أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > صحة > صـــحة

إضافة موضوع جديد  إضافة رد
 
أدوات الموضوع
قديم 14/04/2008   #1
صبيّة و ست الصبايا بيرلا
شبه عضو
-- اخ حرٍك --
 
الصورة الرمزية لـ بيرلا
بيرلا is offline
 
نورنا ب:
Mar 2008
المطرح:
الشام
مشاركات:
33

افتراضي الأكل النيي


بتعرفوا أنو الأكل الني صحي كتير

انا من الناس يلي باكل كتير شغلات ني سواء خضرا أو لحومات أو أسماك.. مثلا السلمون طيب كتير ني ومفيد جدا،، الستيك كمان مفيد ني،، الكبدة النية والحطال الني والسودا النية الخ.... بالاضافة انو نسبة الدهون والكاربوهيدرات يلي فيها بتكون أقل من لما بتنطبخ

الجاج ما بيتاكل ني أبدا، رغم انو في طرق بينعمل فيها مع بهارات وبيتاكل ني وأنا باكلو بس ما بنصح فيه يلي مو متعود على أكل الني

ما بعرف مين منكون مجرب أو بيعرف د. أتكينز دايت،، هاد الدايت أساسو عدم أكل الكاربوهيدرات يلي بتكون موجودة بأغلب الفواكه والخضرا واللبن والحليب والبقوليات والرز والباستا والخبز... اعتماد هالدايت بيكون أكتر ع الدهون يعني جبنة، لحومات بأنواعا، بيض، كريما، اسماك... أنا جربت هالريجيم ونزلت عليه أربعة كيلو خلال اسبوعين... طبعا لازم تتبعو بحذافيرو خلال الاسبوعين الأولانيات لحتى ينزل وزنك وبعدين بتقدر تصير تاكل كاربوهيدرات بس بكميات محدودة
  رد مع اقتباس
قديم 14/04/2008   #2
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


اقتباس:
كاتب النص الأصلي : بيرلا عرض المشاركة
بتعرفوا أنو الأكل الني صحي كتير

انا من الناس يلي باكل كتير شغلات ني سواء خضرا أو لحومات أو أسماك.. مثلا السلمون طيب كتير ني ومفيد جدا،، الستيك كمان مفيد ني،، الكبدة النية والحطال الني والسودا النية الخ.... بالاضافة انو نسبة الدهون والكاربوهيدرات يلي فيها بتكون أقل من لما بتنطبخ

الجاج ما بيتاكل ني أبدا، رغم انو في طرق بينعمل فيها مع بهارات وبيتاكل ني وأنا باكلو بس ما بنصح فيه يلي مو متعود على أكل الني

ما بعرف مين منكون مجرب أو بيعرف د. أتكينز دايت،، هاد الدايت أساسو عدم أكل الكاربوهيدرات يلي بتكون موجودة بأغلب الفواكه والخضرا واللبن والحليب والبقوليات والرز والباستا والخبز... اعتماد هالدايت بيكون أكتر ع الدهون يعني جبنة، لحومات بأنواعا، بيض، كريما، اسماك... أنا جربت هالريجيم ونزلت عليه أربعة كيلو خلال اسبوعين... طبعا لازم تتبعو بحذافيرو خلال الاسبوعين الأولانيات لحتى ينزل وزنك وبعدين بتقدر تصير تاكل كاربوهيدرات بس بكميات محدودة

كيف بتزداد الدهون بالطبخ؟انا علي علمي ان يمكن بالطبخ ان ينتقل من حالة لحالة تانية بس ان يزداد مافهمتها
ثم شو المسبب الحقيقي لزيادة الوزن غير الكربوهيدرات وشو الاليه الي بيفوت فيها هالعامل ليزيد وزن الشخص
يسلمو كتير علي موضوعك ومتمني ردود علي اسالتي
اممي

اسكر اسكر اسكر...فهذا العالم مملوء بالليل
  رد مع اقتباس
قديم 14/04/2008   #3
صبيّة و ست الصبايا بيرلا
شبه عضو
-- اخ حرٍك --
 
