رحلة منتخب سوريا لنهائيات كأس آسيا

[صياد الطيور]

المباراة حالياً عم تنعاد على أبو ظبي الرياضية للي ما حضرها

[صياد الطيور]

كاتب النص الأصلي : cornholio

ولو ايمتا المباراة الجاية ؟؟؟؟

يوم السبت 14/2/2009
الساعة 3 الظهر

و رح تكون بالفيتنام بأرضهم

[صياد الطيور]

الملعب : صيدا الدولي .
لبنان × سورية : 0 – 2 ( الشوط الأول 0 – 1 ) .
الحكم : عبد الله البلوشي ( قطر ) .


تحدّى منتخبنا الوطني ظروف استضافة " الأشقاء " وخرج بفوز ثمين على نظيره اللبناني بهدفين نظيفين بعد مباراة متوسطة المستوى الفني جاء شوطها الثاني أفضل من الأول ، ورجحت خبرة لاعبي منتخبنا فحسمت المباراة بأقل مجهود نسبيا ً فكانت المحاولات الهجومية موزونة على قلتها .

بداية المباراة جاءت حذرة فطال جس النبض وانحصر اللعب في وسط الملعب إلى أن كسر جهاد الحسين الهدوء باختراق ومجهود فردي كبير وتمريرة للخطيب سددها لولبية جاورت القائم الأيسر مع انتصاف الشوط ، وحاول منتخب لبنان تسجيل حضوره فسدد له رضا عنتر وعلي السعدي من بعيد دون تركيز فيما كانت المحاولة الأخطر لمحمد بكر ردها البلحوس بقبضة يده ، وسجل منتخبنا هدفه الأول بعد اختراق للخطيب وارتباك للدفاع اللبناني فاقتنص الحسين الكرة وسددها في المرمى ( 36 ) وكاد جهاد أن يضيف الثاني من تسديدة داخل الجزاء ردها لاري مهنا لركنية ، ومع الدقيقة الأخيرة سدد عباس عطوي كرة ردها بلال عبد الدايم لركنية ثم رضا عنتر رأسية أبعدها البلحوس .

في الشوط الثاني ارتفع نسق الأداء وزادت سرعة تحرك المنتخب اللبناني دون تنظيم أو فاعلية وبالمقابل لعب منتخبنا بأسلوب هادئ ، وكان أبرز لاعبي منتخب لبنان زكريا شرارة وعطوي ، أول فرص الشوط كانت من تسديدة رجا رافع ارتدت من الدفاع لركنية ، وكاد المنتخب اللبناني أن يستفيد من أخطائنا فتردد البلحوس بالخروج للكرة ولحقها بصعوبة قبل أكرم المغربي ثم ارتبك دفاعنا مع البلحوس في تشتيت كرة تائهة داخل الجزاء ، وعاد رجا رافع ليسدد من خارج الجزاء وحولها لاري مهنا لركنية ، وعزز فراس الخطيب فوز منتخبنا بهدف الحسم بعد بينية الزينو ومرواغة داخل الجزاء ( 77 ) ، وفيما تبقى من دقائق لم تنفع محاولات أصحاب الأرض للعودة وكانت أبرزها تسديدة رضا عنتر ردتها العارضة فيما اختتم محمد زينو المجريات بتسديدة من نقطة الجزاء جاورت المرمى .

تفاصيل من المؤتمر الصحفي تأتيكم لاحقا ً .

أرقام

التسديد على المرمى : لبنان 8 / سورية 7
التسديد بين القوائم : لبنان 2 / سورية 4
الركلات الركنية : لبنان 4 / سورية 9
حالات التسلل : لبنان 2 / سورية 1
الأخطاء : لبنان 8 / سورية 10
الركلات المباشرة : لبنان 2 / سورية 2
البطاقات الصفراء : سورية 3 ( عادل عبد الله – وائل عيان – عمر حميدي ) .

