|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
06/11/2006
|
#19 | ||||||
|
أميـــــــــ
|
شيوخنا الافاضل
السلام لجميعكم، بل و لمفردكم ايضا سؤال تاني عن الصوم، هل ازا ما صمت، لا الاربعا و لا التنين... لا ع السمك و لا عن الحشيش، هل سأدخل جهنم حكما مؤبدا و بئس المصير؟؟
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش .. حش الحشائش في حشيش محشش .. حشاش يا أخا الحشيش .. حشش على تحشيش محششنا القديم .. سوريا الله حاميا jesus i trust in you |
||||||
|
|
06/11/2006
|
#20 | ||||||
|
أميـــــــــ
|
اما بخصوص الحشيش، يللي فتانا شيخنا الموقر تايـ(ـقـ)ـر و افادنا بأنه غير مسموح، من دون ما يكلف خاطرو و يشرحلنا ليش.. هيك ممنوع يعني ممنوع، ممنوع تحشش ممنوع، المفروض تزمر ع الكوع
يسوع بجلالة قدرو قعد يشرحلنا ليش، و ياخدنا على قد عقلنا و يعطينا امثال و عظات ع الجبال مشان نفهم ليش و هوي (ضمير رفع منفصل يعود إلى الشيخ تايـ(ـقـ)ـر الموقر) افادنا انو (ممنوع يعني ممنوع، و كلمة تانية بحبسك ببيت الفيران) بس كحلها بالاخير و ربط كلمة "مسيحية" بكلمة "حرية" .. و انا لازم ابلعها.. يا شيخي ... انا افهم كيف، و لكن لم افهم لماذا هل لأنو الحشيش يذهب العقل فرضا؟ و كذلك يفعل خمر الكروم الذي تتناولونه هل لأنو الحشيش بيضر بالصحة جدلا؟ و كذلك تفعل السيجارة (و حطها من ايدك قبل ما تجاوب) افتونا يا جماعة |
||||||
|
|
|
06/11/2006
|
#21 | ||||||
|
مشرف
  |
صيام شو
رمضان خلص ياشباب 
اللــي طــــالع الجحش ع المأدنة .. بنزلـــو
|
||||||
|
|
|
06/11/2006
|
#23 | |||||||
|
مشرف متقاعد
|
اقتباس:
بس ما عرفت ليش حضرتك أنحمقت لهل الدرجة و ما بعرف شو يلي ولد عندك كل ردة هل الفعل بس حابب أسألك سؤال صغير كتير حضرتك مسيحي شي؟ اذا كان جوابك اي حابب اعرف منك شو بتعرف عن مسيحتك و اذا لاء بتمنى تهتم بأمور دينك و نظام صيامك المتبع و تترك لكل دين حرية تحديد الصوم بالشكل يلي بيناسب تعاليمو و الشغلة ما بدا فتوى بدا منك شوية ثقافة لا أكتر و لا اقل مع كل حبي و احترامي لشخصك لكريم  |
|||||||
|
|
|
06/11/2006
|
#24 | ||||||
|
أميـــــــــ
|
العفو منك سيد شوكوزولو
اولا انا ما انحمقت، بالعكس رايق كتير كتير، طالما عم تحكوني بلغة مفهومة تانيا: ممكن تخبرني شو بيفرق جوابك ازا كنت مسيحي او لا؟ اما بخصوص شو بعرف عن المسيحية، فمو هاد موضوع نقاشنا، بتحب ببعتلك برايفت او منناقش هالشي بموضوع مخصص لهالشي و بغض النظر عن ديانتي، انا ما بصوم.. و يللي بعرفو هوي التالي (طالما بدك نحكي ثقافة) نشأت عادة الصوم الكبير لدى شعوب سوريا في الربيع قبل مجيئ المعلم الناصري (يسوع) بآلالف السنين، لهدف اقتصادي بحت ففي هذه الفترة تحديدا (الربيع) تتم ولادة معظم الحيوانات الداجنة كالابقار و الاغنام..