عن اقتصاد السوق، وما يسمونه إصلاح

[محمد ابراهيم]

كاتب النص الأصلي : Nirvana

مو لانو الحكومة مو متابعة .. بس لأنو كاقتصاد حر بتحكم بقدر كبير منو المستثمرين ورؤوس الأموال والتجار .. ففي مساحة كبيرة للي بدو يستغل ويلعب لأجل مصلحتو ..
بعدين متل ما قال كهربجي بترافق مع هالاقتصاد الحر الاعلام .. وشوف تاثير الاعلام عالناس وشوف شو بدهم يحطو بعقول العالم ..

يمكن ما عم اقدر اوصل فكرتي منيح .. اعذروني ..

اصلا هو الكل باقتصاد السوق بيجري ورى مصلحتو هاد امر منتهي
ومهمة الحكومه انها تراقب الكل (يعني هيك الئصه )

اما عن الاعلام متل ماقال كهربجي فعلا صح
وهي من ضمن عيوب الاقتصاد الحر
بس وقت يصير الاعلام قوي والحكومه تحكم الرقابه عليه بيصير الوضع ممتاز (كلو بخدمة المجتمع) بتحقق تقدم كبير

[Nirvana]

كاتب النص الأصلي : كهربجي مثقف

بالمحصلة ما في شي عملي اسمو اقتصاد السوق الاجتماعي، الجمارك مهمة لنجيب مصاري، والتحصيل الضريبي وأرباح القطاع العام مهمة للتنمية، ولمّا بتروح هي الامتيازات الحكومية بتطلع الدكة بالشعوب..

ومهمة للنهب والسرقة والفساد كمان ..

بس مو موضوعنا ..

وحتى اقتصاد السوق الاجتماعي مو مطبق فعلياً .. لانو الدولة ما قدرت تضبط الاحتكار مثلا .. احتكار الاتصالات بسوريا .. واذا بتيجي للواقع صعب كتير ضبط هيك امو خصوصا مع واقع الالتفاف حول القوانين والاستثناءات والفساد المتفشي في دولنا .. بس بنحقق شغلة وحدة انو الشعب الطفران يطفر أكتر ..

ما عم اقدر افهم كيف الرأسمالية ممكن توصل للعدالة والمساواة .. ما دام اللي معو مصاري وبيدفع ضرايب أكتر هوي اللي عم يستفيد .. شو ذنب العامل أو الموظف البسيط ؟ هني مو جزء من هالمجتمع ؟

كاتب النص الأصلي : محمد ابراهيم

اصلا هو الكل باقتصاد السوق بيجري ورى مصلحتو هاد امر منتهي
ومهمة الحكومه انها تراقب الكل (يعني هيك الئصه )

اما عن الاعلام متل ماقال كهربجي فعلا صح
وهي من ضمن عيوب الاقتصاد الحر
بس وقت يصير الاعلام قوي والحكومه تحكم الرقابه عليه بيصير الوضع ممتاز (كلو بخدمة المجتمع) بتحقق تقدم كبير

بس لما تكون الحكومة فاسدة .. وحتى لو الحكومة مو فاسدة .. في أمور كتيرة ما بتقدر الحكومة تراقبها ..

بعدين شو نوعية المجتمع اللي حينتج عندك نتيجة للاقتصاد الحرررر .

[محمد ابراهيم]

كاتب النص الأصلي : كهربجي مثقف

حبيب قلبي عن جد مبسوط كتير بهاد الحوار ومعك كمان نيرفانا

في شغلة مهمة كتير, وهي أنو من أهم شروط الاقتصاد الحر (اقتصاد السوق للمرة العاشرة) انو تنطرح أسهم الحكمة بالبورص، أي ان الحكومة بتصير مؤسسة ربحية، وهيك بتبطل ممثلة حقيقية للشعب وبتصير ممثلة لحملة الأسهم، اللي ما بدها تخسرهون فبيصير بدها مصاري أكتر.. والمورد هو الضرايب، فبتعلى الضرايب بشكل غير عادل (لأنو الغني ممكن ينتقم من الضرايب بالبورصة)
بالمحصلة ما في شي عملي اسمو اقتصاد السوق الاجتماعي، الجمارك مهمة لنجيب مصاري، والتحصيل الضريبي وأرباح القطاع العام مهمة للتنمية، ولمّا بتروح هي الامتيازات الحكومية بتطلع الدكة بالشعوب..