مثل منتخبنا

مصعب بلحوس – عمر حميدي – علي دياب – بلال عبد الدايم – بكري طراب – وائل عيان – عادل عبد الله – يحيى الراشد ( حمزة إيتوني ) – جهاد الحسين ( ماهر السيد ) – رجا رافع ( محمد زينو ) – فراس الخطيب .

[LiOnHeArT.3LA2]

يا سيدي .. الشباب قدا وقدود ..

انا كالعادة .. متفائل خير

شفتو شفتو شفتو ..

انا متفائل ..

وفازو ..

رغم كل شي صار ..
بس فازو

مبروك .. شباب

[صياد الطيور]

عادت بعثة منتخبنا الوطني من لبنان ليل الأربعاء حيث عبرت نقطة الحدود السورية اللبنانية في منطقة المصنع حوالي الساعة الحادية عشر ليلا ً ، وذلك بعد الفوز الهام لمنتخبنا على مضيفه اللبناني والذي أمن له صدارة المجموعة الرابعة في تصفيات أمم آسيا .

وقد ساد الارتياح أجواء منتخبنا خاصة بعد المتابعة والدعم من قبل القائم بأعمال السفارة السورية في بيروت د.شوقي شماط كما ترك الاهتمام الكبير من إدارة نادي العهد اللبناني التي أقامت مأدبة عشاء للبعثة السورية في مقر النادي بالضاحية الجنوبية ارتياحا ً كبيرا ً بعد المعاناة التي عاشها المنتخب خلال أيام إقامته في لبنان كما رافق وفد من نادي العهد موكب البعثة إلى جانب قوى الأمن الداخلي حتى الحدود .

وفي اتصال خاص بموقع الكرة السورية مع مدرب المنتخب الوطني فجر ابراهيم أشاد بالروح العالية للاعبينا قائلا ً أن الرجال يظهرون عند الشدائد وموضحا ً أن بعض اللاعبين تحامل على مرضه ولم يخبر إدارة المنتخب بأنه تعرض للتسمم حرصا ً على المشاركة في المباراة ، وفي الحديث عن المباراة أكد الابراهيم أن منتخبنا سعى لاقتصاد الجهد بسبب الحالة الصحية لمعظم اللاعبين واختزان الطاقة للشوط الثاني وهذا ما حصل ، مؤكدا ً أن التركيز كان على ثلاثي الهجوم " الحسين ، رافع ، الخطيب " كونهم الأجهز بدنيا ً وقدموا مباراة كبيرة إلى جانب البقية الذين بذلوا أقصى ما لديهم فقد كانت المباراة مفصلية أكدت تفوق منتخبنا وأبعدت المنتخب اللبناني عن أجواء المنافسة .

وقد علمنا أن حالة اللاعبين الصحية في تحسن وإن كان الأكثر تأثرا ً حتى الآن اللاعب فراس اسماعيل ونتمنى الشفاء العاجل للجميع .

[صياد الطيور]

ترتيب المجموعة الرابعة

1- سوريا لعب 2 فاز 2 له 5عليه 2 النقاط 6
2- الصين لعب 2 فاز 1 خسر 1 له 8 علي4 النقاط 3
3- فيتنام لعب 2 فاز 1 خسر 1 له 4 عليه 7 النقاط 3
4- لبنان لعب 2 خسر 2 له 1 عليه 5 النقاط 0


انشالله على طول بالصدارة يا منتخبنا الغالي  

[صياد الطيور]

يتوجه منتخبنا الوطني لكرة القدم إلى دبي بعد غد السبت لملاقاة نظيره الكوري الجنوبي في الأول من شباط في مباراة ودية دولية.

وسيغيب عن المنتخب نجومه المحترفين في الخارج وفي مقدمتهم جهاد الحسين المحترف في الكويت الكويتي وفراس الخطيب محترفنا في العربي الكويتي.

وكان الحسين والخطيب سجلاً هدفي الفوز على لبنان (2-0) الأربعاء في الجولة الثانية من منافسات المجموعة الرابعة لتصفيات كاس أمم آسيا المؤهلة للنهائيات المقررة في الدوحة 2011.

