رابطة مشجعي نادي ريال مدريد

[صياد الطيور]

أعلن لاعب وسط منتخب هولندا لكرة القدم ويسلي سنايدر رفض مبادلته في إطار الصفقة التي يسعى من خلالها فريقه ريال مدريد الإسباني للتعاقد مع جناح مانشستر يونايتد الإنكليزي الدولي البرتغالي كريستيانو رونالدو.
وقال سنايدر في بيان له على موقعه في شبكة الانترنت: "أريد أن أضع حداً للشائعات التي تؤكد انتقالي إلى مانشستر"، مضيفاً: "كما قلت سابقاً، هدفي عندما تركت اياكس امستردام العام الماضي هو الانضمام إلى ريال مدريد أفضل ناد في العالم. الآن أنا في صفوف النادي الملكي وسأبقى معه، وأريد إحراز العديد من الألقاب وأدافع عن ألوان هذا النادي أطول فترة ممكنة".
وأوضح سنايدر أنه لا يعارض انضمام رونالدو إلى ريال مدريد، وقال: "أتمنى أن ينضم رونالدو إلى صفوفنا في ملعب برنابيو".
كما أعرب سنايدر عن أمله في بقاء البرازيلي روبينيو مع ريال مدريد بعدما أكدت شائعات عدة تركه النادي الملكي هذا العام.
وأوضحت صحيفة "ماركا" أن ريال مدريد مقتنع بضم رونالدو وأشارت إلى أن النادي الملكي يستعد لمفاوضات مع مانشستر يونايتد للتعاقد مع اللاعب مقابل حوالي 80 أو 85 مليون يورو.
وأضافت أن صفقة انتقال رونالدو إلى ريال مدريد سيتم تمويلها بصفقة بيع روبينيو إلى تشلسي الإنكليزي.

[MaTyA]

يي عليي.. هاللي اسمهن عم يكون "رونالدو"..شو عم يكونو غير شكل

بس ع فكرة سمعت عن هالخبر بالتلفزيون..بس قالوا لسة مو اكيد ينتقل اخونا

هو للامانة لعبو كتير بيعجبني

كاتب النص الأصلي : صياد الطيور

بصفقة بيع روبينيو إلى تشلسي الإنكليزي.

لعما كأنهم سلعة..بيع وشرا..

[صياد الطيور]

كاتب النص الأصلي : matya

لعما كأنهم سلعة..بيع وشرا..

طبعا اللاعبين صار كلهم سلع تنباع و تشترى .. بالحقيقة هي كرة القدم كلها صارت هيك
يعني اللاعب صار يلعب للنادي بحسب المبلغ الي عم يدفعوه كل شهر
و بتبقى مباريات المنتخب هي لرفع رصيد كل لاعب بعمليات البيع و الشر


أما من ناحية رونالدو فأنا ما بتمنى ينتقل للريال رغم لعبو الحلو .. بس لاعب متل كريستيانو رونالدو بيلعب لنفسو و للمظاهر أكتر ما بيلعب للفريق

[MaTyA]

كاتب النص الأصلي : صياد الطيور

بس لاعب متل كريستيانو رونالدو بيلعب لنفسو و للمظاهر أكتر ما بيلعب للفريق

بس يا ابن العم

فرضاً انو صحيح بيلعب للمظاهر..لهالسبب رح يعطي اكتر ما عندو..ومردود مجهوده هو للفريق

[صياد الطيور]

صفقة ريال مدريد لشراء كريستيانو هي صفقة تجارية بحتة ... متل ما صار بصفقة بيكام
اللاعب رح يكلف النادي ميزانية ضخمة جداً جداً ..
النادي واثق أنو بيجيبها من ريع عدة دعايات ومن خلال حملة ترويجية وحدة


ريال مدريد هدفو من كريستيانو مادي أكتر ما يكون كروي ..


