أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 24/10/2006   #73
شب و شيخ الشباب أسير التشرد
عضو
-- مستشــــــــــار --
 
الصورة الرمزية لـ أسير التشرد
أسير التشرد is offline
 
نورنا ب:
Apr 2006
المطرح:
ع سطح القمر (كندا)
مشاركات:
3,811

افتراضي


العلمانية ... سؤال عن التعريف:
الشيخ محمد عبده سألوه شو العلمانية يا مولانا ؟ قال لا سياسة في الدين ولا دين في السياسة...
العلمانية برأيي مو بس فصل الدين عن الدولة متل ما عم يتردد ع كتير من ألسنة الناس للي عم يشوفو العلمانية من منظور تاريخي... متل ما حدث في اوروبا من انهاء تحكم وسيطرة الكنيسة ع الدولة ... متناسين انو هالفصل اللي تم كان بداية للانطلاق نحو الحداثة... طبعاً هالشي ما اجى وفق قرار من الاعلى او حتى خلينا نقول ثورة شعبية مباغتة لكنو اجى عبر مسيرة قيام وافاقة هالانسان الاوروبي من سبات ونوم القرون الوسطى ... وما فينا نقول انو تلك الفترة كانت فترة سبات وظلام بل فترة حمل وولادة لما بعدها... وتم اكتمال كل مقوماتو في هالفترة...
بهالفترة تم تغير نظرة الانسان لذاتو وبانو هو سيد مصيرو وانو قادر ع صنع مستقبلو بايدو من دون الاعتماد ع قوى خارجية متسامية لكن بالاعتماد ع قدرة عقله من دون حاجة إلى اي نصوص مقدسة تهديه إلى سواء السبيل... والعلم اللي كان بالغ بهديك الفترة مرحلة الفتوة وكان قادر وكفيل باداء مهمتو... فكان ان انحصر دور الدين في حياة الانسان في معالجة شؤون السماء وليبقى الارض ساحة للعلم تحت السيادة الكاملة للإنسان...
طبعاً فصل الدين عن الدولة ما اجى من فراغ ... بس هو انعكاس للقاعدة ... الجماهير بدأت تنظر للمسألة وتفهم بشكل علمي تجريبي... ومن دون هالانعكاس برأيي لفصل الدين عن الدولة ما كان الو اي تأثير يذكر ...

هلأ في بعض الشباب عم يقولوا انو الدين سامي ولازم ما نعمم افعال البعض ع الكل ... لكن من بداية ظهور الاديان ولهلأ عم نشوف عدم التناغم والتوافقية بالمجتمع ... طبعاً العلة مو بالدين ... العلة باختلاف الاديان والشرائع ... تحت اي دولة دينية رح يكون هناك اضطهاد للاقليات الدينية ... وما فينا ننكر هالشي ابداً عبر التاريخ ...
الحل ... العلمانية فصل الدين عن الدولة عن السياسة ... وبرأيي انو الدين شي مقدس جداً وعند دخول الدين بالدولة والسياسة رح يتم توسيخ الدين ... لانو بالسياسة ما في شي ثابت متل مالدين ثابت ...
وتحياتي ...
ورح اكمل حديثي بوقت لاحق لاني هلأ جوعان كتيررررر

[COLOR=darkorchid]أقبح الأشياء أن يصبح كل شئ في الحياة جميل!![/COLOR]
[COLOR=darkgreen]~+++~[/COLOR]
[COLOR=darkorchid]لا تحدثني عن الحب دعني أجربه بنفسي[/COLOR]
[COLOR=darkgreen]~+++~[/COLOR]
[COLOR=darkorchid]ليس بالضرورة ما أكتبه يعكس حياتي..الشخصية[/COLOR]
[COLOR=darkorchid]هي في النهاية مجرد رؤيه لأفكاري..!![/COLOR]
[COLOR=darkgreen]~+++~
[COLOR=Blue][COLOR=DarkRed]Akhawi[/COLOR]@[/COLOR][COLOR=DarkRed]Group[/COLOR]
[/COLOR][B][COLOR=red]*♥أنا أسير قلب حبيبتي ومتشرد في هواها♥*[/COLOR][/B]
  رد مع اقتباس
قديم 24/10/2006   #74
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
الدين الصحيح انا اعرفه وانت تعرفه جيداً الدين الصحيح موجود في التوراة والانجيل والقران هو المحبة التسامح العدل واكتب ما شئت من المفاهيم التي تناقض الشر و الهمجية البشرية
و الزرداشتية ايضا تناقض الشر و الهمجية، و كذلك البوذية و الهندوسية و الدرزية و العلوية و الاسماعيلية و ...الخ

و لكن البوذية لا تعتمد على التورات و الانجيل و القرآن
و انا بحبشت فيهم و ما لقيت الدين الصحيح، و كتير ناس متلي (لكان ليش برأيك في كتير ديانات؟)

انت عم تقول الدين الصحيح بالكتب السماوية، بس انا ما لقيت فيها دين صحيح، و مع ذلك انا بشر متلي متلك، الي حقوق و عليي واجبات متلي متلك...
مو من حقك تقلي شو البس، و كيف نام مع مرتي، و مين اعبد و ايمت صوم و ايمت صلي
من حقك تصوم و تصلي و تعبد ربك، بس مو من حقك انو تجبرني اني اعبدو و صوم و صلي متلك