الصورة الرمزية لـ بيرلا
بيرلا is offline
 
نورنا ب:
Mar 2008
المطرح:
الشام
مشاركات:
33

افتراضي


في عدة أسباب بتزيد الدهون لما منطبخ الأكل..مثلا اللحمة لما منطبخا، السكريات يلي فيها مع البروتينات بتتفاعل بالحرارة مع بعضا وبتشكل شي أشبه بدهون مركزة موجودة أصلا بالأكلة يلي عم نطبخها بس بمعدل بسيط بس لما بتتعرض للحرارة بتتفاعل وبيصير تركيزها أعلى
كمان نقطة تانية أنو الآوكسجين يلي بيكون بالأكلة كمان بيختفي وقت بتنطبخ مشان هيك بتشوف قطعة اللحمة او بتتقلص وقت منطبخا لأنو الأوكسجين والمي بيطلعو منها فكمان هون بيصير تركيز الدهون أكتر.
في باللحوم كمان مواد تانية متل الكولاجين ، متل اللحم الأحمر، كمان الجيلاتين وقت بينطبخ بيتحول لجيلاتين يلي هو دهن.
غير هيك الطبخ الطبيعي بيستوجب مثلا تطبخ هاللحمة بالزيت أو السمنة أو تقليها بالزبدة أو حتى بالمي مع البهارات وممكن تضيف خضرا يلي بتحوي كمية كبيرة من الكاربوهيدرات.. وهيك بتكون كمان عم تزيد كمية الدهون متل الموجودة بالزبدة والسمنة ع الأكلة

هلئ مثلا الحيوانات ما بتاكل أكل مطبوخ، واكلها نيي طيب ليش ما بيموتوا أو بيمرضوا؟

أما بالنسبة للمسبب الحقيقي لزيادة الوزن غير الكربوهيدرات يلي هي سبب أساسي، في عدة أسباب:

أول شي انو في ناس ما بتاكل بمواعيد منظمة وانما بتاكل مرة وحدة بالنهار وبكميات كبيرة، يعني فجأة جسمون عم يفوت عليه كمية دهون وكربوهيدرات أكتر مما لازم.

تاني شي نوعية الأكل، يعني في ناس بتفكر انو السلطة بتنحف، فبتلاقيون بياكلوها بشكل كبير على أساس أنها خضرا وما فيها دهون،، ونفس الشي بيعملو مع الفواكه المليانة سكريات وطبعا الاتنين فيون كربوهيدرات بشكل كبير كتير وبالتالي وزنون ما بينقص بنوب

وفي أكل نسبة الدهون فيه كبيرة كتير يعني حتى اذا ما كان في كاربوهيدرات، بس ممكن الشخص ياكلو بكميات كبيرة كتير، مثل الجبنة مثلا او البيض وبالتالي وزنون ما بينقص وبيزيد

اكتر سبب كمان لزيادة الوزن المشروبات الغازية، السوفت درينك، حتى اذا كان دايت،، بس بيضل في سكريات بأسماء تانية متل الأسبراتام وكل شي بينتهي بـ ose متل الكلوكوز مثلا يلي بيستعملون كبدائل عن السكر بس هنن بالحقيقة سكريات مصنعة

القهوة بتساهم بشكل كبير بتبطيئ حالة نقص الوزن حتى اذا كان الشخص عامل ريجيم صحيح، لأنو الكافيين الموجود بالقهوة بيخلي عملية حرق الدهون بطيئة وكل ما شربنا قهوة أكتر كل ما نقصت وخفت كتير عملية حرق الدهون، مشان هيك يلي ما بيقدر يعيش بدون قهوة الأفضل انو يشرب نسكافة بدون كافيين وطبعا ما يحط معو لا سكر ولا حليب.

ما بعرف اذا جاوبت ع السؤال بس حسيت اني لعيت كتير وكأني طلعت عن الموضوع؟؟
  رد مع اقتباس
قديم 14/04/2008   #4
شب و شيخ الشباب اممي
عضو
-- مستشــــــــــار --
 
الصورة الرمزية لـ اممي
اممي is offline
 
نورنا ب:
Jul 2006
المطرح:
اختزلت العالم فيكي...سوريا
مشاركات:
2,448

افتراضي


اقتباس:
كاتب النص الأصلي : بيرلا عرض المشاركة
في عدة أسباب بتزيد الدهون لما منطبخ الأكل..مثلا اللحمة لما منطبخا، السكريات يلي فيها مع البروتينات بتتفاعل بالحرارة مع بعضا وبتشكل شي أشبه بدهون مركزة موجودة أصلا بالأكلة يلي عم نطبخها بس بمعدل بسيط بس لما بتتعرض للحرارة بتتفاعل وبيصير تركيزها أعلى

في باللحوم كمان مواد تانية متل الكولاجين ، متل اللحم الأحمر، كمان الجيلاتين وقت بينطبخ بيتحول لجيلاتين يلي هو دهن.
.

