|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
24/02/2008
|
#1 | ||||||
|
عضو
-- زعيـــــــم --
  |
التابو المقدس " جسد" - جنس سياسية دين
مرحبا شباب موضوعي كتير بسيط رغم انو صرلو فترة مكسر راسي وشاغلني شغل ....
انو وكأنو في كتلة غير معروفة عم تحرك الوعي العام لمجتمعنا حيثما شاءت وهيك اصبح شوي شوي في تلات نقاط صعب جدا انها تنكسر ممنوع الحكي فيها .. بحروفها الأساسية الاولى شكلت كلمة جسد ويمكن لأ اكيد الكلمة مو اعتباطية لأنه اذا اعتبرنا الإنسان مركز الوجود فهي المواضيع التلاتة هيي اكتر شي بتأثر سلبا او ايجابا على حياة هيدا الكائن ... وجسده من فترة اعتبرنا بأخوية انو ما في وعي كافي لحتى نقدر نطرح مواضيع دينية بالمنبر وصار الموضوع اللي يقرب من الدين كروحانية ينحذف من المنبر ... فورا تذكرت كلمات ماركسية " إن نمط المعيشة لا يتحدد بمستوى الإدراك . بل الإدراك يتحدد بمستوى المعيشة" بترك للكل الكلمات لحتى يروحوا هنن وياخدو المذهب اللي بدهن اياه بتفسير هالكلمات ... بس سؤالي إنو برأيكن الكلام صح ... لازم نغير مستوى المعيشة لحتى يتغير الإدراك ... مو صحيح انو الفقر بيولد هيدي المقدسات .....!؟ الفقير ما رح يحكي سياسة ابدا مو شغلته ولا بحياة عمره رح يفكر بالثقافة الجنسية واكيد رح يلجأ للدين .... يا ريت تعطوني ارائكن بعرف انو الفكرة يمكن ما وضحت لكتير ناس ... الفكرة ببساطة انو هيدا التابو " جسد" لأيمت رح يضل يسيطر على حياتنا وأليس الصحيح ان نبدأ بقوانين تحرر التداول المجتمعي لتلك المصطلحات لكي نغير من ادراك الشعوب ... تحياتي الحارة ظل جيفارا
فإقتلوني ..وأحرقوني ..بعظامي الفانيات ..ثم مروا برفاتي ..في القبور الدارسات
....................................................إلى روح الحلاج شهيد الحرية "تمركز رأس المال هو المشكلة ولا حل إلا الإشتراكية ." |
||||||
|
|
24/02/2008
|
#2 | ||||
|
عضو
-- مستشــــــــــار --
|
ظل جيفارا.
المشكلة برأيي انو نحنا لحتى نكسر هالحواجز أكيد مو لازمنا انو نجيب مخلوقات فضائية أو شعب جديد. كسر هالتابو المقدس المتمثل بالدين والجنس و السياسة بيتطلب ارادة عند مجموعات محددة من شعبنا تقدر توسع مدارك بقية الفئات بالمجتمع. وكسر هالتابو ما رح يتم دفعة واحدة أكيد بل عن طريق تراكم جهود وثقافة وتوعية على مر عصور. للأسف برأيي لساتنا بعاد وبعاد كتير كمان وكل محاولاتنا عم تعطي نتائج عكسية عند البشر الي عم يزيدو تعصب وبيضيقوا الفتحة عليهون بالتالي هالتابو عم يقوى. ثقافة الحوار غائبة عند الشريحة الاكبر من المجتمع ولو عادت وانفتح المجال للنقاشات بهالتابو المقدس رح يتحول المنبر لساحة من الشتائم. خلينا نطور امكانية استيعاب الناس للآخر قبل ما نناقشهون بالثقافة الجنسية أو المسائل الالهية والسياسية. الموضوع مو بسيط بل هو منهاج تربوي طويل لازم يبدأ من الاسرة ومنابر رجال الدين والسياسة وما ينتهي عند حد. شكراً. 
