عن السرقة الرقمية

[personita]

و أنا بدور في الانترنت، اكتشفت موقع ناقل نُص مواضيع أخويةـ نقل حرفي لأعضاء مختلفين (لبترفلاي، بوزي، قرصان، أحمد، قيس2000، نجم، إلخ..) كلها من قسم الخواطر، الشعر أو القصة. بعض المنقولات مع ذكر المصدر،
و بعضها بلا أدنى حياء، مجرد "شف" من غير أي إشارة للكاتب، وكمان مع ردود بتصفق الهن
و تحكيلون قديش هم مبدعين و فنانين إلخ.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هذا الموقع هو على سبيل المثال لا الحصر،لأنو أكيد أكثر من واحد من اللي بيكتبو في أخوية لو تابع كتاباتو، إلا ما يلاقي لو شي نص في شي منتدى، محطوط باسم غيرو و الناس عم تحكي لهذا الشخص قدي هو مبدع و رائع و بيجنن! و حتى لو انذكر المصدر، هل صاحب القصيدة أو الخاطرة أو القصة أعطاه موافقتو حتى يحطا بمكان تاني؟
هلا المشكلة انو الأدب الرقمي كتير معرض لهيك انتهاك، أولا لأن معظم الكتاب بيكتبو بأسماء مستعارة، و بالتالي ما في شي بيثبت ملكيتو الفكرية و بالتالي ما في شي اسمو حقوق.
هلا السؤال: شو الحل؟؟! كيف ممكن للكاتب الرقمي يحمي كتاباتو؟

[yass]

هلا السؤال: شو الحل؟؟! كيف ممكن للكاتب الرقمي يحمي كتاباتو؟

مية بالمية ما فينو...

كبريات شركات الانتاج و التوزيع و دور الطباعة عم يخسرو ملايين و فوقها عم يحطو ملايين تانية لمحاولات ضبط هالشغلة و كلها محاولات فاشلة (و هدول مسجلين حقوق الملكية و دافعين حقها بلاوي, فما بالك باللي مو مسجّل)

الكاتب الرقمي بالعادة هاوي أو شبه محترف ع قد حالو, و يعني ما بايدو شي (عملياً) غير انو يلاقي هالناس و يفضحون بدلالة انو منشور عندو بوقت سابق.. و في محاولات مشان حفظ الحقوق الجزئية تبع انو تسجّل عند جهة و هالجهة مافيها تمنع النقل و لكن تطالب بذكر المصدر (أنا مسجّل فيها مدوّنتي, كرياتيف كومونس اسمها), لكن عملياً هالحكي كلو غير مجدي... لأنو مافي طريقة لضبط الانترنت.

أنا واحد من الناس أفخر انو انسرقو كتاباتي ( مرة مقالة جاهزة و كاملة, و راح الحمار نزّلها بمنتدى يملكو أحد أقربائي, و أغلب الأحيان مقاطع و عبارات هيك بلاقيها) و بقول أفخر لأنو يعني منيح الواحد طلع عندو شي ينسرق منو (و مشان حقوق الملكية هالاستنتاج مو من عندي انما ملطوش)

بدها طولة بال... و الواحد كل ما يلاقي كتاباتو ملطوشة يفضح الدنيا... غير هيك مافي

[yass]

يييييي اللينك اللي حاططتيه موضوع مسروق لأحمد ... يا ويلي هلأ يكبر راسو و خلقة ألله ما بيتحمّلو


ملاحظة: اللي سجّل باسم غافروش و عم يرد بكل براءة هو أنا

[Marooshe]

لاء وشو هالأخت مو معزبة حالها حتى بتغيير العناوين !

وموضوع أحمد سارقتو تازة .. لسا ما لحق يتهنى فيو الصبي ..




يلا عيش ابو حميد .. افكارك صارت تنسرق يابا

[personita]

كاتب النص الأصلي : yass

مية بالمية ما فينو...