تاني شي نوعية الأكل، يعني في ناس بتفكر انو السلطة بتنحف، فبتلاقيون بياكلوها بشكل كبير على أساس أنها خضرا وما فيها دهون،، ونفس الشي بيعملو مع الفواكه المليانة سكريات وطبعا الاتنين فيون كربوهيدرات بشكل كبير كتير وبالتالي وزنون ما بينقص بنوب
؟؟
انا حسب مادرست فبذكر ان الدهون هيه عبارة عن بنية غليسرين مرتبط بحموض كربوكسيلية من 3 ايدينات
واعتمادا ان السكاركر (الكربوهيدرات) وان البروتينات هيه خموض امينية مرتبطة بروابط ببتيدية فما بعرف كيف يمكن ان يصير تفاعل تشكيل دهون بين الاثنين (اذا عندك المعادلة او المرجع الي عم تعتمدي عليه ياريت بتفيديني فيه)

الجيلاتين حسب ما صنعنا بالمخبر كان عبارة عن نتاج عضمي وبالتالي من وين بيجي الدهن فيه؟

السلطة مكونها الاساسي هوه السيليلوز والي هوه مابينهضم بمعدة الانسان منشان هيك بيطلع متل مابيفوت


انا هاي المعلومات الي بعرفها وبتمني منك ان تعطيني المراجع الي عم تعتمدي عليها
يسلمن عزيزتي
  رد مع اقتباس
قديم 14/04/2008   #5
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


شو مشان

يعني شكرا على الموضوع بس انو ممكن نتقبل اشياء كتيرة ناكلها نيه بس اللحم ؟؟؟

ياستي اللحم الأحمر مقبول اكتر من السمك يلي فيه زنخة البحر

لا تـــحــــزن لأن الحزن يزعجك من الماضي
ويخوفك من المستقبل ويذهب عليك يومك
لا تحزن لان الحزن يقبض له القلب
ويعبس له الوجه وتنطفي منه الروح
ويتلاشى معه الأمل لان الحزن يسرُّ العدو
ويغيظ الصديق ويُشمت بك الحاسد
ويغيِّر عليك الحقائق
سعود الشريم
  رد مع اقتباس
قديم 14/04/2008   #6
شب و شيخ الشباب wwq
عضو
-- قبضاي --
 
الصورة الرمزية لـ wwq
wwq is offline
 
نورنا ب:
Apr 2005
المطرح:
lattakia
مشاركات:
406

إرسال خطاب ICQ إلى wwq
افتراضي


بيرلا من المحتمل انو ينقص وزنك اذا كنتي عم تاكلي الحم ني
لأن الامتصاص بكون كتير قليل بلنسبه للحم الني

شكرا لطرحك تجربتك الشخصيه
  رد مع اقتباس
قديم 14/04/2008   #7
صبيّة و ست الصبايا whiterose
عضو
-- مستشــــــــــار --
 
الصورة الرمزية لـ whiterose
whiterose is offline
 
نورنا ب:
Aug 2005
مشاركات:
4,570

افتراضي


اتذكرت شغلة انو اللحم الني يزيد ويرفع نسبة الأصابة بالدود بشكل عام والدودة الوحيدة بشكل خاص
  رد مع اقتباس
قديم 14/04/2008   #8
صبيّة و ست الصبايا blueriver
شبه عضو
-- اخ حرٍك --
 
الصورة الرمزية لـ blueriver
blueriver is offline
 
نورنا ب:
Jun 2007
مشاركات:
68

افتراضي


وكيف حتموت الجراثيم اللي باللحمة انا مستحيييل اجربها يعني واحنا زغار كنا ناكل بطاطا نية نحبها بس يعني قطعة زغيرة بس لحمة او سمك صعب
وشكرا عالموضوع