كلامك مزبوط أنو ممكن يعطي أفضل ما عندو ... بس هالعطاء رح يكون لذاتو مو للفريق
كل النقاد و المشاهدين والمتابعين أستغربو بشكل كبير لما كريستيانو فضل زميلو بالمباراة ليسجل هو وعطاه طابة كان ممكن هو يسجلها و فضل رفيقو عليه ... ليش ؟ لأنو الكل بيعرف طريقة تفكير ولعب كريستيانو ..
لهيك هو ممكن يضيع هدف مقابل يظهر قدام الكاميرات و الجمهور

[MaTyA]

كاتب النص الأصلي : صياد الطيور

كل النقاد و المشاهدين والمتابعين أستغربو بشكل كبير لما كريستيانو فضل زميلو بالمباراة ليسجل هو وعطاه طابة كان ممكن هو يسجلها و فضل رفيقو عليه ... ليش ؟ لأنو الكل بيعرف طريقة تفكير ولعب كريستيانو ..
لهيك هو ممكن يضيع هدف مقابل يظهر قدام الكاميرات و الجمهور

اها..انا ما حسبتها من هالناحية..انا حسبتها من ناحية ابراز قدراتو باللعب
انو من ناحية ابراز القدرات..حتى لو بس للمظاهر..رح يكون المردود للفريق

بس من الناحية يللي انت حكيت فيها..صار شي آخر..واقنعتني بهالناحية الحقيقة

على هيك..معك..نص حق ..لانو النص التيني معي

[صياد الطيور]

النص الي معي سببو الخبرة بكرة القدم النص الي معك أنو أنت عم تنظري للموضوع من منظور أنو شب ولا كل الشباب

[MaTyA]

كاتب النص الأصلي : صياد الطيور

النص الي معي سببو الخبرة بكرة القدم النص الي معك أنو أنت عم تنظري للموضوع من منظور أنو شب ولا كل الشباب

هوّي شب اي..ولا كل الشباب..مو اي 100%

بس انا ما نظرت من هالمنظور..

انا نظرت من منظور منطقي وواقعي..بطبيعة الحال لمّا الانسان باختلاف الاصعدة
يكون داخل بـ مسار ما..سواء كان هدفو المظهر او غير المظهر..رح يهتم بـ ابراز كافة قدراتو
حتى ينال استحسان يللي قدامو..ما معئول انو هوّي بيحب المظاهر ويتهامل من حيث استخدام قدراتو

بس من ناحية تفضيل الآخر..
في حين انو كان هوي بيجيب الهدف..هالناحية نهائياً ما كانت خاطرة ببالي

عليه..نص الك (رغم خبرتك) = نص الي رغم (عدم خبرتي)..

وبالتالي..بغلبك انا..
لانو ماني خبيرة وتساويت معك..بقا لو كنت انا خبيرة..شو كان صار

[صياد الطيور]

معناها ... و بخبرتي أنا رح قلك كريستيانو ما رح يجي على ريال مدريد لأنو الفريق ( كفريق كرة قدم ) مو محتاجه
عندو شنايدر و كمان روبين آخدين مكانو و أفضل منو


أما من ناحية النصاص ... فمعك حق أنو نص ألي و نص ألك معناها الغلبة ألك ( بحكم الاستفادة من الخبرة )
بس هاد لو كان كلامك مزبوط ..

بكرة لو أجا كريستيانو رونالدو على ريال مدريد رح تصير صورو متل صور ( مهند ) عند كل بنت

[MaTyA]

كاتب النص الأصلي : صياد الطيور

معناها ... و بخبرتي أنا رح قلك كريستيانو ما رح يجي على ريال مدريد لأنو الفريق ( كفريق كرة قدم ) مو محتاجه
عندو شنايدر و كمان روبين آخدين مكانو و أفضل منو
أما من ناحية النصاص ... فمعك حق أنو نص ألي و نص ألك معناها الغلبة ألك ( بحكم الاستفادة من الخبرة )
بس هاد لو كان كلامك مزبوط ..
بكرة لو أجا كريستيانو رونالدو على ريال مدريد رح تصير صورو متل صور ( مهند ) عند كل بنت

اب حيدرا (مع محبتي لهالاسم وهيبتو)..بئلك..بمعزل عن شكل رونالدو انا عم بحكي

بتقلي بخبرتك ما رح يجي رونالدو على الريال..لانو الفريق مو محتاجو..
بس انا بقلك..كيف ما رح يجي والفريق هوّي يللي طالبو..
ودامهم مش محتاجينو..ليش طالبينو..