كبريات شركات الانتاج و التوزيع و دور الطباعة عم يخسرو ملايين و فوقها عم يحطو ملايين تانية لمحاولات ضبط هالشغلة و كلها محاولات فاشلة (و هدول مسجلين حقوق الملكية و دافعين حقها بلاوي, فما بالك باللي مو مسجّل)

الكاتب الرقمي بالعادة هاوي أو شبه محترف ع قد حالو, و يعني ما بايدو شي (عملياً) غير انو يلاقي هالناس و يفضحون بدلالة انو منشور عندو بوقت سابق.. و في محاولات مشان حفظ الحقوق الجزئية تبع انو تسجّل عند جهة و هالجهة مافيها تمنع النقل و لكن تطالب بذكر المصدر (أنا مسجّل فيها مدوّنتي, كرياتيف كومونس اسمها), لكن عملياً هالحكي كلو غير مجدي... لأنو مافي طريقة لضبط الانترنت.

ياس، بشكرك كتير على المعلومات، ممكن تشرح لي أكثر عن هاي الطريقة في حفظ الحقوق و لو جزئيا؟ أقصد شو هي ها الجهات: مؤسسات؟ مواقع خاصة؟ مجانية أو لازم تدفع عليها، إلخ..

أنا واحد من الناس أفخر انو انسرقو كتاباتي ( مرة مقالة جاهزة و كاملة, و راح الحمار نزّلها بمنتدى يملكو أحد أقربائي, و أغلب الأحيان مقاطع و عبارات هيك بلاقيها) و بقول أفخر لأنو يعني منيح الواحد طلع عندو شي ينسرق منو (و مشان حقوق الملكية هالاستنتاج مو من عندي انما ملطوش)

بدها طولة بال... و الواحد كل ما يلاقي كتاباتو ملطوشة يفضح الدنيا... غير هيك مافي

انو شو ها العبقري اللي سارق منك و مخبي السرقة في دارك! أنا كمان لقيت أجزاء و متفرقات، بس بيني و بينك ما حبيت، يروحو يكتبو شي من عندون!!!

[personita]

كاتب النص الأصلي : yass

يييييي اللينك اللي حاططتيه موضوع مسروق لأحمد ... يا ويلي هلأ يكبر راسو و خلقة ألله ما بيتحمّلو


ملاحظة: اللي سجّل باسم غافروش و عم يرد بكل براءة هو أنا

جميلة جداً... فعلاً... هل هي من كتاباتك؟ ممتاز جداً لأنها تكاد تبدو احترافية..
بانتظار جديدك دوماً
تحية

هلا منشوف شو بترد "الكاتبة المحترفة"

هذا اللينك بيشمل جميع المواضيع المدرجة و اللي نصها من أخوية:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[أإأبو العبد]

طيب حد يفوت يرد عليها يعني والله هالموضوع حرام ينلطش هيك لطشة والي لاطشو بدون مايعزب حالو عمينشكر وعمينسب الو هالموضوع
يعني حرام الموضوع متعوب عليه
خلينا ننطر احمد بما انو هاد موضوعو

[yass]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هاي من مدونة أبو طوني (و حتى الصورة منزلتها هيي هيي)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هاي من مدوّنة مداد (و الشب عضو هون بأخوية و كمان بينزّل)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و هاي من أخوية (آسف ما بتذكّر مين كاتبها)

هدول هيك من أول صفحتين لنفس الكاتبة

انو ما بعرف... معقول يكون قسم مخصص للنقل و عم ينسو يحطو المصادر؟ لأنو مو معقول اذا لطش تكون بهالوقاحة.. لك موضوع مداد عبارة عن مذكّرات يعني مين يلطش مذكرات؟

[yass]

كاتب النص الأصلي : أإأبو العبد

طيب حد يفوت يرد عليها يعني والله هالموضوع حرام ينلطش هيك لطشة والي لاطشو بدون مايعزب حالو عمينشكر وعمينسب الو هالموضوع
يعني حرام الموضوع متعوب عليه
خلينا ننطر احمد بما انو هاد موضوعو

طولو بالكون لا حدا يفوت يرد, بدي خليها هي لحالها تقول انو ملطوش


خليني اتسلى شوي

[متمردة]

أحسن شي التطنيش
وإذا حدا في عندو شغلة كاتبها وغالية عليه كتير ، يفضل ما يحطها عالانترنت .
بالنهاية الهدف من الكتابة هو التفريغ والاستمتاع وتبادل الأفكار
والباقي كلو للمهملات

[yass]

ياس، بشكرك كتير على المعلومات، ممكن تشرح لي أكثر عن هاي الطريقة في حفظ الحقوق و لو جزئيا؟ أقصد شو هي ها الجهات: مؤسسات؟ مواقع خاصة؟ مجانية أو لازم تدفع عليها، إلخ..