إي شريك... اللي قصدتو أنو التعميم خطأ، بس هاد التعميم هو من أهم أساسات النيوليبرالية... عرفت كيف؟ هاد الشي بيعمل هي النظرية الإقتصادية غلط... لأنو ما بني على باطل فهو باطل...
طبعاً ما رح نناقش شو هي الليبرالية اللي أنا مع شقها الإجتماعي وضد الإقتصادي...

تحياتي

معلم مو هيك الوضع
انتا ما بتاخد كتاب مقدس وتطبقو كما انزل .لاء ابدا
يعني انتا رح تطبق الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد .
اللي مارح يحط باعتبارو طبيعة اقتصادو وظروف بلدو مارح يقدر يطبق اقتصاد حر ويطلع معو نتيجه جيده .
انا كشخص متخصص بادارة الاعمال بشوف مثل ما اتعلمت من اساتذتي الكبار انو نظريات الاقتصاد مثاليه اكتر من اللازم وبيشوفو (اساتذة الاداره وعلماؤها) ان اي نظريه مثاليه او غير قابله للتطبيق العملي تستاهل الاهمال او عدم الاهتمام بها لذلك ما بيصير انو حد يتعلق باقتصاد حر كما انزل عاساس انو هاي هي النظريه بحذافيرها , لاء ابدا ,القصه رح اعيدا تاني
((يعني انتا رح تطبق من الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد )).

* بدي اقول انو الحكومه رخ تخصص (يعني اترك فكرة انها تدير الشركات والمؤسسات من راسك) وحصيلة الخصصه مبالغ ضخمه رح تساعد الدوله كتير في التنميه , وعليه لن تكون للحكومه اسهم بالبورصه (لانها رح تبيع شركاتها ومؤسساتها) وبناءا عليه مارح تصير الحكومه مؤسسه ربحيه وما بني على باطل هو باطل .

ولما هالمؤسسات اللي رح تبيعا
وقت تحصل هالشركات على ارباح رح تستفيد الحكومه من الضرايب ولاحظ انو هاد من غير تعب او اي مصاريف عالاطلاق حتى لدرجة انو الانتاجيه رح تزيد نظرا للمنافسه وكمان المصانع والشركات تقدر تصدر وقت تكون المنافسه صارت اقوى (والحكومه رح تحصل ضرائب من هالشركات) والاسعار رح تكون منافسه يعني اقل من هلق وكلو بصالح الشعب (والحكومه توفر المصاري يللي كانت بتحا بهالشركات لاستثمارات اخرى ) وتحقيق التنميه .

[محمد ابراهيم]

كاتب النص الأصلي : Nirvana

بس لما تكون الحكومة فاسدة .. وحتى لو الحكومة مو فاسدة .. في أمور كتيرة ما بتقدر الحكومة تراقبها ..

بعدين شو نوعية المجتمع اللي حينتج عندك نتيجة للاقتصاد الحرررر .

لما تكون الحكومه فاسده لارح ينفع اقتصاد حر ولا اشتراكيه ولا بطيخ

وقت تكون مو فاسده بتقدر تراقب كل شيء مُخطط له أن يُراقب . وما مطلوب منها تراقب شيئ لا يمكن مراقبته

ولاحظي انو حتى بالنظام الاشتراكي مطلوب منها تراقب اوضاع السوق لانها المتحكم الوحيد فيه

[Nirvana]

كاتب النص الأصلي : محمد ابراهيم

يعني انتا رح تطبق الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد .

يعني اقتصاد مختلط .. !