مشان هيك، لما الله نزل قوانينو ... و لما انتوا فسرتوها على كيفكم، و لما ما ركبت لا القوانين و لا كيفية تفسيرها بقعلي، و لما كان من الضروري انو ننظم حياتنا لحتى نتعايش بدون ما ندبح بعضنا (متل ما عم يصير بالعراق)، لهيك، حطلي ربك و قوانينو ع الرف شوي، و طبقهم على حالك، و تعال تحت قبة برلمان مثلا، او تحت قنديل شي عرزال .. وين و كيف ما بدك، نتفق كيف لازم نتعايش، و نحط القوانين يللي بتناسبني و بتناسبك سوا

و هالشي لما نعملو، بيكون اسمو علمانية

اقتباس:
اما ما تعبده انت و ما اعبده انا فلا علاقة لي به ولا علاقة لك به وانما يجب علينا ان تعايش في كنف دولة تقيم العدل والمساواة مثلما فعل عمر اثناء خلافته بعتقد انك بتعرف شو حال الناس كان ايام عمر وبتعرف كيف تعايش المسلمين والمسيحيين في ارض فلسطين
يللي بعرفو انو بعهد عمر توزعت الضيع و الاطيان ع "الصحابة" و قيادات الجيش الاسلامي ..
عموما مشان ما تقللي اني عم اتعدى ع الدين، قديش فترة خلافة عمر؟ عشر سنين؟ فرجيني ايمت تكررت

خيو ابقى بس يجي عمر بن الخطاب بخليه يحكم على راسي

يعني عفوا منك بتاريخ الخلفاء الاسلاميين (حوالي الالف سنة) بأوائل الاسلام، اجا كم واحد بعدهم شربانين الدين من النبي محمد دغري (و مع ذلك كانت فترات حكمهم منيحة للمسلمين فقط، مش لكل الناس، بالنهاية ما يسمى بالفتوحات، هوي ذاتو يللي بيسمى احتلال)... بس بعدها ما عدنا شفنا هيك شي

بشكل عام يللي بيهمني بالحاكم انو يكون عندو كاريزما قيادية، يكون متقن فنون الادارة، و ما بيهمني بالمرة ازا كان بيصوم و بيصلي او ازا كان حافظ القرآن او الانجيل... عرفت عليي كيف؟

القيادة الها صفات، بيتخللها الفضائل، كالحكمة و العدالة و العفة و الشجاعة..الخ، و هي الفضائل ممكن تكون عند الهندوسي و ممكن تكون عند المسلم

برأيك مين افضل قياديا، هوغو شافيز الغير مسلم، و اللا الملك عبدلله "الهاشمي" المسلم؟؟؟


اقتباس:
اذن فلنجعل البشر الهة ولنعبد البشر طالما وصلنا لقناعة مفادها ان الله عجز في تحديد قانون لحياة البشر في الوقت الذي ارتقى العقل البشري لاعلى درجاته واستطاع ان يستنبط القانون الذي يهيئ سبل السعادة للبشر
طالما استطاع البشر ذلك فلنعبد البشر
ممكن كتير، بس انو ممكن اكتر انو ما نعبد حدا، شو ضروري نكون عبيد ؟؟؟


اقتباس:
امين بس ما قلتلي يلي بتدعيه انو واحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صديق من اصدقائي، اسمو بالمنتدى Tarek007 ، و معتقل حاليا من قبل اجهزة الامن السورية، يعني سجين رأي
و شكرا على دعاءك

اقتباس:
بتمنى تعطيني مثال لواحد من اهل برا يلي نقشت معهم
بدك حطلك قائمة دول العالم الاول؟ و التاني؟

عن جد ما بتعرف مع مين نقشت العلمانية؟
يعني شو رأيك باليابان، طيب الصين الشيوعية، طيب فرنسا اميركا انكلترا استراليا سويسرا الدانمرك......

بدي اسألك ازا شي انكليزي مسيحي اشهر اسلامو، شو بتعمل معو الدولة الانكليزية؟؟ ولا شي
طيب ازا مسلم سعودي تمسح (صار مسيحي يعني و اشهر هالشي) شو بيصير؟؟؟
رح يعلنوا عليه حد الردة و يهدروا دمو، ليش ؟؟؟ لأنو هيك الله امر
الزلمة لا قتل و لا اذى حدا، الزلمة غير معتقداتو بس حسب القوانين الالهية لازم يموت

اقتباس:
لا تلغي عقلك بس بعتقد انو هو قادر يحول اللبن ليصبح لونه اسود ولا انتا شو رئيك ؟؟؟؟؟؟؟؟؟؟؟؟
ما بعتقد .. يعني ما تسجل قبل بمرة انو صار اللبن اسود، إلا مرة وحدة، في واحد من شي 2000 سنة حول المي لخمر قاموا الناس الهوه

عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you
  رد مع اقتباس
قديم 24/10/2006   #75
شب و شيخ الشباب أسير التشرد
عضو
-- مستشــــــــــار --
 
