مــقـــلاية أخــويــــة ((5))..!

[يمان Rooooonaldo]

الله حيو .. حسونةة.. مسيك استلقي


مطرحك بقطر ..... ليش ؟

بتحب الظلمة ؟

صورتك الرمزية .. كنت تغيرا كتير .. ايا احلى وحدة علقت ببالك لهلا .. وليش


بدي اسالك ... شو اكتر شي ظلمك بهي الحياة ..

بتعتبر حالك من العالم اللي شايفة حالا؟

اقرب عضو + عضوة الك من المنتدى

بحياتك العامة .. حابب؟متجوز ؟ عزابي؟

عرف الخيانة ...

بالله ممكن تفهم جاد بس .. انو ليش المماس بكون عمودي على نصف القطر جوا الدائرة

انت من وين من سوريا ..

رأيك بهالكام شغلة :

الحياة

الحب

العلم

الاختراعات

الديمقراطية

كرة القدم

حمص

المسبحة

رايح شي عالجامع الاموي ؟

لو خيروك تزور بلد ما بالعالم وين بتروح ؟

لو معك مسمحلك انك تقابل انسان + انسانة .. ما بتتوقع كنت انك تقابلهم مين بتطلب مقابلة مين ؟

شو بدك تقلهم

شغلتك بالحياة شو ؟

بتعتبر حالك انجزت شي بالحياة اما لا؟

احب اسماء ولاد وبنات عندك

شو رايك بالبيت التالي:
ان الحياة حبتك كل كنورزها فلا تبخلن على الحياة ببعض ما

بتعتبر حالك مثقف ؟

او من نظرة اخرى بتقرا كتير؟

الادب الروسي .. شو رايك فيو .؟ ايجابيات / سلبيات

وين مسافر بالعالم ورايح بلدان ؟

حافظ النشيد العربي السوري ؟

وقت بتسمعو ... بتحس بشي جواك متل قشعريرة .. او عادي كانك عم تسمع ايا شي طالع؟ يعني بتحس بقيمة النشيد تبعنا اما لا؟

لو خيروك انك تعمل 10 شغلات بالعالم شو حيكونو

فريقك المفضل .. محليا

اوربيا

امريكيا

منتخبك العالمي ..

العربي

الاوربي

لاعبك المحلي المفضل

العربي

الاوربي

الامريكي

بتتابع مباريات ؟

شو احلى مباراة حضرانها لهلا؟

حضرت شي مباراة لايف عارض الملعب؟شو هية وشو الحلو فيا؟

احلى شي بالشام وين بتشوفو ؟

احلى شي بحلب كمان وين ؟

مطعمك المفضل؟

اكلتك المفضلة

اتعرفت عحدن من الاخوية شخصيا؟ مين ؟

بتقدر تبعد عن اخوية ؟ بصراحة

قسمك المفضل بالاخوية .. ما بعد المنبر في حال كان المنبر

سمعان شي بغنية Life is Life

كيف وصلت عاخوية ...

عندك حدن بتعتبر بمثابة الصديق الحقيقي لالك؟

عندك صديق عمر يعني .. انت وياه من زمان سوا

شو معناة داعور ؟

عندك سيارة ؟ شو نوعا ؟

ساكن مع اهلك او لحالك ؟

نوع عطرك المفضل

نوع ساعاتك المفضل.. ولا ام ال خسا عشرين عالبسطة

لو حطيتك هالكام سمايلي ... وزعلي ياهم على البشر باخوية يعني عمليا حط لكل سمايلي اسم عضو


















































موضوع لفت نظرك اخر فترة ..

اجتك شي هدية مرة .. ولهلا ما بتنساها .. بتحس الها قيمة كتير كبيرة عندك

مين بتحب اكتر امك ولا ابوك .. وليش

هلا نقي بن هالتنين :

شاورما- فلافل

مايونيز -كتشب

خبز سياحي - خبز الدولة

لحمة - جاج

قهوة عادية - نسكفايه

ميلو - كابتشينو

---------

فيروز-ماجدة الرومي

جورج وسوف-كاظم الساهر

ملحم بركات - وديع الصافي

ام كلثوم - وردة

بتحب تسكن بفيلا او ببيت عادي ؟

ليش متجاكر من الشوام ؟

وراجعلك

[باشق مجروح]

ولي حسون عم ينقلى جاوب لقلك
1- أسئلة عامة:
شو رايك بالشام؟
هل الحلبية بخلا ولا لأ بصراحة شديدة؟
ليش بيقولو عنكون جرادين ؟
شو مشان اسمك باخوية وشو قصتو؟
بتحب الحكومة والسيد الرئيس؟
..................
2- أسئلة خاصة:
شو بتعنيلك بلدك وعيلتك؟
هل انت مرتبط عاطفيا؟ وكيف؟
شو سر المشاكل بينك وبين أبوك؟
ايمتى بترجع بتزور سوريا؟
مين أكتر شخص قريب عليك؟
....................
3-ليش:
بتحب صدام ؟؟
بتحب الاتحاد؟؟
متعصب؟؟
بتحب أخوبة؟؟
بتكرهني؟؟

4- رتب حسب التفضيل:
الشاورما * الشيش * الفلافل * المشاوي؟
امك * أبوك * أخوتك * أصدقائك * حبيبتك ؟

5- أسئلة روحانية:
علاقتك بالله؟
علاقتك بالسكر والعربدة؟
اسعد اللحظات ؟
أتعس اللحظات؟
يوم بتستناه كل السنة؟
يوم بتكرهو بهالسنة؟
شو حققت من أحلامك؟
مشاريع المستقبل؟

لو:
لو خيروك ترجع واحد ميت ع الحياة مين بتختار؟
لو طلعلك مارد المصباح و معك 3 طلبات شو بتكون ؟
لو كنت بتقدر تقعد ساعة مع حدا مشهور مين بتختار ؟

رأيك:
تعدد الزوجات ؟
العلاقة بين الشاب والفتاة ؟
الزواج العرفي؟
الزواج من فتاة فاقدة العذرية؟
الحجاب؟
التدخين؟
السياسة في بلدنا ؟
أميركا؟
أنا ؟
أخوية؟

وكفاها الله

[Willi]

حسون...
شو رح يكون شعورك لما رح يخسر الاتحاد بالاياب مع الكرامة 10-0؟؟
وشو رح يكون شعورك لما يتبيض الكركر من جهاد الحسين؟؟

وشو رح يكون شعورك لما الكرامة رح ياخد كأس اسيا وكأس سوريا وبطولة الدوري هالسنة والاتحاد يطلع بلوشة من الكل؟؟


طيب عندك هالجملة
دخل حسن مجئجئاً وجئجئ الارض, فسرخت به امه هداك الصوت.