بلادي وان جارت علي عزيزة
وأهلي وان ضنوا علي كرام
  رد مع اقتباس
قديم 14/04/2008   #9
شب و شيخ الشباب wwq
عضو
-- قبضاي --
 
الصورة الرمزية لـ wwq
wwq is offline
 
نورنا ب:
Apr 2005
المطرح:
lattakia
مشاركات:
406

إرسال خطاب ICQ إلى wwq
افتراضي


اقتباس:
اتذكرت شغلة انو اللحم الني يزيد ويرفع نسبة الأصابة بالدود بشكل عام والدودة الوحيدة بشكل خاص
مزبوط متل ما عم تحكي بس بسوريا مشهوره الكبه النيه و الناس عم تاكلا عادي
و الدوده الوحيده بتكون بلحم البقر و لحم البقر ما بيتاكل ني لأنو قاسي متل الكوشوك
بس من شان الدود بشكل عام بكون موجود بلحم الني ما في مجال عدا الكبد و الطحا
  رد مع اقتباس
قديم 18/04/2008   #10
صبيّة و ست الصبايا وشم الجمال
عضو
-- مستشــــــــــار --
 
الصورة الرمزية لـ وشم الجمال
وشم الجمال is offline
 
نورنا ب:
Aug 2007
المطرح:
جبين الشمس
مشاركات:
4,561

افتراضي


انا بصراحة كل يللي سبق استحالة سويه لانو الاكل ولما ينطبخ دوبني اكله وكيف اذا كان ني؟؟؟

لك الطحال والكبدة ما باكلهم مطبوخين واذا غلطت واكلت بتضل معدتي توجعني فكيف اذا اكلتهم نيين؟؟؟

الجاج والسمك باكلهم طبعا بس اكيد مطبوخين....

هلأ يللي ذكرتيه انو كفائدة صحية والا لتجنب السمنة؟؟؟اذا منشان السمنة فانا بتمنى تمدينا بطريقة لازيد وزني.... لانو بصراحة بحب اسمن وما بحب انحف...

ومشكورة عالموضوع وتساؤلات اممي كتير عقلانيين بس في كتير نقاط ذكرتيهم واخدنا عكسها...

ومشكورة عزيزتي عالموضوع

تباً إننا جيل كامل من الانتظار .. متى نفرغ من الصبر .. و من مضغ الهواء ..


اتعرى من الجميع كي أجدني,,,,
فأضيع !!!!

حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح!
  رد مع اقتباس
قديم 18/04/2008   #11
صبيّة و ست الصبايا بيرلا
شبه عضو
-- اخ حرٍك --
 
الصورة الرمزية لـ بيرلا
بيرلا is offline
 
نورنا ب:
Mar 2008
المطرح:
الشام
مشاركات:
33

افتراضي


اقتباس:
كاتب النص الأصلي : اممي عرض المشاركة
انا حسب مادرست فبذكر ان الدهون هيه عبارة عن بنية غليسرين مرتبط بحموض كربوكسيلية من 3 ايدينات
واعتمادا ان السكاركر (الكربوهيدرات) وان البروتينات هيه خموض امينية مرتبطة بروابط ببتيدية فما بعرف كيف يمكن ان يصير تفاعل تشكيل دهون بين الاثنين (اذا عندك المعادلة او المرجع الي عم تعتمدي عليه ياريت بتفيديني فيه)

الجيلاتين حسب ما صنعنا بالمخبر كان عبارة عن نتاج عضمي وبالتالي من وين بيجي الدهن فيه؟

السلطة مكونها الاساسي هوه السيليلوز والي هوه مابينهضم بمعدة الانسان منشان هيك بيطلع متل مابيفوت


