|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
04/06/2005
|
#1 | ||||||
|
مشرف متقاعد
|
صراع لقب الدوري السوري ينتهي لمصلحة الاتحاد الحلبي
بعد غياب دام عشر سنوات عن منصة التتويج, تمكن فريق الاتحاد الحلبي (أو كما يحلو لأنصاره تسميته بأهلي حلب كما كان اسمه سابقا ) من إعادة درع الدوري السوري لكرة القدم في جولته الأخيرة بفوز صريح على حطين بهدفين نظيفين في ملعب الحمدانية بحلب و أمام جمهور ملأ مدرجات الملعب منذ ساعات الصبح الاولى ليضيف بهذا الفوز لقبا جديدا إلى سجلّه الحافل بالألقاب , فيما تعادل مطارده المباشر نادي الكرامة الحمصي مع ضيفه المجد بهدف لكل منهما ليضيع بذلك آماله في اللقب وتبدا الفرحة الأهلاوية في مدينة حلب ثاني أكبر المدن السورية بعد العاصمة دمشق .
و كانت آخر مرة أحرز فيها نادي الاتحاد لقب الدوري السوري في موسم 1994 / 1995 أي قبل عشرة أعوام ليصبح في رصيده ستة ألقاب دوري و خمسة ألقاب كأس الجمهورية . وفي الملعب البلدي في طرطوس حقق نادي جبلة فوزا على ضيفه الوحدة بهدف نظيف ضمن به بقاءه في دوري الأضواء منهيا الموسم في المركز الحادي عشر. أما نادي امية الذي لم يتمكن من مجاراة مستضيفه الطليعة ليهزم بهدف لهدفين مرافقا بذلك نادي الشرطة المركزي إلى دوري الدرجة الثانية , ليشغل مركزيهما كل من ناديي الجهاد و النواعير. وفي باقي مباريات المرحلة الختامية من دوري المحترفين لكرة القدم قلب الجيش خسارته بهدف امام ضيفه الفتوة إلى فوز بهدفين لهدف , كما حقق القرداحة فوزا سهلا على مستضيفه الشرطة الهابط إلى الدرجة الثانية بثلاثة اهداف لهدف . و جاءت مباراة تشرين و ضيفه الحرية غزيرة بالاهداف لتنتهي لمصلحة صاحب الارض بأربعة أهداف مقابل ثلاثة. ولمحبي الكرامة بقول العوض بسلامتكن يعني انشا الله السنة الجاي بتعوضوها .. ولمحبي الوثبة (متلي)  بقول العوض بسلامتنا وانشا الله ..........
ليست حقيقة الإنسان بما يظهره لك بل بما لا يستطيع أن يظهره
لذلك إذا أردت أن تعرفه فلا تصغ إلى ما يقوله بل إلى ما لا يقوله ... |
||||||
|
|
04/06/2005
|
#2 | ||||||
|
مشرف متقاعد
|
مبرووك للاتحاد هارد لك كرماوية
بالغرام هل كون ابتدى ..وياسلام مش بائي حدا ..
