كيف ممكن نخلص من الطائفية؟

كهربجي · 05/12/2006

مرحبا يا شباب

هلق معليش نحنا منقول بسوريا ما في طائفية ونحنا شعب واحد... إلخ

بس على مين عم نضحك.. ما رح بعّد كتير

هي مشكلة طائفية
[thread=63110]وهي مشكلة تانية[thread/]

طيّب لإيمتا؟؟؟ معليش بدون تنظير.... لإيمتا؟؟؟

واللي بدّو يشمت من برا البلد ما حدا يرد عليه لو سمحتو

طنش تعش · 05/12/2006

كم مرة بدنا نقول هيك مواضيع اخرتا معروفة..........
يعني الا مايطلعلك شي واحد جاهل ومالو بهالنقاشات الي لازم يكون الرد فيها متفهم وبكل تعقل..
وبيشلحلو شي كلمة دج وهاد الي بدو يدافع عن دينو وهداك بدو يرد ....وبتعلق.....
للاسف ناقصنا توعية...........وهاد مو هكي جديد

**abosleman** · 05/12/2006

اية الرحمان · 05/12/2006

ممكن كلمة انا مو سورية ويالي يفرح لمصيبة اخو ما بيستاهل لقب العربي بس براي الطائفية موجودة في كتير من البلدان بخاصة يالي فيها تعدد الديانات والسبب الرئيسي لهذا المشكل هو الاوضاع الراهنة في العالم وعلى راسهم القضية الفلسطينية
ولا ننسى ان الاعلام هو كمان الو دور اما في صب الزيت على النار لتزيد اشتعالا او ترمي عليه الرمل لتطفيه

ابومزيد · 06/12/2006

بسوريا مافي طائفية انا متأكد يمكن يكون في شوية حزازات بين المذاهب نفسها اكتر من الاديان حتى
وعلى الارض الواقع بس تصير نقاشات وجها لوجه ما بيصير هاد التهجم السافر وعادة بيكون في احترام للرأي الاخر
ومقولة كل واحد على دينو الله بعينو
بس هون بالمنتديات بتجيك كل شخصية اجبن من التانية وبتصير تزت بهالكلام اللاذع بدون ادنى اعتبار لأي منطق

Joe · 06/12/2006

ما بظن ممكن نخلص من الطائفية بالوقت الحالي. رح تاخد القصة قريب المية سنة.
نجنا بطباعنا عشائريين حتى ابناء المدن مننا و الملحدين كمان. الفكرة انو طول تاريخنا و نحنا هيك... بعمرنا ما كان عندنا تجربة ديمقراطية او انتماء للوطن الكبير. الانتماء للأسرة و بعدين للعيلة الكبيرة و بعدين الحارة و المنطقة و اهل الطائفة و الدين و ووو ... بينما بأوروبا خلال تاريخهم ما كان عندهم هاي الروح العشائرية ابدا. بطبعو الاوروبي كتير فرداوي ... individualistic ... نحنا منتصر ضمن المجموعة
و المصيبة هي لما الأوروبي يحاول يطبق علينا نظام حياتو هوي... الدولة الكبيرة و كذا. ما رح يمشي الحال. احسن حل إلنا هو تقسيم بلادنا حسب الانتماءات الدينية.. دولة للشيعة دولة للسنة دولة للمسيحيين دولة للدروز دولة لليهود... و هكذا دواليب !!!
هلق البعض رح ينط يقلي اني خاين و ما بعرف شو... و صح انا هلق بعارض بعاطفتي هادا الشي... بس عندي ثقة انو هادا احسن حل بالنهاية

نيرفانا · 06/12/2006

بسورية في طائفية وبصورة مخيفة كمان......بس كل القصة انو الوضع تحت سيطرة الشباب يعني لما حدا بدو يتعدا على طائفة التاني علناً بيعرف إنو رح يتعاقب لذلك بيسكّر وبيئصرها......بس من داخلنا كلنا منحقد على الآخر....
ولما بيجي واحد يعمل منيحة ويئول لا للطائفية...بيتفاجئ إنو هو نفسو لما بتنسب طائفتو بتكون ردة فعلو عنيفة
وبيدافع عنها بإيدي ورجلي... وهي المشاعر وردات الفعل منشوفا عند الأقليات وحقن يتصرفو بهي الطريقة برأيي
ومتل ما حكى Joe كل كل طائفة تصير دولة وخلصنا......