صديقي الله .
لا أحسدك على معرفتك مصير كل منا . لأنك قد تبكي على مصير حزين بينما صاحبه سهران يضحك. وتعرف الفرح قبل وقوعه فلا ترى مثلنا لذة المفاجأة. .... |
||||
|
|
|
24/02/2008
|
#3 | ||||||
|
عضو
-- مستشــــــــــار --
|
ذكرتني لما كنا مراهقين وناقش هذه المواضيع
لكن الحمد لله كثير من الأسئلة اللي ماكنا نجد لها جواب في تلك الأيام وجدناها على أرض الواقع بعد فترة قصيرة يعني هيكل وماركس اللي من باب الأولى أن يتبعهم شعبهم و يطورو أفكارهم يعني بلمختصر المفيد وصفة مجربة وفاشلة أشي جبرنا نجربا نحن ؟؟؟؟؟
{ إن في خلق السموات والأرض واختلاف الليل والنهار لآيات لأولي الألباب }
|
||||||
|
|
|
24/02/2008
|
#4 | |||||||
|
عضو
-- مستشــــــــــار --
|
اقتباس:
مابدي اقلب النقاش بهالموضوع للنقاش بالفكر الماركسي ...بس ياريت كنت تقرالنا هالمضوع بتعقل يعني بفهم اكتر بكل الاحوال هالتجربة الفاشلة الي عم تقول عنها ... بعد توقها رجع العالم انسانيا لشي الف سنة للوراء وعتقد هلي عم تشوفو حواليك من رجعية وسطحية مانو اكثر من نتائج غياب هالقوة الفاعلة بس بكل الاحوال ياريت مانبعد عن موضوع ظل لان بالفعل موضوع هام تجياتي رفيق اممي
اسكر اسكر اسكر...فهذا العالم مملوء بالليل
|
|||||||
|
|
|
24/02/2008
|
#6 | ||||||
|
عضو
-- مستشــــــــــار --
|
بنظري ان السبب الاساسي لتحول كل مواضيع مجتمعنا لهالتابو
الي صار بيمثل المتنفس اليومي الي بيشكل اكثر من 95% من نقاشات الي ممارسات شعبنا هوه ان هالتابو بيلبي متطلبات كل طبقات الشعب وباكسل طريقة ممكنة يعني الدين هوه الاسبرينة الي بتريح كل الفقراء والدفاء الي بيجتمع حول لغد احسن يعني بيعتقد ان عن طريق الدعا والصلاة وهالطقوس راح تتحسن حياتهم في حين السياسة هيه الاختراع الي الكل فيه يحكي فيه وبدون مافي يكون الو حاجة لاي خلفية ثقافية يعني بيحضر اخبار وبيحلل ودائما تحليلنا بيكون اكثر من رائع وافضع من الفضيع بيحيث بيطلع كل العالم والتاريخ عم يتامر علينا اما الجنس :ففي مرة طرحنا هالفكرة .. ان فيك تجيب شيخ جامع وخوري وشيوعي وقومي وفوضوي وتطرح معن هالموضوع وراح تشوف ان الكل راح يحكي فيه وان الكل راح يطلع وهنن عم يكركر من الضحك والاعمال البطولية غير النقاشات التحليليية الساخنة الي بتعكس عمق التجارب الفكرية الاجتماعية عند شعبنا العظيم المشكلة ان شبابنا عم يلجا لاي شي فيه يرفه عن بلا تعب يعني متوقعين ان فيتا نصير اوربا بالسكس او فينا نغير التاريخ بالعودة للدين او نحرر القدس بالحكي بالسياسة القضية ان نحنا اصحنا شعب كسول ماعند مراق ليشتغل اي شي ولهالسبب بتشوف قسم العلوم بالاخوية هوه صاحب الاقل المشاركات علي الاطلاق وقسم المسابقات هوه الاعظم |
||||||
|
|
|
24/02/2008
|
#7 | ||||||
|
مشرف متقاعد
|
هلأ الموضوع جميل فعلا بس كنت اتمنى يكون أكثر تخصصا.. يعني 3 قضايا بوقت واحد ما بلحق