[صياد الطيور]

كاتب النص الأصلي : cornholio

ولو ايمتا المباراة الجاية ؟؟؟؟

كاتب النص الأصلي : صياد الطيور

يوم السبت 14/2/2009
الساعة 3 الظهر

و رح تكون بالفيتنام بأرضهم

آسف عالموعد الخطأ
المباراة الجاي رح تكون بتاريخ 14/11/2009

يعني بعد 10 شهور

[kamisch soon]

يا عيني عل المنتخب صدقني انا لما كنت بسورية بنهاية التسعينات كنت اشهر المشجع لنادي الحهاد0 خلصت الشغل واجاني الخبر بانو الشوط الاول 3-0 فرحت كتير واتصلت مع الشباب ورحنا ل زوريخ شي 20 سيارة وعملنا زيطا و زمبليطا للصبح0 مشكورين كتير يا شباب الله يعطيكون الصحة ويفرحكون متل ما فرحتونا0 بس ما تخلونا بنص الطريق

[homam85]

حلوة هالنتائج ...بس يا خوفي من التخبيص بعدين وخاصة من طرف الاتحاد العام والكروي..الاتنين أضرب من بعض والا ما يأثروا عمسيرة المنتخب ويعملولن شي سالفة وبكرة شوفو..

[MadMax]

كاتب النص الأصلي : صياد الطيور

وإن كان الأكثر تأثرا ً حتى الآن اللاعب فراس اسماعيل .

الظاهر هو أكتر واحد كانت مفتوحة نفسو عالفراريج

[مايسترو]

بس ما تخلونا بنص الطريق

هي ما بضمنلك ياها بالمرة...

[ابو ريتا]

كاتب النص الأصلي : MadMax

الظاهر هو أكتر واحد كانت مفتوحة نفسو عالفراريج

هاد الي شاطر فيه انت

[صياد الطيور]

وجه وزير الشباب والرياضة اللبناني طلال أرسلان بمتابعة التحقيقات في ملابسات تسمم ستة من لاعبي المنتخب السوري لكرة القدم واثنين من الإداريين.

وجاء في بيان صادر عن وزارة الشباب والرياضة أمس أن الوزير أرسلان تابع باهتمام كبير الحادث وأجرى لهذه الغاية سلسلة اتصالات مع المسؤولين المعنيين لإجلاء ملابسات ماحصل مضيفاً أن أرسلان طلب من القوى الأمنية متابعة التحقيقات وإبلاغه بنتائج التحقيقات.

و طلب وزير الشباب والرياضة اللبناني من حسن شرارة المستشار في الوزارة إعداد تقرير عن الحادث والاجتماع إلى الفريق الرياضي السوري ورئيس البعثة السورية للأخذ برأيهم وكذلك الاتصال بالاتحاد اللبناني لكرة القدم وتوضيح ملابسات ما حصل خلال 24 ساعة.

و تعرضت بعثتنا لكثير من المضايقات وكانت لديه ملاحظات على طريقة استقباله منذ لحظة وصوله إلى منطقة الحدود اللبنانية ـ السورية حيث كان في انتظاره مسؤول منطقة البقاع في الاتحاد اللبناني لكرة القدم. وكان عليه الانتظار ساعة ونصف الساعة لانجاز اوراقه على نقطة الحدود.

كما أُنزل اعضاء بعثتنا في احد فنادق بيروت غير المصنفة في فئة الخمس نجوم.

ولم يتمكّن منتخبنا من القيام بتدريباته في اليومين الاول والثاني لوصوله بسبب انقطاع الكهرباء عن الملعب. ولدى عودته الى الفندق تناول المنتخب العشاء وما لبثت حالات التسمّم ان ظهرت لدى قسم من اللاعبين لتباشر فرق الاسعاف نقلهم إلى مستشفى طراد في بيروت.

