شو هاد يا عيني ؟؟؟؟

[abu kalabsha]

شو هادا يا شباب شو عاملينلي هون هايد بارك ؟
نازلين بالأمن والنظام والعالم والدنيي ...
نحنا هلق بالصدفة دخلنا عالخط وشفنا هالعمايل اللي عاملينها فينا
والله زعلت كتير
يعني ما انتظرناها منكن .. لو اجت من الغريب ما قلنا شي بس من الشباب اللي هون

كل واحد فيكون يتفضل يسلمني تقرير واضح ومختصر فيه : ليش عم يكتب ضد الحكومة ومين دافعو لهالشي وما هو الهدف الذي يسعى إليه ؟
بانتظاركون تفضلوا لعندي واحد واحد حبايبي قبل ما نحنا نشرف لعندكون

[أبو النسيم]

هاههههههههههههههههههههههه ههههههههههههههههههههههههه هههههههههههههههههها


خوفتني

ليش عم يكتب ضد الحكومة ومين دافعو لهالشي وما هو الهدف الذي يسعى إليه ؟

على سيره الحكومة .................................................. . بلاها أحسن

[أبو النسيم]

برحب بأنضمامك للأخوية بنيابه عن الشباب سيد أبو كلبشة

أهلا وسهلا فيك

[abu kalabsha]

برحب بأنضمامك للأخوية بنيابه عن الشباب سيد أبو كلبشة

أهلا وسهلا فيك

أهلين وسهلين بالشباب
نحنا ليش منحكي هيك مو لأنو خايفين عليكن ؟
كل همنا أنكم تبقوا سالمين ..
بقا شو نازلين تشليح بعالدولة هاتو بقا لنشوف عيوني

[أبو النسيم]

أبو كلبشا الغالي

لا تواخزنا مشان الله ظلمنا الحكومه والنظام ماهيك يا حرام علينا

بدي ألك أنويمكن أنا أكتر واحد لساني طويل بسب على الدوله وعلى النظام بحاله وحده وهي الغلط بس للأسف لهلق الدولة والنظام ماكانو يخرسوني ويعملو شغلة صح

و طوله لساني يمكن توديني لعندك

بقى يستر عرضك

بساط الريح وبس

مشان الله

وسلام

[abu kalabsha]

كاتب النص الأصلي : أبو النسيم

أبو كلبشا الغالي

لا تواخزنا مشان الله ظلمنا الحكومه والنظام ماهيك يا حرام علينا

بدي ألك أنويمكن أنا أكتر واحد لساني طويل بسب على الدوله وعلى النظام بحاله وحده وهي الغلط بس للأسف لهلق الدولة والنظام ماكانو يخرسوني ويعملو شغلة صح

و طوله لساني يمكن توديني لعندك

بقى يستر عرضك

بساط الريح وبس

مشان الله

وسلام

على راسي على راسي لا توصي حريص
بيتك ومطرحك هون :P
بس أنا بدي ألعب معكن لعبة الديمقراطية مع انو ما حبيتها .. كيّس هالحكي ؟
هحها إذا عطينا الحريات بالطريقة اللي بدكن ياها يا ترى قديش النسبة من الشعب اللي بتستغل هالحرية كرمال تطور البلد وقديش النسبة اللي بتستغلها كرمال تخلف البلد وتراجعها ؟
يعني لوضحلك شوي لو تركنا حرية الأحزاب مثلاً بالكامل شو رأيك أول الأحزاب اللي راح تقوم : الأحزاب الدينية والقومية الإثنية ؟ وشو راح تكون النتيجة ؟
صراع .. انقسام .. حرب اهلية
إذا ما كمشنا الوضع شو برأيك بيصير ؟
لا تقلي كل الناس بتعرف شو الحرية ..

[Danito]

لا اسمحلي أخ أبو كلبشا كل الناس بتعرف الحرية ... أما أنك تصادر حرية البشر تحت مسميات و شعارات فهادا بيجي من باب صف الحكي و أقرب للي منعملو نحنا هون بالمنتدى على حد تعبيرك..
أما لما بتحد من حرية المواطنين بشكل منهجي و بحجة حمايتهون .. فهيهات و على مين عم تضحك؟؟ شو عايشين بالقرن الأول قبل الميلاد يعني و العالم ما بتعرف شو عميصير برات القلعة؟؟؟ اللي بدو يحمي واحد ما بيطاول عليه و بيقلل احترام لإنسانيته و كرامته .. إلا إذا كان عم يحمي شي تاني من المواطن و يمكن هادا هو الأصح..

لأن العالم لما بتاخد حريتا بتشتغل أكثر و بتتعاون أكثر و بتفكر أكثر و المحصلة ما بدور على الخلافات و النزاعات لا عأساس طائفي و لا على أساس عرقي.. أصلاً الغني بيفضل الاستقرار من شان ما ينزل مستوى حياتو.. أما الفقير ما عندو شي يزعل عليه بيدور على أسباب فقره و تعتيره و ممكن تختلط عليه الأمور و يلزقها بطائفهة أو عرق معين.. نتيجة تشوه العلاقات الاجتماعية .. أما لما أحوالوا بتتحسن بسبب الحرية الاقتصادية و المرتبطة بالحرية السياسية فهون ما يبدور على قتالة و خناقة لأنوا بس ليطلع من القبر و يدوق العسل ما بدو يرجع لورا..

بقا لا تتشاطر حبيب و بيكفي لهجتك المفترضة (يلي هي فعلاً لجهة الجهات اللي عم تحاول تمثلها) يعني بدل على الجهل و التخلف .. ما أنت جهة تنفيذية يعني مو تشريعية يعني المفروض تاخذ أوامر و تنفذها مو تتجاوز حدودك مع البشر عمال على بطال بدون سلطة رادعة و لا قانون و لا دستور .. فوين سايق بهالعجقة؟؟؟؟؟

سلامة