اعربلي مجئجئا وجئجئ.

ليش بحلب كتير بسمو بكري؟؟

حاج هلق

[Government]

كاتب النص الأصلي : Madmax

رأيك بهالاعضاء التاليين ..
وبصــــراحة تـــامة ..
وبدون مجاملات



Gazita غازو ياغازو من اطيب الشخصيات اللي تعرفت عليها باخوية ومن اولا كمان طيبة لدرجة بعيدة وبصراحة كتير بحبا ع كتر مو طيبة واحلى الشي فيا انو قدرت تتأقلم بمنتدى غير منتدى البلد اللي هي فيا مع ناس مختلفين باللهجة وبالتعامل وبكلشي ومع هيك قدر تتأقلم معن
Reemi ام الريم وردة جبلة والساحل كلو شخصية رائعة وبتجنن ماكنت في احتكاك كتير بيني وبينا من قبل بس لما احتكيت معا شوي تبينلي انا شخصية شي اكابر كتير وبعدين بكفي بتحب الاغاني اللي بحبا انا ووفيق حبيب ..وجبلاوية
marioma alghzayala بصراحة ما كتير في حكي بيني وبينا يعني مالي حاكي معا بحياتي بس انو بحسا من خلال الاخوية مزوقة كتير وحبابة متل مابيحكولي عنا بالاضافة لصوتا الحلو كتير وزوقا الحلو بالموسيقى .. ومن الشخصيات اللي بتتمنى تتعرف عليها باخوية عامة
hanny dagher ابو الهن العظيم .. بصراحة كتير بحترمو لهالزلمة وبحبو وبحب الحكي معو مع اني مابحكي معو برات الاخوية بس كتير بحب احكي معو ومازحوا ونتسلى عليه ودمو خفيف كتير ابو الهن وبدخل ع القلب ع طول بدو استأزان .. واحلى ابو الهن واحلى جماعة الداغر كلن ..
Willi جوجو .. هادا قصة كبيرة كتير .. ع سنو اللي مو كبير نسبيا بس مثقف وواعي كتير كتير يعني بيعطيك ع 30 سنة وفوق .. ثقافتو كتير حلوة وحكيو حلو بختلف معو احيانا بشغلات وبتفق معو بشغلات .. بس النقاش معو بسلي كتير لانو بوصلك فكرة صحيحة او انو بيحكي بعقل وبمنطق .. بس مع كل هالمزايا مشكلتو بضل حمصي وكرماوي كمان .. للاسف
layla ليلى كمان ماكتير محتك معا بالمرة ولا حاكي معا ولا مرة .. بس انو كتير اكابر ومشاركتا بالاخوية بدل ع هالشي من فترة صغيرة عرفت انا اخت ريتا .. بس عنجد كلا زوق وراقية كتير هالمرا ومافي منا ومابتأذي حدا ولا بتجرح حدا .. مع انو قلانة دخلاتا كتير ع الاخوية وان شاء الله بترجع متل اول ..
sezar معلم سيزار جارنا بقطر .. كمان ماكتير في احتكاك بينو وبينو .. بس كتير بحترموا صراحة وبقدروا وبحسو من اعمدة الاخوية الكبيرة .. وكمان مابنسى الهدية اللي بعتلي ياها تبعت المقطع اللي صمملي ياه عن مبارات سوريا والعراق بزمانو اللي حضرناها .. وفيديو بجنن وكل مابحضرو بزكرني فيه .. وتحياتي الو كتير
sweetbaby رتروت .. شخصية مرحة كتير كتير وبتجنن بصراحة .. وكتير ظريفة ودما خفيف والحكي معا بسلي .. وحمصية من الحمصيات اللي بيدخلو ع القلب بسرعة وعنجد ريتا كتير نفسيتا حلوة وبتجنن .. ومحبوبة من الكل .. بس لو ترجع شعرا للون الاشقر بتطلع مافي منا
الحاج متولي يوسف الغالي .. هالزلمة شغلة كبيرة .. بصراحة كتير بحترمو ابو اليوس وكتير قريب مني وبحب الحكي منو كأني عبحكي مع ابوي .. واعز هالسنة وبعد ما اجا حلم الله علينا صار واتقابلنا بحلب بعد ستين الف موعد وكان لقاء بجنن انا ويا وفلاش باك .. وعنجد حكينا كتير وماخلينا شي .. وكتير انبسطت في ومشتقلو كتير صراحة هلأ ومتمني شوفو والله يخليلو ابنو حمودة وبنتو وعيلتو كلا
maged-syrian ابو المجد .. انسان مثقف حباب كتير شخصية حلوة كتير وبتجنن .. بس مشكلتو انو احيانا بعصب زيادة ومابتمالك حالو بالحكي وبخبص شوي يعني مع العالم .. بسبب عصبيتو او تهورو نوعا ما .. بس بكشل عام هو بينحب كتير ومافي منو والله يرجع لبلدو بخير وسلامة ويعيش مرتاح وبلا عازة ال سعود كلن
butterfly مرسيل .. طبعا اول فتراتي بالاخوية او بالاحرى بعد مدة صغيرة .. كنت ماكتير اهضما مابعرف كنت حسا شخصية متعجرفة نوعا ما او انو شايفة حالا وهيك شي .. وصارت شوية نقاشات بيني وبينا وهيك حكي ولت وعجن بس اول مانزلت ع حلب وصلني تلفون منا .. بصراحة كنت اخر وحدة متوقع اني شوفا بحلب هي مرسيل بس بصراحة لما دقتلي هداك التلفون والتقينا كزا مرة بحلب بصراحة تغيرت فكرتي عنا تمام تمام وصرت حبا صراحة عكس الفكرة السابقة وبصراحة شخصية حلوة كتير مرسيل وطيبة لابعد الحدود واحلى الشي فيا طيبة قلبا وانو مابتحقد ع حدا مهما عمل معا بس بتروق بسرعة وبتسامح كتير ..وصرت احسبا بحسبة اختي والله .. وطبعا مامنسى انو لوللا ماصارت هالمكتبة بالاخوية ..
وشم الجمال سراب .. اول مادخلت ع الاخوية ماكنت بعرفا لحدا ماضافتني ع الماسنجر وحكينا .. وكتير انبسطت بالحكي كتير صراحة وخاصة انو بتحب قضيتا قضية بلدا قضية فلسطين وبصراحة كتير احترمتا ع ارائا .. ودخلتي ع قلبي لانو انا اغلب رفقاتي فلسطينين من سكان الاردن مشان هيك تالفت ع سراب بسرعة كتير .. وهي كمان شخصية طيبة كتير .. وبتتالف ع العالم بسرعة .. وعاملة شغلة كتير حلو بالاخوية مع انو هي بتعتبر من الاعضاء الجداد نسبيا ..
Syrian__Angel على ما اظن على ما اظن اسما ديما .. ازا مو غلطان .. كمان مافي كتير حكي بيني وبينا .. بس مرة حكينا وتنقاشنا زيادة بموضوع بالمنبر مو متزكر شوي هو .. بس انو من خلال متابعتي الا شخصية حلوة كتير كتير وظريفة وكتير بتحب تحط شدات ع الحروف مابصير كلمة بلا شدة .. بس بشكل عام شخصيتا حلوة كتير ومرحة ومحبوبة كتير .. وكمان بحسا مثقفة وخاصة من خلال ردودا بالمنبر
أبو شريك, ابو شريك كمان حبيبو لحبيبنا غايب عنا مدري ليش صلو فترة والله يرجعو .. حاكيين كزا مرة بكزا موضوع ومنتفق بكتير شغلات .. وبصراحة بحبو كتير اب شريك .. يعني تفكيرو قريب من تفكيري نوعا ما .. وطولت الغيبة ابو شريك
