فيلم حين ميسرة $تصويت$

[hanny dagher]

يا ويلاه عم اطلع هلأ طلعت مقتبس شي الف رد

كاتب النص الأصلي : waleeeeeedo

انا ضد مشاهدة هالفيلم ... لأن ما بيهمني اطلع على قصة بنت منحرفة واتعرضت لانتهاكات من المجتمع وعم تمارس الدعارة بكل اشكالها ....
شو راح استفيد من مشاهدة هالفيلم ..... توعية يعني ما بظن اللي عملوا الفيلم هذا هدفهم .... وعلى فكرة سمية الخشاب طلقت من جوزها من شان هالفيلم ،،،،،، تحياتي

اول الشي لازم نميز بين شيئين الدعارة والشواذ وما تخلطو بين التنين (عادة بيتم الخلط بين التنين نتيجة ثقافة جنسية خاطئة او قلة الثقافة الجنسية ) الدعارة شي والشواذ الجنسي شيء اخر مع العلم انو الاغتصاب مانو دعارة

ثانيا ما في فلم بينعمل او فكرة بتنعمل الا بتكون عم تناقش فكرة اجتماعية متمثلة بمجتمع ما يعني اللي كتب هالفلم اكيد ما كتبو من خيالو اكيد كتبو من شي شافو بالواقع واللي مثلو الفلم بعتقد انو عايشين بقلب المجتمع اللي عم تدور في احداث هالقصة واللي خلتهن يلبسو الشخصيات تبعيتهن ويمثلوها باتقان

كاتب النص الأصلي : سميه

اناضد هالفيلم واي فيلم متلو
يعني قلة قصص يمثلوها؟؟؟؟؟؟؟؟؟؟؟؟؟؟؟؟؟؟
بعدين زمان هالافلام كانت لفئة معينة بس بتئدرتحضرها
اما هلا فهاي الافلام صار ممكن اي حدا يحضرها
يعني ازا بدو الاعلان يجي كل نص او ربع ساعة مرة بصير عند الواحد فضول ليحضرو مو لانو بحبو بس لانو فضول وهاي هي طريقتهم لغسل ادمغة هالشباب الي مابشوفو غير وسيلة تسلية مو اكتر


هاد رايي مو اكتر
بتشكرك بيتي

سيدتي الفاضلة (شغلة انا بالرسميات )
من اروع القصص اللي ممكن تتمثل هيي القصص اللي بتعالج قضايا اجتماعية بحتة اللي بتكشف قضايا مخباي او اشخاص مخبايين او جوانب مخباي بحياة اشخاص معروفين هاي الافلام اللي بتقدري تتعلمي منها وتسفيدي منها

من زمان كانت هالافلام لفئة معينة عالعلن وبالخفى كانت كل فئات الشعب تحضر هالافلام متل الافلام الجنسية هلأ بيكتبولك عليها لل 18 سنة بس اللي عمرو 13 و 14 سنة عم يحضرها عالخفا

سؤال عالسريع هاي طريقة مين بغسل ادمغة الشباب ؟ وشو قصدك بغسل ادمغة الشباب ؟

كاتب النص الأصلي : Berain

ما بأيد هيييك شي بنوووب لانو هيك نوعيه من الافلام حتى لو انو تعرض فلم يناقش مشكله موجوده بمجتمع شرقي لفكره الحد من هي الزاهره بستبعد انو يحل هالمشكله على اد انو ما يكتر مناااا
لانو لا تقنعني انو اللي حيحضرو رح يحضرو منشان هالفكره بس منشان تسليه وبالعكس ممكن انو هالمناظر الحقيقيه تشجعوا على هالشغله. خاصه لانو مجتمعاتناا منغلقه
بحس انو استغلو فكرة انو يصورو مشاهد كامله لجذب جمهووور مو اكتر خاصه تبعون السينمااا هدفهم الربح مو اكتر من هيك ........هادا من وجهة نظري

