفرد المراجل ..............

ويتغير اسم الصالون لقسم الموضيع البايخة

Syrian__Angel · 05/05/2006

اقتباس:

احسن ما كل واحد عما تجي رسالة عم يفتح فيها موضوع

اصلاً صايرة المواضيع - شو ما كان مستواها - أوّل ردين او تلاتة بتكون لساتها تعليق عالموضوع .. بعدين بتتحول لحديث بين شخصين او اكتر ... طبعاً هي اذا ما تحوّلت بالمستقبل لخناقة " اذا واحد ما عجبو رأيك " ...
اي ونسيت كمان شغلة مهمّة .. كل مين مو من رأيك = متخلّف ومو فهمان الله وين حاطّو

اقتباس:

وياريت تحطولنا شي قسم للخناق وفرد المراجل

اي لا تخاف .. حتى لو حطّو ما رح تفرق شي ..
هي حاطّين قسم للاديان .. والاديان بكل المنتدى .. قسم للسياسة .. والسياسة بكل المنتدى .. قسم للضحك والحكي الفاضي.. والحكي الفاضي بكل المنتدى

اقتباس:

ويتغير اسم الصالون لقسم الموضيع البايخة

يا ضيعان التّعب وحملة التنضيف اللي صارت من كم يوم

ملك الهكرز · 05/05/2006

اقتباس:

ضيعان التّعب وحملة التنضيف اللي صارت من كم يوم

اي والله

-----------------------------------
بتمنا من قباقيب المنتدى انو يتطورو شوي بركي بيصيرو شحاطات (سوري على التعبير )
-----------------------------------
انو يعني ليش هيك عما يصير بالمنتدى
سؤال فني لكل عضو جديد فات على المنتدى طبعا مو الكل بس المتقبقبين
انو عما تقرو تحت كل قسم شو محطوط تحتو يعني الشرح عما تقرو شي ؟؟؟؟
بركي بيرجع المنتدى متل قبل واحسن بقى ياريت من الشباب والبنات يتفهمو شوي الموضوع
----------------------------------

Barleb · 05/05/2006

الأدارة لازم تحكم بـ يد من حديد , يعني نشر الوساخة و أكل الهوا بالرسايل الخاصة لازم بيكون عليه تنبيه 25% ولشوف مين بدو ينشر

SIR RORO · 06/05/2006

مشان الرسائل الخاصة الادارة مالها علاقة بالحكي

بعدين ما بتعرف انو هالحكي كلو ما منو نتيجية لانو ادن من طين وادن من عجين

ماراح يردو على الحكي

بقا الله يرضى عليكون بدكون تتناسو خير الله لحتا يمشي حالكون

اقتباس:

احسن ما كل واحد عما تجي رسالة عم يفتح فيها موضوع

مشان الفضايح وتخريب المنتدى واللت والعجن

اقتباس:

وياريت تحطولنا شي قسم للخناق وفرد المراجل ..............

لشو القسم منو المنتدى كلو صاير هالقسم

sezar · 06/05/2006

اقتباس:

بعدين ما بتعرف انو هالحكي كلو ما منو نتيجية لانو ادن من طين وادن من عجين

اي في مواد عضوية تانية ممكن تتكون منها أدنينا

بس لا بيعجب العجب ولا صيام برجب