شرائح بطاطس بالكحول تثير غضب المسلمين في بريطانيا

[كذبك حلو]

كاتب النص الأصلي : Madmax

و الله غريب أمركون ..
شو الشركة فتحت فرع بمكة .... و صارت تبيع بطاطا بالكحول ..؟؟
الشركة بريطانية و عم تبيع ببريطانيا ....و عم تصنع منتج وفق معايير المجتمع البريطاني






و يللي ما عجبوا المنتج ..... لايشتري

قاطعوا البطاطا الانكليزية .....و خلصونا

والله انت اللي امرك غريب الشكل واللون القصة مو دين القصة تجارية لازم ومن شروط الانتاج التصريح بمكونات ومقادير المنتوج.... كمان مثل ما قالو بعض الاخوان في ناس مو مسلمين فهمانين مابيشربو ولا بيحللو بلحم الخنزير
طب انت زهقان ليش وعم تنصحنا انو نقاطع ونخلصكم مين حظرتكم؟واصلا انت مادخلك بالموضوع بتخليك على جنب وبتحللي بالبطاطا المغطسة بالقطران يييييييه شو ها العلم هاذي يا ربي

[جمال عبدالناصر]

كاتب النص الأصلي : linato85

والله انت اللي امرك غريب الشكل واللون القصة مو دين القصة تجارية لازم ومن شروط الانتاج التصريح بمكونات ومقادير المنتوج.... كمان مثل ما قالو بعض الاخوان في ناس مو مسلمين فهمانين مابيشربو ولا بيحللو بلحم الخنزير
طب انت زهقان ليش وعم تنصحنا انو نقاطع ونخلصكم مين حظرتكم؟واصلا انت مادخلك بالموضوع بتخليك على جنب وبتحللي بالبطاطا المغطسة بالقطران يييييييه شو ها العلم هاذي يا ربي

احسنتى

يا هيك الردود يا بلا



linato85

[كذبك حلو]

كاتب النص الأصلي : Madmax

المشكلة أنو عقولكون زغيرة و ما عم تستوعبوا
و مفكرين أنو بريطانيا ما الها شغلة ... غير تتآمر عليكون ......و تطعمي صغاركون منكر
لا و الاحلى من هيك ... انو بدكون تطبقوا الشريعة الاسلامية .... ببريطانيا




و الاحلى من التنتين ........ يللي مزغر عقلو و عم يناقشكون

هههههههه والله غلطان بحالك كثير وبتفكر انت واللي مثلك انكم بتتجملو علينا وانكم فاهمين لك تعا شوف هون عندنا ببلجيكا كيف بيحترمو دينا وانتم اللي عايشين معنا عم تتمصخرو
وها المرة لاتفكر انو ردك بساوي جميل علينا اوكي يا- دادا الفهيم اما غيلا فعاود اناك -

[كذبك حلو]

كاتب النص الأصلي : جمال عبدالناصر

احسنتى

يا هيك الردود يا بلا



linato85

هلا بيك اخي جمال شفت ها العالم والله ما بنلاقي مشكل مع الاربيين بنلاقيه مع هيك شكيلات اللي بيدعو الفهامة وهني بيتسلقو على شيئ اكبر منهن

[Abu ToNi]

المنكهات يا ابو عقل اذا كانت كحول فهي ممنوعة عنا و لازم تنكتب المنكهات بهيك حالة و ماكانت مكتوبة فهمت و لا اجي اقعد معك و شربك ياها حبة حبة ؟؟؟؟

ابني بجيب لك اي منتج سوري وبوجيك في كلمة بتنزكر بدون ذكر تفاصيل عنها كلمة " منكهات " كلمة مشروحة مانها بحاجة لتفسير لانها حق لكل شركة تحتفظ باسرار تكوين منكهاتها في منتجاتها شقد .

يعني انت لا الغلبية عاجبتك و لا لاقلية لا هدول بيمشو و لا هدول حيرتني مع ربك انت شي بتقول مجتمع مسيحي بيساوو اللي بيرضو فيو و بيرضى فيو دينهم و شي بتقللي لا اقلية و لا اغلبية اعتمد و بعدين حكيني

يا عيني حتى لو صارت اغلبية مطلقة للمسلمين ببريطانيا ما بحق لها تعاقب شركات الكحول باعتبار ان بريطانيا بلد علماني متحضر لا يجوز الحكم يه بناء على شريعة او بناء على تعاليم دينية
مع الملاحظةاني انطلقت بالرد هاد والرد اللي قبله من كلة " حتى لو " يعني " لو " حرف امتناع لامتناع بمعنى آخر فرضية بحتى وان تحققت هي الفرضية واصبحت حقيقة برجع بقو لك ما بحق للمسلمين تغريم الشركة باي شكل كان لانه بكونوا عبينحازوا لأحد الاديان .