لما انعرض مسلسل ابناء القهر واللي طرح فكرة الايدز بالمجتمع الشرقي قامت القيامة وما قعدت ومع هيك حقق المسلسل نجاح كبير واللي حضرو ما حضرو ليتسلو (طبعا كان في جزأ تسلاي ) بس بنفس الوقت اللي حضرو عرفو شي كتير عن مرض الايدز وعرفو مرض الايدز لوين بيوصل وكيف بتكون نهاية مريض الايدز الشي اللي كانت مناهج التعليم تخجل من انو تحكي في
لهلأ بتزكر بكتاب العلوم صف البكالوريا مرض الايدز كان لا يتجاوز صفحة ونص بيتحدثو فيها عن الجرثوم وكيف بينتقل بشكل مختصر

كاتب النص الأصلي : GOVERMENT

هلأ باختصار ..
يعني الفلم مالو عاملينو مشان مصلحة حدا
ولا مشان يوعوا الناس لشي ظاهرة اجتماعية متل السحاق يعني
او بنبهون منا ..
بعدين يعني السحاق مي هالقصة العظيمة والكتير منتشرة وقصة وحكاية حتى يتركوا كل القضايا اللي خلقا الله واللي عبتصير ويحكي عن هالقضية ويعملو عنا فلم طويل عريض
واصلا لحدا الان في ناس مابتعرف شو معنى هالكلمة وكمان هادا دليل انو ماكتير منتشرة ومابتستحق يتساوى عنا فلم


وسمية خشاب معروفة ادوارا اغلبا هيك
وهي بدون دف بترقص ..

يعني توقعت من الكل يحكو هالحكي الا انت



الهدف ليس تضخيم المسالة وجعل كل الشعب شواذ بقدر ما انو يبينلك انو اذا انتي صحيح هالشي ما بيلغي وجود الشواذ من المجتمع
ما حدا قال انو اللي كتب وانتج واخرج ومثل هالفلم او فلم عمارة يعقوبيان كان شاذ او عم يشجع عالشواذ وما بعتقد انهن هيك
بس لما بدك تتطلع حواليك وتلاقي نص الشعب مقفل مخو ومفكر انو مجتمعاتنا مثالية لانو مجتمعاتنا متمسكة بالدين وبهالقصص اللي ما بقى حدا يدور عليها فبيصير لازم نكشة لهالمجتمع لنقول عمي هيي وين رايح انتي تطلع حواليك اللي بالخفا بيخالف كل شي عم مفكرو حضرتك بس بدك عقل مفتح يفهم هالحكي

كاتب النص الأصلي : ABU WILLIAM

حكيت يلي بقلبي


هلق هادا هوي تخاطر الأرواح شي

شو صار مبشروع الشاحنة تبعي وتبع ابو زووزيف

اهلين باشا زمان والله
سيدي هلأ بيني وبينك وبين كم واحد من الشباب الطيبة بيسمو تخاطر ارواح
بس بعض الشباب البقية رح يعتبرونا انا وانتي شاذين وعم نشجع عالشواذ الجنسي وعلى علاقة مع بعض كمان (شايف شو محظوظ انا فيك )

اينو شاحنة ؟

كاتب النص الأصلي : karim94

كلام مهم للإعلامي عمرو أديب عن الفيلم المسخرة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

مع توزيع الاحترامات لحضرتك وحضرتو
بس باينتو واحد علاك
بس الواحد هيك يبلش يبربر بالحكي وعلى اجاني اكتئاب وصرلي زمان مو مكتئب وانهبلت وصرت احكي مع حالي بالشارع ورح تفر الدمعة من عيني عرفو انو علاك

كاتب النص الأصلي : karim94

إظطريت أستخدم متصفح ثاني حتى شوف شو كاتب لأني ضايفك لشلة المطنشين...مشان هيك لا تتعب حالك و توجهلي كلام يا شاذ ,إنت والناس إللي من أشكالك ....

عالهامش: المنتدى مو منتدى أبوك مشان تقلي إنقلع يا شاذ

تهجم على احد اعضاء المنتدى يرجى اتخاذ الاجراء اللازم
المنتدى منتدى الكل احترم غيرك مشان غيرك يحترمك يا .... محترم

