من أخوية .. إلى أخوية

[Nirvana]

كاتب النص الأصلي : sweetbaby

بس في كلمتين بدي قولون
اول الشي انو اشتقت لكتير عالم من القدام
اغلبون ع اتصال لساتني معون
بس مجد(here i am( صار بسوريا هلا وكان عم بيجاكرني

ومشان انا ممكن اترك الاخوية معدا اخوية بصراحة..
مابعرف شو بدي قول اكتر

ميرسي نيرفانا ع الاستفقادة

العفو ..

ما فهمت اللي بالاحمر ..
بس بدنا ياكي عطوووول بيناتنا

[sweetbaby]

كاتب النص الأصلي : Nirvana

العفو ..

ما فهمت اللي بالاحمر ..
بس بدنا ياكي عطوووول بيناتنا

يعني في جواتي احساس
انو اخوية لم تعد اخوية
هيك مدري كيف
في شي تغير بكل شي
مابعرف
يمكن نحنا اللي تغيرنا

[kholoud talal]

كاتب النص الأصلي : Nirvana

العفو .. خجلتيني

ما كنت عارفة انو الي هالقد شعبية ..

لا حبيبتي بالعكس لاتخجلي انت عن جد ليك شعبية بالموقع انت مصغرة نفسك ولا ايه
انت تستاهلى كل خير

[Nirvana]

كاتب النص الأصلي : sweetbaby

يعني في جواتي احساس
انو اخوية لم تعد اخوية
هيك مدري كيف
في شي تغير بكل شي
مابعرف
يمكن نحنا اللي تغيرنا

شو ما كان اللي تغير ... وجودك بيناتنا لا تنازل عنو ..

[TheLight]

أول شي بعتذر لأني تأخرت بالرد ع هالموضوع لأني من شوي شفتو....

بيجوز رح كمان أعمل متل جاد ألعي كتير هلق أنا وعم اكتب هالرد وبيجوز غص وما أقدر كمل....

بس أول شي بدي أشكر نيرفانا ع كلماتها وبقلها: أي بتذكر كل شي...

The light غيابك طال .. ولما رجعت ما رجعت متل أول.. ما بتتزكر المنبر وطق الحنك بالسقيفة .. والخناق والهداية والبلد .. كنا وقتها لا برتقالي ولا أخضر .. كانت ايام حلوة بكل شي فيها ..

وبدي أشكر جاد ع كلماته كمان والي رجعة لعلق ع حكيو

The light- الشباب اللي انحسبو ضحو مشان بلدنا, تضحيتون ما لازم الا انو تكون دافع النا انو نضل موجودين ونضل شوكة بحلق اللي حبسهون. اذا وقفتنا معهون رح تحرمنا من انو نرجع لبلدنا هالكام سنة, فاتأكد انو رح نرجع رافعين راسنا قريبا جدا. ردودك رائعة وانت رائع, لا تحرمنا منك.

طبعا ما بعرف شو بدي قول...في حكي وحكي كتير

أخوية بالنسبة إلي كانت بفترات عصيبة من حياتي وقاسية بمثابة بيت ووطن صغير..كانت محرض لألي أني أقرأ وأكتب وفكر وشارك الكل أفكار وحوار وحتى خناقات
تعرفت بأخوية ع ناس حبوني وحبيتهن وتعرفت ع ناس كرهوني وكرهتهن...تعرفت ع ناس ما ممكن بحياتي انساهن...بتذكرهن كل يوم...كلماتهن بعدها راسخة بذهني...وصورتهن مطبوعة بذاكرتي...وأثرو بحياتي بطريقةما ممكن حدا يقدر يتصورها....وهن بيعرفو حالهن...

بفترات لاحقة تغيرات كتير من المعطيات والظروف واخترت اني ابتعد عن أخوية....طبعا جاد ذكر بتعليقو جزء من هالظروف ولاسباب وفي جزء تاني بفضل احتفظ فيه لنفسي....

