|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
07/06/2008
|
#1 | ||||||
|
عضو
-- أخ لهلوب --
|
إلى متى هذا الظلم ؟؟؟؟
إلى متى سنبقى على هذه الحال إلى متى سيبقى ابن الوزير يعتدي على المواطن العادي إلى متى سيبقى عنصر المخابرات يضرب ويشتم دون أن يعاقبه أحد ويسأله أحد لما فعلت هذا أو ذاك إلى متى سنبقى على مبدأ إدفع بتمشي ما بتدفع بتاكل خرا وبترجع لورا إلى متى ستبقى هذه الحكومة الأبية بقيادة القائد الأبي تسرق وتنهب وتعاقب دون وجه حق إلى متى سيبقى صاحب الحق مذلول ومضطهد في ظل قيادة عادلة وحكيمة كيف سنحترم هذا الرئيس الذي وعدنا بالتغييرات منذ 8 سنوات وحتى الآن لا نرى أي شيء من هذه التغيرات ولو حتى بالشيء البسيط الحرس القديم أصبح حرس جديد لكن الفرق بينه وبين الحرس القديم القوة والجبروت السرقات أصبحت أكبر من عهد أبيه والإضطهادات لهذا الشعب المسكين الذي ليس له حول ولا قوة والإعتقالات التي أصبحت أسهل من شربة الماء هاهم اعتقلوا زينة شباب سوريا لماذا لأنهم قالوا الحق لأنهم أبوو الذل لأنهم وقفوا في وجه الظلم في وجه هذا الحاكم الطاغي وأزلامه الظلاّم مللنا هذا النظام البعثي الديكتاتوري الجائر نريد الحرية نريد العيش الرفيه نريد من يفكر في أمورنا ويسعى لإيجاد عيش رغيد لنا ولأولادنا.... كفى سرقات كفى اضطهادات كفى إعتقالات كفو عن استعمال الهراوات والأيادي لأن الضرب فقط للحيوانات ونحن لسنا حيوانات نحن بشر مثلنا مثلكم بل نحن أفضل منكم لأننا لا نسرق ولا نعتدي على مال أحد أو ممتلكات أحد إننا الشرفاء وأنتم الحقراء. هاهم ماهر الأسد آصف شوكت رامي مخلوف ذو الهمة شاليش محمد مخلوف وغيرهم من أعضاء هذه العصابة بقيادة الرئيس المفدى تسرق وتنهب أموالنا وتعتدي على حقوقنا وممتلكاتنا نحن البشر وانتم لا نحن كل شيء وأنتم لا شيء من أكبر رأس في هذه العصابة إلى أصغر رأس فيها. كفاكم ظلما وطغيانا مللنا منكم ومن وعودكم. حلّو عنا طلعوا من حياتنا هلكتونا والله هلكتونا ودبحتونا وكسرتو ضهرنا.  |
||||||
|
|
07/06/2008
|
#2 | ||||||||||||
|
عضو
-- زعيـــــــم --
 |
انا جلست اكثر من شهر ونصف بالشام بأجازتي لم أرى عيباً غير العيوب الاقتصادية والغلاء الفاحش ... أما بالنسبة للاوضاع الامنية فالأمن مستتب والحياة ماشية والعالم راكضة ورا ارزاقها وهي مطمئنة ... اما بالنسبة للاسطوانة المشروخة بالروح بالدم .. وتلصيق صور الرئيس على الحيطان والسيارات وماهنالك فالشغلات هاي انتهت من زمان وصارت شغلة شخصية برضا الفرد هو حب يضع ملصقات للرئيس هو حر ماحب هاد الشيء بيعود ألو .. صحيح أنه يوجد شغلات كتير سيئة بسوريا لكن من العيب أن نضع كل اللوم على شخص الرئيس فقط .. لأن الرئيس مهما بلغت صلاحياتو ومهما كانت ايدو طايلة مارح يقدر يتابع كل حركة بتصير بالبلد .. نجي لعدة نقاط . اقتباس:
اقتباس:
على حسب ماسمعت ان الضرب وسب الاهل وشتم المواطن صار فيها محكمة عسكرية او عقوبات مشددة ؟! يمكن هالحكي بالماضي صحيح .. اقتباس:
اقتباس:
من العيب ان نلصق كل عملية نصب واحتيال بشخص الرئيس بشار ... صحيح ان بعض اعضاء الحكومة فاسدين وبعض الوزراء قمة في الفساد .. هاد الشيء لايعني ان الرئيس هو سبب هذا الفساد ... بيضل الوضع بسوريا افضل من البلدان المجاورة بكل الاحوال .. اقتباس:
انا كان الي مبلغ عند شخص واجا وقت استحقاق الدفع .. والزلمة ماطل وماطل وبالنهاية تهرب ومادفع .. فلمن رحت اشتكيت عليه صحيح اني دفعت مبلغ بسيط لايزيد عن 2000 ليرة لكن بالنهاية حصلت حقي كامل مكمل . اقتباس:
يعني اذا حلو عنك اللي رح يجي حيكون افضل منهم ؟! انا برأيي انهم مهما كانو سيئين فهم عالاقل شبعانين .. بينما اللي بدوا يجي بدوا يبلش نهب من نقطة الصفر انا لا مع ولا ضد .. بس كلمة الحق تقال ان بشار افضل من غيرو يكفي ان الوضع الامني بالبلد كتير ممتاز بالرغم من الاحوال المحيطة بالبلدان المجاورة لسوريا .. عالهامش : انت عم تحكي بصيغة الجمع فعلسان مين عم تحكي ؟! واذا عمتعبر عن رأي شخصي فليش كل هالتبهير وليش عم تحكي بصيغة الجمع ؟!