الصورة الرمزية لـ أسير التشرد
أسير التشرد is offline
 
نورنا ب:
Apr 2006
المطرح:
ع سطح القمر (كندا)
مشاركات:
3,811

افتراضي


شو معلم كريمبو بنفس الوقت نزلنا ردنا سوا ... وكلنا سوا ...
تحياتي لك
  رد مع اقتباس
قديم 24/10/2006   #76
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
كاتب النص الأصلي : أسير التشرد عرض المشاركة
شو معلم كريمبو بنفس الوقت نزلنا ردنا سوا ... وكلنا سوا ...
تحياتي لك
و الك

و بانتظار تتابع حوارك
  رد مع اقتباس
قديم 25/10/2006   #77
شب و شيخ الشباب وائل 76
عضو
-- مستشــــــــــار --
 
الصورة الرمزية لـ وائل 76
وائل 76 is offline
 
نورنا ب:
Jul 2006
المطرح:
Gaza Palestine
مشاركات:
2,210

افتراضي


اقتباس:
مو من حقك تقلي شو البس، و كيف نام مع مرتي، و مين اعبد و ايمت صوم و ايمت صلي
من حقك تصوم و تصلي و تعبد ربك، بس مو من حقك انو تجبرني اني اعبدو و صوم و صلي متلك
ما حدا عم يقلك و يقلي شو نلبس وشو ناكل وشو نشرب عم يحدد النا واجبات وحقوق لو كل واحد فينا التنزم بواجباته واخد حقوقه فقط بعتقد ما راح يكون في اي خلاف و بعتقد انو هون ما راح يحكم الطبيعة البشرية المحبة لذاتها اي قانون وضعي اوكي بتفق انو في ضمير وفي عقل وفي كتير اشيا لكن باوقات معينة الضمير والعقل بيفقد دورهم
لذلك كان لا بد من ثواب وعقاب محدد بالدين وربنا حدده بالاخرة هون لو كان الدين ثقافة و منهج بيحكم المجتمع و الدولة ملتزمة فيه اكيد مبدئ الثواب والعقاب راح يتغذى شعور الافراد باشيا عجز القانون الوضعي لهلاء انو يمنعها
فكرة احترام الاخر وحقوقه يلي مفتقدينها لهلاء
اقتباس:
و لما انتوا فسرتوها على كيفكم،
لذلك انا عم ببحث عن التفسير المنطقي والحقيقي للدين بدون ما يكون توجيه الدين لخدمة مصالح معينة
بس ما مستوعب شو بتقصد بكلمة على كيفكم
اقتباس:
(متل ما عم يصير بالعراق)،
يلي عم يصير بالعراق صعب لكن يلي عم يصير بدول من دول العالم الاول اصعب بعتقد اني كتبت عن بعض مشاكلها بمشاركة سايقة وهيا من الدول التي تتغنى بانها علمانية
اقتباس:
نتفق كيف لازم نتعايش، و نحط القوانين يللي بتناسبني و بتناسبك سوا
عاشوا قبلنا كتير هون ببيت المقدس باعوا واشتروا وتزوجوا وعاشوا حياة كريمة في ظل دولة عادلة
اقتباس:
يللي بعرفو انو بعهد عمر توزعت الضيع و الاطيان ع "الصحابة" و قيادات الجيش الاسلامي ..
عموما مشان ما تقللي اني عم اتعدى ع الدين، قديش فترة خلافة عمر؟ عشر سنين؟ فرجيني ايمت تكررت
عمر لما راح يستلم مفاتيح بيت المقدس كان يلبس ثوب مهترئ وقد تحدثت بعض الكتب عن ذلك الموقف وكيف اشار الصحابة عليه بان يلبس لباساً حسن ولكنه رفض الامر الذي اثار دهشة البطريرك الذي سلمه المفاتيح
فاذا كان خليفة المسلمين ثوبه مهترئ من اين ستاتي الاموال التي تتحدث عنها ؟؟؟؟؟؟؟؟؟؟؟؟؟؟؟؟
اقتباس:
ذلك كانت فترات حكمهم منيحة للمسلمين فقط، مش لكل الناس،
مين الناس يلي عم تقصدهم انظلموا
كريم ما بدنا نفوت بحوار تاريخي هلاء ونطلع عنه الموضوع خلينا بالقصة وبنعمل شي موضوع تاني عن الخلافة
اقتباس:
بشكل عام يللي بيهمني بالحاكم انو يكون عندو كاريزما قيادية، يكون متقن فنون الادارة، و ما بيهمني بالمرة ازا كان بيصوم و بيصلي او ازا كان حافظ القرآن او الانجيل... عرفت عليي كيف؟