انا هاي المعلومات الي بعرفها وبتمني منك ان تعطيني المراجع الي عم تعتمدي عليها
يسلمن عزيزتي
هلئ لما بيرتبط السكر مع البروتين بواسطة تفاعل كيماوي، بيصير في تغيير كيماوي بمبنى البروتين، فلما بتضرر هالبروتينات بسبب هالتفاعلات، يلي بتصير بمساعدة الانزيمات يلي بجسمنا، هون بيصير في مشكلة بتسب بتصلب البروتينات وتحولها لمادة صلبة صعب الجسم يتخلص منها، يعني بتصير كدهون موجودة داخل الجسم.. مثلا لما الجلوكوز بيرتبط بموقع ما في جزيئ البروتين كريستالين، البروتينات يلي ارتبطت فيا السكريات بتصير ترتبط ببعض بشكل متصالب وبالتالي بتفقد مروتنا وبتتصلب وبيصير صعب التخلص منها


بالنسبة للكولاجين، اذا بتلاحظ لما بتطبخ لحمة أو جاج الخ،، فبتلاحظ بس يبرد أنو صار في طبقة متل الجيلاتين عليه،، هي الطبقة هي طبقة دهن... يعني الكولاجين الموجود باللحم بيتحول لمادة دهنية وقت بيتعرض للحرارة (أنا عطيت كلمة الجيلاتين كتشبيه لشكل الكولاجين باللحومات لما بتنتطبخ وتبرد مشان وصل الفكرة)

بالنسبة للسلطة، الكثير من الخضرا بتحوي على السكريات يلي كترتها بشكل كبير بتزيد الوزن فيما عدا عن بعض الألياف الموجودة ببعض أنواع الخضرا يلي صعب هضمها بس ما بتتحول لدهون داخل الجسم بالطريقة والسرعة يلي بتتحول فيها السكريات.
  رد مع اقتباس
قديم 18/04/2008   #12
صبيّة و ست الصبايا بيرلا
شبه عضو
-- اخ حرٍك --
 
الصورة الرمزية لـ بيرلا
بيرلا is offline
 
نورنا ب:
Mar 2008
المطرح:
الشام
مشاركات:
33

افتراضي


اقتباس:
كاتب النص الأصلي : blueriver عرض المشاركة
وكيف حتموت الجراثيم اللي باللحمة انا مستحيييل اجربها يعني واحنا زغار كنا ناكل بطاطا نية نحبها بس يعني قطعة زغيرة بس لحمة او سمك صعب
وشكرا عالموضوع
اللحم المفرز ما بيكون فيه جراثيم، كمان نسبة الجراثيم بالأسماك قليلة كتير مشان بتلاقي اليابانيين بياكلوا سمك نيي متل السوشي... بصراحة أنا السمك الني والكبدة النية والطحال والقلب والستيك والمأكولات البحرية ما باكلها غير نية
  رد مع اقتباس
قديم 18/04/2008   #13
صبيّة و ست الصبايا بيرلا
شبه عضو
-- اخ حرٍك --
 
الصورة الرمزية لـ بيرلا
بيرلا is offline
 
نورنا ب:
Mar 2008
المطرح:
الشام
مشاركات:
33

افتراضي


اقتباس:
كاتب النص الأصلي : وشم الجمال عرض المشاركة
انا بصراحة كل يللي سبق استحالة سويه لانو الاكل ولما ينطبخ دوبني اكله وكيف اذا كان ني؟؟؟

لك الطحال والكبدة ما باكلهم مطبوخين واذا غلطت واكلت بتضل معدتي توجعني فكيف اذا اكلتهم نيين؟؟؟

الجاج والسمك باكلهم طبعا بس اكيد مطبوخين....

هلأ يللي ذكرتيه انو كفائدة صحية والا لتجنب السمنة؟؟؟اذا منشان السمنة فانا بتمنى تمدينا بطريقة لازيد وزني.... لانو بصراحة بحب اسمن وما بحب انحف...

ومشكورة عالموضوع وتساؤلات اممي كتير عقلانيين بس في كتير نقاط ذكرتيهم واخدنا عكسها...