Hashtnasht مافي اي شكل من اشكال المعرفة .. بس بمدحوا منو كتير وعامل شغل حلو كتير بالموسيقى بالفترات السابقة
ASH عبد .. شخصية ماصلا زمان باخوية .. دخل دخلة قوية كتير ع الاخوية .ز يعني بمدة بسيطة عمل صداقات ومعارف وشغل انا اللي صلي سنتين ماعملت نصن .. عبد شخص منيح ومتمكن بس الو شوية مشاكل انو بحب يعني يتقمص شخصية بعض الناس .. يعني مثلا بحب يتبع الفكرة لمجرد انو صايرة موضة .. يعني وكمان بحب كتير بحب يظهر الشغلات اللي بعملا او انو بحب يورجي شغلو ويمدح قدام الناس .. بس بشكل عام عبد شخص مافي منو وبينحب كتير .. وشفتو كزا مرة انا بقطر .. وكنت سعيد بشوفتو كتير .. وكمان عمرو مايعطي ع قد شكلو ..
والله يرجعو ع قطر بالسلامة
ٍٍٍSyrian Gay رامي يارامي .. هادا عاد قصة كبيرة كتير كتير ... طبعا اول مادخل ع الاخوية انا تفاجأت في بحكم عدم اختلاطي ببكتير مع ناس مثليين او يعني ماكتير عندي معرفة عنن .. طبعا كنت ضدو كتير انا وضد اسمو .. اللي عتبرتو انا نوعا ما فيو تشويه لاسم سوريا .. وطالبتو كتير انو يغيروا ودخلنا بنقاشات طويلة وعريضة وقصص مشان قصة اسمو مشان الفكرة اللي عبوصللنا ياها .. طبعا نقدتو كتير باول دخلتو وانو طلبت من يغيرو اسمو وانو قستا كمان ازا صار بيوم من الايام مشرف باخوية انو ماحلوة يكون مشرف بموقع متل اخوية وضرب واطرح غاي مثلا .. او حدا من صغار العقول مابتقبل هالفكرة ويعيرنا بهالشغلة يعني طبعا لانو مو كل الناس بتتقبل هالفكرة لهلأ ازا نحن تقبلناها وطبعا حكي كتير .. بس بالاخير بطلت احكي بهالموضوع بعد ماتعرفت عليه اكتر وحكينا ع الماسنجر .. وبضل هي حرية شخصية انا مادخلني فيا .. وطبعا ازا كبينا كل هالشي ونسينا فرامي رفيقي كتير كتير وكتير منحكي انا وياها وبصراحة بحب طريفة تفكيرو انا ودخل ع قلبي بسرعة وخاصة لما منحكي ع املاسنجر وشب قلبو طيب كتير وبجنن .. ومن الرفقة اللي بتمنا قابلن بالمستقبل .. (اصحك يروح بالك لبعيد انت وياه هه
Fares مابعرفو كتير للمعلم .. بس من فترة صار يدخل ع الاخوية كتير وعمل شغل رائع كتير كتير بقسم الرياضة قسمي المفضل .. وشخصية محترمة كتير من خلال تعاملي معا بالاخوية
Geeny مافي حكي كتير بيني وبينا ابدا .. بس بالعربي ماهضمتا كتير وبالمرة ماتنهضم .. وشايفة حالة ومو مستحكمة على ايش مابعرف .. وبصراحة ماخرج واحد يحكي معا ومع هالنفسيات بشكل عام
yass كنت شوفو اول مادخلت ع الاخوية .. بس كان مجهول نوعا ما شخصية مجهولة .. بس بالفترة الاخيرة لما بلش يشارك كتير ويقرب من الاعضاء اكتر اوكتر .. بينت شخصيتو الحلوة والرائعة .. هلأ انا ولا مرة حاكي معو .. بس حكولي عنو كتير انو شخصية رائعة وبتجنن وحليوة عن الصبايا وشغلة غمازات وماغمازات وكمان بالاضافة لهيك شخص مثقف جدا ومحاور راقي كتير .. وبيحكي بعقل وبخليك تحترمو غصبالعنك ,, وبتمنى انو اتعرف عليه اكتر .. واحلى عيال الرقة والله
كهربجي المعلم كهربجي .. حصل شوية سوء تفاهم بيني وبينو باول دخلاتو بالاخوية واستمر شوي هالشي .. بس انو انا ضليت احترمو لما عرفنا عن قرب اكتر من خلال الاخوية .. وبصراحة كتير بحترموا وبحترم نقاشا شخص جدي كتير والو شخصية حقيقة عنجد وهيبة نوعا ما .. ومثقف كتير كتير .. وبكفي انو من جماعة المنبر هو وياس .. واسمو كنت حبو كتير الاولاني اكتر من هادا كهربجي مثقف وهي وردة الو
راديا ردوشة .. رفيقة غالية كتير وكتير كتير بحبيا ومشتقلا .. حاكي معا كزا مرة ع التلفون وع الياهو وبتجنن هي واختا اسماء .. وعنجد احلى صبايا الجزائر كلن .. واحلى ردوشة وصلا فترة مادخلت ليش الله واعلم .. وبقلا اشتقنالك ردوشة .. وكتير بعزا لهالبنت
SABE ماكتير بعرفو للمعلم .. بس انو تعاملت معو بشغلة تغيير الاسم بس وكتير تبينلي انو راقي وحباب ويعني هيك كلامو حلو .. وعطاني كم نصيحة مشان الاسم مابنسالو ياهن ..
HUS شغلة كبيرة هالزلمة عامل شغلات بحياتو منيحة كتير وانو شخص الو اشغالو واعمالو وابو شغلو الخاص مو مجرد شخص عادي .. كتير انحكالي عنو وكتير ناس بتحكي عنو شخصية كتير ناس بتطمح لانو تحكي معا بس ..وبكفي انو عمل الاخوية .. وطبعا هو لو بدك تدخل بالحكي عليه عليه ملاحظات كتيرة كتير يمكن لبكرة مانخلص حكي فيا .. بس بالمختصر شخص رائع مو مجرد شخص عادي عملو شغل روعة بحياتو وثقافتو عالية كتير وطبعا مع بعض الملاحظات عليه بحكم مكانو او رئاستو او بحكم انو الراس الكبير او الرئيس تبع الاخوية .. فلازم يكون عليه حكي كتير .. زبس لو يقصر ردودو لانو بس شوف ردودو برتعب ومابقرا اكتر من كم سطر وبمل
Barleb برليبو الصديق العزيز ,, اول مادخلت ع الاخوية ماكتير كنت حبو بالمرة .. وكنت حسو طائفي لدرجة بغيضة بس بعد ماتعرفت عليه اكتر حبيتو كتير وحكينا كزا مرة ع الماسنجر مابعرف بحسو احيانا محشش احيانا صحيان مع انو اكتر حياتو محشش بس كتير طيب برليب وخاصة لللي بقدر يفهموا ومافي منو عنجد اكابر كتير وصريح لدرجة كبيرة .. واحلى برليبو واحلى قامشلاوي
باشق مجروح باشق يا باشق .. انو من الاعضاء الجداد نسبيا .. بس بالفترة الاخير قدر يفرض وجودو ويخلي الناس تعرفو .. ويعني صاير من الشخصيات اللي ماصلا زمان بس محبوبة ومأتبثة وجودا .. اختلفت معو مرة مشان موضوع شوي فيو طائفية او حساسية بس انو بالاخر حلينا القضية وماكبرت كتير وماتعمقنا بالنقاش لانو حسيتو بالاول شو طائفي بس انو حلينا القضية ومشي الحال .. ولما بتتعرف عليه عن قرب اكتر بينحب هو ومافي منو ودماتو خفاف ..وجايي هلأ بموضوع العلقة مع الحماصنة واحلى باشق ,,