القيادة الها صفات، بيتخللها الفضائل، كالحكمة و العدالة و العفة و الشجاعة..الخ، و هي الفضائل ممكن تكون عند الهندوسي و ممكن تكون عند المسلم
اي تمام هيك كتير وهذا ما ادى لظهور اول اولاد العلمانية .......... العولمة
لانو حين يسود الادين تنتفي كثيراً من المبادئ والقيم فتصبح المصلحة هي الحاكم الامر الذي ادى لخلق ما يسمى بالعولمة حتى يتم السيطرة على دول لمصلحة دولاً اخرى
اذن هنا طبقوا العلمانية ومع ذلك لم تستطع العلمانية التي توصلنا للمساواة واحترام الاخر الذي نتحدث عنه
بل اوصلتنا لمزيد من الحقد والكراهية لان المصلحة فقط هي التي تحكم
اقتباس:
برأيك مين افضل قياديا، هوغو شافيز الغير مسلم، و اللا الملك عبدلله "الهاشمي" المسلم؟؟؟
لا تصح المقارنة بين تشافيز وعبد الله لان عبد الله لا يمثل القائد الذي يطبق الدين الصحيح
ان اردت المقارنة قارن بين قائد علماني حقيقي وقائد ممن يطبق الدين الصحيح وللاسف لن تجد احداً الان منهم ولا حتى منذ قرون
على فكرة تشافيز متدين جدا جدا جدا
وانا اكن له كل الاحترام والتبجيل
اقتباس:
ممكن كتير، بس انو ممكن اكتر انو ما نعبد حدا، شو ضروري نكون عبيد ؟؟؟
المشكلة انو ابن العلمانية يلي هو العولمة راح يخلينا كلنا عبيد للسيد الغربي
اقتباس:
صديق من اصدقائي، اسمو بالمنتدى Tarek007 ، و معتقل حاليا من قبل اجهزة الامن السورية، يعني سجين رأي
ما قصدت صديقك بسؤالي انتا كنت تحكي عن الهين وفي اخر القصة دعيت الله يفك اسره سالتك اي واحد منهم عم تدعي بما انك تحدثت عن اثنين ؟؟؟؟؟؟؟؟؟؟؟؟؟؟؟؟؟؟؟
اقتباس:
عن جد ما بتعرف مع مين نقشت العلمانية؟
بالعكس ادرك جيدا اناقش من
اقتباس:
يعني شو رأيك باليابان، طيب الصين الشيوعية، طيب فرنسا اميركا انكلترا استراليا سويسرا الدانمرك......
كثيرا ممن ذكرتهم دولاً تطبق الدين وليست علمانية الا بالمظهر
و يكفيني هنا مثالاً ان بوش عندما يريد ان يقوم باحدى غزواته فان خطابه للامة لا يخلو من كلمة الرب امرني
مرجع ذلك انه يدرك ان الدين فقط هو من يجعل الناس تقتنع وتاتمر لما يريد
اقتباس:
بدي اسألك ازا شي انكليزي مسيحي اشهر اسلامو، شو بتعمل معو الدولة الانكليزية؟؟ ولا شي
طيب ازا مسلم سعودي تمسح (صار مسيحي يعني و اشهر هالشي) شو بيصير؟؟؟
رح يعلنوا عليه حد الردة و يهدروا دمو، ليش ؟؟؟ لأنو هيك الله امر
الزلمة لا قتل و لا اذى حدا، الزلمة غير معتقداتو بس حسب القوانين الالهية لازم يموت
بعتقد انو يلي عم تحكي عنه ممكن يصير سواء في ظل دولة علمانية او دولة دينية فاذا كانت الدولة العلمانية لن تطبق عليه الحد فان الارهاب كفيل ان يطبق عليه العقوبة والحمد لله الارهاب هاليومين منتشر بشكل كبير
اقتباس:
ما بعتقد .. يعني ما تسجل قبل بمرة انو صار اللبن اسود، إلا مرة وحدة، في واحد من شي 2000 سنة حول المي لخمر قاموا الناس الهوه

--------------------------------------------------------------------------------

انا بعكسك تماماً اعتقد ذلك
لك وجهة نظرك ولي وجهة نظري واحترم وجهة نظرك وقناعاتك

إن تراب العالم لا يغمض عيني جمجمة تبحث عن وطن!

19 / 6 / 2007
  رد مع اقتباس
قديم 25/10/2006   #78
شب و شيخ الشباب وائل 76
عضو
-- مستشــــــــــار --
 
الصورة الرمزية لـ وائل 76
وائل 76 is offline
 
نورنا ب:
Jul 2006
المطرح:
Gaza Palestine
مشاركات:
2,210

افتراضي


اقتباس:
كاتب النص الأصلي : krimbow عرض المشاركة
طيب ازا مسلم سعودي تمسح (صار مسيحي يعني و اشهر هالشي) شو بيصير؟؟؟

نسيت هاي معلش
بعتقد كامة اذا بحرف ذ وليس ز
لتوضيح فقط
  رد مع اقتباس
قديم 25/10/2006   #79
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

سوريا


اول شي مشكور أخ وائل و لاخوان جميع بس وائل بما انو كان المناقش الرئيسي فمعلش اسمحولنا بشكر خاص الو ...