ألخ هلأ متل ما بتعرف شعبنا بيحب بطنو كتير، و بيعرف طعمة تمو (ذواق) و بيعرف انو لحم الجدي اطيب من لحم التيس، و لحم العجل اطيب من لحم البقر .. يعني لحم الصغار اطيب من لحم الكبار و لأنو الانسان جشع بطبعو و لأنو شعبنا خاصة كييف و شعارو (اصرف ما في الجيب يأتيك ما في الغيب) فكان اول ما يولدوا هالحيوانات يبلش دبح (حلال الله وكيلك ع الطريقة الموسوية) عدا عن شربو لحليب الحيوانات يللي بيكون ادسم بعد الولادة... و هيك اولا ما بيصفي حليب لحتى يشربوه صغار الحيوانات، و يمكن ما يصفي حيوانات صغار من اساسو .. ازا بدو يستمر بدبحهم و لأنو الانسان نمرود، و ما بييجي بالكلمة الطيبة قاموا اضطروا انو يقولوا انو "الله" امر بالصوم و منعوا اكل المشتقات الحيوانية و لأنو آباء الكنيسة الاوائل اغلبهم يهود، فمشيوا ع الشريعة يللي نقض سبت ربها معلمهم و لأنو التفكير و التحليل المنطقي جريمة ... فما لازم نفكر ليش ... و هي تحديدا مشكلتي (قصدي الليش) و انا شخصيا مبسوط من الصوم الخمسيني الكبير يللي قدر يلبي غاية اقتصادية استراتيجية (اليوم بيقولولها الامن الغذائي) بس في مشكلة زغيرة انو نحنا اليوم عايشين بعصر مزارع تسمين العجول، يللي بتحول العجل بشهر لبقرة كاملة النمو، و المداجن، و المسامك، و فوقهم كلهم برادات و جمادات شي ثابت و شي عم يشحن هاللحمة بقا السبب الاقتصادي من الصوم قد زال اليوم و الانظمة الغذائية المعروفة باسم الريجيم منتشرة كتير و اذا كنت لقيت تفسير منطقي و مقنع لعادة الصوم عند المسيحيين السوريين، فما لقيت اي تفسير مقنع لعادة الصوم عند غيرهم (مشان ما تفكر اني متحامل ع المسيحية) عموما يا ريت تتحلى باخلاق المعلم الناصري و تحقق تعاليمو و خاصة مقولة "ليكن كلامكم نعم نعم، لا لا" ... و تتكرم عليي تجاوبني على استفساراتي |
||||||
|
|
|
06/11/2006
|
#25 | ||||||
|
مشرف
|
شوف يا أخ كريم
الصوم الاربعيني مسيحي مئة بالمئة فيا ريت تبطلوا هذخ العادة مال ربط المسيحية و التقليد الكنسي بالعادات الوثنية البالية ..... بالنسبة للحشيش و المواد المخدرة الاخرى هي محرمة لانها تفقد المرء عقله و تشجعه على حالة من اللا وعي تؤدي بالشخص الى اعمال غير مسؤولة تؤذيه هو و المجتمع ......... و هذا معروف الحرية المسيحية حرية نابعة من منطلق الحرية في الالتزام فانت حر في التقيد بعدم ايذاء الاخرين و الحرية موضوع كبير و الحرية في المسيحية للناس الواعيين ليس للناس غير الواعية لان الحرية بالنسبة لهؤلاء مضرة لهم .......... اذا عندك نساؤلات اخرى يا ريت تسال باسلوب غير ساخر بغض النظر عن عقيدتك او فكرك سلام
أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران
اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟ لن نبق اسرى الماضي ... |
||||||
|
|
|
06/11/2006
|
#26 | ||||||
|
مشرف
|
الصوم هو عبادة روحية
ليس مجرد الانقطاع عن الطعام و من ثم تناول اطعمة بسيطة الصوم ليس دايت ليس ريجيم الصوم الانقطاع عن الطعام للتقرب الى الله اكثر بنسيان الطعام و الشهوات اذا كان في الربيع او في الخريف الصوم هو عبادة روحية و ليس جسدية فقط سلام |
||||||
|
|
|
07/11/2006
|
#27 | |||||||
|
مشرف متقاعد
|
اقتباس:
اما بالنسبة لسؤالك ..... هاي بينك و بين ربك ..... و ما حدا بيعرف !!!! و مافي انسان ممكن يحددلك اذا رح تدخل على الجنة او على النار ...... لانو الرب فقط هو الديان و هو وصانا بـ ( لاتدينوا لكي لا تدانوا ) ...... فبنصحك بشوية صلاة و حديث صغير مع ربك و كلها شوي و بيجيك الجواب .....
