الصراع الأبدي بين توم و جيري.......... الى اين.........................> انت جاوب

[kosayka2]

اجرت مجلة الخوبيس الإسبانية eljueves استفناء على سؤال اعتبرته غريبا و ملغوما

السؤال كان :اذا قُرر أن تُكتب الحلقة الاخيرة من مسلسل توم و جيري و أُوكلت هذه المهمة لك ماذا تكتب ؟
سؤال سهل لاكنه ممتنع
اجرت الصحيفة هذ الأستفتاء مع الناس في الشارع فكانت الأجوبة على الشكل التالي
من الكبار................
5% لم يسمعو بهاذا المسلسل
25% لم يعرفوا بماذا يجيبون
55% قالوا إن الغلبة هي بالتأكيد لـ توم
15% قالوا ان الغلبة لـ جيري

أما بالنسبة للصغار..............
75% قالوا إن جيري سوف ينتصر
15% قالوا ان الغلبة لـ توم
9% انهم سيستمران هكذا إلى الأبد
1% قال إن الكلب المتوحش سيأكلهما
(ملاحظة :النسب تقريبية)




لكن السؤال هو ما الفائدة من هذا السؤال؟



قبل الاجابة على هاذا لسؤال تقول المجلة :
أن هذا السؤال لم يكن فقط لمعرفة رأي الناس و ليس لمعرفة مصير توم و جيري بل ان الغاية الأساسية منه هو ايجاد معيار جديد لدراسة الشخصية
حيث أن السؤال عن مصير توم و جيري هو سؤال عن مجهول غريب و محير و أحيانا مربك
حيث قررت الصحيفة أن تعطي الشخص قدرة التحكم بمصير شيء الكل يعرفه و يؤثر به
ان القدرة على التحكم بالمصير هي شيء ليس سهل أبداً و خصوصاً انك تتعامل مع مصير توم أو جيري أي أشهر الشخصيات على الأطلاق





لقد أجريت الدراسة و درس النسب بعض من أشهر العلماء النفسيين
اما النتائج فلن أنشرها إلا بعد أن أرى اجوبتكم


فتفضلوا المنتدى لكم فرجونا نواياكم تجاه هل الحلوين توم و جيري

يعني أذا سألناكم نفس السؤال
اذا قُرر أن تُكتب الحلقة الاخيرة من مسلسل توم و جيري و أُوكلت هذه المهمة لك ماذا تكتب ؟
لمن تكون الغلبة؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟

[sandra]

أنا للصراحة بحب النهايات المفتوحة أو يتصالحو بما أنها الحلقة الأخيرة ... ويخلصونا من وجعة الراس ومشاكلهم
مع أني بصراحة بتعاطف مع توم أكتر من جيري وبزعل عليه لأن دايماً خسران
لهالشي بدي قول النصر لتوم

[biomen]

انا عنّي رح تكون الغلبة للاثنين...يعني رح يقوم سلام ابدي بين التنين و يخلصونا من الصراع الدائم هاد

[souriana]

احيانا بيجي عبالي قوس جيري

[gardinia29]

بصراحة أنا بحب الاتنين و بعدين هن إذا ما تخانقوا ما بيصيروا توم و جيري هو صحيح عيب على شنباتي أخبركم بواقعي الأليم أنو عمري 29 سنة و لهلأ من عشاق توم و جيري بس هاد الواقع شو بدكم تعملو يعني تحملوني بقى

أنا ما بدي يتصالحوا و لا بدي يجي يوم و يقولوا هي الحلقة الأخيرة

[gardinia29]

اسمعوا أنا بنت ها

مو تقولو قال عيب عشنباتو صار رجال

أصلا مو كل أبو شنبات رجال

[MaTyA]

هلأ اني لاحكي شي.. من اكتر المسلسلات يللي بتخليني روّق وبعيد عن الهموم وكذا..
هو مسلسل توم & جيري.. الكرتون بشكل عام بيروّق.. بس مسلسل توم & جيري الو صبغة مختلفة

اني عن نفسي بالحلقات بفضل انو يللي يبدأ المشكل مع التاني هو يللي يخسر
انو يللي بيتعدى على التاني هو لازم يخسر.. احيان جيري بيتعدى على توم وبيربح
بس بقول يمكن هالربح هو تعويضًا لـ جيري عن واقعه المرير

كـ حلقة اخيرة .. رح اربطها بالواقع شوي .. انو الصراع بين توم & جيري رح يضل مستمر
الصراع بين القوي والضعيف.. صراع بين مـُـفترِس و مـُـفتـَـرَس..رح يضل مستمر