يا ايها الرجلُ المعلمُ غيرهِ..............هلا لنفسكَ كانَ ذا التعليمُ
|
||||||||||||
|
|
|
07/06/2008
|
#3 | ||||||
|
عضو
-- مستشــــــــــار --
|
يعني اذا حلو عنك اللي رح يجي حيكون افضل منهم ؟!
انا برأيي انهم مهما كانو سيئين فهم عالاقل شبعانين .. بينما اللي بدوا يجي بدوا يبلش نهب من نقطة الصفر انا لا مع ولا ضد .. بس كلمة الحق تقال ان بشار افضل من غيرو يكفي ان الوضع الامني بالبلد كتير ممتاز بالرغم من الاحوال المحيطة بالبلدان المجاورة لسوريا .. اي والله معك حئ
دمي ولا دمعة أمي
|
||||||
|
|
|
07/06/2008
|
#4 | ||||||
|
شبه عضو
-- اخ حرٍك --
 |
بشار افضل من غيرو يكفي ان الوضع الامني بالبلد كتير ممتاز بالرغم من الاحوال المحيطة بالبلدان المجاورة لسوريا ..
كلام صح مالح تلاقو احسن من بشار الله يحميه ويخليه علقه بحلق الامريكان واليهود ياااااااااااارب
[url=http://www.ashefaa.com/picup][img]http://www.ashefaa.com/picup/uploads/a2c3598a24.jpg[/img][/url]
|
||||||
|
|
|
07/06/2008
|
#5 | |||||||||||||||
|
عضو
-- أخ لهلوب --
|
اقتباس:
يا سيدي العزيز الشغلة مو بالملصقات وسيارات وحيطان الشغلة أكبر من هيك بكتير فرجيني واحد بيقدر يعطي رأيو بالحكومة ويقول عنها ما بتنفع أو عم تشتغل غلط ما بيقدر لأنو بيروح فيها.. اقتباس:
لما تجي لموضوع أنو الرئيس ايدو طايلة أو لاء هاد الحكي غلط لأنو الرئيس بيملك كامل الصلاحيات بمعاقبة ومحاكمة وتغير الفساد المتفشي بوطنا الغالي لهيك اللوم هون انو يا اخي ليش ماعم تحاسب وتحط حدود لهالتسيب الي صاير بالبلد ولا ما بتقدر ليش؟؟؟ الله أعلم ليش اقتباس:
خيو الأمثلة كتيرة وعندي مثال جديد كتير بس ما بقدر أذكرو خوفا يأثر على صاحبو ويسببلو مشاكل لهيك اعفيني من الرد على هالنقطة اقتباس:
سيدي سمعت بس ما شفت وموضوع انو في محاكمة عسكرية فهاد حبر على ورق متلو متل كل هالقوانين الي مكتوبة بس ما حدا بينفذها اقتباس:
سيدي موضوع الرشاوي موجود مو بكل دول العالم موجود بس بدول العالم الثالث ومحاربتون مو بس من الشعب لاء من الدولة نفسها لأنو بيقلك المتل طعمي التم بتستحي العين يعني الدولة مثلا موظفة شرطة مرور الدولة بتدفعلو نص الراتب الي بتعرف انو ما بيكفيه أجار بيت وبتقلك الباقي بياخدو من المواطنين بدل ما نحنا ندفعو وهاد الحكي بينطبق على كل موظفين الدولة من أصغر موظف لأكبر موظف إلا من رحم ربي طبعا في موظفين كتير شرفاء اقتباس:
مو بعض أعضاء الحكومة كل الحكومة سيدي وأزيدك من الشعر بيت انو الدولة كلها فاسدة اقتباس:
هاد المثال ميت وليس حي أنا حأعطيك مثال حي بزمناتو رفيقي أكل ضربة موس برجلو نحنا سمعنا واحد من الشباب الزعران يعني عم يلفظ اسم الشب الي ضرب رفيقي حملنا حالنا ورحنا عالمخفر قدمنا شكوا طلع الشب الو سوابق المهم لقطو مالك بطول السيرة المهم بهالقصة هي انو قبل ما نطلع من المخفر فتينا 5000 ليرة ليش يا حزرك لأنو الشباب طلعوا من المخفر وتعبو حالون وراحو يدورو عالشب والله وكيلك هاد الحكي قالولنا ياه بالحرف الواحد دون حيا أو خجل وهاد عم ينفذ واجبو وهي القصة مو قديمة من حوالي السنة اقتباس:
يا سيدي أنا عم قول حلو عنا معناتا عملو الشي الي بيريحنا وما تضلو كابسين على نفسنا حاربو الفساد استغلو الموارد الي عنا ولا تقلي مافي موارد لاء في وفي كتير كمان اقتباس:
وعالهامش كمان مو انت الي بتقلي باي صيغة بحكي وهاد مو راي شخصي هاد راي كتير شباب عايشين بسورية وبرا سورية وبالنسبة لموضوع بلسان مين عم تحكي فأنا عم احكي بلساني مو بلسان حدا تاني وما بدي مين يقلي شو احكي لأني شايف بعيوني مو متل بعض ناس مغمضة عيونها وعايشة عالسبهللة 
شام ياذا السيف لم يغب ياكلام المجد في الكتب
قبلك التاريخ في ظلمة بعدك استولا على الشهب بـــــــحبـــــــــــــــك يـــــا شـــــــــــــــــــــــــــــــــــام We ask the Syrian government to stop banning Akhawia |
|||||||||||||||
|
|
|
07/06/2008
|
#6 | |||||||
|
عضو
-- أخ لهلوب --
|
اقتباس:
على هوا مالك كاتب فحضرتك من لبنان يعني ما بتعرف شي عن الواقع بسوريا وما بتعرف أكتر من الي بتسمعوا بالأخبار لهيك تعليقك عالموضوع مرفوض جملة وتفصيلا والسلام |
|||||||
|
|
|
08/06/2008
|
#7 | ||||
|
شبه عضو
-- اخ حرٍك --
|
يا أخ مانك خايف كلامك فيه كتير من الصحة وفيه من المبالغة أو خلينا نقول طلوع الخلق أحسن
يا أخي نحنا عايشين بسورية وعم نشوف كل شي بس يا ترى كل ما شفنا شي غلط بنحطو على ضهر الرئيس والدولة؟؟؟ ماني حابة اتفلسف كتير بس رح اسألك هالشعب اللي حواليك كلو فهمان ؟؟؟ بقص ايدي إذا مو 50% إذا مو أكتر سألن عن الديمقراطية بيفكروها مسبة الرئيس والحكومة ويمكن مشاهدة الأفلام الخليعة والتحرر ال..... متل اميركا لأنها وأنت العالم مثال الديمقراطية شعبنا بدو غسيل دماغ من قذاراته وتلقينه من جديد وأقول تلقينه لأنو يبدو مفطورين على التبعية وعدم التفكير وماني عم احكي عن الكل طبعاً بس نقطة حبر بتسود صفحة وإذا ضلينا نحط كل خطأ على الحكومة رح نصير متل اسكتش من برنامج لبناني عن مواطنين على شط البحر عم يهاجموا الحكومة لأنهم مشوبين ....!!!
أنا من العرق العربي
الصديق القديم للشمس الذي وجد كل شئ....ثم ضيعه فيديريكو غارسيا لوركا |
||||
|
|
|
08/06/2008
|
#8 | ||||||
|
عضو
-- أخ لهلوب --
|
طب ليش كتير من الشعب بيعتبر هالكلمة مسبة مع انو هاد الحكي مو صحيح أبدا لأنو من ونحنا بالمدرسة بيحكولنا عن هالكلمة هي وبيشرحولنا ياها بس بدون تنفيذ عملي تاني باشتان إذا ما حطينا اللوم على سيادتو وعلى حكومتو على مين بدنا نحط اللوم عليي أنا ولا عليكي انتي خلينا ناخد مثال بسيط ولو انو طويل شوي (وهي سيكارة) لو نحنا عنا ديمقراطية واجا وقفك هالشرطي كف بلا بدو حق ربطة خبز طيب لو هالشرطي هاد بيعرف انو انتي ما ممكن تعطيه وبدك تشتكي عليه لمعلمو وبدو يتعاقب على هالفعل هاد ما بيسترجي يوقفك تبلّي ونفس الموضوع لو معلمو بدو ياخد رشوة وبدك تشتكي عليه لمعلمو كمان ما بيسترجي وهيك لأكبر راس بيلتغى مفهوم الرشوة ببلادنا وبيلتغا مفهوم انو شرطي المرور يستغل المواطن بس لأنو حاسس حالو مالك السلطة مفكر حالو شغلة كبيرة العينتين.. طيب بدي قول شغلة في كتير من الأعضاء بتعرفها أكيد وفي كتير ما عندها فكرة عن الموضوع عندكون علم إنو شرطي المرور يلي بيوقف بالحمرا وبالشعلان وبساحة الحريقة بيدفع مصاري لحتى يفرزو بهالمنطقة هي أنو بيدفع مبلغ ماهو قليل لمعلمو لحتى يفرزوا بهي المناطق لأنو مردودها عالي أو أحيانا بيتقاسمو الغلة سوا أو بياخدها مقطوعة وعلى هالمقياس قيسي |