**krimbow** · 06/12/2006

اقتباس:

كاتب النص الأصلي : Joe

ما بظن ممكن نخلص من الطائفية بالوقت الحالي. رح تاخد القصة قريب المية سنة.
نجنا بطباعنا عشائريين حتى ابناء المدن مننا و الملحدين كمان. الفكرة انو طول تاريخنا و نحنا هيك... بعمرنا ما كان عندنا تجربة ديمقراطية او انتماء للوطن الكبير. الانتماء للأسرة و بعدين للعيلة الكبيرة و بعدين الحارة و المنطقة و اهل الطائفة و الدين و ووو ... بينما بأوروبا خلال تاريخهم ما كان عندهم هاي الروح العشائرية ابدا. بطبعو الاوروبي كتير فرداوي ... individualistic ... نحنا منتصر ضمن المجموعة
و المصيبة هي لما الأوروبي يحاول يطبق علينا نظام حياتو هوي... الدولة الكبيرة و كذا. ما رح يمشي الحال. احسن حل إلنا هو تقسيم بلادنا حسب الانتماءات الدينية.. دولة للشيعة دولة للسنة دولة للمسيحيين دولة للدروز دولة لليهود... و هكذا دواليب !!!
هلق البعض رح ينط يقلي اني خاين و ما بعرف شو... و صح انا هلق بعارض بعاطفتي هادا الشي... بس عندي ثقة انو هادا احسن حل بالنهاية

100 سنة ابو شريك؟ شو هالتفاؤل كلو؟؟؟؟
هاد اسمو الاثم الكنعاني، ولد معنا، و ما بيموت غير بموتنا، طول عمرنا هيك، و ازا من جديد صايرين بس 200 طايفة، فهاد تقدم كتير كبير مقارنة بقبل 2500 سنة ... وقت كنا كل ضيعة دولة.

بدكم حل للطائفية، الحشيش...
فقد اكتشف "زياد الرحباني" ان الحشيش هوي الوحيد يللي بيوحد الطوايف كلها

كهربجي · 07/12/2006

أساااسي استاذ و كبير كريم

imperfection · 07/12/2006

ربما كان الكائن البشري يميل إلى الانتظام في جماعات, عرقية, مذهبية, دينية, جنسية, قومية ربما , نستطيع أن نطلق عليها ما نشاء من تسمية, حيث يبحث البشر عن القواسم المشتركة بينهم
وبالنسبة لي لا فرق بين التمييز على أساس مذهبي أو على أساس عرقي أو على أساس قومي أو حتى على أساس طبقي , والمشكلة الموجودة في سوريا هي ليست سورية حصرا وإنما عامة
وقطعا فإن الحل لا يكمن بالفصل الكامل بين هذه المجموعات, وإنما يكمن بدمجها مع بعضها البعض
وعلى هامش هذا الأمر يخطر لي موضوع الزواج المدني الذي كان من الممكن أن يمثل خطوة في طريق التقريب والدمج
طبعا ما يزيد من تعمق هذه المسألة هو الطبيعية الدينية للشعوب الشرقية, حيث يبقى الدين أولوية الأمر الذي يعمق الخلافات, ويجعل من الصعب جدا التقريب بين الجماعات المختلفة
في جميع الأحوال أي حل لهذه المشكلة كما جميع المشاكل التي تطلب حلال طويل الأمد يجب أن يأخذ وقتا طويلا من التوعية والعمل على اختراق الأسوار التي تنفصل بها الطوائف المختلفة عن بعضها البعض

تحياتي

**TheLight** · 08/12/2006

انو هاد السؤال برد عليه بسؤال تاني.....
مين قال انو لازم يلتقى حل للطائفية؟؟؟ومين قال انو الطائفية مو لازم تكون موجودة؟؟؟
اي لاء سيدي لازم يكون في طائفية وتدبح الناس بعضها لحتى يوصلو لتيجة ويكتشفوا غبائهن لانهم لحقو اديانهم.....ولاّ الك....لازم يكون في طائفية منشان يفهم الله انو العالم ما نهن لعبة بين ايديه بينزلهم تلات اديان وكل دين بيناقض التاني وبيقلهم روحو دقو ببعض.....
اي انا هاد رأيي ويللي ما عجبو يئحط....