في البدء لم يكن اول افعال الله انتشارا نحو الخارج , , بل طي , انقباض .....
في البدء لا بد ان الله انسحب , انطوى , ميسرا بذلك ولادة العالم ..... في البدء كان الكلمة ..... مملكتي ليست من هذا العالم ..... |
|||||||
|
|
|
07/11/2006
|
#28 | |||||||
|
مشرف متقاعد
|
اقتباس:
انت على ما يبدو يا إما ما قرأت شو كتبتلك أو قرئت و بدك تتجاهل المكتوب لسبب لا اعرفه !!!! أنا كتبتلك : بس أكيد ياللي بدو فيه ما يتقيد ..... لأنك حر ...... و أساس المسيحية هي الحرية ...... لا أحد يحاسب أحد ..... الله فقط هو من يحاسب ..... ففيك تعمل ياللي بدك ياه ..... وأنا أكيد ما فتيت لأني كمان كتبتلك : لأنو أكيد هدول مو فتاوى مسيحية لأنه لا يوجد ما يسمى فتاوى مسيحية .... وبالنسبة لسؤالك عن الشرح ..... يعني بديهية و ما بدها شرح !!!! و أي واحد بيعرف بعد اول صاروخ شو بيصير بالإنسان ..... و كم شخص ضيع حياته و كم بيت خرب من ورا هالآفة الاجتماعية المقيتة .... فما بدها حدى يشرحلك ليش و من البديهي إنو المسيحية لا تسمح به ..... متلها متل أغلب المؤسسات الدينية و المدنية اذا مو كلها ... و أكيد مافي مقارنة بينها وبين المشروب أو الدخان ( مع التأكيد على ضررهم ) لإختلاف النتائج .... كيف بدك الايمان المسيحي يوافقك على عادة بتروح عقل الانسان و روحه ..... نحن اجسادنا هياكل للروح القدس , كيف رح يدخل الروح القدس بجسد فاقد الوعي و السيطرة على نفسه ؟؟!!!! برجع و بكرر كلامي .... كل واحد بيقدر ساوي ياللي بدو ياه ما في حدا ( دينيا ) رح يحاسبو غير ربه ...... |
|||||||
|
|
|
07/11/2006
|
#29 | ||||||||||||||
|
أميـــــــــ
|
يعني هي شغلة البعبعة ما بدكم تبطلوها؟
انو لازم خاف هلأ و نام بصباطي ؟ اي ما رح اعملها اقتباس:
العادات الوثنية مش بالية و الشغلة مو بكيفك، يعني مو ازا عليت صوتك و صرخت رح تقنعني عرفت عليي كيف؟ و الصيام الربيعي قبل ما يجي الناصري بآلاف السنين بيتم اتباعو بكل بلاد الشام و العراق و كدليل بسيط .. معلش انا مو شاطر بشغلة الكوبي بيست، بس بذكر انو سألوا يسوع (مكتوبة بانجيل متى يمكن) "ليش تلاميذ يوحنا بيصوموا و تلاميذك ما بيصوموا" .. هلأ ما بيهمنا الجواب، بس الفكرة انو الصيام ع وقت يسوع كان موجود، و قبل يسوع كان موجود اقتباس:
مين جاب سيرة المواد المخدرة من اساسو؟ عفوا منك لمعلوماتك الحشيش ليس مادة مخدرة و سؤالي كان واضح "هل الحشيش ممنوع"؟؟؟ و مشان ما يجي واحد شاطر يقللي "الشغلة بينك و بين ربك"،رح عيد صيغة السؤال انا كحشاش، و انت بتعرف اني حشاش، ازا شفتني بالكنيسة عم صلي، و بوس ايقونات ...الخ من الطقوس الغير بالية، يا ترا الك عند ربي شي؟؟؟؟؟ اقتباس:
يعني بعمرك مو سمعان عن واحد عمل حادث سيارة مثلا لأنو كان سكران؟ بس الخمر .. حلال، ليش؟ لأنو يسوع شرب منو اما الحشيش، اخو ستين محلوشة، لأنو ما انعرف ع وقت الانبياء اقتباس:
طيب طيب و التحشيش ايضا "عبادة روحية" فهو ليس مجرد لف سيغارة او دكها بعد لغمها و تدخينها التحشيش هوي تدخين هالسيغارة "للتقرب من الله اكثر" ما بعرف كيف بدي برهنلك، بس وحياة الله ... انو عم احكي جد اقتباس:
مشان هيك لما حدا يسألك ازا الحشيش مسموح بالمسيحية ... بيكون جوابك "لا تدينوا كي لا تدانوا" لأنو المعلم الناصري فصل بين الروح يللي اثراها و بين الجسد.. يللي تركو لقوانين البشر الوضعية، "اعط ما لله لله، و ما لقيصر لقيصر" اقتباس:
اقتباس:
بس انت بتعرف؟ انا يللي بعرفو، و هالشي شوفة عيني يعني ما حدا قللي، انو بيصير اكتر سعادة، و اكتر هدوء اقتباس:
ليك حبيبي لما حطيت الحشيش حطيتو كمثال... لأنو بعرف اساسا شو ردة فعلكم و لاحظ اني خصصت الحشيش .. مش باقي العقاقير .. الحشيش يا كابتن يصنف ضمن العقاقير المهدئة، فهو مسكن فعال للآلام، و خافض طبيعي للسكر، مهدئ قوي للاعصاب، بل و تزداد اهميته الصحية يوما بعد يوم، مع انفتاح العقل و تخلص العلماء من عقدة "الممنوع" و هي شوية لينكات من عند عمك بي بي سي (موقع رسمي اكتر من الاخوية ازا بدك) يمكن تفيد صحتك
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
و هي من عند عمتك الجزيرة، طبعا ما فيي شيل التحيز هون، بس مش كاتبين غير كل خير (رغم انتقاصهم للمصداقية العلمية .. على الاقل مش متل البي بي سي)
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
ما عم قول انو الحشيش هوي المادة الالهية او هوي ماء الحياة بالتأكيد الو مضارو، لكن قياسا بمضار التبغ العادي و الكحول، الحشيش ممكن نعتبرو مادة ضارة، متلها متل التدخين، او شرب القهوة، او عادة تمليح الطعام الزايدة... يالله بكمل بعدين |
||||||||||||||
|
|
|
08/11/2006
|
#30 | ||||||||
|
مشرف
|
شغلة وحدة ما افهمها
انا اعرف السجاير فيه النيكوتين يعني تخلي الواحد مرتاح مو عصبي!! لان الحشيش اللي هو اقوى من المورفين ولازم يشعر بالراحة النفسية اما انت ما تحشش لو السجاير اللي ايضا فيها نسبة من النيكوتين اللي يريح ايضا و الحشيش اللي عندك مو اصلية! يعني مغشوشة تبع البواخر !  اقتباس:
من زمن آدم كل الديانات الشرقية يصوموا و اليهودي المتدين كان يصوم مرتين في الاسبوع بس انت قلت ان الصيام الاربعيني كان الاراميين و البابليين يصوموه 40 يوم هي نفس الايام اللي صامها موسى النبي و ايليا ايضا السيد المسيح صام 40 يوم و احنا نصوم 40 يوم اما اذا ببابل او اشور او دمشق يصومون بالربيع مل الها علاقة اقتباس:
بس السيجارة اختلفت الاراء حولها اما الحشيش حرام لانه يؤدي بالشخص الى الادمان على المواد المهدئة و تؤدي الى اعمال غير متزنة هل الحشيش يليق بالانسان المؤمن؟؟ **لا تطلع لك شغلة بالنسبة للمورفين اللي يشبه الحشيش هو مادة علمية و استعمالها في الطب مقيد جدا جدا و لا تباع في الصيدليات الا بوصفة طبيب هو كمسكن للالام يشتغل على الجهاز العصبي المركزي مو مثل الادوية المسكنة كالباراسيتامول و الاسبيرين و هو يولد ادمان في حين الادوية المسكنة العادية ما تولد ادمان............... المورفين يستخدم للالام الشديدة كالآلام الناتجة من المراحل المتأخرة للسرطان لكن ما تجي و تحشش و تقلي هو مادة علمية ! العب بعيد !!!!!!!!!!!!!!!! الحشيش يؤدي بالانسان الى الادمان عليه و يمنعه من التفكير و الحش المستمر يفقد الانسان على التركيز قال عبادة قال في النهاية الاسلوب الساخر يفيد للحياة اللي نعيشها لانها متناقضة من كل النواحي اما الله و الايمان فالسخرية لا تجوز لان الله كامل و الديانة تسعى نحو الكمال سلام و لا تزعل |
||||||||
|
|
|
08/11/2006
|
#31 | ||||||
|
مشرف
|
أنو ممكن رووااااااق شو بدكون هلق نحاول نقنعو لكريم يصوم ؟ أوكي بالرواق .. وبالعقل .! المسيح ما شرع ... يعني أنو الأنجيل كلو عبعضو ما فيو واحد تنين تلاتة وساوو وما تساوو .. المسيح ما شرع .. بس الكنيسة اجتمعت ( الكنيسة الأولى من أيام الرسل قصدي ) وعطت بعض التشريعات بس هادا ما بيجعل هالتشريعات منزلة اليوم .. المسيحية تأثرت باليهودية كتير وبالوثنية وما مشكلة أنو نعترف بهالشي ... لأنو المؤمن بيأمن المفروض أنو الله واحد منذ الأزل وأنو اللي اختلف هوي نظرة الأنسان ألو يعني التشابه الكبير بين الميثولوجيا الأغريقية بكتير جوانب منا وبين المسيحية .. أنا بشوفو على أنو محاولة الله للكشف عن نفسو في تلك الفترة أوكي الصوم عادة ليست مسيحية .. بتذكر بكتب الديانة ( اللي ما لا علاقة باللياقة ) كانو يسألونا .. ليش منصوم ؟ على غرار المسيح اللي صام 40 يوم ... أنا كنت ولازلت بشوفو جواب لامنطقي شو رأيكون ننصلب على غرار المسيح مثلا ؟ أنا ما بصوم للأسباب اللي فوق بصوم لأني أأقدر سيطر عجسدي .. بصوم لأني بعتبر الصوم هوي مرحلة أني أتهيأ لشي.. لحدث أنا غيرلي حياتي متل حدث القيامة ... متل ما بتهيأ لشوف حبيبي ... بكون كتير جاهزة .. انا بتهيأ لقيامة المسيح بصوم بحضر قداس أكتر ..بصلي .. أي شي ممكن أعملو هوي فرصة لصير أقرب .. وهي فرصة لعيش شي مشترك مع جماعتي .. ( اللي انا بعتبر اني بنتميلا واللي هية الكنيسة ) هلق في أية لبولس الرسول للأسف ما بتذكر حرفيتا .. بتقول أنو ما بيحقلو للمؤمن الصائم يعير اللي مانو صايم هي كتير مهمة ( لاتدينوا لئلا تدانو ) كتير جوهرية في المسيحية .. ( من كان منكم بلا خطيئة فليرمها بحجر ) المسيح كان عم يدعو أنو ما نحكم عبعض ... اليوم أنت حابب تصوم صوم .. الكنيسة عملتلك طقس وصلوات وترتيبات معينة .. بس ما فيك تدين اللي ما بيصومو وكمان العكس بالعكس كريم ما بيصوم بس حاول أنك تحترم اختلاف اللي بيصوم واللي