الدين هو علاقه بين اثنين فقط العبد و ربه ... لكن لها تأثيرها على كل ما يدور حولنا من اشياء لان المعتقدات هي
دافع و اساس التعامل .. و التعامل بين البشر هو ما يحدد طبيعه حياه البشر فاذا انت تؤمن انو المجرم لازم ينال جزائه بدون الأخذ بالأسباب فانت ما عندك شي يردعك من انك تقوم تقتلو؟؟ و هون بيجي دور الدين .. يعني قيام دوله علمانيه مع شعب يعرف طريقه الى الايمان الصحيح بعقائد مبنيه على اسس صحيحه ليس مشكله انما المشكله هي عندما نبتدع اراء و افكار و اسماء لتبرر لنا افعالنا التي لا يقبلها الدين الذي هو منطق و اساس حياتي مهم..
أنا لست ضد العلمانيه عندما تصل الى اسمى حالاتها..
شكرا جميع

من يومها صار القمر أكبر :)

______

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 25/10/2006   #80
شب و شيخ الشباب mahmoom
عضو
-- أخ لهلوب --
 
الصورة الرمزية لـ mahmoom
mahmoom is offline
 
نورنا ب:
Sep 2006
المطرح:
اقصى اليسار
مشاركات:
167

إرسال خطاب Yahoo إلى mahmoom
افتراضي


اقتباس:
كاتب النص الأصلي : ابومزيد عرض المشاركة
العلمانية ما بتعارض الدين بس بتحد من تجاوزات المتدينين (على اساس)وممارساتون التدخلية بشؤون الاخرين يعني شغلة حلوة انو ما اسمع كل مولد بيصير بالجامع غصبا عني وانا قاعد ببيتي لك حتى لو كنت متدين وبحب الموالد ما فيني افهم شو عم يقولوا لانو الميكروفون مو كل هالقد بس المشكلة انو اذا حكى الواحد بيصير رزيل وكافر وان سكت بياكل ***
لللللللللللك عشت

نخب التوستوسترون والبروجسترون في بلاد الادرينالين....
  رد مع اقتباس
قديم 25/10/2006   #81
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


طيب سؤال لو سمحتو.

مين الاحق بأنو يحكم بلادنا مثلا؟؟
يعني من انو دين لازم يكون, لتكون الو الاحقية بأنو يحكم هالبلاد؟

مافي امل

يلعن ابو التخلف

ضاع الهدف




ابرة ليساعد هلق لصلاح وعدتو
بقى رئيدة زدير, اسيرا فهيم رايح
  رد مع اقتباس
قديم 25/10/2006   #82
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

سوريا


اقتباس:
كاتب النص الأصلي : Willi عرض المشاركة
طيب سؤال لو سمحتو.

مين الاحق بأنو يحكم بلادنا مثلا؟؟
يعني من انو دين لازم يكون, لتكون الو الاحقية بأنو يحكم هالبلاد؟


يعني انت موافق ع المبدأ و ما بقي عندك مشكله غير طبيعه الدين .. ؟؟
  رد مع اقتباس
قديم 25/10/2006   #83
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


على انو مبدأ عم تحكي؟؟

بالنسبة لسؤالي انا بدي وصل بنتيجة من وراه
  رد مع اقتباس
قديم 25/10/2006   #84
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي


اقتباس:
كاتب النص الأصلي : Willi عرض المشاركة
على انو مبدأ عم تحكي؟؟

بالنسبة لسؤالي انا بدي وصل بنتيجة من وراه
الدين ليس موضوعنا .. هذا ما عنيته لانو هاد الشي يأتي لاحقا .. و هو شي فرعي .. يعني وقت العالم بتوصل
لتقبل فكره الدين بنتناقش اي دين .. لانو اي دين سماوي يحكم بالحق و هو دين حق .. فما هي المشكله
  رد مع اقتباس
قديم 25/10/2006   #85
شب و شيخ الشباب Spector
مشرف متقاعد
 
الصورة الرمزية لـ Spector
Spector is offline
 
نورنا ب:
Jul 2006
المطرح:
انا ب زمن العجايب
مشاركات:
2,535

افتراضي


اقتباس:
كاتب النص الأصلي : The morning عرض المشاركة
الدين ليس موضوعنا .. هذا ما عنيته لانو هاد الشي يأتي لاحقا .. و هو شي فرعي .. يعني وقت العالم بتوصل
لتقبل فكره الدين بنتناقش اي دين .. لانو اي دين سماوي يحكم بالحق و هو دين حق .. فما هي المشكله
ليس كل دين يحكم بالحق

وليست كل الاديان سماوية

I'm right, right.. and you're right, left

  رد مع اقتباس
قديم 25/10/2006   #86
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


اقتباس:
الدين ليس موضوعنا .. هذا ما عنيته لانو هاد الشي يأتي لاحقا .. و هو شي فرعي .. يعني وقت العالم بتوصل
لتقبل فكره الدين بنتناقش اي دين .. لانو اي دين سماوي يحكم بالحق و هو دين حق .. فما هي المشكله
شلون الدين ليش موضوعنا
ليش شو النا عم نحكي من الصبح!!

طيب مو مشكلة اللي كان بدي وصلو من كلامي. انو اي انسان من ابناء الوطن شو ماكان دينو (حتى لو ما كان عندو دين, او حتى لو كان ما بأمن بالله كلو من اصلو). هو الو الحق بأنو يحكم هالبلد.
وهون مشكلة من مشاكل الدين بالدولة.
لانو طيب انو دين من الاديان بدنا نطبق للدولة؟؟
  رد مع اقتباس
قديم 25/10/2006   #87
شب و شيخ الشباب ابومزيد
عضو
-- زعيـــــــم --
 
الصورة الرمزية لـ ابومزيد
ابومزيد is offline
 
نورنا ب:
Aug 2005
المطرح:
سوريا - دمشق
مشاركات:
1,673

افتراضي


اقتباس:
كاتب النص الأصلي : Willi عرض المشاركة
طيب سؤال لو سمحتو.