**Government** · 08/12/2006

للاسف مدام في بسوريا سني وشيعي وعلوي ودرزي ومسيحي
فالطائفية رح ضلا موجودة
ومدام في تعدد ديانات واعراق فالبلد فلازم يكونوا في مقابلوا طائفية وتفرقة .........

اية الرحمان · 08/12/2006

اقتباس:

كاتب النص الأصلي : TheLight

انو هاد السؤال برد عليه بسؤال تاني.....
مين قال انو لازم يلتقى حل للطائفية؟؟؟ومين قال انو الطائفية مو لازم تكون موجودة؟؟؟
اي لاء سيدي لازم يكون في طائفية وتدبح الناس بعضها لحتى يوصلو لتيجة ويكتشفوا غبائهن لانهم لحقو اديانهم.....ولاّ الك....لازم يكون في طائفية منشان يفهم الله انو العالم ما نهن لعبة بين ايديه بينزلهم تلات اديان وكل دين بيناقض التاني وبيقلهم روحو دقو ببعض.....
اي انا هاد رأيي ويللي ما عجبو يئحط....

1-شو هي الله يفهم لك شو متروح تشرحو انت لك يالي خلقك فاهمك وفاهم جد جدك كمان هو يالي برمجك متل الكمبيوتر
2- ما حط 3 اديان مختلفة وقال يالله تقاتلو

والشاطر يربح

ايجاو بتسلسل والتاني يكمل ويعدل يالي سبقو

لانو للاسف الانسان بطبعو معارض

بحب يقول

لا ويعمل العكس
فهمت يا شطور

مايا * · 08/12/2006

هلى لساتكون عم تحكو عن الطائفية .... ؟؟؟؟؟؟

اذا هون وتالت مشاركة علئة .. بدكون بالمجتمع نتخلص من الطائفية ..
ئال الي بيعيش كتير بيشوف أكتر ..

salhilal · 08/12/2006

لا يمكن ان نوجد حل للطائفية بان نقول ....لا توجد طائفية ...لا......اكيد في طائفية...بمعنى انه لكل طائفة مقومات تمنععا من اتذوب بطائفة اخرى..لكن لاتوجد مشكلة في ذلك....كما في سويسرا ةهة بلد مختلف الاعراق...اذن المشكلة اين؟؟؟؟عندما يكون لهذه الطائفية مردودات سياسية واجتماعية..واقتصادية.....ويتخلف مبدا المواطنه...لصالح الطائفية....هنا ستبدا المشكلة.....يذوب مبدا الولاء للدولة لصالح الولاء للطائفة.......

ري مي · 09/12/2006

كل شي عنا طائفي الشغلة بتبلش من البيت ومن المدرسة ومن الشلة ومن ........

وانا بعتقد انو مستحيل ينوجد او يتطبق حل جذري للطائفية بمعنى انو رح يضل فيه طوائف بس
منتمنى ومنتمنى كتير انو ينتشر الوعي بشكل اكبر بحيث انو الانسان يقدر يتقبل ويستوعب اختلاف الاخر عنه

ومشكلتنا انو نحنا العرب(متل ارض البصل كلنا روس

) وكل واحد بدو التاني غصبا عن البشرية انو يصير متلو
واللي مو متلو فهوي غلط وكافر وبيقرف

وكلام ذا لايت برايي مظبوط لانو للاسف بلا ما يصير تدبيح الناس ما رح يفهمو ويوعو بالتي هي احسن

اقتباس:

مين قال انو لازم يلتقى حل للطائفية؟؟؟ومين قال انو الطائفية مو لازم تكون موجودة؟؟؟
اي لاء سيدي لازم يكون في طائفية وتدبح الناس بعضها لحتى يوصلو لتيجة ويكتشفوا غبائهن لانهم لحقو اديانهم.....

لانو فعلا هيك الله بدو

بس متل ما قال كريم ومن قبلو زياد
ما في بيجمع العالم غير الحشيش

**TheLight** · 09/12/2006

طبعا الطائفية هي مفرز لتعدد الاديان والطوائف والانسان بغض النظر ع مستوى وعيه وادراكه لخطورة الطائفية راح يبقى طائفي طالما هو متدين.....سواء كان مسيحي أو مسلم أو يهودي....

