هل أنت مع تدخل خارجي في سوريا؟

[MadMax]

كاتب النص الأصلي : Syrian_Gay

العمى قديش بتحبو لهل الوجه انو وين ما بروح وشوفك بشوف ابو السنان هادا بوجهي
هو صح بسيط بس كتير مهضوم

[pleasurable]

كاتب النص الأصلي : مسطول على طول

اكيد ضد التدخل الاجنبي من أي كان فليكن ولكن مع الديموقراطيه

مع اصلاح كافة مؤسسات الدوله . أي تدخل خارجي لح يكون كارثي ع البلد حتى تصويت قبل الاخير (حسب نوع التدخل وطبيعته) يعني كيف حسب التدخل يعني في تدخل ابن حلال وتدخل أبن حرام ؟ شو عرفنا بنوايا

يعني برأيك نجربو اذا طلع ابن حلال بنكون توفقنا واذا طلع ابن حرام بنكون كلنا من هداك

[sezar]

تاريخيا مافي ثورات استعانت بقوة خارجية إلا بقيت مكبلة معها .. و أكبر التجارب و أوضحها هي تجربة الثورة العربية حيث و لأسباب سياسية تلقت الدعم من الدول الأوروبية للقضاء على الدولة العثمانية " أو ما كان متبقيا منها " و بعدها انتو بتعرفو شو صار .. بقيت دولنا محتلة الى أن تحررت و تم الجلاء ..
و شعبنا صحيح مش مستعد للديمقراطية و مفاهيم الديمقراطية و الحرية غير متبلورة عند الشعب السوري .. لكنها مع الزمن و ضمن أخطاء سيتحسن الوضع و لكن إذا اليوم ابتدوا ممارسة حرياتهم و ديمقراطيتهم الفعلية فلن يكون هذا التبلور إلا بعد 20 الى 30 سنة ..
فلا لتدخل خارجي بشكل عام و لا لتدخل أمريكي أو فرنسي بشكل خااص

[مسطول على طول]

كاتب النص الأصلي : الحر الباكي

يعني برأيك نجربو اذا طلع ابن حلال بنكون توفقنا واذا طلع ابن حرام بنكون كلنا من هداك

شوهاد الي بدنا نجربوا ؟ م كأنك فهمان غلط

[بنفسجة]

كاتب النص الأصلي : Madmax

ما بظن أنو أكتر السوريين معارضةً رح يكون مع التدخل الاجنبي ( قصدت السوريين ...و ليس مدّعي الجنسية السورية )









قال ما متت .........ما شفت مين مات ..؟؟

ياعيني على هالجملة الاخيرة مامتت بس شفت مين مات
على كل طبعا انا ضد قلبا وعقلا
وبرايي عم نتقدم شوي شوي بخطا الديمقراطية وعم تصير شوية اصلاحات
(ومعو معو بيصير معو) وما بدي يصير معي بسرعة تجبلي الجلطة طبعا

[فوضوي]

نحنا شعب هاللا مو جاهز للديمقراطية

لأ لا تخاف جاهزين للديموقراطيي

البلد عما تتحسن

و الله أنا شايفلك البلد عم ترجع لسنة 1980

يعني برأيك نجربو اذا طلع ابن حلال بنكون توفقنا واذا طلع ابن حرام بنكون كلنا من هداك

لك لأ
الزلمي عم يتمسخر أنو شو في تدخل ابن حلال و تدخل ابن حرام
يعني قصدو أنو كل تدخل غلط

تاريخيا مافي ثورات استعانت بقوة خارجية إلا بقيت مكبلة معها .. و أكبر التجارب و أوضحها هي تجربة الثورة العربية حيث و لأسباب سياسية تلقت الدعم من الدول الأوروبية للقضاء على الدولة العثمانية " أو ما كان متبقيا منها " و بعدها انتو بتعرفو شو صار .. بقيت دولنا محتلة الى أن تحررت و تم الجلاء ..
و شعبنا صحيح مش مستعد للديمقراطية و مفاهيم الديمقراطية و الحرية غير متبلورة عند الشعب السوري .. لكنها مع الزمن و ضمن أخطاء سيتحسن الوضع و لكن إذا اليوم ابتدوا ممارسة حرياتهم و ديمقراطيتهم الفعلية فلن يكون هذا التبلور إلا بعد 20 الى 30 سنة ..
فلا لتدخل خارجي بشكل عام و لا لتدخل أمريكي أو فرنسي بشكل خااص