وبالنسبة للانصاف..فـ كلامي مزبوط..من الناحية يللي انا حكيت فيها .. المنطق بيقلك انو حكيي مزبوط
وما بخفيك انو من الناحية يللي انت حكيتها..او الحالة يللي ذكرتها..كمان حكيك مزبوط

لكن ضيف يا زميل..انو انت حكيت حالة..من ناحية..يمكن ما تتكرر
لكن الناحية يللي انا حكيتها..هي استمرارية..ورح تضل..وهي البديهية والمنطقية

[صياد الطيور]

كاتب النص الأصلي : matya

وبالنسبة للانصاف..فـ كلامي مزبوط..من الناحية يللي انا حكيت فيها .. المنطق بيقلك انو حكيي مزبوط
وما بخفيك انو من الناحية يللي انت حكيتها..او الحالة يللي ذكرتها..كمان حكيك مزبوط

لكن ضيف يا زميل..انو انت حكيت حالة..من ناحية..يمكن ما تتكرر
لكن الناحية يللي انا حكيتها..هي استمرارية..ورح تضل..وهي البديهية والمنطقية

قلبنا الموضوع لدرس فلسفة ...

الحالة الي أنا حكيت فيها هي طبيعة بشرية صعب تتغير ... و هالشي استمر مع رونالدو البرازيل و روبن هولندا و مولر ألمانيا وفي كتيرين ... لأنو هي طبيعة لاعب ..
أما الناحية الي انت حكيتي فيها ... ممكن ... بس هي مو استمرارية ... هي بتندرج تحت مسمى ( مزاجية ) جاي على بالو اليوم بيلعب ما جاي على بالو بيتسلى تسلاية ..

بس انا بقلك..كيف ما رح يجي والفريق هوّي يللي طالبو..
ودامهم مش محتاجينو..ليش طالبينو..

كمان و بخبرتي الكروية ... رح قلك أنو هي اسمها حرب اعلامية بين النوادي و يمكن الريال يعمل كل هالشي و باللآخر ما ياخد اللاعب لأنو بيكون بالوقت نفسو عم يلعب على شراء لاعب تاني و بهيك حركة بيحرق سعر اللاعب التاني و بنفس الوقت ممكن يكون نادي منافس لريال مدريد ( متل برشلونة مثلاً ) عم يحاول شراء كمان كريستيانو رونالدو و لما بيعمل ريال كل الي عملو و بيدفع فيه كل الي دفعو نادي مانشستر بيطلب غالي ثمن اللاعب من برشلونة في حال طلع الريال من الصفقة و بهيك حالة بيكون اشترى اللاعب الي بدو ياه بسعر أقل و حرم منافس ألو من شراء لاعب جيد ..

فهمتي علي ؟؟

اب حيدرا (مع محبتي لهالاسم وهيبتو)..

أهلا بنت العم أهلا

[verocchio]

أفضل شنايدر على رونالدو

[صياد الطيور]

كاتب النص الأصلي : verocchio

أفضل شنايدر على رونالدو

كلام سليم و مزبوط

[MaTyA]

كاتب النص الأصلي : صياد الطيور

لأنو بيكون بالوقت نفسو عم يلعب على شراء لاعب تاني ...
أهلا بنت العم أهلا

اهلين ابن العم ..ليش هالسمايلي..()..ما بحبو

المهم..حسب خبرتك يعني ..مين اللاعب التاني يللي ببالهن؟!


ويللي عم يعملو هاللعبة كرمالو؟

[صياد الطيور]

والله هالسؤال ما بيندرج تحت قائمة الخبرة ... بيندرج تحت قائمة العلم بالغيب

[MaTyA]

كاتب النص الأصلي : صياد الطيور

والله هالسؤال ما بيندرج تحت قائمة الخبرة ... بيندرج تحت قائمة العلم بالغيب

هههههه بقصد توقعاتك...

وخبرتك بـ مين شاطر كتير باللعب وعلى هالخبرة بتنبى توقعاتك بـ احتمال مين رح يكون

[صياد الطيور]

بعتقد أنو ريال ما رح يشتري حدا على الجناح لأنو شنايدر و روبن مكافيين و موفايين

بعتقد ريال عم يدور على مهاجم صريح .... و على الأغلب رح يكون شب صغير و قوي الجسم


ما بعرف ليش عندي أحساس أنو ريال رح يشتري رونالدينيو من برشلونة

[MaTyA]

كاتب النص الأصلي : صياد الطيور

ما بعرف ليش عندي أحساس أنو ريال رح يشتري رونالدينيو من برشلونة

ما بقبل..بعترض انا كـ مشجعة لـ الريال

رونالدينيو خاين..اثبت بجدارة يعني..انشالله احساسك خاطئ

مو مشان يطلع الحق معي..بس مشان مصلحة الفريق