البعض ممكن ما يوافقني الرأي بقوله انو كل الاديان بتنادي بالمحبة والتسامح...وهاد الكلام من حيث المبدأ صحيح...بس طالما كل الاديان فيها خلافات جوهرية بين بعضها البعض راح يضل التنافر بين الاديان كافكار قائم ومستمر...والترجمة لأي فكرة هي ممارسة...ولا يمكن أن تترجم الافكار الصدامية بين الاديان الا بممارسات صدامية قائمة ع رفض فكر الاخر وقناعاته طالما هي بتصطدم بافكار دياناتنا....

الحل الوحيد لالغاء الطائفية...او خلينا نقول..الطريقة الوحيدة لالغاء الطائفية هي تقويض الاديان والغاءها....

واثق تماما انو مو هاد الجواب يللي الناس بدها تسمعو بس يبدو لي انو الحل الوحيد المنطقي...رغم الرفض القاطع يللي راح يتعالى والاصوات المنادية بقطع رأسي....

المشكلة يا جماعة انو الحشيش بتعالج الظاهرة مرحليا مو بشكل دائم....يعني بتهدئ الاعراض بس ما بتعالج المرض....

انو ع هالحالة الصدمة الكهربائية أحسن معناتها....

ليندا · 09/12/2006

[quote=TheLight;592470]طبعا الطائفية هي مفرز لتعدد الاديان والطوائف والانسان بغض النظر ع مستوى وعيه وادراكه لخطورة الطائفية راح يبقى طائفي طالما هو متدين.....سواء كان مسيحي أو مسلم أو يهودي....

البعض ممكن ما يوافقني الرأي بقوله انو كل الاديان بتنادي بالمحبة والتسامح...وهاد الكلام من حيث المبدأ صحيح...بس طالما كل الاديان فيها خلافات جوهرية بين بعضها البعض راح يضل التنافر بين الاديان كافكار قائم ومستمر...والترجمة لأي فكرة هي ممارسة...ولا يمكن أن تترجم الافكار الصدامية بين الاديان الا بممارسات صدامية قائمة ع رفض فكر الاخر وقناعاته طالما هي بتصطدم بافكار دياناتنا....

الحل الوحيد لالغاء الطائفية...او خلينا نقول..الطريقة الوحيدة لالغاء الطائفية هي تقويض الاديان والغاءها....

واثق تماما انو مو هاد الجواب يللي الناس بدها تسمعو بس يبدو لي انو الحل الوحيد المنطقي...رغم الرفض القاطع يللي راح يتعالى والاصوات المنادية بقطع رأسي....
التنافر بين الاديان..............امر مستمر
لكن في شغله يمكن مارح تفهم عليه فيها ان الاديان مكمله لبعضها يعني كل كتاب او دين نزل هو تكمله لما قبله
لان منزلها واحد وهالشي لا خلاف عليه بين الاديان الثلاثة ...........لكن وقوع التحريف في بعضها أدى الى الاختلاف
او التعارض فيما بينها ........هذا امر ..........
(طبعا هاد الامر حبيت نوه عليه لمجرد التنويه)
امر اخر ...........ان الاختلاف في الاديان ليس السبب الاساسي لوجود الطائفيه لكن السبب هو طريقة تطبيق الناس لهالاديان
فالدين هو دعوه للتسامح ..........لأن الاديان قبل ان تكون عبادات هي اخــــــــلاق ..........لكن نظرة واحدة للوضع الحالي تؤكد أن الاخلاق التي من ضمنها التسامح مع الجميع هي مجرد كلام متناقل ليس له من التطبيق نصيب.
هنا هو اساس الطائفيه .............من وجهة نظري .

اما تقويض الاديان والغائها فهذا ليس حل حتى لو فكرنا لمجرد التفكير به هذا امر مستحيل حدوثه (( بس مارح طالب بقطع راسك

))

وبالنسبة لايجاد حل للطائفية هي شي مستعصي لان قبل لازم تتغير النظرات نظرة كل طرف للاخر يكون اساسها احترام مش احتقار ,تتغير الافكار المحتله العقول للجميع ..للمسلم -المسيحي - اليهودي والملحد...........ونحنا هون عم نحكي عن جانب واحد يلي هو الطائفية الدينية.
شكرا ذا لايت.........