كاتب النص الأصلي : محمد ابراهيم

* بدي اقول انو الحكومه رخ تخصص (يعني اترك فكرة انها تدير الشركات والمؤسسات من راسك) وحصيلة الخصصه مبالغ ضخمه رح تساعد الدوله كتير في التنميه , وعليه لن تكون للحكومه اسهم بالبورصه (لانها رح تبيع شركاتها ومؤسساتها) وبناءا عليه مارح تصير الحكومه مؤسسه ربحيه وما بني على باطل هو باطل .

ولما هالمؤسسات اللي رح تبيعا
وقت تحصل هالشركات على ارباح رح تستفيد الحكومه من الضرايب ولاحظ انو هاد من غير تعب او اي مصاريف عالاطلاق حتى لدرجة انو الانتاجيه رح تزيد نظرا للمنافسه وكمان المصانع والشركات تقدر تصدر وقت تكون المنافسه صارت اقوى (والحكومه رح تحصل ضرائب من هالشركات) والاسعار رح تكون منافسه يعني اقل من هلق وكلو بصالح الشعب (والحكومه توفر المصاري يللي كانت بتحا بهالشركات لاستثمارات اخرى ) وتحقيق التنميه .

بس ما تكون الشركات اللي رح تشتري شركات اجنبية .. وما تأثر الخصخصة على الموظفين والعمال البسيطين ..

[محمد ابراهيم]

كاتب النص الأصلي : Nirvana

يعني اقتصاد مختلط .. !

كأني كتبت مسبه
هو بيني وبينك عمليا شبه مستحيل تنتقلي من اشتراكيه لراسماليه مباشرة
بدك محطة الاقتصاد المختلط (بس اديش رح تستمري هاد عحسب ظروف واوضاع كل اقتصاد ومجموعة تانيه من العوامل)
*بس هو انو تحطي الاقتصاد الحر كمرجع واساس بيخلي الشغله واضحه واسهل فيما بعد .

كاتب النص الأصلي : Nirvana

بس ما تكون الشركات اللي رح تشتري شركات اجنبية .. وما تأثر الخصخصة على الموظفين والعمال البسيطين ..

شو المانع من انو تكون الشركه اجنبيه ؟!!!
رح تشتغل وفق قانون البلد وتحت مراقبة الحكومه ورح تحقق نفس هدف الشركه المحليه واللي كان بدها الحكومه يتحقق .

بالنسبه للعمال والموظفين بتحفظ حقوقون الحكومه بعقود بيع هالشركات للمستثمرين اما بالابقاء عليهم او تعويضهم ماديا تعويض عادل وغالبا بيكون الخيار للعامل بين البقاء والتعويض المادي (غالبا بيكون مبلغ مغري)

[Nirvana]

كاتب النص الأصلي : محمد ابراهيم

كأني كتبت مسبه لا بس دخلنا بقصة تانية لانو
هو بيني وبينك عمليا شبه مستحيل تنتقلي من اشتراكيه لراسماليه مباشرة
بدك محطة الاقتصاد المختلط (بس اديش رح تستمري هاد عحسب ظروف واوضاع كل اقتصاد ومجموعة تانيه من العوامل)
*بس هو انو تحطي الاقتصاد الحر كمرجع واساس بيخلي الشغله واضحه واسهل فيما بعد .

شو المانع من انو تكون الشركه اجنبيه ؟!!!
رح تشتغل وفق قانون البلد وتحت مراقبة الحكومه ورح تحقق نفس هدف الشركه المحليه واللي كان بدها الحكومه يتحقق .

بالنسبه للعمال والموظفين بتحفظ حقوقون الحكومه بعقود بيع هالشركات للمستثمرين اما بالابقاء عليهم او تعويضهم ماديا تعويض عادل وغالبا بيكون الخيار للعامل بين البقاء والتعويض المادي (غالبا بيكون مبلغ مغري)

ما بظن التعويض المادي بيضمن لهالعامل الأمان الوظيفي وتوابعو .. (عمل + راتب مستمر + تامين صحي) ..

اما بالنسبة للشركات الأجنبية .. ليش ليربحو على حساب البلد والمصاري اللي رح يربحوها بتطلع برات البلد واي شي بدها تكسبو هالشركة الاجنبية هو مقدار ناقص من اللي ممكن تكسبو البلد .. أو ولاد البلد ..