was616im

انكسرت ايدي .. راحة وبرجع ينعن سعدو برجلي

[طفوله]

ليه اسمي موجود بين الاعضاء


شيه انا مو محسوبه

[Government]

كاتب النص الأصلي : طفوله

ليه اسمي موجود بين الاعضاء


شيه انا مو محسوبه

حقك علي
زرعيا بدقني عنجد
متل ماقلت من شوي الاعضاء كتار وماخرج اجمع شقد ماتزكرت ناس بطلع نسيان ..
وبضيفك ع القائمة من عينيا التني ولا يهمك
وسوري ع النسوة

[طفوله]

حليتا هلئ .يا اخي اكتبلك كلمتين جبر خواطر

[Syrian Gay]

كاتب النص الأصلي : GOVERMENT

Syrian Gay رامي يارامي .. هادا عاد قصة كبيرة كتير كتير ... طبعا اول مادخل ع الاخوية انا تفاجأت في بحكم عدم اختلاطي ببكتير مع ناس مثليين او يعني ماكتير عندي معرفة عنن .. طبعا كنت ضدو كتير انا وضد اسمو .. اللي عتبرتو انا نوعا ما فيو تشويه لاسم سوريا .. وطالبتو كتير انو يغيروا ودخلنا بنقاشات طويلة وعريضة وقصص مشان قصة اسمو مشان الفكرة اللي عبوصللنا ياها .. طبعا نقدتو كتير باول دخلتو وانو طلبت من يغيرو اسمو وانو قستا كمان ازا صار بيوم من الايام مشرف باخوية انو ماحلوة يكون مشرف بموقع متل اخوية وضرب واطرح غاي مثلا .. او حدا من صغار العقول مابتقبل هالفكرة ويعيرنا بهالشغلة يعني طبعا لانو مو كل الناس بتتقبل هالفكرة لهلأ ازا نحن تقبلناها وطبعا حكي كتير .. بس بالاخير بطلت احكي بهالموضوع بعد ماتعرفت عليه اكتر وحكينا ع الماسنجر .. وبضل هي حرية شخصية انا مادخلني فيا .. وطبعا ازا كبينا كل هالشي ونسينا فرامي رفيقي كتير كتير وكتير منحكي انا وياها وبصراحة بحب طريفة تفكيرو انا ودخل ع قلبي بسرعة وخاصة لما منحكي ع املاسنجر وشب قلبو طيب كتير وبجنن .. ومن الرفقة اللي بتمنا قابلن بالمستقبل .. (اصحك يروح بالك لبعيد انت وياه هه

حسووووووون شو هاد
انو كللو تمام التمام وانتفخ راسي فخراً بأعجابك فيني ..
بس شو مشان الكلمة الملونة بالأسود فوق .. ولك انت منغولي شي ما بتميّز .. لك أنا شببببببب

[Government]

كاتب النص الأصلي : Syrian Gay

حسووووووون شو هاد
انو كللو تمام التمام وانتفخ راسي فخراً بأعجابك فيني ..
بس شو مشان الكلمة الملونة بالأسود فوق .. ولك انت منغولي شي ما بتميّز .. لك أنا شببببببب

لك غلطة مطبعية ابني غلطة مطبعية اشبك فلتت
من كتر ماكتبت طلعت هالتخبيصة عندك ..
بعرف انك شب اش جديدة هي
حقك علينا ع هالغلطة الحق ع الكيبورد

[The morning]

Willi جوجو .. هادا قصة كبيرة كتير .. ع سنو اللي مو كبير نسبيا بس مثقف وواعي كتير كتير يعني بيعطيك ع 30 سنة وفوق .. ثقافتو كتير حلوة وحكيو حلو بختلف معو احيانا بشغلات وبتفق معو بشغلات .. بس النقاش معو بسلي كتير لانو بوصلك فكرة صحيحة او انو بيحكي بعقل وبمنطق

كـأنك قاعد ببالي على هي الجمله اللي بالاحمر ..

[butterfly]

كاتب النص الأصلي : Syrian Gay

.. ولك انت منغولي شي ما بتميّز ..