 أي... هلأ كنقطة أولى (و كمان اتمنى ما يقلب الموضوع الى نقاش حول سياسة أخوية تجاه المواضيع الدينية)... ماني موافق على انو "مافي وعي كافي" لحتى ينطرح مواضيع دينية بالمنبر.... أساسا مين هاد الجرئ اللي يقدر يقيّم وعي الناس.. ببساطة مافي مواضيع دينية لأنو مالنا مصلحة.. لا عنا لا كادر و لا قاعدة عمل و لا حتى رغبة نشتغل بمواضيع دينية... و على اعتبار النت ملئ جدا بالمواقع التي توفر هذه الساحة من السجال فنحنا أخي مالنا مصلحة (هاي بما يخصني كمشرف منبر... و اتمنى النقطة هاي تنتهي هنا, ما بقا نحكي عنها بهالموضوع) دين سياسة جنس... ايو منهون تابوه؟... أو ايو منهون تابوه صرف؟ الدين مانو تابوه... الدين دوغما تتحول عند البعض الى تابوه.. الدين حالة روحانية مبنية على الايمان بغيبيات لا يمكن للمؤمن بها اثبات وجودها (اثبات وجودها بحسب منطق الديالكتيك) لأنو بالنسبة الو مجرد الايمان به هو دليل وجود... في دوغما ايمانية, و الدوغما و الديالكتيك ما بيجتمعو لذلك دائما اعتبر أي نوع من النقاش الديني-اللاديني الخاص بالامور الروحانية (يعني تعا اثبتلك انو الله مو موجود لأ تعا انا اثبتلك انو موجود و راح ينتقم منك و من امثالك...الخ) هو اضاعة و هدر للوقت و الجهد و دائما بلا نتيجة... أو بنتيجة معاكسة لأنو طريقة التفكير النظري مختلفة, طريقة الاثبات مختلفة و حتى اسلوب الاقتناع مختلف.. يعني تخيّل قاعد تناقش شخص متدين (و لنفترض مسلم) و المسلم عم يقلك يا عمي شوف الشمس و القمر و الكواكب شلون ماشيه متل الليرة و محسوبة تماما و هذا دليل قوة الله عز و جل, تجي انت تقلو لك لأ يا عمي هاي هيك لأنو في مجموعة قوانين فيزيائية خاصة بالجاذبية و الطرد المركزي و هالقصص (ينط البعثي يقلك ألله يخليلنا سيادة الرئيس على هالقوانين )... المهم... راح تظلو ساعات طوال تناقشو و ما راح توصلو لشي الا لتضييع وقت بعض.. ما تتكلمو نفس اللغة و لا تستعملو نفس المنطق...السياسة تابوه قمعي او خوفي... و تابوه الخوف هو أحد أكثر المسائل المثير للاهتمام بالنسبة الي بعلم الاجتماع... يعني المستبد يكفي انو يزرع بذرة الخوف.. المجتمع يتكفّل بالباقي, يعني بعرف المجتمع بالدول المحكومة "بوليسيا" اللي يتجرأ و يحكي يا أما مجنون يا متفزلك يا مستهتر و ولد... انو بيقولولك يا زلمة حط راسك بين هالروس و قول يا قطاع الروس... و بلالك وجع الراس لا لألك و لا لغيرك (فيك تقول ثقافة القطيع.. هالثقافة عايشة فينا كلياتنا حتى نحنا اللي نحاول نكون "أحرار") أما الجنس... هاد أقرب المصطلحات الى التابوه, و كمان تابوه اجتماعي كبير... بس هاد بدي خلي غيري يحكي فيه....لأنو ما عم اعرف اعبّر منيح و الكلام لمجرد الكلام مو حلو... نرجعلو بعدين 
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
24/02/2008
|
#8 | |||||||
|
عضو
-- مستشــــــــــار --
|
اقتباس:
و أعتذر عن مداخلتي أذا كنت مخطء آخر تعديل yass يوم 24/02/2008 في 20:28. السبب: تزبيط اقتباس بس |
|||||||
|
|
)... المهم... راح تظلو ساعات طوال تناقشو و ما راح توصلو لشي الا لتضييع وقت بعض.. ما تتكلمو نفس اللغة و لا تستعملو نفس المنطق...