[كهربجي]

كاتب النص الأصلي : محمد ابراهيم

معلم مو هيك الوضع
انتا ما بتاخد كتاب مقدس وتطبقو كما انزل .لاء ابدا
يعني انتا رح تطبق الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد .
اللي مارح يحط باعتبارو طبيعة اقتصادو وظروف بلدو مارح يقدر يطبق اقتصاد حر ويطلع معو نتيجه جيده .
انا كشخص متخصص بادارة الاعمال بشوف مثل ما اتعلمت من اساتذتي الكبار انو نظريات الاقتصاد مثاليه اكتر من اللازم وبيشوفو (اساتذة الاداره وعلماؤها) ان اي نظريه مثاليه او غير قابله للتطبيق العملي تستاهل الاهمال او عدم الاهتمام بها لذلك ما بيصير انو حد يتعلق باقتصاد حر كما انزل عاساس انو هاي هي النظريه بحذافيرها , لاء ابدا ,القصه رح اعيدا تاني
((يعني انتا رح تطبق من الاقتصاد الحر وتعتبرو كأساس ومرجع بالاضافه الى بعض مبادئ الاشتراكيه (في نواحى قصور الاقتصاد الحر) وبتعمل توليفه مناسبه لبلدك (سيبك من وصفات البنك الدولي السريعه) عمرها ما نجحت والتاريخ خير شاهد )).

* بدي اقول انو الحكومه رخ تخصص (يعني اترك فكرة انها تدير الشركات والمؤسسات من راسك) وحصيلة الخصصه مبالغ ضخمه رح تساعد الدوله كتير في التنميه , وعليه لن تكون للحكومه اسهم بالبورصه (لانها رح تبيع شركاتها ومؤسساتها) وبناءا عليه مارح تصير الحكومه مؤسسه ربحيه وما بني على باطل هو باطل .

ولما هالمؤسسات اللي رح تبيعا
وقت تحصل هالشركات على ارباح رح تستفيد الحكومه من الضرايب ولاحظ انو هاد من غير تعب او اي مصاريف عالاطلاق حتى لدرجة انو الانتاجيه رح تزيد نظرا للمنافسه وكمان المصانع والشركات تقدر تصدر وقت تكون المنافسه صارت اقوى (والحكومه رح تحصل ضرائب من هالشركات) والاسعار رح تكون منافسه يعني اقل من هلق وكلو بصالح الشعب (والحكومه توفر المصاري يللي كانت بتحا بهالشركات لاستثمارات اخرى ) وتحقيق التنميه .

كيف هي شريك؟ إي شو عم تعمل سلطة؟ شوي من هون و شوي من هون، المشكلة أنو كيف بدّك تدمج بين هدول التنين بالمنطق؟ الإشتراكية أبداً مانها نظام إقتصادي مطلق، الإشتراكية هي نظام مجتمعي قبل كل شي، هي ثقافة، هي فكرة.. أبداً مو كتاب مقدس، وبتعتمد أفكار حملتها على عدم وجود ما هو مقدس ومطلق.. أما اقتصاد السوق فمن اسمو واضح معناه، هو نظام اقتصادي بحدت، خلفيتو الإجتماعية كتير بتختلف عن خلفية الاشتراكية ومبادئها، لهيك صعب كتير أنك تدمج بينهم... هاد السبب النظري، في أسباب إقتصادية كمان...


هلق هاد بيجيبنا لنقطة كتير مهمة، وهي أنو كيف اقتصاد السوق (اللي أساسو النظري مبني على الحسابات الإقتصادية على حد وعم اللي بدؤوه) ممكن يكون إقتصاد دولة، واللي هي بالمحصلة مجتمع واحد.. البشر مو أرقام، والحسابات الرياضية بتزبط بالمؤسسات، مو بالمجتمعات... يعني نمط الحياة اللي بيفترضو إقتصاد السوق هو نمط واحد، ما بيعطيك فعليّا فرصة إختيار نمط حياتك لأنك بتكون مو فاضي تعمل شي إلّا تشتغل... بيعامل البشر على أساس أنهن آلات، وهاد شي غير مقبول حتّى علميّا يا سيدي هاد قبل ما يكون مرفوض أخلاقيّاً..