المنغولي مرض مانو مسبة ..

[Syrian Gay]

كاتب النص الأصلي : butterfly

المنغولي مرض مانو مسبة ..

ع سبيل المزاح ..
عدّلتا 600 مرة ورجعتا .. أنو حرام مرض خلقي .. بعدين قلت بتستعمل ع سبيل مزحة كمان .. فـ رجعتا (وفيكي تطلعي ع التعديلات "إذا معك صلاحية" )
قام أخر مرة رجعتا لأن الأستاذ حسن كان اقتبس حكيي .. قام اضطريت رجعا منغولي بشان التطابق ..

بعدين :
بيني وبينو >>> أنتي شو ؟

[باشق مجروح]

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

باشق يا باشق .. انو من الاعضاء الجداد نسبيا .. بس بالفترة الاخير قدر يفرض وجودو ويخلي الناس تعرفو .. ويعني صاير من الشخصيات اللي ماصلا زمان بس محبوبة ومأتبثة وجودا .. اختلفت معو مرة مشان موضوع شوي فيو طائفية او حساسية بس انو بالاخر حلينا القضية وماكبرت كتير وماتعمقنا بالنقاش لانو حسيتو بالاول شو طائفي بس انو حلينا القضية ومشي الحال .. ولما بتتعرف عليه عن قرب اكتر بينحب هو ومافي منو ودماتو خفاف ..وجايي هلأ بموضوع العلقة مع الحماصنة واحلى باشق ,,

ولك انو كل الحكي ع العين والراس وبيجنن بس انو أنا طائفي
أنا ما بحب صدام بس ولي عليك
حلبي ما بينعتب عليك
.
.
.
.
.
.
.

[Government]

منكمل .. بعد مانزلت لعبت دق طابة بالحارة ومشي الحال ..

[butterfly]

كاتب النص الأصلي : Syrian Gay

ع سبيل المزاح ..

بعدين :
بيني وبينو >>> أنتي شو ؟

انا ما اتدخلت للدفاع عن حسن ...
انا اتدخلت لأني بنزعج وقت .. حدا بيستعمل منغولي .. أو معاق .. على انها مسبة

متل ما انت بتضايق إذا حدا عم يسب حدا تاني قلو شاذ ...


مجرد قضية وقناعة ..
حسن لسانو بيلف عبلد اكيد ما رح فوت دافع عنو

[Syrian Gay]

كاتب النص الأصلي : butterfly

انا ما اتدخلت للدفاع عن حسن ...
انا اتدخلت لأني بنزعج وقت .. حدا بيستعمل منغولي .. أو معاق .. على انها مسبة

متل ما انت بتضايق إذا حدا عم يسب حدا تاني قلو شاذ ...


مجرد قضية وقناعة ..
حسن لسانو بيلف عبلد اكيد ما رح فوت دافع عنو

أها .. كنت بدي منك هالرد ..

لما بيكون الموضوع و طريقة المشاركة جديّة .. وأجيت أنا استعملت كلمة "منغولي" كـ مسبّة .. فأنا ما رح سامح نفسي عليا .. هيك أنا جرحت فئة معينة من البشر ..

بس لما بيكون الموضوع والمشاركة مزح ومناقشات لينة .. هداك الوقت فيني استعمل كلمات تستعمل بالجو العام كـ مزحة أو مسبّة خفيفة ..

متل ما واحد بيقول للتاني "يا مجنون" أو "يا جدبة" .. كمان هدول فئة من البشر .. ما بيصح الواحد جديّاً يقول للتاني هالكلمتين إلا إذا كان ع سبيل المزح ..

فهمتي المغزى وللا لا ..؟

[Willi]

كـأنك قاعد ببالي على هي الجمله اللي بالاحمر ..

شو قصدك ولي....
ولا صحي بعرف شو قصدك

[Government]