مين الاحق بأنو يحكم بلادنا مثلا؟؟
يعني من انو دين لازم يكون, لتكون الو الاحقية بأنو يحكم هالبلاد؟
الدين الجديد اللي بيكون الضمير المنبثق من العقل السليم هو الحكم

القرية رح تعمر بسواعد الاحرار

انسان بلا حدود
  رد مع اقتباس
قديم 25/10/2006   #88
شب و شيخ الشباب Willi
مشرف متقاعد
 
الصورة الرمزية لـ Willi
Willi is offline
 
نورنا ب:
Sep 2005
المطرح:
المريخ- USA
مشاركات:
10,020

افتراضي


عيني ربك عيني.
  رد مع اقتباس
قديم 25/10/2006   #89
شب و شيخ الشباب krimbow
أميـــــــــ
 
الصورة الرمزية لـ krimbow
krimbow is offline
 
نورنا ب:
Mar 2005
المطرح:
damscus-syria
مشاركات:
4,822

افتراضي


اقتباس:
لكن باوقات معينة الضمير والعقل بيفقد دورهم
لما بتفقد البشرية الضمير و العقل، ساعتها بتكون الحرب، و على مدى غياب الضمير و العقل بتزيد و بتنقص ضحايا و خسائر الحرب، و ساعتها لا رسول يشفع و لا نبي ينفع
يا حضرة
لما بيغيب العقل و الضمير، الدين بيفقد دورو، هي الاسرائيليين متدينين، و احد وصاياهم "لا تقتل"، و مع ذلك فاقدين الضمير و عم نشوف شو عم يعملوا...

اقتباس:
لذلك كان لا بد من ثواب وعقاب محدد بالدين وربنا حدده بالاخرة هون لو كان الدين ثقافة و منهج بيحكم المجتمع و الدولة ملتزمة فيه اكيد مبدئ الثواب والعقاب راح يتغذى شعور الافراد باشيا عجز القانون الوضعي لهلاء انو يمنعها
اي شغلة الثواب و العقاب، هي موجودة من قبل ما يبلش الله يبعت انبياؤو ازا بدك (اذا باللهجة الشامية تقيلة، لذلك بكتبها ازا، متل مو ملاحظ اغلب كلامي بالعامي، بس بالعامية و الفصحى، يتواءم الهمزة ع السطر، اجمالا قواعد كتابة الهمزة غير معروفة و بحب نوه عليها كل ما سنحتلي فرصة، يعني بعكسك ... انا منطلق من النية الطيبة) من ايام حمورابي (على فكرة، حمورابي مش اول مين وضع الشرائع، بل هوي اول مين دونها، بس الشرائع كانت بتتواتر من قبل حمورابي بآلاف السنين) و الاشيا يللي عجز القانون الوضعي عن منعها اقل بكتيييييييييير من الاشيا يللي عجزت قوانين الله عن منعها

اقتباس:
لذلك انا عم ببحث عن التفسير المنطقي والحقيقي للدين بدون ما يكون توجيه الدين لخدمة مصالح معينة
بس ما مستوعب شو بتقصد بكلمة على كيفكم
عم اقصد ...
شوف معلم، المقدمات الخاطئة تنتج بالضرورة اجابات خاطئة، و بالتالي التحدث عن امور ميتافيزيقية (غير مثبتة علميا) سيوصل بالتأكيد إلى عدة تفسيرات، و جميعها ستبدو منطقية لبعضنا
انت عم "تبحث" عن تفسير منطقي و حقيقي، لأنك لسا ما وجدتو، كيف عم تدافع عن شي ما عثرت على حقيقتو؟؟؟؟ او على الاقل على تفسير منطقي لحقيقتو؟؟؟؟

خيو، خليك عم "تبحث" ... لأ جد عم بحكي، بس بعقل منفتح على كل الاحتمالات، و خلي ببالك دايما انو العقل هوي الشرع الاعلى للانسان، و هالشي ما بيخالف ايمانك، لأنو حسب ايمانك الله هوي خالق العقل... انا كنت متلك، باحث عن الحقيقة.. و اسوأ شي ممكن يحصل معك انو تلاقي الحقيقة لأنو ساعتها رح ينتهي بحثك، لذلك، ادعي دايما لربك انك ما تلاقيها، صدقني معلم... ما في امتع من رحلة البحث عن الحقيقة، اوعى انك تنهيها

اقتباس:
يلي عم يصير بالعراق صعب لكن يلي عم يصير بدول من دول العالم الاول اصعب بعتقد اني كتبت عن بعض مشاكلها بمشاركة سايقة وهيا من الدول التي تتغنى بانها علمانية
لا خيو
ما في اصعب من الاخ يقتل اخوه، ما في اصعب من الوضع بالعراق و فلسطين
صليلهم معلم، صليلهم بركي الله بيسمع منك

يرحم ترابك يا أمير "عبد القادر الجزائري"، لولا حكمتك كانت سوريا اليوم غرقانة بحمامات دم متل اللي عم تحصل بالعراق و فلسطين و متل ما حصل بلبنان