أنا أصلا مو حاطط فكرة أنو تدير الحكومة الشركات براسي.. أنا ماعم قول أنو كل هي النظرية غلط.. طبعاً في إلها إيجابيات...
يعني أنو الحكومة بدل ما تكون ممثلة للشعب، يعني هي والشعب هنن أقطاب المجتمع فهي عم تسمح لقطب تالت يتدخل بشكل متساوي هو الشركات، واللي بيعمل العقد الإجتماعي ظالم لأنو الشركات ممثلة لعدد قليل من الشعب... بالتالي بيصير الإستقطاب باتجاه الشركات، يعني موازين القوى بتتغير، وبدل ما تكون علاقة الشعب-الحكومة هي العلاقة الحاكمة للمجتمع بدها تصير علاقة شركة-شركة هي الحاكمة لمجتمع للأسباب اللي ذكرنها من شوي...

سردنا على تنظير.. ما تواخذونا البضاعة غريب نوعها..

[محمد ابراهيم]

كاتب النص الأصلي : كهربجي مثقف

كيف هي شريك؟ إي شو عم تعمل سلطة؟ شوي من هون و شوي من هون، المشكلة أنو كيف بدّك تدمج بين هدول التنين بالمنطق؟ الإشتراكية أبداً مانها نظام إقتصادي مطلق، الإشتراكية هي نظام مجتمعي قبل كل شي، هي ثقافة، هي فكرة.. أبداً مو كتاب مقدس، وبتعتمد أفكار حملتها على عدم وجود ما هو مقدس ومطلق.. أما اقتصاد السوق فمن اسمو واضح معناه، هو نظام اقتصادي بحدت، خلفيتو الإجتماعية كتير بتختلف عن خلفية الاشتراكية ومبادئها، لهيك صعب كتير أنك تدمج بينهم... هاد السبب النظري، في أسباب إقتصادية كمان...

سردنا على تنظير.. ما تواخذونا البضاعة غريب نوعها..

بالاول قلت انو عنا 3 أنواع من الانظمه الاقتصاديه (ما كنت بمزح وقتا)

هالنظام السلطه هو النظام الاقتصادي التالت بس اسمو المختلط

عفكره هالسلطه موجوده باكتر من دوله منها دول عربيه متل مصر

وكمان دول اوربيه متل روسيا (هاي بيقولو عنها ليبراليه) بس ما تصدق انا رأيي وفي ادله عليه انو مو ليبراليه
هاي اقتصاد مختلط (سلطه)
بس بدي ما تاخد سلطه بالمعنى السلبي وتحكي عليه لانو مصطلحك انتا بالاول والاخير

[Nirvana]

كاتب النص الأصلي : كهربجي مثقف

يعني موازين القوى بتتغير، وبدل ما تكون علاقة الشعب-الحكومة هي العلاقة الحاكمة للمجتمع بدها تصير علاقة شركة-شركة هي الحاكمة لمجتمع للأسباب اللي ذكرنها من شوي... بس دخلت مخي هالجملة ..

سردنا على تنظير.. ما تواخذونا البضاعة غريب نوعها.. ليكون مو عاجبك النوع

متابعة .. لشوف بالآخر وين بدها توصل .. راسمالي اشتراكي أو سلطة (مختلط) !

[كهربجي]

كاتب النص الأصلي : محمد ابراهيم

بالاول قلت انو عنا 3 أنواع من الانظمه الاقتصاديه (ما كنت بمزح وقتا)

هالنظام السلطه هو النظام الاقتصادي التالت بس اسمو المختلط

عفكره هالسلطه موجوده باكتر من دوله منها دول عربيه متل مصر

وكمان دول اوربيه متل روسيا (هاي بيقولو عنها ليبراليه) بس ما تصدق انا رأيي وفي ادله عليه انو مو ليبراليه
هاي اقتصاد مختلط (سلطه)
بس بدي ما تاخد سلطه بالمعنى السلبي وتحكي عليه لانو مصطلحك انتا بالاول والاخير