حاليا أخوية بالنسبة الي هي مجموعة من الذكريات والايام الحلوة وببعض صفحاتها في كلمات بعدها بتحفر أخاديد جواتي كل ما اقرأها بس مع هاد وكله بعدني بفوت بقراها وتقريبا كل يوم....
شو تغير...ما بعرف
أنا تغيرت او أخوية تغيرت...
كمان ما بعرف....
بس يللي بعرفه ويللي بحس فيه...أني ما عاد قادر أجع أعطي بأخوية متل ما كنت أعطي قبل...لأني فقدت كتير أشياء...فقدت الايمان...وفقدت الرغبة وفقدت حتى الصدق....
بفضل أني ابقى متفرج....من بعيد لبعيد...لأرجع أقرأ...وأتذكر...واتتمع بكل الغصات يللي بتنابني كل ما فتت وقرأت....

بدي قول بصوت واطي...وهمس...أنا ما تركت...وما بعدت..ولا كانت رغبتي...بس يلعن أبو الغربة....

بشكر كل يللي تذكروني...وبتمنالهن التوفيق بكل خطوة بحياتهن...
قلوبي معكن...وعيوني معكن...

[hanny dagher]

حسان جاد حكيتو اللي بقلبي مية وردة

تسجيل متابعة مشان احكي كم كلمة فيما بعد

[Nirvana]

كاتب النص الأصلي : TheLight

أول شي بعتذر لأني تأخرت بالرد ع هالموضوع لأني من شوي شفتو....

بيجوز رح كمان أعمل متل جاد ألعي كتير هلق أنا وعم اكتب هالرد وبيجوز غص وما أقدر كمل....

بس أول شي بدي أشكر نيرفانا ع كلماتها وبقلها: أي بتذكر كل شي...

وبدي أشكر جاد ع كلماته كمان والي رجعة لعلق ع حكيو

طبعا ما بعرف شو بدي قول...في حكي وحكي كتير

أخوية بالنسبة إلي كانت بفترات عصيبة من حياتي وقاسية بمثابة بيت ووطن صغير..كانت محرض لألي أني أقرأ وأكتب وفكر وشارك الكل أفكار وحوار وحتى خناقات
تعرفت بأخوية ع ناس حبوني وحبيتهن وتعرفت ع ناس كرهوني وكرهتهن...تعرفت ع ناس ما ممكن بحياتي انساهن...بتذكرهن كل يوم...كلماتهن بعدها راسخة بذهني...وصورتهن مطبوعة بذاكرتي...وأثرو بحياتي بطريقةما ممكن حدا يقدر يتصورها....وهن بيعرفو حالهن...

بفترات لاحقة تغيرات كتير من المعطيات والظروف واخترت اني ابتعد عن أخوية....طبعا جاد ذكر بتعليقو جزء من هالظروف ولاسباب وفي جزء تاني بفضل احتفظ فيه لنفسي....

حاليا أخوية بالنسبة الي هي مجموعة من الذكريات والايام الحلوة وببعض صفحاتها في كلمات بعدها بتحفر أخاديد جواتي كل ما اقرأها بس مع هاد وكله بعدني بفوت بقراها وتقريبا كل يوم....
شو تغير...ما بعرف
أنا تغيرت او أخوية تغيرت...
كمان ما بعرف....
بس يللي بعرفه ويللي بحس فيه...أني ما عاد قادر أجع أعطي بأخوية متل ما كنت أعطي قبل...لأني فقدت كتير أشياء...فقدت الايمان...وفقدت الرغبة وفقدت حتى الصدق....
بفضل أني ابقى متفرج....من بعيد لبعيد...لأرجع أقرأ...وأتذكر...واتتمع بكل الغصات يللي بتنابني كل ما فتت وقرأت....

بدي قول بصوت واطي...وهمس...أنا ما تركت...وما بعدت..ولا كانت رغبتي...بس يلعن أبو الغربة....

بشكر كل يللي تذكروني...وبتمنالهن التوفيق بكل خطوة بحياتهن...
قلوبي معكن...وعيوني معكن...

العفو .. ولو ..

كلماتك كتير رجعتلي زكريات أخوية ...