|
24/02/2008
|
#9 | ||||||
|
عضو
-- قبضاي --
|
الانسان مجموعة من الثوابت و المتغيرات فالشخص المقتنع بشيء ما, لن يتغير اقتناعه سواء ترقى بسلم الاقتصادي نحو الاحسن او الاسوء فالماركسية حاولت الربط بين الدين و الفقر+الجهل لكن بالنسبة لي هذا الربط تهاوى مع التطور الذي عرفه المجتمع حيث بدأ الدين يترسخ في الطبقات المثقفة و الميسورة نوعا ما بعدما كان عنوان للدروشة و الخرافة في القرن التاسع عشر و منتصف القرن العشرين حيث الان يمكننا ان نتكلم عن برجاوزية متوسطة ذات توجه ديني حيث يمكن ان نتحدث عن ظاهرة فريدة و هي ابتعاد اغلب الفئات الدنيا و الفقيرة عن الدين و توجه الطبقة المتوسطة للدين فمثلا حزب العدالة و التنمية التركي تعتبر الطبقة المتوسطة من موظفين و تجار الدعامة الاساسية له في الانتخابات و نفس الشيء بالاحزاب الاسلامية المغربية المعتدلة فالاعتقالات التي طالت مثلا اعضاء حزب البديل الحضاري ذو التوجه الاسلامي بتهمة الاعداد لاغتيال وزراء و سياسيين و عسكريين حيث ان المعتقلين كانوا صيادلة و اساتذة و ظباط شرطة و مهندسين .
عموما الايديولوجيا و الدين عندما تستعمل للسيطرة على العقول تصبح افيونا فالانظمة الماركسية عندما استعملت الفكر الشيوعي للسيطرة على الناس و مصادرة العقول و معاداة الاخر اصبحت افيونا , القومية العربية عندما استعملت في تجيش المشاعر و المشي على الماء و مجابهة طواحين الهواء صارت افيونا, الاسلام عندما يستعمل كمطية لاخضاع الشعوب للحاكم بحجة ولاية الامر وعندما تتمنع النساء من قيادة السيارات بحجة الشرع يصير الدين افيونا. ان الدين و اي فكر عندما يجرد من روحه و جوهره يصير مرساة تجر الشعوب نحو قعر التخلف و الانحلال. بالنسبة للتابوهات في مجتمعنا الذي يخضع لتاثيرات متعددة منها الديني والعلماني و .....يجب مناقشتها اولا حسب الفكر او الدين المجرد و بين ممارسات المجتمعات. السياسة لست بتابو في الدين او اي فكر لكن المجتمع جعلها تابو او بالأحرى بعبع نتيجة الممارسات القمعية للسلطة و الاعتقالات فصارت السياسة(معارضة النظام ) عنوانا للشقاء و بالتالي المجتمع ابتعد عن الخوض في السياسة طلبا للسلامة. الدين له وضع خاص فهو الى جانب اللغة يشكلان و يحددان انتماء الانسان و شخصيته و بطبع الانسان انه يتحسس من نقض الاخر لشخصه و انتمائه فمثلا المواطن العربي يلعن وطنه صباح مساء لكن اذا سمع اجنبي ينتقذ وطنه تاخذه النخوة فيثور في وجه الناقذ . لذا التعامل مع الدين يكون بنفض الخرافات و الاشياء الدخيلة عليه و ليس بالغائه و انكار ثوابته. الجنس كموضوع دينيا ليس بتابو انما الارث الثقافي هو الذي جعله امرا يمنع تناوله و مناقشته فبمراجعة التوراة و الانجيل ستجد عدة اسفار مخصصة للجنس نفس الشيء بالقران و الاحاديث النبوية التي تناولت عدة قضاياجنسية من هذا المنطلق يجب التفريق بين تحريم الدين للمارسة الجنسية خارج الاطار الشرعي و اباحته لتناول الجنس كموضوع نقاش و تاسيسه لثقافة جنسية و بين تحريم المجتمع للجنس ممارسة و فكرا و مناقشة حتى بين الزوج و زوجته بحجة الحياء و الاحترام. تحياتي