معلم أنا شرحتلك عالضبط ليش برأيي أنو الدمج مو ممكن فكان الرد تبعك هو أنو بمصر دمجو بينهم؟ على أي مستوى عم نحكي لأعرف... لأنو أكيد ما بدنا ندخل بنقاش عن مصر وإقتصادها.. لأنو شوف الناس كيف عايشة بالمقابر... شوف نسب الأمية والفقر والتضخم.. لك شوف التزايد السكاني.. لحالو بيكفي...
ما بعرف شو الفكرة اللي عم تحكي عنها.. أنا قصدي أنو غلط.. مو انو مستحيل الوجود... أنت ما حكيت شي لتبرهن أنو صح..

[Nirvana]

عنا بالأردن .. بظن انو الاقتصاد مختلط بس بطريقو إلى الاقتصاد الحر مع خصخصة كتير من القطاعات متل الاتصالات .. وقوانين تشجيع الاستثمار .. وغيرو ..
تحقق التنافس وتحققت أمورة كتيرة .. بس الفجوة بن طبقة الأغنياء وطبقة الفقراء كل مالها عم بتزيد .. والطبقة المتوسطة يا دوب مكفية حالها .. وين العدالة بالموضوع .. بظن انو الاقتصاد الحر عم يخدم بس اصحاب المال والسلطة.

[ابو عمير السوري]

انتو تبع البرولتاريا والاشتراكية بدي اسئللكم سؤال من واقعكم
في شركات سورية مؤممة منها الخماسية الدبس الأحذية الخ
كانت شركات ناجحة بيد أصحابها اليوم شركات مفلسة وصلت للهاوية ولسع بدكم تشدونا للوراء نحن بحاجة لابداع الفرد اللذي يوصل حتما لنجاح أمة

كاتب النص الأصلي : Nirvana

عنا بالأردن .. بظن انو الاقتصاد مختلط بس بطريقو إلى الاقتصاد الحر مع خصخصة كتير من القطاعات متل الاتصالات .. وقوانين تشجيع الاستثمار .. وغيرو ..
تحقق التنافس وتحققت أمورة كتيرة .. بس الفجوة بن طبقة الأغنياء وطبقة الفقراء كل مالها عم بتزيد .. والطبقة المتوسطة يا دوب مكفية حالها .. وين العدالة بالموضوع .. بظن انو الاقتصاد الحر عم يخدم بس اصحاب المال والسلطة.

اقتصاديات الدول العربية لاتزال ناشئة وتحتاج الكثير بعد من التطوير
نحن لانريد نظام اقتصادي اجتماعي متل امريكا فهو حتما فاشل نحن نريد نظاما اقتصاديا مثل بعض الدول الأوروبية المتطورة مع لمسة اسلامية حتى لايبدو النظام قاسيا

[كهربجي]

كاتب النص الأصلي : ابو عمير السوري

انتو تبع البرولتاريا والاشتراكية بدي اسئللكم سؤال من واقعكم
في شركات سورية مؤممة منها الخماسية الدبس الأحذية الخ
كانت شركات ناجحة بيد أصحابها اليوم شركات مفلسة وصلت للهاوية ولسع بدكم تشدونا للوراء نحن بحاجة لابداع الفرد اللذي يوصل حتما لنجاح أمة

مين تبعوت البروليتاريا والاشتراكية؟ يا ريت يا معلم تكون محدد أكتر.. شلون فهمان الإشتراكية أصلاً؟؟ إذا تبع الإتحاد السوفييتي أو سوريا بتكون غلطان كتير... بس على كل حال اليسار السوري اعترض عالتأميم تبع البعث من أيام الوحدة.. اللي أمم مو هنن الإشتراكيين اللي أمم هنن المافيا يا حبيب.. يعني البعث ما قرا الماركسية متل العالم راحوا اخترعوا قصة التأميم.. وهي نفس أغلاط السوفييت... طبعاً هاد مو معناه أني أنا مؤيد للإشتراكية.. بس مشان هي الأفكار المسبقة اللي عم تتشاطر علينا فيها وهي بالأصل مو صحيحة ولا دققة.. وعبارة عن اعتراضات وحجج ناس مو عرفانة شو تحكي.. لزقوها بالإشتراكيين بعد ما لعنوا سما البلد...