كاتب النص الأصلي : waleeeeeedo

ليس كل من تعرض لحالة اغتصاب .... صار شاذا وتعفف عن الزواج .... قد تحصل حالات مرضية بسبب الضغط النفسي والعصبي... لكن أن تتحول الدوافع الغريزية لدى الذكر بدلا من ان تكون تجاه الأنثى تنقلب رأسا على عقب في الاتجاه الآخر نحو الذكر فهذا هو المرض بعينه ....
وأضيف: يا أستاذ هذا الموضوع ليس محلا لهذا النقاش /// سبق وأن نوقش وتم إغلاق الموضوع/// وأرى انه من الصعب إقناعك /// أنت متمسك ومتشبث بآرائك ومتصلب ومتعصب لها///// لكن أقول مرة أخرى {اللواط} حرااااااااااااااااااااااا ااااااااااااااااااااااااا ااااااااااااااااااااااااا ام ،،،،،
وهو جريمة ،، جريمة ،، جريمة ،،، لا يمكن تبريرها ولا السكوت عنها ،،،، والاقرار بسلامة حدوثها وأنها شيء طبيعي وعادي ،،،،،، هي تندرج ضمن العلاقات المحرمة ..... ولن يستطيع أحد أن ينفي ما أقوله ،،،

أكتفي بهذا التعليق ،،،،، دمتم بسلام جميعا تحفكم عناية الله ،،،،

اكتفي بالقول الحق مو عليك
نحنا هيك تربينا ما فينا نعمل شي بهالخصوص

كاتب النص الأصلي : Purple Rose

بظن فيلم هيك حتى لو كان يناقش قضية مش ضروري انو يحتوي على مشاهد تجسد هالشي
لانو المراهقات يعني حتى لو ما كانو بفكرو بهالشي
رح تنفتح عيونهم و عقولهم عليه
و برأيي هالافلام و المسلسلات يلي بتناقش هالقضايا
هي اكتر شي بتساهم في انتشارها

فلم مذكرات مراهقة حضرانتي حضرتك ؟
ليش هداك الفلم ما اخد كل هالضجة اللي اخدها هالفلم
مع انو بهداك الفلم انعرض علاقة جنسية سوية ادت الى حمل خارج اطار الزواج
ليش هداك الفلم ما تناقش بانو عم يشجع على ممارسة الجنس خارج اطار الزواج

[Government]

يعني توقعت من الكل يحكو هالحكي الا انت

ليش يعني وين الغلط بحكيي
بعدين لاتنسى انو هادا (رأي شخصي )

[hanny dagher]

كاتب النص الأصلي : GOVERMENT

ليش يعني وين الغلط بحكيي
بعدين لاتنسى انو هادا (رأي شخصي )

هون المشكلة انو راي شخصي

طيب طالما انو برايك في عالم كتير ما بتعرف شو معنى هالكلمة فهادا سبب مقنع انو يتساوى هالفلم مشان يتوعو العالم ويصيرو يعرفو هالكلمة

[Government]

كاتب النص الأصلي : hanny dagher

هون المشكلة انو راي شخصي

طيب طالما انو برايك في عالم كتير ما بتعرف شو معنى هالكلمة فهادا سبب مقنع انو يتساوى هالفلم مشان يتوعو العالم ويصيرو يعرفو هالكلمة

وكمان من جهة تانية ..
ماضروري كل هالعالم تعرف شو معنات هالكلمة ووتنشمس الشغلة ..
وخاصة انو مالا هالقصة المنتشرة كتير يعني
انو من مبدأ خليا مخباية احسن

[Purple Rose]

كاتب النص الأصلي : hanny dagher

فلم مذكرات مراهقة حضرانتي حضرتك ؟
ليش هداك الفلم ما اخد كل هالضجة اللي اخدها هالفلم
مع انو بهداك الفلم انعرض علاقة جنسية سوية ادت الى حمل خارج اطار الزواج
ليش هداك الفلم ما تناقش بانو عم يشجع على ممارسة الجنس خارج اطار الزواج

مبلا حضرتو للفيلم و انا رأيي قصدت فيه كل هالافلام يلي بتجسد هالظواهر هي
يعني يمكن هي افلام بتحاول معالجة شي
بس برأيي عم تزيدو
و بظن انو هداك الفيلم تناقش وكتير ناس انتقدت المخرجة للمشاهد يلي بالفيلم

[اسبيرانزا]