أهم شي انك متابع معنا .. حتى اذا ما كنت قدران تشارك ..
أنا كتير انبسطت بانك رديت هون .. شكرا الك ... واشتقنالك ..

[Nirvana]

كاتب النص الأصلي : hanny dagher

حسان جاد حكيتو اللي بقلبي مية وردة

تسجيل متابعة مشان احكي كم كلمة فيما بعد

بيكفي هالطلة ..

وعجبتني المتابعة أكتر وأكتر

[hanny dagher]

كاتب النص الأصلي : Nirvana

بيكفي هالطلة ..

وعجبتني المتابعة أكتر وأكتر

ما تخليني شوفك شخصي

[sweetbaby]

شو تغير...ما بعرف
أنا تغيرت او أخوية تغيرت...
كمان ما بعرف....
بس يللي بعرفه ويللي بحس فيه...أني ما عاد قادر أجع أعطي بأخوية متل ما كنت أعطي قبل...لأني فقدت كتير أشياء...فقدت الايمان...وفقدت الرغبة وفقدت حتى الصدق....
بفضل أني ابقى متفرج....من بعيد لبعيد...لأرجع أقرأ...وأتذكر...واتتمع بكل الغصات يللي بتنابني كل ما فتت وقرأت....

بدي قول بصوت واطي...وهمس...أنا ما تركت...وما بعدت..ولا كانت رغبتي...بس يلعن أبو الغربة....

حسان عنجد قدرت تقول اللي كنت انا بدي قولو

[Roaa]

هلا بالاضافه للمشفين الغايبين ..

انوو في هاني وهادي ... كتير الهم فقده واكيد عماد كتير كمان ..

في كم عضو نقاشاتهم كانت حلوة ... من بينهم المستحيل .. من زمان ماعدت شفتو ومدري ليش اسمو اجا على بالي ..

.. في كان صبيه ما بتذكر اسمها .. بس كانت تستعمل الـ zبدل حرف الـ ز


كتير .. كان في نتالي خواطرها حلوة ... وفي فلاش باك ..

هدول الي اجو على بالي هلأ ..

مجود .. كشخصيه بتاخد العقل .. لازم تشارك اكتر ..


انوو جد الاخويه من دون كتار ما حلوة

[وشم الجمال]

وين god father
زمان كتير ماطل ونورنا
الو وحشة والله

[hanny dagher]

انا سجلت متابعة وقلت رح ارجع

بالنسبة لاخوية بما يخصني انا
انا وصلت باخوية لمرحلة صارت اخوية الي مضيعة للوقت يعني افتح اخوية واقعد تلت اربع ساعات ما عم اشتغل شي غير عم اعمل ريفرش للصفحة الرئيسية بانتظار موضوع بيبل القلب وبيشد لكن للاسف هادا الموضوع كان مفقود ولمدة طويلة ما كنت لاقي هالموضوع

اخوية حاليا معدها اخوية القديمة اللي اتعودت عليها لا نفس الاعضاء ولا نفس الافكار ولا نفس المواضيع حسيت حالي بجو غريب يعني متل كاني التفت حواليي وما لقيت حدا (مع الاحترام للاعضاء اللي بعزهن كتير واللي اسعتهن صامدين هون ) بس حتى مع وجود هالاعضاء حسيتها فاضية فكان القرار الافضل هوي اني اترك فترة

ممكن بعضكن يتساءل ليش ما حاولت زبط الوضع حاولت انا وغيري وكتير كتير وما كان يزبط الوضع ولهلأ انا بقول انو الوضع ما رح يزبط بجوز لانو اخوية صارت غنية كتير بالمواضيع المختلفة فمعد في مواضيع جديدة الواحد يحكي فيها اللهم غير مواضيع الاخبار اليومية او بجوز لانو الاعضاء اللي عم يدخلو ما عم يعبو مطرح اللي عم يطلع فكريا ونقاشيا انو في كزا احتمال لهالحالة


يعني متل ما قال حسان "بحس أني ما عاد قادر أجع أعطي بأخوية متل ما كنت أعطي قبل...لأني فقدت كتير أشياء...فقدت الايمان...وفقدت الرغبة وفقدت حتى الصدق....
بفضل أني ابقى متفرج....من بعيد لبعيد...لأرجع أقرأ...وأتذكر...واتتمع بكل الغصات يللي بتنابني كل ما فتت وقرأت...."