لا أنا ولا غيري (حسب ما بتوقع ما بيأيّد الإبداع الفردي وبيفهم أهميتو... وهاد شي مختلف أصلاُ عن موضوع نقاشنا الأصلي..

كاتب النص الأصلي : ابو عمير السوري

اقتصاديات الدول العربية لاتزال ناشئة وتحتاج الكثير بعد من التطوير
نحن لانريد نظام اقتصادي اجتماعي متل امريكا فهو حتما فاشل نحن نريد نظاما اقتصاديا مثل بعض الدول الأوروبية المتطورة مع لمسة اسلامية حتى لايبدو النظام قاسيا

أول شي دخيل عينك شلون يعني لمسة إسلامية؟؟ ليش الإسلام بتمشي معو أصلاً بلمسة؟؟ شو هو الإقتصاد الإسلامي؟ مو على بنى اتبنّو الإسلاميين الليبرالية الإقتصادية؟ شو بقى اللمسة؟ أصلاً بحياتو ما كان في برنامج إقتصادي إسلامي بحت حتّى تجيب منّو (لمسة)
بعدين مو مهم يا معلم شو يبدو النظام.. المهم هو إذا كان قاسي أو لأ.. هون الفرق.. وهاد اللي بيعمل الفرق

[كهربجي]

خود يا محمد ابراهيم... شو ذكرك بهاد الموضوع هلق؟؟

بس بجد كانت إيام!!

[محمد ابراهيم]

كاتب النص الأصلي : كهربجي

خود يا محمد ابراهيم... شو ذكرك بهاد الموضوع هلق؟؟

بس بجد كانت إيام!!

يازلمة انا متذكر كل المواضيع اللي عجبتني وناقشت فيها , هالموضوع بيعجبني كتير لانو من النوع الغير متكرر (فصيلة المواضيع الاقتصادية) ما بتسنى كتير مناقشتها لانو بالاصل مابتنزل ما حد بيجيبها لهون

الخلاصة يعني فكرتو حلوة والنقاش فيه كان حضاري .

* شو منشان هالمصيبة !!!! ليش رفعت هالموضوع !!!
هلاء بيجي كوستا وبيعطيك تنبيه (مارح اتوسط الك عندو )

كاتب النص الأصلي : كهربجي

معلم أنا شرحتلك عالضبط ليش برأيي أنو الدمج مو ممكن فكان الرد تبعك هو أنو بمصر دمجو بينهم؟ على أي مستوى عم نحكي لأعرف... لأنو أكيد ما بدنا ندخل بنقاش عن مصر وإقتصادها.. لأنو شوف الناس كيف عايشة بالمقابر... شوف نسب الأمية والفقر والتضخم.. لك شوف التزايد السكاني.. لحالو بيكفي...
ما بعرف شو الفكرة اللي عم تحكي عنها.. أنا قصدي أنو غلط.. مو انو مستحيل الوجود... أنت ما حكيت شي لتبرهن أنو صح..

بما انك رفعتو واللي صار صار
طبعا مارح احكي عن اقتصاد مصر (بس اذا بدك رح اجيب الك مؤشرات اقتصادية واذا بدك عدد مصانع او اي شيء اوك) بكل حال الوضع باقتصاد مختلط افضل بكتير من الاقتصاد الاشتراكي (من ناحية دخل الفرد ومن كتير نواح)
بس بدي خبرك انو بمصر التعليم مجاني + الدعم لسا شغال +التامين الصحي لسا شغال .
بدي قول انو نسبة المتعلمين زادت جدا جدا هلاء تجاوزت 50%
*الدخل الفردي ارتفع
*التزايد السكاني مانو مشكلة نظام الاقتصاد (يعني سواء طبقت اقتصاد اشتراكي او ليبرالي ) عدد السكان رح يضل كبير (ال 76 مليون مالون علاقة بالنظلم الاقتصادي )