the light معلم حسان .. اول مادخلت ع الاخوية صار سوء تفاهم بيني وبينو هيك شوي صار شوية حكي طالع نازل .. طبعا انا ماكنت بعرفو ع حقيقتو واللي مابيعرفك بيجهلك .. بس طبعا اكتشفت حالي غلطان وبصراحة قدمتلو اعتزاري ع الخاص ع اللي عملتو معو .. طبعا شخصية بتستحق الاحترام عايش بفرنسا البلد اللي كتير بحبو .. ثقافة عالية .. وبصراحة رجعتو ع الاخوية وحركاتو رجعت شوي من روح الاخوية هو وكم عضو .. عنجد من الاعضاء المثقفين كتير واللي بصنفن من الاعضاء الاكابر كتير كتير وطبقة المخملية تبع الاخوية ..
سرسورة سارة على ما اظن .. كمان مافي كتير احتكاك بيني وبينا ولا مرة حكينا مع بعض بالمرة .. بس انو من الحكي اللي بجيني عنا وحكولي عنا انو عنجد شي اكابر كتير وفاخر ومافي منا عنجد وبمدحوا منا كتير ..مع انو بالفترة الاخيرة كان الي موضوع بالسقيفة بس لاسف حزفتلي ياه .. بس شرحتلي القصة وهيك ع الخاص .. وفهمتني الموضوع وبصراحة ماكان مني الا اخد الموضوع عادي واتقبلا بسبب لطفا بالحكي وشرحا الموضوع مع انو هي مامطرة اكيد مابنكراني زعلت ع الموضوع بس مامشكلة كلام مزبوط كان .. طبعا طلع عليها كم ملاحظةبالفترة الاخير انو مسكت السقيفة بقبضة من حديد نوعا ما وصارت تعمل شوية ديكتاتورية بالسقيفة مع انو السقيفة كلا ع بعضا قسم مابيستاهل هالشي .. وهادا الشي سبب خنقا شوي للاعضاء اللي برتادو السقيفة ولالي كمان نوعا ما .. بس انو اكيد بضل سارة من اكابرية الاعضاء بالاخوية والكل مدح فيا .. وحبوبة من الكل .. ومن الشخصيات اللي منتمنى انو تصير معرفة بينا
محمد ابراهيم باختصار اخوي الكبير .. مع انو هو ببلد واانا ببلد تانية .. وصعب نلتقى كتير .. بس انو يعني قريب كتير كتير الي ومن اقرب الاعضاء ومن اول الاعضاء اللي تعرفت عليهن باخوية صلنا فترة منعرف بعض وعنجد حمادة الو معزة خاصة بقلبي .. وبتمنى التقي فيه لهالشب شي نهار .. واحلى مصري بمصر كلا
GOVERMENT .. دخيل عينو هالزلمة .. سكرة الله يحرسو لاهلو .. وبصراحة هالشب انا بحبو كتير كتير كتير وعاشرتو صلي زمان عنجد شب مافي منو اخلاق وعلم ادب وزوق وشخصية راكزة والو هيبة .. وبصراحة انا من هون ومن هالمنبر .. بنصح كل صبية باخوية .. جديدة ولا قديمة .. انو عنجد تتعرف عليه لانو شخصية مافي منا .. وانو ماتستحي بالمرة .. وتبتعلو رسالة خاصة رأسا رأسا وتقلو انا معجبة في لانو صدقوني شب مابيتوض ونص الصبايا بحلمو في .. مشان هيك بنصح كل صبية انو ماتروحوا من ايدا وتتعرف عليه هلأ هلأ .. و ع الخاص رأسا ماتخجل منو لهالشب العظيم ,,
صياد الطيور معلم مازن .. الوسوفي الكبير والمدريدي الرهيب .. كتير الو ردود بحبا ومتفقين ع كتير شغلات والو اهتمامات رياضية ومن وبالدوري السوري كمان وبصراحة انا بحب هالنوع من الناس .. وكتير منتفق انا ويا بافكار مشان هيك بحترموا وبعزو كتير مع انو ماكتير حاكيين مع عض .. ومختفي عنا هالكم يوم ..
اسير التشرد اسير التشرد ع زمان الروم بزمانا علقت انا ويا لسبب مابتزكر شو هو بس كل اللي بتزكروا انو صار يحكي بطريقة ماكتير حلوة وماكتير بستصيغا معي .. بالحكي معي واانا رديت عليه وصار حكي شوي طالع نازل بيني وبينو .. ومن هداك اليوم مافي كتير حكي او بالاحرى قليل كتير وهو بالاصل مافي معرفة .. بس انا مع هيك بحترمو كتير كتير .. لانو شخص ثقافتو عالية اولا .. تانية ردودو بتعجبني وفيا شي حلو والا طعم خاص .. مابعرفو شو صايرو مشاكل بالفترة الاخيرة مع الادراة بس مع كل هيك بحترموا لثقافتو العالية وردودة الحلوة اللي الا طعم خاص
phoenixbird طارق .. او كنان .. كتير بحبو لطارق مع انو وعدني مرتين بزياة ع قطر ع اساس بس مابعرف شو طلعتلو ظروف وماصحلو انو يجي .. شخص اثار علامات استفهام كتير كبيرة عند كتير من الاعضاء وكتير اعضاء بتحب تتعرف عليه اكتر واكتر لتشيل هالعلامات الاستفهام عنو .. بس من خلال حكيو معو انا شخص طيب وودود .. ومحترم .. بس بتمنى انو يحاول يشيل هالصورة المجهولة عن حالو نوعا ما ويعرفنا ع حالو اكتير وبمعلومات دقيقة مشان تنشال هالعلامات الاستفهام عنو .. واحلى اب طريق
the morrning يعني هون مابعرف شو بدي احكي .. فيني اختصر هالاسم هادا بكلمتين .. اختي الكبيرة .. وبس يعني من اوائل اللي تعرفت عليهن باخوية هي كانت ام الشوش .. منحكي دائما .. يعني بحسا قريبة مني كتير كتير .. بحكيلا كتير شغلات عني مابحكيا لحدا تاني الا ولرؤى يعني انو بحسا متل اختي وعانا عبحكي معا بما انو انا ماعندي خوات عنجد ام الشوش شخصية رائعة كتير وفنانة عظيمة وبرسماتا وبحبا للرسم والمسرح وهالشي .. ومتل ماقلت مافيني قول غير اختي الكبيرة ..
COSTA معلم نبيل مالي كمان كتير احتكاك معو وعلاقتي فيو محدودة جدا .. بس من خلال الاخوية هو شخصية محترمة كتير .. بس احيانا الو شوية انفاعلات زايدة بتأثر عليه .. والو مواقف غير مألوفة نوعا ما .. يعني هالشي كلو بخليك ماتحطلو شخية وحدة لهالشب يعني الو عدة تقلبات بردودو وبحكيو من خلال الاخوية ومواقف غير مألوفة .. بس بشكل عام مثقف كبير كبير وبقدر في هالشي ..
handsome وسيم على ما اظن .. ماكتير بعرفو ومالي محتك في بالمرة .. بس انو من خلال ردودو فهمان كتير ومثقف لدرجة كبيرة .. وردودو كلياتا منطقية وواعية .. وصرلو فترة غايب عنا