حكي مدوزن حبيب القلب سيزار

[pleasurable]

كاتب النص الأصلي : فوضوي

لأ لا تخاف جاهزين للديموقراطيي

و

انو بيوم وليلة بدك تطبق الديمقراطية

هلا بدي اسالك سؤال اذا جبت شخص من أفغانستان وسلمتو جهاز كمبيوتر يا ترى بيعرف يتعامل معه

مو لازم أول شي تعطيه الراديو بعدين التلفزيون بعدين تعلمو مبادئ الكمبيوتر .

[فوضوي]

انو بيوم وليلة بدك تطبق الديمقراطية

هلا بدي اسالك سؤال اذا جبت شخص من أفغانستان وسلمتو جهاز كمبيوتر يا ترى بيعرف يتعامل معه

مو لازم أول شي تعطيه الراديو بعدين التلفزيون بعدين تعلمو مبادئ الكمبيوتر

سوريا لمعلوماتك أول بلد عربي صار فيه ديموقراطيي
بس الله يرحم

[BL@CK]

كاتب النص الأصلي : فوضوي

سوريا لمعلوماتك أول بلد عربي صار فيه ديموقراطيي
بس الله يرحم

معلم خدني بحلمك و شرحلي ايمت صارت عنّا ديمقراطية ..

محسوبك مخو دبق .. اشرحلي و بأدق التفاصيل إذا سمحت ..!

[أبو السييم العظيم]

بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال

[MadMax]

كاتب النص الأصلي : فوضوي

سوريا لمعلوماتك أول بلد عربي صار فيه ديموقراطيي
بس الله يرحم

ما بعرف اذا فهمت قصدك عالمزبوط
بس بتوقع انك عم تحكي عن فترة الخمسينات بالقرن الماضي

مزبوط كان في بهالفترة تداول للسلطة بس أبداً ما كان في ديمقراطية
لأن التداول كان يصير اما بانقلابات عسكرية ...... أو بتدخل خارجي ( مباشر أو غير مباشر )






اذا قصدك فترة تانية ....... يا ريت تخبرنا

[tiger]

كاتب النص الأصلي : أبو السييم العظيم

بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال

كلام اكتر من سليم ......
شباب الديمقراطية مو وجبة جاهزة بنشتريها من السوق .....
الديمقراطية بدها تحضير و بتجي على مراحل و اي كلام غير هاد رح يصير فيها بالتأكيد دم !!! .....
و قدامنا في اكتر من مثال عم بيصير و هادا ياللي ما بدنا ياه كلياتنا .....

[madona]

كاتب النص الأصلي : أبو السييم العظيم

بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال

مساء الخير
شعبك (( شعبنا ))
هالشعب ما بيستاهل المكانة اللي انت و غيرك عم تحطوه فيها
هالشعب هني انت و انا و اهلك و اهلي
و اللي زرع فينا انه هالشعب ما بيستاهل الديموقراطية ما زرعها الا لحتى من خلالنا يستغل هالشعب البسيط و الطيب و يمارس عقد النقص اللي جواتو 0

[الموسيقار]

أنا خايف عليها ..وتلفان بيها .. الشام دقة بالقلب . لوتباع .. كنت اشتريها ..



وأنا ضد الديموقراطية ..لأنها مخلوق خرافي ..