مــاتــت أمـــي ... و قــبـلــت جــبـيــنهــا الــبــارد
|
||||||
|
|
|
24/02/2008
|
#10 | ||||||
|
عضو
-- زعيـــــــم --
|
وحياة سعدو ما بعرف شو بدي رد
اجيت عم اقرأ اولكم رد كفرت بالعبري وبالهندي وبالكويتي وبالعربي وبالإنكليزي " ما بعرف الكفر بغير لغات " يا جماعة مشان سعدو قرفت ربي قرفت كلشي يا جماعة مو بس جسد كل احرف الأبجدية صارت حرم محرم علينا .... شو هالعقلية اللي عم نواجه فيها القرن العشرين ... انسولي الحكي عن الشغلات التلاتة مع انو في تلات ردود محترمة جدا وعنجد بتستحق الوقفة ورفع القبعة ... بس شو ... شباب في حلول ..... حدا عنده حل ... لإنو اقعد احكي قرفت حالي ... كان الحكي اول شي تنفيسة غضب بنسبة كبيرة وتبادل معارف بنسبة اصغر .. يعني كان الحكي الهدف الأول منه تنفيس الغضب ...هلأ صار كتلة غضب اضافية ... وبعدين .... تحياتي الحارة جدا ظل جيفارا |
||||||
|
|
|
24/02/2008
|
#11 | |||||||
|
مشرف متقاعد
|
اقتباس:
اسماع مني خيو كفين كفين عالماشي هالشعب ما بيستحي  و الحكي اللي بالأحمر ( مو توقيعك... الحكي التاني) اقلب الرزنامة حجي  ------------------------ عالهامش: حلول؟ منوين بدي جيبلك حلول؟ أنا و غيري... يعني لا نحنا مجلس وزراء و لا برلمان بوركينافاسو لنقرر حلول... كلنا ع بعضنا شلة طفرانين و جايين نصف حكي و نحكي اللي براسنا.. ارحمنا حبيب الله يوفقك مو ضروري الواحد يعمل اطروحة دكتوراه مشان يكتب رد... يعني كل واحد يكتب رأيو و نتناغش و نتحاكى و نتقاتل و نتعافش و آخر الحكي بعد ما واحدنا يكون ماشي على عكازة و عينو مقلوعة و مشلوع كتفو نكتب الجملة الشهيرة "الاختلاف بالرأي لا يفسد للود قضية" حلمك علينا....منتدى حوار الله وكيلك و هاي سمايلي خاص لألك  وسمايلي تاني لباقي المنبريين --------------------------- رد اعتراضي لا محل له من الاعراب.... نرجع للموضوع |
|||||||
|
|
|
25/02/2008
|
#12 | ||||||
|
عضو
-- زعيـــــــم --
|
اهلين بياس
حلوة كتير هيدي فكرة إنو بنضل نلعن رب بعضنا بالأخر بنقول اختلاف الرأي لا يفسد للود قضية حسيتها فيني خلص مشي الحال ..... رقت ..." القصة انو انا كتير عم عاني بمجتمعنا الأكل هوا من التكفير على القصص الثلاثة الواردة اعلاه" فأنا كان بدي حل يعني يخلصني بدون ما اضطر إني أسكت " لإني صعب اسكت " مبارح لسا اكلت بهدلة طويلة عريضة لإنني شككت بالعدالة الإلهية .... ما كان فيني اسكت قدام الزلمة المحاضر اللي نازل يحكي عن العدالة الإلهية .." والمضحك انو كان لابس كوفية فلسطينية أعرابا عن تضامنه مع شعب مظلوم " هو خلص حكي من هون وبلشت انا حكي .... وحسيت انو نقطة تواصل مستحيل تلتقي ..... طيب برأيكن يفضل انو الواحد يحاول يدور على فرصة برات البلد .....؟ تحياتي الحارة ظل جيفارا |