و الله يديم عقلاء هالبلد، ويبعت لاخواننا متلهم

اقتباس:
عاشوا قبلنا كتير هون ببيت المقدس باعوا واشتروا وتزوجوا وعاشوا حياة كريمة في ظل دولة عادلة
اقتباس:
عمر لما راح يستلم مفاتيح بيت المقدس كان يلبس ثوب مهترئ وقد تحدثت بعض الكتب عن ذلك الموقف وكيف اشار الصحابة عليه بان يلبس لباساً حسن ولكنه رفض الامر الذي اثار دهشة البطريرك الذي سلمه المفاتيح
فاذا كان خليفة المسلمين ثوبه مهترئ من اين ستاتي الاموال التي تتحدث عنها ؟؟؟؟؟؟؟؟؟؟؟؟؟؟؟؟
اقتباس:
مين الناس يلي عم تقصدهم انظلموا
كريم ما بدنا نفوت بحوار تاريخي هلاء ونطلع عنه الموضوع خلينا بالقصة وبنعمل شي موضوع تاني عن الخلافة
يا باشا
يا باشا

لما ما بدك تفوت بحوار تاريخي.... ليش عم تستشهد بشواهد تاريخية مش متفقين على صحتها ؟؟؟

و اصلا انا برفض اني ناقشك بحوار تاريخي قبل ما تكون على الاقل قاري "تاريخ الطبري"

عموما بعيدا عن الحوار التاريخي، يا ريت (للمرة التانية عم اطلب هالطلب) انك تذكرلي العهد الذهبي يللي حكيت عنو اديش استمر؟؟؟ هاد تبع الدين الصحيح

اقتباس:
اي تمام هيك كتير وهذا ما ادى لظهور اول اولاد العلمانية .......... العولمة
طولي بالك ... طولي بالك كتييير

شو رأيك بفكرة انو يسود الاسلام بالعالم كلو؟؟؟ فكرة منيحة مش هيك؟؟ بس هي اسمها يا كابتن عولمة

عموما معك خبر انو نحنا السوريين ... اسياد العولمة؟؟؟
العالم كلو بيمشي على الارقام يللي اخترعناها (اسمها الارقام العربية، بينما من كتر تخلفنا منسعتير ارقام من عند جيراننا الهنود و منكتب فيها.. )
اغلبو للعالم بيكتب بابجدية نحنا اخترعناها
و عند الفرح او الحزن بيتبع طقوس نحنا وضعناها
و بيحاكم نفسو بقوانين نحنا سنيناها
و بياكل و بيشرب من مأكولات و مشروبات نحنا تفننا فيها (النبيد و البيرة على سبيل المثال)
اكتر من مليون و ميتين الف اختراع .. ما زلنا منستعملهم لليوم، متل الدولاب و العربات، ...الخ، اخترعهم اجدادك

لك حتى الاديان، طلعت من بلادنا

حاج لهون لأنو العولمة مش موضوعنا و يا ريت ما تغير المحاور

اقتباس:
وللاسف لن تجد احداً الان منهم ولا حتى منذ قرون
شو ؟؟؟؟
يا رجل، يا رجل، طالما مش رح لاقي واحد حتى لو رجعت لورا كزا قرن (كذا هيك بتنكتب بعرف، بس لذات السبب السابق كتبتها هيك) ع شو عم تناقشني؟

بدك ياني اتبع نظام بيعتمد على كاريزما لشخصية ... ما اجت منذ قرون خلت ؟؟؟؟

طيب على فرض انو وجدنا اليوم هالملهم ... شو بيضمنلي انو بس يموت يجي واحد تاني، و اللا بدك ياني استنى كمان قرون ليجي واحد تاني، و بهالوقت بيتمقطعوا هدول تبع المصلحة الشخصية يللي مو طايقهم حضرتك فينا ؟؟؟؟

والله يا معلم كيف ما عم ابرمها معك .. ما عم لاقي حل احسن من العلمانية، يعني صدقني انا حابب لاقي حل تاني، بس ما عم لاقي

اقتباس:
على فكرة تشافيز متدين جدا جدا جدا
وانا اكن له كل الاحترام والتبجيل
اي صحي بس هوي بنفس الوقت ... علماني جدا جدا جدا، يعني ما بتصور انو عم يظلم المسلمين تبع فنزويللا

عموما احترامك و تبجيلك الو ناتجة عن صحوة ضميرك، بالدرجة الاولى
رغبتك بتحرير عقلك من قيودو بالدرجة التانية
و ناتجة عن عدالة و حكمة و شجاعة و عفة شافيز بالدرجة التالتة، و هي هيي الفضائل نفسها يللي قلت عنها انها بتودي للعولمة و ما عجبتك

اقتباس:
المشكلة انو ابن العلمانية يلي هو العولمة راح يخلينا كلنا عبيد للسيد الغربي
ابدا، العلمانية تعتمد على العقلانية بقوة، و بالتالي بتعتمد على العلم، ليكو الدين ما حمانا من الاحتلال العثماني، و لا الانكلو فرنسي، و لا الاسرائيلي