شوفى يا ستى هذه المعلومة الغريبة عنى
اولا انا لم ادخل سينما فى حياتى ابدا وغالبا لن ادخل فى حياتى المقبلة الا استثناء نادر جدا
لانى ربيت على مبدأ اتفرج فى البيت على اى فيلم عايزاه لانى من السهل اغير القناة اذا فى مشهد خليع
لكن فى السينما كيف اغير
الفيلم اذا اذاع فى التليفزيون هتفرج عليه,,, مفيش مانع
وان كنت احيانا اتوجس من الفلام اللى مخرجها خالد يوسف تلميذ يوسف شاهدين
بكون عاملة حسابى انى هغير المحطة كثيييير نظرا لكثرة المشاهد الخليعة

[حالة حب]

انا ضد هيك فلم
يعني لو كان المقصود من الفلم توعيه
كان ممكن زكر القصه او التطرق الها بطريقة اوعى من هيك
بس بهالفلم كان فيو تركيز على مشاهد بعتقد لما يشوفها ايا شخص مو ضروري مراهق
رح تاثر عليه ورح تلفت نظرو على هالقصه
كان ممكن يعالجو هالقصه بغير هالمشاهد والتركيز عليها
يسلمو بيتي

[betty_palestine]

هلا حالة حب ورأيك صح مية بالمية

[hanny dagher]

كاتب النص الأصلي : Purple Rose

مبلا حضرتو للفيلم و انا رأيي قصدت فيه كل هالافلام يلي بتجسد هالظواهر هي
يعني يمكن هي افلام بتحاول معالجة شي
بس برأيي عم تزيدو
و بظن انو هداك الفيلم تناقش وكتير ناس انتقدت المخرجة للمشاهد يلي بالفيلم

لاء بالعكس تماما هاي الافلام عم تنبه ما عم تزيد
برجع بزكر مثال مسلسل ابناء القهر اللي طرح فكرة الايدز وكتير عالم حضرتو ليش ما انتشر الايدز بمجتمعاتنا ؟



لنفرض جدلا جدلا
انا عندي بنت وعايش بمجتمع عربي مانو كتير منفتح للقصص الجنسية عندو الحكي بهالقصص هاي عيب و "حرام" ما في عندو بمناهجو توعية جنسية (كحال المناهج العربية ) يؤدي انا ما بعرف انو في شي اسمو شواذ او سمعان في بس ما عندي هالقدر الكاف من المعلومات لاعرف شو اسبابو وشو نتائجو وشو هوي وبنفس الوقت كانت بنتي شاذة او عندها ميول شذوذية (لهلأ اسعتني عم استخدم كلمة شاذة مجازا ) بهالحالة هاي بنتي رح تكون شاذة بالمخفي يعني بدون علمي وانا لضعف معلوماتي بهالمجال معتبر انو كل العالم بمجتمعي سويين جنسيا ما في اي مشاكل وبالتالي ما عندي فرصة انو ساعد بنتي
لكن وقت بحضر هيك فلم وهالفلم بيكون عم يقلي انو هادا المرض موجود بمجتمعنا هيك اسبابو هيك بيصير في هيك نتائجو هالشي رح يخلي ولو فكرة بسيطة تطلع براسي انو دير بالي على بنتي او احميها

[hanny dagher]

كاتب النص الأصلي : حالة حب

انا ضد هيك فلم
يعني لو كان المقصود من الفلم توعيه
كان ممكن زكر القصه او التطرق الها بطريقة اوعى من هيك
بس بهالفلم كان فيو تركيز على مشاهد بعتقد لما يشوفها ايا شخص مو ضروري مراهق
رح تاثر عليه ورح تلفت نظرو على هالقصه
كان ممكن يعالجو هالقصه بغير هالمشاهد والتركيز عليها
يسلمو بيتي

بطريقة اوعى من هيك ؟ مثل ؟

[حالة حب]

كاتب النص الأصلي : hanny dagher

بطريقة اوعى من هيك ؟ مثل ؟

يعني كان فيون يطرقو للقصة بطريقة احسن
انا مني مخرجه ولا كاتبه لالك متل شو
بس ما ضروري ينقلو الفكره بهالطريقة
يعني اانا ما شفت الفلم
بس مبين كتير من الدعايات
انو التركيز مو عالقصه على قد ما هو التركيز عالجسم والشغلات التانيه

[hanny dagher]