بيجعلو الصوم شخص أقرب من ربو ... يمكن تكون ما محتاج تصوم .. بس أنا محتاجة .. . أما بخصوص الحشيش والخمر ما بقدر خوض معك بالنقاش .. لأني معلوماتي عن التنين كتير قليلة  يعني أنا طلطميس بهالقصص اللي فيي قلك ياه أنو أنت محبوب من الله كيفما كنت .. محشش ... بتشرب خمر .. بتصوم .. بتصلي .. بتقتل قتلة الله رح يضل بيحبك أنا هيك بعرف ببساطتا ... أنت محبوب وفريد ومهم بعيني الرب ... ( ورجاء للمسيحيين اللي أيمانون أكتر من أيماني بشوي ... ردو عليي برواق ما تاكلوني .. مجرد وجهة نظر )
انك " فقير إلى الآخر " كما هو فقير إليك " وأنك محتاج إلى الآخر ، كما هو محتاج إليك
الأب جورج
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
08/11/2006
|
#32 | ||||||
|
مشرف
|
يا اختي
انت ليش تعقدين الامور انا ما ادين اي احد بس هو دخل و بدا يسخر منا !!! اما تشابه الميثولوجيا الاغريقية بالمسيحة فهذا غير صحيح ابدا السيد المسيح عطانا مثال للحياة الروحية يعني نصلي و نصوم و كل شي بسيط و ما معقد و السيدالمسيح هو نفسه عطا السلطان للرسل لقيادة الشعب ة التشريع فيكي تتتعبي حالك شوي و تدوري لان الايمان لازم يكون شي اساسي و الله يحب الكل بس هل نحن نحب الله ؟؟؟؟ |
||||||
|
|
|
08/11/2006
|
#33 | ||||||||||||
|
مشرف
|
اقتباس:
وما خصني فيا ... يمكن أنا تعودت عأسلوبو لكريم اقتباس:
أنو عن جد ؟ ابتداءا من الحمل المقدس للقيامة كلها أحداث حصلت بالميثولوجيا الأغريقية اقتباس:
الأيمان والرجاء والمحبة وأعظمها المحبة ... اقتباس:
من ورايي ؟؟ أنا ماني ضد التشريع .. بس ثق أنو الصوم مو فريضة وأنو المسيحية دين مرن ... ما عنا منزلات ... المقياس هو المحبة المسيح وقت كان عم يدين عن اليمين واليسار كان الأخر هوي المقياس كنت جائعا فأطعمتوني غريبا سجينا ... ما قلون صمتو وصليتو .. أنا من الناس اللي ما بتقدر تعيش بدون صوم وصلاة .. بشتاق ليسوع يا أخي .. بحتاجو بحياتي .. بس يمكن غيري عم يعيش المحبة بطريقة مختلفة اقتباس:
 بقى هون حطنا الجمال قلتلي شبو كريم ؟ بيتمسخر أنو الجملة اللي فوق شو ؟ تحديد لمستوايي الفكري ؟ بتعرفني شي ؟ لأ  معناتا حاول ما تطلق أحكام عاليمين واليسار مو حلوة يعني .. أطلع مثلا متعبة حالي ومبحبشة ومدورة وتطلع أنت بالخجلة قدام الشباب والصبايا طيب مدام انت هيك من علو وسمو معلوماتك فيك تحترم معلوماتي المتواضعة (مدري ليش مو لابقلي التواضع ) وتقلي وين بدي بحبش ؟وكيف بدي بحبش ؟ ومن مين بدي أتعلم ؟؟ بس عندي شرط واحد أنو المصدر ما يكون متشدد أنا عندي كره للمتشددين اقتباس:
|
||||||||||||
|
|
|
08/11/2006
|
#34 | |||||||
|
مشرف متقاعد
|
اقتباس:
كريم كلامك صحيح منشان الصوم عن الطعام ..... و لكن برأيك هل الصوم ياللي طلبو ربنا هو نفس الصوم ياللي عم تحكي عنه هاللا و ياللي اخترعوه الوثنيين لسبب معيشي بحت ..... الاجابة على السؤل بالتأكيد لا..... المسيح طلب الصوم لكن بالروح قبل ان يكون بالجسد ( لا تهتمو بما للجسد ) ..... وهو ياللي بيقول ( ليس كل من يقول لي يا رب يا رب يدخل ملكوت السموات ) ...... الكنيسة قامت بتشريع طقوس و شعائر معينة مرتكزة على آيات من الانجيل لتنظيم الحياة الارضية للمسيحين متلها متل اي مؤسسة مدنية خدمية ..... لكن ( باعتقادي ) انو اغلب المسيحين بيعرفو انو ربنا ما طلب الجسد ...... ربنا طلبك من جوا مو من برا ..... طلب روحك عقلك و انتقد ياللي بيتبعوه فقط بالممارسة للشعائر ....... و قام بتشبيههم بالقبور المجصصة ...... و عليه لا علاقة للصوم ياللي طلبو الرب بالصوم ياللي عم تحكي عليه ..... |
|||||||
|
|
|
08/11/2006
|
#35 | |||||||
|
مشرف متقاعد
|
اقتباس:
يعني مو لانك عم تدافع عن الحشيش معناتا انو هو مو من المخدرات !!!!! الحشيش مادة مخدرة ...... خلينا نقتبس شوية شغلات من غير مواقع و نقرأ عن هالنبتة ..... الحشيش أكثر المخدرات انتشاراً في العالم ويطلق اسم الحشيش على النبات وعلى الراتنج آي إفراز القمم المزهرة لنبات القنب والسطح العلوي لأوراقه وعلى أطراف النبات المورقة والمزهرة وهي تشبه في مظهرها التبغ ولكن لونها يميل إلى الاخضرار أكثر من اللون البني . يسبب تعاطي الحشيش تشويش إدراك الحس للزمان والمكان واختلالاً في الوظائف العقلية كما يولد إحساساً خاطئاً بالقدرة على التفكير الثاقب والخلق والإبداع وتعاطيه يسبب الاعتماد النفسي وقد يسبب الاعتماد الجسمي أيضاً وفي بعض الأحيان يؤدي التعاطي إلى الموت أو الجنون . فبعد هالمعلومات و بعدك بتسأل ليش ممنوع بالمسيحية ؟؟!!!!! بردي السابق إذا قريتو حكيت انا عن هيكل الروح القدس طيب كيف بدك هالهيكل يكون عند انسان مشوش لديه اختلال ( مقصود ) لوظائف العقل و الروح ..... الرب لما شاف البائعين و الصيارفة في هيكله ( مرة واحدة ) اخذ السوط و طرد الجميع من الهيكل ...... الم تلاحظ غيرة الرب على هيكله و اصراره على قداسته ...... كيف تطلب ان يكون الرب موجود بهيكل انسان فاقد السيطرة و الوعي ...... يا ريتك بس تطلع منيح على شعار الاخوية !!!! ( انتم ملح الارض , و لكن ان فسد الملح فبماذا يملح ؟ ) ...... في ملح بيحشش ؟؟؟!!!!!! الملح دائما صافي خالي من الشوائب أبيض نظيف طاهر و استخدمه الانسان على مدى آلاف السنين للتطهير لأنه علميا معروف ان الجراثيم لا تعيش داخل الملح ...... و بالنسبة لسؤالك رح يرجع الشاطر و يجاوبك أكيد لأ أنا ما إلي عند ربك شي ..... هاي حريتك الشخصية ياللي بحترمها و برأيي أكيد الرب رح يهتم فيك متلك متل اي واحد من ابنائه إذا مو أكتر ..... ربنا قال : (لا يحتاج الاصحاء الى طبيب بل المرضى ) (ماذا تظنون , إن كان لإنسان مئة خروف و ضل واحد منها افلا يترك التسعة و التسعين على الجبال و يذهب و يطلب الضال ؟ , و إن اتفق ان يجده فالحق اقول لكم : انه يفرح به اكثر من التسعة و التسعين التي لم تضل ) (أنا هو القيامة و الحياة , من آمن بي و إن مات فسيحيا ) (أنا هو الراعي الصالح , و الراعي الصالح يبذل نفسه عن الخراف ) و بالنسبة للخمر و تحليل المسيحية له القصة كتير طويلة و متشعبة ما بفضل احكي فيها هون منشان ما نطلع كتير عن خط الموضوع بس إذا بدك بنفتحلها موضوع منفصل ..... المهم و باختصار انت شفت بزمانك شي مرة آية تدعوك للسكر ؟؟!!!!..... السكين ممكن تستعملها استعمال مفيد و ممكن تستعملها استعمال خاطئ...... و مو بالضرورة ذكر الحشيش بالاسم من اجل تحريمه مسيحيا و لو ذكر ممكن تجي و تقلي ليش ما انذكر الهيروين او الكوكاين مثلا !!!!!! المسيحية علاقة خاصة بينك و بين الرب , و انت بتحدد طبيعة العلاقة ..... و انت الك مطلق الحرية بتحديد صيغة هالعلاقة ..... و آسف إذا بدي ارجع و كرر (بحس إنو ضروري) كلامي السابق : أساس المسيحية هو الحرية ...... لا أحد يحاسب أحد ( دينيا )..... الله فقط هو من يحاسب ..... ففيك تعمل ياللي بدك ياه ..... |
|||||||
|
|
|
08/11/2006
|
#36 | |||||||
|
مشرف متقاعد
|
اقتباس:
اللي قلتو ( برأيي ) نصفه صح و النصف التاني بصراحة ما أقنعني ..... يعني قصة انك تتقرب من الله بسيغارة من الحشيش هذا غير مقنع !!!!! طبعا انا فهمان تلميحك لانو بالتأكيد و عبر التاريخ هناك من استعمل الحشيش في العبادة لايصال الشخص الى حالة النشوة ( المفترضة ) ياللي اعتبرت تقرب من الله .... و ايضا كان في اديان وثنية قديمة استعملت الجنس و البغاء المقدس للتقرب من الاله و الوصول على هذه النشوة ..... مع انو الشغلتين بعاد عن بعض بس بظن انو الشغلتين بيعطو نشوة معينة بتحسسك بهالقرب ( ياللي عم تحكي عنه ) ..... لكن مع الاسف القرب زائف ....... يعني كيف بدي قلك انت بتشبه الرياضي ياللي عم يستعمل المنشطات للفوز , لكن بالتأكيد ان فوزه هادا بدون معنى ..... على الارض و في مسابقة معينة انت ممكن تستعمل المنشط و تربح و ما حدا يحس عليك , لكن هالربح هل هو حقيقي ( مع الرب ) ؟؟!!!!! الرب بدو ياك تكون رابح حقيقي , مو زائف , لانو الزيف كذب , و الكذب اساس غير صحيح لأي علاقة , فكيف علاقتك بالرب ....... انا فسرتلك بردي السابق كيف الرب بيريد يكون اولاده ..... الرب بدو ياك متل الاطفال , مو هو ياللي قال انك اذا ما رجعت و صرت طفل ما بتقدر تدخل ملكوت السموات ؟؟!!!! طفل اكيد مو بجسمك , طفل ببرائتك , بعلاقتك معه , بمحبتك للآخرين , بفرحك .......كلك ..... بكل بساطة طفل ...... هل النشوة ( المزعومة ) للمحشش بتحقق هالامور ؟؟؟!!!!!! بتركلك الجواب الك ........ |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:03 (بحسب عمك غرينتش الكبير +3)