abosleman ابو سليمان الغالي هادا بقى قصة كبيرة .. الشي القريب مني اكتر الشي واللي بميزوا عن الكل انو معي بقطر .. والتقينا كزا مرة وطلعنا مع بعض .. ومنحكي ع التلفون بين فترة وفترة .. اب سليمان عنجد بحبو كتير شخصية كتير راقية كتير .. ولطيف لدرجة بعيدة حتى صوتو ممكن ماتسمعو ع كتر مو لطيف عنجد هالزلمة مو ناقصو شي وشي اكابر كتير ولما بحشش وبشتغل معو عرق التحشيش بصير حشاش من الدرجة الاولى .. ووبعتبرو احلى حمصي شفتو بقطر كلياتا
LiOnHeArT (سابقا) حبيبنا الحمصي .. مابعرف ليش غير اسمو مع انو كان حلو كتير كتير بس غيرو .. مابعرف كتير عنو ولا مرة حكينا بس من خلال الاخوية شب رايق وبسلي وبتمنى انو نتعرف اكتر بالمستقبل ..
betty_palestine بيتي يا بيتي .. كانت ماشية تمام ومافي منا .. بس مابعرف شو صار بالفترة الاخيرة ولحدا مادخلت بالمعتقل مابعرف بالزبط ع شو صار الخلاف او ماكتير تابتعو مشان هيك مافيني احكم بالزبط .. بس بيتي بحكولي عنا كتير محبوبة ورايقة وظريفة وحبوبة .. مع اني مابعرفا ولا حكينا ابدا وبتمنى اني اتعرلف عليها بالمستقبل بس بتمنى انو تروق شوي وتاخد الامور باريحية اكتر .. لانو انتي عضوة مع انك جديدة تقريبا بس محبوبة من بين الاعضاء وخاصة الجداد واحلى بيتي
yamen_h مابعرف هالزلمة ماكتير بينهضم بالمرة .. يعني عندو حقد اعمى وع الحلبية بالزات .. حاولت انتي اتفاهم معو او انو اعرف سبب كرهو بس للاسف هو شخص صعب انك تتفاهم معو ومن جهتي ماكتير بهضمو وبعتبرو من الاعضاء اللي ماكتير مناح واللي ماكتير بقدر اتفاهم معن بالاخوية .. وبس بينطبق عليه المثل قاعد بحضنا وعبينتف بدقنا
BL@CK عبدو ياعيدو .. طبعا هالسنة تعرفت عليه لما نزلت ع حلب .. وطلعنا انا وياه كزا مرة .. كتير بحبو صراحة مع اني كتير بختلف معو .. بس عنجد عابد كتير بتالف عليه وشقد ماعمل مشكلتي بضل بحبو .. منتخانق احيانا ومنختلف مشان شغلات كتير بس مابقدر زعلو لعابد البطة ليش مابعرف .. وعابد طبعا ثقافتو عالية كتير كتير وعندو كم من الثقافة عالي كتير بصراحة مابتوفر لاي حدا .. وطبعا عابد معلمني كزا شغلة ومفهمني كزا شغلة مابنسالو ياهن بحياتي لاني عرفن بسببوا ومشان هيك بحبو وامبقدر زعلو حتى لو اختلفنا
MadMax اب سمرا السكرة .. ملك طرطوس والساحل وماجاوراها .. زلمة مافي منو سكرة كمان معرفتي في قديمة نوعا ما صلي بعرفو شي سنة وشوي ... زلمة صاحب كييييييف كتير كتير ورواق .. كيف ع العرق والسهر .. اب سمرا كمان شب فهمان وواعي وبيحكي بالعقل .. وبصراحة كتير كتير بنبسط بالحكي معو وباخد راحتي كتير وومكن نختلف ع كتير شغلات بس بضل اب سمرا غالي .. وبصراحة متل اخوي الكبير بعتبروا مع اني مالي شايفة ولا مرة بس عنجد بحسو متل اخوي الكبير
وائل76 وائل ياوائل هادا اول واحد تعرفت عليه يمكن بالاخوية كلا .. يعني شخص عظيم كتير وكاتب رائع وخاصة بالفترة الاخيرة .. يعني انا ووائل صحبة من زمان حاكيييييين كتير مافي شي الا ماحكينا في بحبو لوائل كتير وبقدروا جدا جدا .. وبحترم رأيو كتير عنجد وكمان بحسو متل اخوية الكبير عنجد يعني ضخص طيب طيب طيب لابعد الحدود بحياتي ماشفت منو شغلة غلط من اول ماعرفتو لهلأ .. وهادا شي موغريب عن الشعب الفلسطيني كلو والله يفك الحصار عنو بغزة وريجع الوضع طبيعي
مسطول ع طول حسامو الملك .. سخص رائع ومقفلاتي كبير درجة اولى يعني ردودو رائعة ومواضيعو اروع وخاصة بالمنبر .. يعني بيعرف كيف يرد وبطريقة صح ومزبوطة .. وفي ينقد الشخص او يسبوا حتى بس بطريقة ادبية جدا .. يعني بيقدر يشلح الواحد ع الساكت متل مابقولو بحلب .. وشخض ثقافتو كبيرة كتير كتير وكلو واضح من المنبر ومع انو مشاركاتو قليلة كتير بس انو بيعرف كيف يرد وباسلوب حلو كتير وممتع ومضحك بكتير من الاحيان وبحب ردودو كتير انا وبتابعا ..
شامي من طوكيو مارح احكي كتير .. لانو ماكتير هو بحب يورجي شخصيتو او يحكي عنا او يظهرا .. بس فيني قول واختصر من خلال معرفتي فيه الشخصية انو شخص رائع كتير كتير ومافي منو وعنجد شخصية حلوة وكتير طريقتو واسلوبو بشبه مسطول ع طول حسام وانا بصراحة ماكنت فرق بين
أمرأة من ورق مالي حاكي معو ولا مرة .. ولا في اي معرفة .. بس من خلال الاخوية .. شخصية رائعة كتير واكابر بدرجة كبيرة وكتير طيبة القلب وبحياتا مازعلت حدا منا .. شخصية نوعا ما مجهولة .. بس عنجد كتير بحترما انا لطيبة قلبا واكابريتا
Roaa ام الرور .. شغبة كبيرة يعني هي لو بدي احكي عنا بدي صفحتين يمكن وما اخلص عنجد .. بس مافيني غير قول انو هي اعز اعز رفيقة عندي .. تقريبا صلي بعرفا سنتين بس بتزكر اول مادخلت ع الاخوية شفت اسما والله عجبني عرفت انو حلبية قلت خليني اشوفا وبعتلا هالبرايفت وسحبت معنا بس عنجد ام الرور شخصية عظيمة وكتير بتعز علي والا مكانة خاصة بقلبي بحكم رفقتنا .. يعني وبتعرفي كلشي كلشي عني تقريبا وحاكيلي كلشي انا وكتير برتاح لما بحكي معا .. وتقريبا ازل مو كل يومين حكيتا ع التلفون بحس في شي ناقص ازا ماطمنت عليها او سمعت صوتا .. يعني متل ماقلت بدا وصف لبكرة .. بس عنجد ام الرور الا مكانة خاصة وخاصة جدا .. ومع اني ماشفتا لهلأ شخصي واحلى ام الرور الغالية ..
مايا* مايا بصراحة اول الشي ماكنت ميز بينا وبين ليندا بمالرة كنت فكرن واحد بس بعدين صرت اميز .. مايا حكيا كتير حلو وبتجنن واحلى حمصية بالمانيا كلا حاكي معا كزا مرة كتير ظيفة وحبابة وطيوبة .. وعتبان عليها ليش ماعبتبني بالاخوية ليندا ليندا .. كتير طيبة ورائعة هالمرا .. كتير بحبا وبحترما .. وراقية لابعد الحدود وحكياتا حلوين كتير منحكي كتير ع الماسنجر .. ومنتفق بكتير شغلات ونادرا مانختلف .. واحلى ليندا بدبي كلا
