عريف مع مين عم تحكي ....

here i am · 16/03/2006

عريف مع مين عم تحكي........

جملة ربما تربَّت ونمت وترعرعت وتشرَّبت وتشبَّعت بها أبجدياتنا الحاضرة المعاصرة ألا وهي : " عريف مع مين عم تحكي ....!! " يا ساتر , ويا للأهوال والمصائب التي ستحل عليك وعلى الذين خلفوك ونفضوك وجابوك , إلى عالم أنت فيه جاهل لأهم قضية كونية , أنك لا تعرف مع " مين عم تحكي ..." حوادث كثيرة مرت , ووجوه تعددت , وتنـقّـلت بين المهدِّدين , و المهـدَّدين , بين حزب " عريف مع مين عم تحكي " والحزب الآخر , المُحاكَى , لكن ما كان يستفز قهقهاتي حين تتم المقارنة بين صاحبَيّ العلاقة , أنك قد تجدهما في سرفيس واحد , وانعكاس المكان والجو الذي لا يخرج عن نطاق الـ " أتموسفيرات " السرفيسية الجربانة الكحيانة , والتي تنقل مستوى المتلاسنَين , بين شخص ربما باخ لون ثيابه , إلى شعر فوضوي لم تزره المياه أيام عديدة , لأسباب أصيلة تتعلق على الأرجح بقذارة منبت المُهدِّد , ولعلها لأسباب تدرجت كي تصبح بديهية , كانقطاع و تـفـنُّـن بتقنين الطاقة إن كانت مائية أو كهربيّـة , ما علينا , المهم في الأمر , أنك تجد هذا المسخ الجربان " أبو حكة " , يهدد ويتوعد الطرف المسكين المقابل , بلازمة حفظناها تماما منذ الصغر , فأصبحت من أدبياتنا وآثار الصبا , فأنت تحفظ الفاتحة والمعوذات , وبابا بابا يومك طابا , دمت ربيعا دمت شبابا , و ماما ماما يا أنغاما , تملأ قلبي بندى الحب , و " عريف مع مين عم تحكي ...!! وسليمان العيسى طبعا ....!!!

غير أني لا أتصور هذا الجاهل التافه الأحمق الذي يصرُّ على " التطويط " , يفكر ولا للحظة كي يطلق هذا التهديد العصري , فهو لو وازن الأمور بمنطقيتها , لوجد أن كل من يستمع إليه , وينظر لسحنته , سيبصق عليه ضمنيا , كون مظهره ومكان وجوده كاف لفضح من يكون , فكيف لا يخجل من قولته تلك الغبية , فيا إبن الحلال , أنا في سرفيس وفي وسط زحام مقرف , و أنت في المكان نفسه , أنا وأنت ندفع ربما ثلاث ليرات , أو خمس ضرّابات السخن , كي نصل مع طلوع الأرواح وشق الأنفس لوجهاتنا التعسة , فمن تكون يا هل ترى ..؟؟ هل السرفيس سيوصل مثلا سليل عائلة " بوربـون " لقَصْرهِ , أم ربما دوق وندسور لقلعته العامرة ..!!؟؟ الأمر ذاته يا سادتي وسيداتي , قد يتكرر في أمكنة متقاربة في شعبيتها من " فان " إلى مخبز , إلى طابور مثلا لإنهاء معاملة ما في دائرة حكومية ما , إلى عابر سبيل كاد راكب سيارة من الدرجة الثالثة أن يدهسه , ولكن هي سيارة حكومية أو تحمل لوحة يفرح البـغـل الذي يقودها لظنه أنه مدعوم مثلا , وما هو في الحقيقة سوى بالون لا يحمل إلا غازات فاسدة أثرت على دماغه الكديشي , فصورت له مثلا أنه سيد الكوكب فخرج من نافذة الـ " رولز رويس " كي يلقي بالجملة الشهيرة , فينتشي بأن الأسماع قد تلقتها بهيبة ووقار و خوف ووجل , إلى إلى إلى , من أماكن أصبح يعرف الجميع , أن مرتاديها هم من السواد الأعظم , والدهماء , و بعض الرعاع ....
لهذا وذاك " عريف مع مين عم تحكي " ......
خـتــامي .........بسـلامي

منقول

yamen_h · 16/03/2006

والله شي نهفة ...
انته ضربت عالعصب الحساس ...