ما بعرف ايمت رح اقطع مرة تانية بجوز اليوم بكرا بعد يومين بس حاليا في عندي شوية شغل عم خلصو (مجموعة اوغاريت كسرت ضهري ههههههههههه )


ابو الجود بتعرف انتي انو شعور متبادل بدون ما احكي مية وردة

نيرفانا متل ما قلتلك ما تخليني شوفك شخصي لانو بدي قوصك يلعما متل البق لا بترتاح ولا بتخلي حدا يرتاح ضلت تزن براسي لحتى فوتتني اليوم

شكرا للكل عالاستفقادة

[وشم الجمال]

كاتب النص الأصلي : hanny dagher

انا سجلت متابعة وقلت رح ارجع

اخوية حاليا معدها اخوية القديمة اللي اتعودت عليها لا نفس الاعضاء ولا نفس الافكار ولا نفس المواضيع حسيت حالي بجو غريب يعني متل كاني التفت حواليي وما لقيت حدا (مع الاحترام للاعضاء اللي بعزهن كتير واللي اسعتهن صامدين هون ) بس حتى مع وجود هالاعضاء حسيتها فاضية فكان القرار الافضل هوي اني اترك فترة

انا بس حابة اسالك
كيف كانت اخوية ؟؟
انا جديدة نوعا ما وما بعرف شو كانت؟؟
بمعنى اخر كيف انت رح تحسها رجعت لوضعها الطبيعي ورجعت بيتك وصارت مو مضيعة للوقت؟
رجاء رد عليّ بركي قدرنا نفهم وقدرنا ننمي حالنا.
اكيد ما رح نكون بالنسبة الك متل غيرنا ومتل ناس زمان بس المشكلة انو نحنا عايشين بدنيا وسنة دائرة انو تتغير باستمرار
ابشع شي الاستسلام واروع شي الارادة مع المحاولة
ممكن شي بيملل بس لازم اذا كنت بتحبها لاخوية تناضل لتقدر ترجعلها مستواها
وهدول مني

[hanny dagher]

كاتب النص الأصلي : وشم الجمال

انا بس حابة اسالك
كيف كانت اخوية ؟؟
انا جديدة نوعا ما وما بعرف شو كانت؟؟
بمعنى اخر كيف انت رح تحسها رجعت لوضعها الطبيعي ورجعت بيتك وصارت مو مضيعة للوقت؟
رجاء رد عليّ بركي قدرنا نفهم وقدرنا ننمي حالنا.
اكيد ما رح نكون بالنسبة الك متل غيرنا ومتل ناس زمان بس المشكلة انو نحنا عايشين بدنيا وسنة دائرة انو تتغير باستمرار
ابشع شي الاستسلام واروع شي الارادة مع المحاولة
ممكن شي بيملل بس لازم اذا كنت بتحبها لاخوية تناضل لتقدر ترجعلها مستواها
وهدول مني

رح اعطيكي رابط موضوع مشان تعرفي كيف كان النقاش

فقشي القتل الرحيم

11 صفحة من النقاش اذا عندك وقت قريهن

[وشم الجمال]

كاتب النص الأصلي : hanny dagher

رح اعطيكي رابط موضوع مشان تعرفي كيف كان النقاش

فقشي القتل الرحيم

11 صفحة من النقاش اذا عندك وقت قريهن

بصراحة هاني انت افحمتني
انا ما قريت الموضوع كلو بس قريت اجزاء بسيطة
وبقدر احكيلك انو تميز بانو حوار بناء ما كان الهدف جدل عميق ومسخرة وسب ومن هالحكي
تناولتم الموضوع من كل جوانبو وحاولتم تتوصلوا لشي
انا بصراحة بغبطكم بس بيبقى السؤال كيف هالشي اللي طاغي هلأ بأخوية من جدل عميق وتحويل كل شي للمخرة ممكن يتغير؟
خلينا نحاول نلم جوانب الموضوع لنقدر نعالجه
ورح كمل قراءة الموضوع بالبيت لاقرؤه على رواقه
لانو نقاشكم بكل موضوعية حلو