و كما قال الشاعر:
العلم يبني بيوتا لا عماد لها = و الجهل يهدم بيوت العز و الكرم

اقتباس:
ما قصدت صديقك بسؤالي انتا كنت تحكي عن الهين وفي اخر القصة دعيت الله يفك اسره سالتك اي واحد منهم عم تدعي بما انك تحدثت عن اثنين ؟؟؟؟؟؟؟؟؟؟؟؟؟؟؟؟؟؟؟
اتنين؟؟؟؟، قوي قلبك يا رجل، قول سبعة و سبعين و لا تخاف
عموما قصدت الاله القادر على فك اسرو هوي و رفقاتو، ببقى بعرفك عليه شي يوم... هوي التاني صاحبي

اقتباس:
كثيرا ممن ذكرتهم دولاً تطبق الدين وليست علمانية الا بالمظهر
عفوا .. بس العلمانية مش متل الدين، ما الها مظهر و باطن، يا بتطبق يا ما بتطبق، مش انو منضحك ع بعضنا و منقول "طبقنا العلمانية"

اصلا العلمانية هيي مجموعة من الظواهر، كيف بدك يكون الها جوهر؟؟؟

العلمانية يا حبيبي هيي انو تتخذ القرارات و تنسن القوانين و التشريعات بناءا على حاجة المجتمع بغض النظر عن النصوص المقدسة ...
يعني لما اختاروا اللون الاحمر لحتى توقف عليه السيارات باشارات المرور .. ما اهتموا ازا هالشي "حلال او حرام"
و طالما انو هالقوانين ما الها قوة غير قوة التطبيق يللي بتقوم فيها الحكومة، و بالتالي ممكن تغييرها ازا (نفس الملاحظة) بيوم بطلت تخدم مصلحة المجتمع...
يعني بوكرا رح تصير السيارات تطير، اشارات المرور الحمرا ما عاد ممكن تنظم حركة السير، و بالتالي رح يحطوا انظمة جديدة بتتناسب مع الموقف، بغض النظر ازا الله و اوصياؤو علينا باركوا هالخطوة و اللا لعنوها.. عرفت عليي كيف؟

اقتباس:
يكفيني هنا مثالاً ان بوش عندما يريد ان يقوم باحدى غزواته فان خطابه للامة لا يخلو من كلمة الرب امرني
مرجع ذلك انه يدرك ان الدين فقط هو من يجعل الناس تقتنع وتاتمر لما يريد
مشان هيك لازم نحارب هالظاهرة .. و نفهم العالم (حتى الاميركان) انو ما حدا ع راسو ريشة و آخر نبي عمل خير و ختملنا هالطاقة يللي بتجي منها الريح

اقتباس:
بعتقد انو يلي عم تحكي عنه ممكن يصير سواء في ظل دولة علمانية او دولة دينية فاذا كانت الدولة العلمانية لن تطبق عليه الحد فان الارهاب كفيل ان يطبق عليه العقوبة والحمد لله الارهاب هاليومين منتشر بشكل كبير
الارهاب؟؟؟

يا سلام

اي لا عاد تقول انو الاسلام ما عم ينتشر بحد السيف لكان

بعدين الله تبع المسلمين هوي يللي بيهدي من يشاء .. مش اخوات الـذين تبع الارهاب
  رد مع اقتباس
قديم 25/10/2006   #90
صبيّة و ست الصبايا امرأة من ورق
مشرف متقاعد
 
الصورة الرمزية لـ امرأة من ورق
امرأة من ورق is offline
 
نورنا ب:
Apr 2006
المطرح:
عوراق طيارة ورق
مشاركات:
2,968

افتراضي


اقتباس:
كاتب النص الأصلي : The morning عرض المشاركة
الدين هو علاقه بين اثنين فقط العبد و ربه ... لكن لها تأثيرها على كل ما يدور حولنا من اشياء لان المعتقدات هي
دافع و اساس التعامل .. و التعامل بين البشر هو ما يحدد طبيعه حياه البشر فاذا انت تؤمن انو المجرم لازم ينال جزائه بدون الأخذ بالأسباب فانت ما عندك شي يردعك من انك تقوم تقتلو؟؟ و هون بيجي دور الدين .. يعني قيام دوله علمانيه مع شعب يعرف طريقه الى الايمان الصحيح بعقائد مبنيه على اسس صحيحه ليس مشكله انما المشكله هي عندما نبتدع اراء و افكار و اسماء لتبرر لنا افعالنا التي لا يقبلها الدين الذي هو منطق و اساس حياتي مهم..
أنا لست ضد العلمانيه عندما تصل الى اسمى حالاتها..
شكرا جميع
كيف يعني هون بيجي دور الدين؟؟؟ انا بشوف انو هون بيجي دور القانون الموجود واللي بيحكم بالدولة العلمانية
مابعرف ليش عم صرت شايفة باكتر من رد هون الغاء وجود اي سلطة بالدولة العلمانية وانو الامور رح تكون سايبة
اكيد حياتي بالدولة العلمانية في وجود لقانون رح يحكم وينظم امور العالم ورح يكون قانون يناسب كل افراد الشعب ومايفرق بين مسلم ومسيحي وغيرو من اديان

لاتمشي حيث يأخذك الطريق
بل امشي حيت لاطريق
واترك اثرا

عملك فتلة باللغات ياحبيب
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 05:00 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.25290 seconds with 12 queries