لهيك النهاية بفضل تدل على استمرارية هالصراع...يللي مالو نهاية

[جان بن جاك الروسوي]

انا برأيي انو نجيبلنا شي مخرج متل نجدت انزور يخرج الحلقة الأخيرة
ورح تشوفوا انو النهاية رح تكون فايتة بالحيط لأنو بيجوز ينطلب منو جزء تاني

[MaTyA]

ع فكرة : الخيار الاخير بالاستفتاء ما كتير مناسب.. اول 2 تمام..
برايي في ناس يمكن تفضل نهاية انو يتفقوا.. ( هالخيار ما موجود )
وفي ناس متلي انو بتفضل استمرارية الصراع.. وهالشي مو معبر عنه تمام بالخيار الاخير

يعني بالخيار الاخير مكتوب انو يستمروا بالصراع بس مكتوب كمان ( ما بدي جاوب )
لهيك عم قول مو مناسب.. لانو احنا بهيك حالة عم نجاوب.. مش ما عم نجاوب

وحتى السؤال مش زابط.. يعني هيك حصرتنا بخانة مين رح ينتصر توم ولا جيري
بس مين قلك انو بالحلقة الاخيرة بدنا نختار واحد منهم ينتصر
بلكي ما بدنا واحد يغلب التاني..

[القلب الدافئ]

هلق في شخصية كتير بحبها وهي هي


بدي اعرف شو بدو يصير في

[boy freind]

اكيد توم رح ينتصر لأنو بطبيعة الحياة القط اقوى

بس ما بتعرف شو بيجي براس المؤلف

[القلب الدافئ]

يحرق حريشك من وين حاكش هل موضوع

[بلاك 1]

انا بقلكن كيف رح تكون الحلقة الأخيرة
المسكين توم بعد مايكون ختير (وجيري كمان ختير) يعني صار ختيار بيشوف جيري طالع ياكل قطعة جبنة من البراد بيقوم بسير بدو يلاحقو كالعادة بس الظاهر انو توووم نسي انو هو ختيار ورواحو السبعة خلصو ووموو ضايلو الا نص روح ........... المهم مالنا بطولة السيرة بيركض توم ليلحق جيري اى صح نسيت احكيلكن توم كان عم يشرب حليب كامل الدسم ولما بيعد يركض ورا جيري بتيجي جلطة وبيقوم جيري بينقلو عالمستشفى مشان يتعالج بس بما انو جيري التاني جتير وهو صغير الحجم بالنسبة لتوم بيتأخر ليوصلو عالمستشفى يعني بيوصل بعد فوات الأوان بيقوم توم المسكين الله يعطيك عمروو بمووووووووووووووت............. جيري مع الصدمة بينجلط جلطة حادة وبيموت بمطرحو
وهيك بنكون ارتحنا من توم& جيري
احم احم لسا ماخلصت
احنا حنرتاح من توم وجيري بس نسيت خبركن انو بس ليموتو التنين وتطلع روحن للسما بتعد ارواحن تركض ورا بعضا وبسيرو يتقاتلو فوق بس احنا مارح نشوف لأنو ممنوع اصطحاب الكاميرات للسما

[مالي خايف]

توم لها

والنصر لتوم

النصر لتوم

[amoura]

يعني بصراحة عطول جيري هو اللي بيتحركش بتوم ... و توم معو حق يخلص عليه عشان ما حدا بيقبل بفار بالبيت ... فنهاية توم هي النصر و نهاية جيري ببطن توم .. بس يمكن تكون النهاية هي الصلح عشان توم قلبو كتير طيب

[ابو الوديع]

يمكن تكون: نهاية توم الموت ونهاية جيري في بطن توم


نهاية مؤلمة

[amoura]

كاتب النص الأصلي : ابو الوديع

يمكن تكون: نهاية توم الموت ونهاية جيري في بطن توم


نهاية مؤلمة

لييه هيك ... كيف ممكن يموت توم ؟؟؟

[القلب الدافئ]

كاتب النص الأصلي : ابو الوديع

يمكن تكون: نهاية توم الموت ونهاية جيري في بطن توم


نهاية مؤلمة

طيب كم مرة توم اكل جيري ورجع جيري طلع مت تمووووووووو
بدنا نهاية غيرهاااا

ليش عندم النهاية دوما الموت ؟؟؟؟؟؟؟
ليش ما يتزوجو ويعشو بثبات ونبات