فهمت عليّ هلق ولا اشرح اكتر ؟!

كاتب النص الأصلي : leoprad

و اخيرا انا مسلم و بشرب و خاصة عرق شغلة كبيرة مع المشاوي و الاركيلة و ام كلثوم و ابو وديع بس عندي احترام
كلمة غريبة عليك شوي بتتعلمها مع الايام

او انا ما بهمني اذا بتشرب او لا انت حر متل ما ذكرت من .
لكن يا حبيب من اول ما بتقدر تتعلمه من كلمة حترام او المحافظة على حرية الراي والتصرف ومتل ما قلت الشركة ما جبرت حدا بشتري المنتج وما جبرت حدا يتذوقه .
وحتى اذا احد المسلمين اكل منها بعتقد اللهبيقدر يتفهم الوضع وبعرفته ممكن يقدر ان الشخص هاد ما كان بيهدف بالاكل هاد شرب الكحول .

عطوا للمفاهيم مرونة شوي يا شباب

[leoprad]

كاتب النص الأصلي : gabriel

.

عطوا للمفاهيم مرونة شوي يا شباب

حاسس حديثنا ما رح يوصل لمحل ماني حاسك عم تفهمني و ماني حاسسني عم افهمك
بدها تركيز و قعدة و حطللي الموضوع عالرف حاليا
بتسمحلي اشجب و لا ما بتسمحلي ؟؟؟
اذا بتسمحلي انا اشجب تصرف الشركة

[التقرير الجوال]

بدي من بعض الشباب يتمهلو قبل اعطاء آراء و أفكار " صميدعيه " .. هوي المفروض الشركه بتكتب بالتفصيل محتويات العبوه متل ما حكيت شو أسم المنكّه.. شو اسم المحلّي ..في ملونات مسرطنه و في مواد حافظه بطلوا يستعملوها .. كمان مُحلّيات .
يعني شو الشغله لعب يعني .! اي مطلوب من الشركات التنبيه و اعلان مكونات المنتج تحت طائله المسائلة القانونيه
" انت بأي حق بدّك تطعميني شغله أنا مو راضي عنها و اذا أكلتها رح كون منغش فيها لأني ما بعرف مكوناتها و أخدتها عن حسن نيه " طبعاً هي لا وسكي و لا لحم خنزير .
شغلولي محركات البحبشه شوي عن تعداد المسلمين بانكلترا.. طبعاً الدارج و المعروف عن المسلمين ما بيشربو بس حاليا في كتييير بنتشرب بس كمان المعروف عنهن ما بيشربو باعتقاد الغير مسلمين . فيعني فيها وجهه نظر بأن الناس تحكي للتذكير بأنه يا جماعه انتبهوا في ناس ما بتشرب و مهتمه كتير بعدم تناول أي نسبه كحوليه و لو بسيطه .. يعني هيك للتنويه منشان الشركه المنتجة بتتلافى الموضوع و تعدل بالمنتج اذا مهتمه بالترويج الضخم و أكيد مهتمه و كتير كمان . خطر ببالي صديق ما بيشرب الا بيره من دون كحول و بيلاقي منها أصناف و أنواع هون .
يعني ماني شايف في داعي لتضخيم الموضوع بس لأنو البعض بتشرب " يعني اذا بتشرب بدك تمشي يللي ما بيشرب على كيفك .!؟ " أغلب الناس بتشرب و من اللباقه احترام رغبات الناس يللي ما بتشرب .. شو المشروب عضل يعني و فكر و رقي .؟ لأ مرض و مصروف جيبه كمان .

[Raw]

بالنسبة إلي باكل من شيبس الأخويّة
تفضلوا



®

[suryoyo]

بعد هذا السجال ,,,

ما سألتم حالكم ان كان المصدر موثوق ,,,,,,,


يعني ممكن تكون القصة مفبركة 100% .......
لان اذا حقيقية كان انعرضت على الفضائيات لان ما يقصروا تجاه هذا النوع من الاخبار !!!

[suryoyo]

كاتب النص الأصلي : Raw

بالنسبة إلي باكل من شيبس الأخويّة
تفضلوا



®

فعلا اطيب شيبس

شكرا