fofo besset syria فوفو يافوفو .. بصراحة فوفو بتدخل ع القلب بسرعة ليش مابعرف انو غريب من ردودا هيك بتحبا بهالبنت وبتدخل ع القلب يعني كتير طيبة وعفوية واكتر الشي بحبا فيو عوفيتا يعني ماعندا ا نوع من التصنع هيك عايشة عفوية كتير وما بتأذي حدا ولا بترجح حدا .. مع اني مو حاكي معا ولا مرة بس كلو هادا بظهر من خلال مشاراكات بالاخوية وعنجد اكتير شي بحبو فيا عفويتا وطيبة قلبا .. وبتمنى تصير بيناتنا معرفة اكتر بالمستقبل ازا الله راد وبكفي انا رفيقة ام الريم ..
Abu Guzef اب زوزيف الحبيب .. اول مادخل ع الاخوي بصراحة ماكنت حبو كتير .. يعني كنت احسو معلاق مطجن ودمو تقيل ومواضيعو بايخة بس انو ماكنت بعرفو .. بس لما تعرفت عليه عن قرب اكتر وضافني ع الماسنجر .. عنجد دخل ع قلبي .. واكتشفت انو قلبو طيب كتير كتير لابعد الحدود ومابحقد ع حدا بالمرة وبكلمتين برضا وعفوي كمان لابعد الحدود وطيبة قلبو زايدة حتى ممكن عبتسسبلو شوية مشاكل .. بس عنجد اما اب زويزف غالي علي وبحب قلبو الطيب وعفويتو .. واحلى اب جوزيف الغالي
الموسيقار ماكتير بعرفو لموسيقارنا .. بس كمان انو اول مادخل ع الاخوية كنت احسبو ع قامئة المعاليق المطجنيني والغلاظ بس بعد ماحكولي عنو بلشت تتبدل شوي هالفكرة وطلعت غلطان انا مابعرفو كتير ومالي حاكي معو بس ع وصف العالم شخصية حلوة كتير ومافي منو ومحبوب عند اغلب الاعضاء .. وبتمنى اني اتعرف عليه اكتير بالمستقبل على هالشخصية الحلوة .. واحلى موسيكــار .. كــ
فاوست مابعرف بس انو بحسا بزودا شوي بالمعارضة .. يعن بصراحة بحس انو الاخوية انحجبت من الاخ فاوست او بعض الناس اللي بتحكي بنفس طريقتو .. يعني كلام تقيل كتير كتير ماحدا بيتحملو بطلع عن الحدود احيانا معارضة زايدة عن حدا فعلا ومافيا لاهدوء ولا تروي وكلا اكالة اتهامات وشتائم .. ومصورين الطرف التاني على انو جانب شوداوي بالمرة .. مع انو المعارضة مو هيك بالمرة .. انو بس لو يهدوا شوي القصة .. يعني شوية احترام صغير ومابدا الشغلة كل هالشي يعني .. بكفي الاخوية انحجبت بسبب هالحكي اخي وطبعا هادا لاينفي انو فاوست من اكتير الشخصيات اللي عندا ثقافة
ظل جيفارا هااد بقى هون .. انا بصراحة بعتبرو من الطبقة المخملية تبعت الاخوية .. او يعني من الاكابرية باخوية شخص اكابر كتير كتير النقاش معو بتحسو نقاش هادي وعقلاني وممتع لابعد الهدوء يعني حتى لو كنت مختلف معو وضدو بخليك تحب النقاش معو ع كتير ماحلو وهادي هيك فمابالك ازا كنت مايدو بالفكرة شخص مثقف جدا جدا .. وخلوق كتير واخلاقو عالية لابعد الحدود .. وقمة الاحترام والزوق ..وكان كتير الي الشرف بمعرفتو وبتمنى اني اتعرف عليه اكتر واكتر .. واحلى ظل جيفارا واحلى اكابرية
ملاك السعودية مابعرف علقت ع رب صفحة الحوادث تبتع سيريا نيوز وعملت مشاكل كتير مشان هالشي مع انو بعتلا وقلتلا بعدي عن هالصفحة بما انو شايفة الناس عبتتحسس منا بس هي مابعرف كيف تفكيرا .. الله يصلحا ويهديا ويجعلا جيجة بين الف ديك
محمد السعودي هالزلمة منتدى خليجي كامل واجا بالاخوية .. وانا مابقرف عيشتي غير من قرف المنتديات الخليجية
التقرير الجوال شخصية جديدة .. مابعرف اي شي عنا .. ولام رة حاكيين .. بس انو نوعا ما ومع انو جديد بس مبين من خلال ردودو انو عندو ثقافة عالية كتير كتير ومن الناس المثقفين والواعيين هيك .. ومبتمنى انو نتعرف اكتر بالمستقبل . ومنتشرف . وطبعا هو كان سبب زتتي بالمقلاي
secular سابقا شخص بحسو بيعرف بحاول كتير كتير .. وعندو قدرة رائعة ع الحوار بس الطائفية البغيضة تبعتو هي اللي مروحتلو هالشي .. للاسف
Nirvana ماكتير بعرفا ولا مرة حاكي معا بس شخصية محبوبة كتير عند اللكل .. وعندا ثقافة رهيبة عنجد .. وشي حلو كتير .. مع انو طلاتا قليلة
Marwa من الاعضاء الجداد نسبيا بس انو قدرت تثبت حالا وبهالمدة القليلة نسبيا وصارت معروفة عند اكرت الاعضاء بسبب ردودوا ونقاش الحلو .. شخصية بتستحق الاحترام .. تناقش بعقل وحكيا حلو مافيو شي منافي للعقل ..وكتير كمان ظريفة هي وبتحب مع اني ولا مرة حاكي معا .. واكيد بتمنى انو تصير معرفة بالمستقبل
يمان يموووووووووووون الغالي .. هالزلمة فيني اعتبرو اكتر من رفيق .. يعني اخ ممكن .. من اول الناس اللي عرفتن باخوية .. رفقة كتير نحن .. وكتير محكي مع بعض ومناخد ومنعطي .. محكي عن كلشي .. يمانو كتير بحبو عنجد ومابقدر اتخيل النت والماسنجر تبعي والاخوية كلا بلاه .. يعني هو ورؤى فيني اعتبرن اقرب تنين الي بحكم العمر وبيعرف كلشي عني .. ويمون مافي منو احلى شامي بالشام كلا .. ومقفلاتي كبير ومع اني لهلأ مو شايفو شخصي وعنجد مشتاق لشوفتو كتير .. واحلى يمانو والله

was616im وسيمو .. الحمصي الكبير .. وسيمو ماكنت بعرف عنو شي بس ضافني ع الماسنجر وصرنا نحكي وضربنا احلى صحبة ... عنجد وسيمو قلبو طيب كتير ومافي منو .. بجنن عنجد وبحبو كتير انا وبحترمو .. وكتير بتسلى بالحكي معو وباخد راحتي وعنجد متمني شوفو كتير لوسيم بس ننزل ان شاء الله وبكون خلص دراسة ببولندا ولهالبرد ورجع ع حومص ان شاء الله .. واحلى وسيمو ببولندا كلا

صار بدنا كيبورد جديد ..