ومشكورة عزيزتي عالموضوع
بيقول المثل كل ما تشتهيه نفسك والبس ما يشتهيه الناس،،، بس معك حق لأنو حتى أهلي بيجنوا مني على هالعادة،،، بالنسبة لأممي جاوبتو على أسئلتو
بالنسبة كيف ممكن تسمن.. يا سيدي من تجربة شخصية صارت مع اختي،، كانت نحيفة كتير بعدين صارت تاكل طبخ المسا، أغلبو رز وباستا... بالاضافة للحلو.... وهيك زاد وزنها،،،، بقا جرب تصير تاكل طبخ المسا وشوف كيف بتصير بدك طريقة لتنزيل الوزن
  رد مع اقتباس
قديم 19/04/2008   #14
شب و شيخ الشباب khalkhool
عضو
-- أخ لهلوب --
 
الصورة الرمزية لـ khalkhool
khalkhool is offline
 
نورنا ب:
Dec 2006
المطرح:
للأسف, ببلد بيحكي عربي!
مشاركات:
310

افتراضي


موضوع الأكل الني, أنا يلي بعرفو انو مصيبة صحية خصوصا السودة والطحال لأنو كل الجراثيم والدود بيكونو فيهون, بس ممكن تخفيف هاد الضرر بوضع اللحم الطازج (مدبوح حديثا) بالبراد 24 ساعة قبل تناوله.

هلأ مشكلة اللحمة النية أنا عندي ياها, أنا السقف والكباب باكلها نية , يعني باكول ني عالمنقل أكتر من المشوي وطبعا الهبرة النية والكبة والسودة النيّة هنن غرامي!!!

المشكلة أنهن بيعملو دود وتسمم ومدري شو, بس يعني, مرتين بالشهر ما بيئزو, مو؟
هلأ موضوع الفائدة بالريجيم, مابعرف, بس فكرة انو امتصاص الغذاء بتكون أقل وقت بيكون اللحم ني هي صحيحة لأني سألت دكتورة تغذية عنها (هيه نفسها يلي منعتني من أكل اللحمة النية)

موضوع السمك, السمك الني (المقدد) مافيو زنخة’ فا فيكون تاكلو متل مابكون, أما السومو والسلمون وهدول الشغلات, فما عندكون حل إذا بتقرفو من الزنخة إلا انكون تبعدو عن هاد النوع من الأكل. ولو إني بحبو كتير كتير كتير,
واللي جعبالو مائدة مفتوحة فاخرة من الأسماك والمأكولات البحرية النيّة, شغلة موموجودة بسوريا إلا بمكان واحد, الفور سيزنز بيعمل بوفيه أوفير Buffe Ouvere يوم الجمعة, بس مابتذكر بأي مطعم! طبعا بيطلع عالشخص شي 2000 ليرة (مشان ماحدا يستغرب أو ينجلط بس يطلب الحساب )

يا شارب الخمر من القطرميزي.... ان عِشْتَ عِشْتَ,, و إن مُتَّ لـ*ـيزي

Never underestimate stupid people in LARGE GROUPS!

إلى أن يعود معتقلوا الرأي... تصبحون على وطن!
  رد مع اقتباس
قديم 19/04/2008   #15
صبيّة و ست الصبايا RAND2
عضو
-- أخ لهلوب --
 
الصورة الرمزية لـ RAND2
RAND2 is offline
 
نورنا ب:
Dec 2007
مشاركات:
266

افتراضي


هوي فعلا اغلب الحكي عن الاكل النيئ الو فائدة
بس الي بيقدر ياكل مو كل الناس بتقدر تاكل
بمعنى هي نفس ومابتحب
مشكورة
  رد مع اقتباس
قديم 16/05/2008   #16
صبيّة و ست الصبايا المصروايه
عضو
-- أخ لهلوب --
 
الصورة الرمزية لـ المصروايه
المصروايه is offline
 
نورنا ب:
Apr 2008
المطرح:
ام الدنيا
مشاركات:
119

افتراضي


كلام صحيح بس البيض اللي بنسميه (عين) الصفار بيكون ني وقالو انه ضار ومش كويس

انا مش ممكن مهما جرالي هقبل اعيش غير بس معاك
  رد مع اقتباس
قديم 18/06/2008   #17
صبيّة و ست الصبايا موجه بحر
عضو
-- زعيـــــــم --
 
الصورة الرمزية لـ موجه بحر
موجه بحر is offline
 
نورنا ب:
Mar 2008
المطرح:
عم بتسابق اناوالموجات مين بيوصل الزبدعالشط قبل التاني
مشاركات:
887

افتراضي


اععععع شو اكل ني ما ني
مستحيل دوئو

بعشقك يا بحر
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 00:45 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13913 seconds with 14 queries