كاتب النص الأصلي : حالة حب

يعني كان فيون يطرقو للقصة بطريقة احسن
انا مني مخرجه ولا كاتبه لالك متل شو
بس ما ضروري ينقلو الفكره بهالطريقة
يعني اانا ما شفت الفلم
بس مبين كتير من الدعايات
انو التركيز مو عالقصه على قد ما هو التركيز عالجسم والشغلات التانيه

بعتقد هاي احسن طريقة لانو الافلام والتلفزيون انتشارو واسع بالمجتمع العربي بعكس الكتاب او الجريدة

الدعايات ما بتعطي فكرة كاملة عن الفلم
ما بتقدري تحكمي على فلم عن طريق الدعايات
الدعايات متل ما قالو الشباب سابقا بتبقى شغلة جذب العالم لهالفلم

في كتير افلام حتى اميركية لما نشوف الدعاية ننبهر فيها ونقول انو هادا الفلم بدو يكسر الدنيا ووقت نحضرو يطلع الفلم متلو متل غيرو

في وحدة من الدعايات حضرتها على اليوتيوب لفلم حين ميسرة
هلأ ما بعرف شو بيسمو هاللي حضرتو بالعربي بس بتشبه شي بالانكليزي اسمو trailer يعني متل ملخص وللصدفة انو ما في ولا مشهد انو بنت عم تبوس بنت او اي مشهد خلاعي بس كمان هالشي ما بيخليني احكم عالفلم


نبهتوني على شغلة انا ماني عم ناقش الفلم كصورة وكتمثيل وكاخراج وكمشاهد انما عم ناقشو كقصة من الواقع كفكرة لحالة اجتماعية وجب التوضيح

[بنفسجة]

الموضوع بيتعلق بالوعي لمشكلة
وبهيك حالة يجب النصح بان لاتم المشاهد لمن هم دون سن 18
رغم انو في كتير فوق سن 18 اخطر من يلي تحت السن
بس هدول يعتبرو صار عندون قدرة على تشكيل شخصيتون ورغباتون
والاهم نحنا نتجه ليلي قادرين ناثر عليون بهيك مواضيع

[waleeeeeedo]

==========================
من خلال الحوار بين عمرو اديب وسمية الخشاب ووفاء عامر والمخرج وجه لهم سؤال:
هل تقبل/ ين بأن يشاهد ابنك أو ابنتك هذا الفيلم ؟؟؟
المخرج: آآآآآه ومالو لما ابني يشوف الفيلم؟؟؟
وفاء عامر: لا طبعا مش ممكن اخلي ابني يشوفه؟؟
سمية: ردت بأن الابناء بيشوفو هالامور من وراء اهاليهم ،،، ولكنها برضو مش موافقة ان ابنها يشاهد ويحضر مثل هيك فيلم!!!!

هنا صفحة للمشاهدة //

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Reemi]

يا بتلتزمو باحترام بعض يا اما بدي اضر خالف هاااا

[Nabilove]

القضية ليس في تناول قضية السحاق او البغاء لكن في طريقة معالجة هذه القضايا فما الفائدة من التركيز على رقص سمية الخشاب و على اهتزازات جسمها و لدقائق طويلة؟؟ ما الفائدة من تصوير عملية جنسية او مقدماتها و ب زووم كمان؟؟ كان بامكان المخرج ان يوصل فكرته و معالجته للقضية بطريقة فنية دون جرح الحياء العام .
اما سمية الخشاب فمنذ بدايتها فهي تعتمد على جمالها و جسدها لتحقيق النجومية و كما نعلم ان الضجة الاعلامية هي التي تصنع الشهرة في عالمنا العربي وخير دليل محمد سعد الذي كان غير معروف لكن بسبب الانتقادات الموجهة لفلم اللمبي صار من نجوم الكوميديا المصرية

[farbella]

راجعة راجعة

[ِAbu Alzooz]

اهلين باشا زمان والله
سيدي هلأ بيني وبينك وبين كم واحد من الشباب الطيبة بيسمو تخاطر ارواح
بس بعض الشباب البقية رح يعتبرونا انا وانتي شاذين وعم نشجع عالشواذ الجنسي وعلى علاقة مع بعض كمان (شايف شو محظوظ انا فيك )

اينو شاحنة

لك سيدي القافلة تمشي و الكلاب تنبح
و اذا ضلين مخابيين و ما عنا اقل نسبة من احترام التحاور لح نصير ورا البقر
اذا