||||||
|
|
|
25/02/2008
|
#13 | |||||||
|
عضو
-- أخ لهلوب --
|
اقتباس:
الثالوث المُحرم: دراسة في الدين والجنس والصراع الطبقي أو السياسة . حلل فيه هذه المحرّمات الثلاث في مجتمعاتنا وردها إلى أصولها " لما كان مراهق " يمكن عام 1973
We ask the Syrian government to stop banning Akhawia and all Syrian sites
القمر بيضوّي عالناس والناس بيتقاتلوا . |
|||||||
|
|
|
25/02/2008
|
#14 | |||||||
|
عضو
-- زعيـــــــم --
|
اقتباس:
تحياتي الحارة ظل جيفارا |
|||||||
|
|
|
25/02/2008
|
#15 | |||||||
|
عضو
-- مستشــــــــــار --
|
اقتباس:
الأيمان بمعتقدك مهما كان بخالف معتقدات الأخرين و اصرارك علية وصراعك من اجلة هو حل ذو سبيلين السبيل الأول هو نجاحك بالوصول الى هدفك وهذا قابل لتحقيق في مجمعنا نظريا ومستحيل عمليا السبيل الثاني هو انك تموت طقيق من كتر التفكير وهاد شي ما منردلك ياه  |
|||||||
|
|
|
25/02/2008
|
#16 | |||||||
|
عضو
-- مستشــــــــــار --
|
اقتباس:
قال عدالة الاهية قال... اخو اللشليتة يعني ماكان فيه يطلع علي اي عدالة بتقتل طفل عمرو 3 اشهر او اي مجرم فيه يحول مدينة كاملة بيقطنها 40 الف انسان لخراب هلق في فطحل راح يقول ان عقاب لهالدبب الي عايشين فيها...طيب تعرف كم طفل مات بهالعملية؟؟  ابورالعدالة الالهية ما اطلع ان (وحسب النظرية الاهيه) ان البشر هلق كلهن عم يدفع ثمن تفاحة اكلها جدن يعين اي عقوبة بتطلع من ظالم بتجي علي المجرم وعلي اهله بس مافي اي ظالم بيوصل فكر ان يكفي العقوبة علي اولاد هالمذنب لالاف السنين وغير وغير ...قولولي اي شي بس لا تجيبوا سيرة العدالة الالاهيه.. هي بتخليني اشعر بالحساسية اسف علي الخروج عن الموضوع..بس حسيت ان فينا ندرج تحت التابو الديني |
|||||||
|
|
|
25/02/2008
|
#17 | |||||||
|
عضو
-- أخ لهلوب --
|
اقتباس:
فهذه المحرمات كما غيرها ما زلنا ندور في فلكها بل أن حلقاتها أصبحت أقوى وأشد على الرقاب من السابق. سوف أضع في مكتبة المنتدى قريباً كتاب له عن واقع المرأة . تحياتي . |
|||||||
|
|
|
25/02/2008
|
#18 | |||||||
|
عضو
-- مستشــــــــــار --
|
اقتباس:
معك حق العدالة الألهية بتجيب الحساسية بس ح اسئلك سؤال : العدالة الشيوعية احسن ؟؟؟؟ العدالة الغربية احسن ؟؟؟؟ العدالة العلمانية احسن ؟؟؟؟ |
|||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 17:32 (بحسب عمك غرينتش الكبير +3)