||||||
|
|
|
08/06/2008
|
#9 | |||||||
|
عضو
-- مستشــــــــــار --
|
اقتباس:
والله يا حبيب لما ما بتكون غلطان ما حيحاكيك وانا مرة كنت سايق سيارة ابي نمرة سعودية وقفني شرطي الساعة وحدة بالليل قللي اني قطعت الاشارة وانا ما قطعتها نهايتو بدو الوراق او اللي في النصيب وقلتلو مافي وطلعت عليه بالعالي(بس مو كتير يعني) ومشي الحال وما دفعت مايسترو
"We ask the Syrian government to stop banning Akhawia
اخوية باقية.. بقينا ام لم نبقى... |
|||||||
|
|
|
08/06/2008
|
#10 | ||||||
|
شبه عضو
-- اخ حرٍك --
|
انا استغرب من بعض الردود الغريبة اما عميان او انه خايفين
اذا خايف لا تعطي رايك الحقيقة انه ركه حرامية حاكمين ركه جبناء والرجال الشرفاء مالهم محل بها البلد او محلهم بالسجن و اللي عم يحكي عالامن شوف كم مجرم و حرامي بالسجن في اكتر منهم عالكراسي وكم فرع امن عنا وشوف يا ترى على مين بيلقو القبض غير عالشريف والحر ودمتم
نعيب زماننا و العيب فينا و ما لزماننا عيب سوانا
و نهجو ذا الزمان بغير ذنب و لو نطق الزمان لنا هجان فدنيانا التصنع و الترائي و نحن به نخادع من يران و ليس الذئب يأكل لحم ذئب و يأكل بعضنا بعضاً عيانا |
||||||
|
|
|
08/06/2008
|
#12 | |||||||
|
عضو
-- زعيـــــــم --
|
اقتباس:
بس بتصير محلهم بتسرق وبتنهب وبتعتدى على مال الناس نفسى افهم بقى ليه الواحد طول ماهو بعيد عن الحكومه والسلطه بيضل شريف نظيف عفيف بس بيقرب من هذه الاشياء بيصير رئيس عصابه عالهامش: عجبنى اوى السمايلى المدايق ده
ماتقولش يارب انا عندى هم كبير
قل يا هم انا عندى رب كبير الحياه رحله مهما طالت قصيره فلاتغرنك ببهرجها الزائف الزائل لا سياده لانسان على انسان السياده لله وحده الحب سلاح ذو حدين |
|||||||
|
|
|
08/06/2008
|
#13 | ||||||
|
مشرف
|
خيو "مالي خايف" كلنا ما منخاف . و أبشع من القرد ربك ما مسخ ..
بس هدي هدي .. بلاها الإنفعالات هاي مو منيحة لصحتك .. و صحة الجميع ..
ويحَ زمَنٍ أصبَحَ فيهِ عاشِقُ الوطَنِ يُهان ..
ويُشطَبُ مِن ذاكرةِ عشقِهِ .. ومِن قائِمَةِ بني الإنسان !! . |
||||||
|
|
|
08/06/2008
|
#14 | |||||||
|
عضو
-- أخ لهلوب --
|
اقتباس:
خيو بلاك أنا رحت لعند دكتور وهو وصفلي هالنوع هاد من الإنفعالات  |
|||||||
|
|
|
08/06/2008
|
#15 | |||||||
|
عضو
|
اقتباس:
وحياة سواد عينيك يا حبيبي غيرك ما يحلالي
we ask syrian goverment to stop panding akhawia نقسم سنبقى لاننا وارضنا والحق اكثرية |
|||||||
|
|
|
08/06/2008
|
#17 | ||||
|
عضو
-- قبضاي --
|
saheb elmawdo3 ma ghelet hakyou sahih ou bhayi chaja3tou yemken hachi mawjoud bi ktir doual 3arabya bes bisourya ghir chakel bel akhas enou halbalad ma lazem ikoun hik
« celui qui ne peut vivre dans l’honneur meurt avec honneur »
l'amour des humain est multiple,souvent comme l'herbe des champs, sans fleurs ni <fruits. |
||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 14:17 (بحسب عمك غرينتش الكبير +3)