[maged-syrian]

أنا مع الديمقراطية وحرية الرأي شرط أن تكون تلك الديمقراطية تصب بمصلحة الشعب والبلد فقط ولامانع من ان نرى اراء معارضة لسياسة الحكومة وسياسة الرئيس بشار شرط ان تكون تلك الاراء ايجابية وبنائة وتصب بمصلحة الوطن وابناؤه
وأنا ضد التدخل الاجنبي بأي شكل من أشكاله لأن التدخل الاجنبي تهمه مصلحته فقط وحتى ولو تم سحق البلد واكبر مثال مايحدث الان في العراق ...
الموت لفريد الغادري عاشق التدخل الاجنبي

[maged-syrian]

كاتب النص الأصلي : أبو السييم العظيم

بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال

اسمحلي اخالفك بوجهة نظرك
برأيك هل من سيقوم بحمل أعباء نشر الديمقراطية والرأي الحر هم من الفلاحين والطبقة العاملة الكادحة والبسطاء مع احترامي الشديد لهم لأنهم جز لايتجزأ من شعبنا أم سيقوم بحمل أعباء نشر الديمقراطية الطبقة المثقفة والواعية والطبقة المتعلمة والمؤهلة
يعني بدي اسألك هل شاهدت فلاح أو عامل بلدية أو عامل بناء أو حتى مكيانيكي من المنتمين الى فئة المعارضة ؟؟؟
سؤال اخر اريد ان اطرحه عليك وعلى الاعضاء
برأيك من هو أفضل من ناحية الثقافة والتاريخ والحضارة الشعب السوري ام الشعب الموريتاني
انا برأيي لم يكن هناك شيء اسمه موريتانيا قبل عام 1950 بينما سوريا والشعب السور ي قديمين قدم التاريخ وابناء سوريا هم من ساهموا بنشر الحضارة والثقافة والعلوم وتاريخنا واثارنا شاهدين على ذلك ... لكن انظر الى موريتانيا تجد انها اول بلد عربي يقوم بعمل انتخابات ديمقراطية شفافة نزيهة..بل واصبحت من اوائل البلدان العربية والافريقية بنشر الاراء الديمقراطية بكل حرية وبدون اي تهديد من السلطات المحلية يعني اي شخص موريتاني اصبح قادر على انتقاد سياسة رئيسه بكل حرية في حال وجد ان رئيسه يقوم باعمال تضر بالمصلحة العامة ومصلحة الوطن ..
فهل تستكثر على الشعب السوري ان يحصل على الديقراطية التي حصل عليها الموريتانيين ؟؟
وهل شعب سوريا العريق والمثقف والتي تجد به نسبة الأمية من أقل النسب في العالم العربي نقول عنه انه غير مؤهل للديمقراطية بعد !!!! على مااظن انه من حقنا نحن السوريين ان نواكب الدول المتقدمة في مجال الديمقراطية وابداء الرأي الحر مادام انه لدينا المؤهلات لعمل ذلك

ولا الاخ الاخر الذي يشبه الافغاني بالمواطن السوري !!! شو جاب هاد لهاد !!!
ارجوا ان لااكون قد اطلت عليكم

وتحياتي ...

[maged-syrian]

كاتب النص الأصلي : الحر الباكي

انو بيوم وليلة بدك تطبق الديمقراطية

هلا بدي اسالك سؤال اذا جبت شخص من أفغانستان وسلمتو جهاز كمبيوتر يا ترى بيعرف يتعامل معه

مو لازم أول شي تعطيه الراديو بعدين التلفزيون بعدين تعلمو مبادئ الكمبيوتر .

نحنا ماعم نقول انو بيوم وليلة نطبق الديمقراطية والرأي الحر .... يعني لو تطبق على مراحل يكون افضل لكن الى الان لم نشاهد بداية اي مرحلة !!

شيء اخر تشبيهك للسوري بالافغاني اكبر غلط ...هاداك عايش بالكهوف وحالتو حالة ومابيعرف يقرأ ويكتب
بينما الشعب السوري اقل واحد فيهم معو كفاءة ... ولله الحمد نسبة الأمية بسوريا ضئيلة جدا واغلبهم من كبار السن والعجائز

تحياتي

[رنوممة]

انا ضد التدخل بأي شكل من الاشكال شفناوقت دخلت اميركا العراق
منشان تعمرها ((أما شو عمرتها عمارة)) كيف هلأ عنا
لا انا بفضل عيش كيف منكان بس بدون تدخل وبعدين شفنا التدخل بالخليخ وكيف صار عندهم تسيب من الامور الدينيه