.وقلبي ئال عحالو اهتدى.......... بالغرام مافي نجوم مابدها قمر ...مافي ليل مابدو سهر مافي عيون مافيها نظر.. بالغرااااااااام رئيسة الحزب الكفوري أم وائل |
||||||
|
|
|
05/06/2005
|
#4 | ||||
|
عضو
-- قبضاي --
|
يوم الجمعة كان يوم عظيم لكل ابناء محافظة حلب
طبعا هاد الشي بينطبق على كل اهالي محافظة حلب ما عدا المثقفين و المحترمين بداية القصة انا كنت عم أركب بالباص الساعة 4.5 صباحا و كانوا رفقاتي عم يودعوني طبعا ما طلعوا معي على الجامعة لانوا بدهم يروحوا من الساعة 10 الصبح على الملعب ليش لانوا بدهم يلحقوا محل بالصفوف الامامية و طبعا المباراة كانت بتبدى على ما اذكر شي الساعة 5 الظهر تخيلوا بدهم يبقوا بالملعب شي 7 ساعات لحتى تبدى المباراة طبعا هاد الشيي طبيعي لانوا تذاكر المباراة كانت على الشكل التالي 3000 المنصة الرئيسية 500 كرسي عادي 200 على الواقف تخيلوا بدكم تدفعوا 200 حتى تقفوا بالمبارةا لأو هاد مو كلشي لمعلوماتكم انوا في حلب بس دون عن كل العالم اسطح المنازل القريبة من الملعب بتتأجر يوم المباراة يعني اذا شي واحد سطح بيته بيطل على الملعب و ما كان في محلات بالملعب فبأمكانكم تستاجروا الوقفة عند على السطح بحدود تقريبا / 100 / هلا منرجع انا كنت مسافر باللاذقية و طبعا طول الطريق من اللاذقية لحلب الشباب ما قصروا كل دقيقة حدى بيخبر رفيقة اللي عم يحضر المباراة حتى نعرف النتيجة أول باول و هيك لحتى و صلنا لحلب و نزلنا بمطقة قريبة من ملعب البلدي أو ملعب 7 نيسان ( الحلبية بيعرفوا المنطقة تماما ) و هيك انا فكرت كيف بدي ارجع على البيت بيتي بمنطقة الشهباء و هي بعيدة شوي عن محل ما ني واقف حاليا لذلك لازم آخذ تكسي طبعا كل تكاسي حلب كانت اما واقفة خايفة انوا تشتغل لحتى ما تتكسر و اما طالع في كل تكسي شي 6000 شخص و معهم اعلام حمراء و عم يشجعوا و فرحانين و لحد هلا ما في ولا مشكلة بس طبعا الحلبية و مشجعين نادي الاتحاد خصوصا ما بيصير يعدوا الامر هيك عند زاوية الملعب البلدي في براكة بتبيع ( اكلات و كولا و هيك شغلات بسيطة ) و كانوا طبعا عم يحاولوا يكسروا براد الكولا ليشربوا منه طرقات حلب كلها مسدودة و الشرطة معباية البلد و طريق بيتي مسدود من كل الاتجاهات ليش ؟؟؟؟؟؟؟ لانوا مقر نادي الاتحاد بمنتصف المسافة بين بيتي و بين محل ما كنت هلا طبعا في اكتر من طريق بس الطرق القريبة من الاماكن المهمة مسكرة متل طريق بولمان الشهباء طبعا سكرتة الشرطة لحتى الاجانب ما يشوفوا هالمصاريع و لحتى ما يكسروا الفندق و بقية الطرق فيها شي 100000000000 مشجع للنادي طبعا للآسف و الحق يقال انوا اكتر من نصف هالعالم ما لها علاقة بالنادي نهائيا يعني الحقيقة انوا لا النادي و لا حتى المشجعين الحقيقيين بيرضوا بهالشي يمكن يبالغوا بس مو لهدرجة هلا انا طبعا كنت كتير تعبان الي يوم كامل عم سافر و ما كنت نايم قبل يوم السفر لذلك كتير كنت مزعوج و بدي اوصل على البيت كنت لابس كنزة بيضاء و عليها خط احمر صغير و الشوفير كتير معصب لانوا ما عم يحسن يمر من ولا طريق و كل الطرق مشينا فيها مخالفين لحسنا نخلص من الزحمة طبعا الشوفير طالعا معي ست كبيرة شوي بالعمر ( توصيلة تانية ) و انا كنت عم سب و العن النادي و ساعتة لا إن ربح منخلص و لا ان خسر منخلص قام قالت الست اللي معي بالسيارة و الله يا ابني انا كنت بدي احكي بس خفت لانوا شفتك لابس احمر خخخخخخخخخخخخخخ جد انا ضحكت لحتى ما بقى فيني يا حرام شوفوا خايفةمني افتكرتني مشجع للنادي يعني الفكرة انوا بكل العالم في نوادي بتربح و بتخسر الا بحلب شي مو معقول طبعا استمرت هي المسيرة لوقت متاخر باليل ما بعرف لايمتى و يوم السبت نفس الشي بس اخف شوي و لنشوف يوم الاحد شو بده يصير
أمية الشفتين ... لا تتبرمي
إني أتيتك هاديا و مبشرا حتى أعلمك الهوى ... فتعلمي مازال قانون القبيلة حاكماً جسد النساء ...... فحاولي أن تحكمي ..... |
||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 15:31 (بحسب عمك غرينتش الكبير +3)