أحلى شي ..هي لم تزره المياه منذ عدة ايام ...تسااااااالي

مشكور ابو المجد ...

المستحيل · 16/03/2006

والله معك حق عريف مع مين عم تحكي لكن
مشكور

SABE · 16/03/2006

انت كتبت الموضوع هون .. ولك أول شي عريف مع مين عمتحكي بعدين تعا ..

رهيب الوضوع مان ..

بس شو مشان الموضوع واقعي كتير .. إنو مثلاً بعلق أنا وواحد ما بسمع غير هالجملة .. بس لازم الكل نتفق على جواب واحد لهيك جملة .. منشان ما عاد نسمعها أبداً ..

هاتو لنشوف شو رأيكون ممكن يكون جواب هيك جملة ؟

yamen_h · 16/03/2006

الجواب ...

لأ ما بدي اعرف مع مين عم احكي وروح خرّ**

here i am · 16/03/2006

بظن أحسن جواب " عم أحكي معك "

أنو أكيد يعني

SABE · 16/03/2006

أنا بحاول يكون ردي متل رد ماهر .. بس بحاول كمان كون كتير كوول , و هالشي بعرف إنو رح يجننو لهاد الشخص المحموق اللي لازم أعرف أنا إني عمبحكي معو .

layla · 16/03/2006

اقتباس:

كاتب النص الأصلي : SABE

أنا بحاول يكون ردي متل رد ماهر .. بس بحاول كمان كون كتير كوول , و هالشي بعرف إنو رح يجننو لهاد الشخص المحموق اللي لازم أعرف أنا إني عمبحكي معو .

مين ماهر؟
اسمو مجد مجدددددددددددد

الموضوع بيجنن شريكي وصحي انا ولا مرة حدا قللي \قالتلي عرفي مع مين عم تحكي بس عنجد بنفلق لما بسمع الجملة
واحسن جواب متل ماقلت " معك "

yamen_h · 16/03/2006

اقتباس:

كاتب النص الأصلي : layla

مين ماهر؟
اسمو مجد مجدددددددددددد

مو مشكلة كلكن انتو جماعة الخضر والاحمر الكبير فاصلة معكن من بعد ما رجعت الأخوية ...

اقتباس:

الموضوع بيجنن شريكي وصحي انا ولا مرة حدا قللي \قالتلي عرفي مع مين عم تحكي بس عنجد بنفلق لما بسمع الجملة

هلق انتي مع مين عم تحكي ؟؟

عرفانة حالك مع مين عم تحكي وللا لاء ؟؟

(((الجنرال أبوجعفرالورد))) · 16/03/2006

أيه عرفو كلكون مع مين عم تحكو ...... أغي ......... مشكور حبيبنا موضوع حلو ...

silin · 16/03/2006

اي عم نحكي مع ناس كتير كبار ( اعضاء ومشرفين اخوية ) شو لكـــن
هيدي الكلمة ما منقولا لبعض هون منقولا لناس بريت المنتدى

وعرفوا مع مين عم تحكوووو

علي هواري · 17/03/2006

اقتباس:

كاتب النص الأصلي : SABE

هاتو لنشوف شو رأيكون ممكن يكون جواب هيك جملة ؟

والله جوابي رح يكون أنت عريف حالك مع مين عم تحكي شو مفكر حالك ولااااااااااااااااااااااا اااااا
وبعدين بيكون بلش الضرب ما رح كمل بقية الحكي لأنو عيييييييييييييييب................ ......