الكرياتيف كومونز صايرة متل اتفاقية بتحفظ "حكي بحكي" مضمون مواقع معيّنة تسجل فيها و يعني تكون متل تحذير انو معليه تنقل و لكن لازم تقول المصدر


ما تتسجل نصوص بحد ذاتها و انما مواقع كاملة, و فيكي تشوفيه بهالرابط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[أإأبو العبد]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هي لمجنون يحكي وعاقل يسمع ناقلتو بنفس الخط واللون كمان

[personita]

كاتب النص الأصلي : yass

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هاي من مدونة أبو طوني (و حتى الصورة منزلتها هيي هيي)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

هاي من مدوّنة مداد (و الشب عضو هون بأخوية و كمان بينزّل)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و هاي من أخوية (آسف ما بتذكّر مين كاتبها)

هدول هيك من أول صفحتين لنفس الكاتبة

انو ما بعرف... معقول يكون قسم مخصص للنقل و عم ينسو يحطو المصادر؟ لأنو مو معقول اذا لطش تكون بهالوقاحة.. لك موضوع مداد عبارة عن مذكّرات يعني مين يلطش مذكرات؟

مش حاطين شي بأعراف الكتابة، و في التعريف بالقسم كاتبين:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

شعر, نثر, قصة قصيرة.. أنشر كتاباتك رقمياً


يعني القسم مخصص مش للملطوشات و إنما للإبداع و النشر الرقمي!

[yass]

كاتب النص الأصلي : متمردة

أحسن شي التطنيش
وإذا حدا في عندو شغلة كاتبها وغالية عليه كتير ، يفضل ما يحطها عالانترنت .
بالنهاية الهدف من الكتابة هو التفريغ والاستمتاع وتبادل الأفكار
والباقي كلو للمهملات

بصراحة أنا بكتب كتير و كل شي بتكتبو غالي عليي. و غالي لأنو الناس يقروه...

انو ينلطش... مبروك عليهون ...

بس أكيد لما واحد يكون تعبان ع شغلة و عندو قصد ربحي (مشروع جداً طبعاً لأنو هذا جهدو) يجي حدا يلطشو.. فعلاً مزعجة, بهالحالة فعلاً لازم ما يرفعو عالنت قبل ما ينشرو مقابل القيمة

[باشق مجروح]

انو كمان في مرات مواضيع حصرية بتخص اغاني محددة . كاملة بتنسرق ولكتير مواقع . يعني بيكون الواحد كتير متغلب فيها وتعبان وبيلاقيها منسوخة ومنسوبة لأسماء اخرى بتتلقى التحيات والشكر .
انو مرات شي كتير بيدايق.
او موضوع مطروح للنقاش منظم بطريقة محددة ومزبط بينسرق بحرفيتو لمواقع تانية . ومتل ما حطيتو أمثلة ع الاقسام الادبية كمان.
اكيد ما في حل . ما في غير الواحد يتدايق وبس .

[باشق مجروح]

لأ وياسين عامل حالو غافروش لسه
و قال تبدو احترافيه

[أإأبو العبد]

دمشق هي

يعني انا تنرفزت والمواضيع مو الي كيف لو لاطشتلي شي موضوع

[personita]

كاتب النص الأصلي : yass

الكرياتيف كومونز صايرة متل اتفاقية بتحفظ "حكي بحكي" مضمون مواقع معيّنة تسجل فيها و يعني تكون متل تحذير انو معليه تنقل و لكن لازم تقول المصدر


ما تتسجل نصوص بحد ذاتها و انما مواقع كاملة, و فيكي تشوفيه بهالرابط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

Eres un sol!