[hanny dagher]

كاتب النص الأصلي : وشم الجمال

بصراحة هاني انت افحمتني
انا ما قريت الموضوع كلو بس قريت اجزاء بسيطة
وبقدر احكيلك انو تميز بانو حوار بناء ما كان الهدف جدل عميق ومسخرة وسب ومن هالحكي
تناولتم الموضوع من كل جوانبو وحاولتم تتوصلوا لشي
انا بصراحة بغبطكم بس بيبقى السؤال كيف هالشي اللي طاغي هلأ بأخوية من جدل عميق وتحويل كل شي للمخرة ممكن يتغير؟
خلينا نحاول نلم جوانب الموضوع لنقدر نعالجه
ورح كمل قراءة الموضوع بالبيت لاقرؤه على رواقه
لانو نقاشكم بكل موضوعية حلو

بدك عقليات متل عقلية امراة من ورق متل عقلية محمد ابراهيم متل عقلية ري مي
عقلية تحترم الطرف اللي عم تناقشو
عقلية تناقشك بتجرد عن اي اعتبارات دينية او سياسية
بدك عالم تسمع رايك وتحترمو وتناقشو كلو ما تسحب منو كلمات كلمات وتناقشها

اضافة انو بدك مواضيع بمتل قوة موضوع القتل الرحيم لتنطرح
والمشكلة اللي عندو هيك موضوع قوي ليطرحو عم يخاف يطرحو مشان ما يتشوه

على كلن شو مشان انتي كانك مو جديدة بس انا ما كنت حاسس على وجودك
فرصة سعيدة وبس ترجعي عالبيت هيك فضي ساعتين من وقتك قري الموضوع هوي صحي بلش بردود مقتضبة شغلة سطرين تلاتة لحدود نص صفحة بس بعدين بتبلش العالم تسرح بالحكي


عالهامش * أممي اسعتو عم يفوت او اختفى هو الاخر ؟

[وشم الجمال]

احكيلك يا عزيزي رأيي البسيط
انا بالنسبة الي بشوف انو في عقليات متل اللي حكيت عنن وانا كتير بحبن وبحترمحهم لانهم ببساطة بيعرفوا يحكوا فكرة بلا تجريح وباحترام بمعنى انهم فرضوا احترامهم علينا بس المشكلة يا صديق بالنسبة الي عالاقل بشوف انو لما ينطرح موضوع بيبلش النقاش حوله وبعد ردين تلاتة بيبلش يتغير مسار النقاش وممكن يصير تجريح واهانات
ما في احترام للطرف التاني ابدا
مشان هيك انا دايما بحب اتواجد بالمنتدى الادبي والسبب بسيط لاني هناك بفجر مشاعري وما بيصير اي نوع من الاهانة لالي
وبتجنب اتواجد بالاقسام التانية مو لضعف بشخصيتي ابدا بس لاني بنجرح من جوا لما شوف عقول الشباب عم تحكي باسلوب ما بيليق فيها ولما يبلش كل واحد يسئ للدين وللشرائع ...بمعنى بحس انو في حرب والشاطر هو اللي بيهين التاني
انا بصراحة بكره الهروب بس برضو متل ما حكيت ما في موضوع يفش الخلق ويشعرنا انو ممكن يصير فيه تبادل اراء وثقافات يعني ما في هالمواضيع القوية كتير
وبالنسبة الي انا خفيفة ظل مشان هيك ما حسيت بوجوديوانا اسعد لاني قدرت احكي معك وافهم وجهة نظرك الصحيحة والمقنعة(لك صرت اتحسر على ايام اخوية زمان )ورح اقرا الموضوع وافهم وجهات النظر كلها
وجد تشرفت بمعرفتك