ورغم ذلك ، تمكّن منتخبنا بغياب ستة من لاعبيه الاساسيين من الفوز على نظيره اللبناني 2ـ0 سجلهما جهاد الحسين و فراس الخطيب .

[صياد الطيور]

تلقى النجم السوري فراس الخطيب عرضاً احترافيا من نانت الفرنسي بعد تالق الأخير مع المنتخب و ناديه العربي الكويتي .

و يدرس الخطيب العرض المقدم له مع ناديه العربي باعتباره مرتبط معها بعقد حتى نهاية الموسم الحالي .

يذكر أن نانت يحتل حالياً المركز الخامس عشر ضمن جدول ترتيب الدوري الفرنسي الممتاز .

[Government]

اللبناني فات فات .. الفيتنامي وينو وينو ؟؟

[صياد الطيور]

كاتب النص الأصلي : Government

اللبناني فات فات .. الفيتنامي وينو وينو ؟؟

يالله لسا مطولة مباراة الفيتنام

بس في عنا مباراة بعد بكرة بدبي مع منتخب كوريا الجنوبية

المباراة رح تكون قوية و مهمة

( مباراة ودية طبعاً )

[Government]

كاتب النص الأصلي : صياد الطيور

يالله لسا مطولة مباراة الفيتنام

بس في عنا مباراة بعد بكرة بدبي مع منتخب كوريا الجنوبية

المباراة رح تكون قوية و مهمة

( مباراة ودية طبعاً )

سمعت عنا والله .. وياريت تكون منقولة لانو عنجد بشرفي شي بيحرق القلب من جوا المباراة بتكون شغالة وكل قناة بطالع مباراة فريقا الا نحن .. الله ينعن هيك محطة يازلمة
لك انو ماضل حيا بالمرة ع الاقل يشترولن شي مباراة يازلمة ... يعني الدوري وباعوه حتى المباريات المهمة ماعاد يسترضو يشتريا .. هلأ اوكي عرفنا غالية يا اخي بس انو منتخب الوطن عجزوا عن حق مباراة .. يروحو يكبو هالبرامج والشغلات اللي بتقرف اللي حاطينا طول النهار ويحطولن شي مباراة متل البشر .. وطبعا لاحياة لمن تنادي خلينا نفش قهرنا

بيني وبينك انا يوم المباراة اول ماطلعت المباراة هربت من البيت ونبهت ع اللي بعرفن انو لو اش ماصار يصير ماحدا يخبرني بالمباراة ولا بنتيجتا ولا شي مشان ارجع الساعة 12 ونص احضرا ع اب ظبي كانو اول مرة
وفعلا صار هيك وحضرتا كانو اول مرة بدون ما اعرف لا النتيجة ولا شي
وطبعا عرفت باللي عملوه ببعثة المنتخب .. من اول يوم لقصة الجيج الفاسد .. وبشرفي عيب عيب كبير
والعيب اكتر ازا عملو متل ماقال هادا الاعلامي نديم تبع جريدة المنتخب قلن بس تجوا ع سوريا بدنا نورجيكن اللكرم السوري
انو عنجد برأيي عيب كتير ازا ماورجينا متل اللي ورجونا ياه وازود .. يا اخي حقارة مابعدا حقارة عنجد .. شي بغيظ من جوا يازلمة .. يعني لازم ينردلن هالشي بمبارة الاياب .. انو ولو مو لهالدرجة وصلت فينا بتسمموا لعيبتنا وبعدو بفندق بشبه كلشي الا الفنادق ونروح نكافين ..
كمان الدفاع عنا يا اخي كان بخوف رسمي في شي تلت طابات لولا البلحوس وجحشنة اللعيبة البنانية والحظ مرة تالتة كنا اكلنا هو رسمي وكول مافي مجال .. بس الله ستر انو عمنلعب مع فريق جربان ..
وبيني وبينك ازا بضل هيك دفاعنا فماخرج نكمل بالمرة .. رح نتأهل ع اسيا ازا الله راد .. بس بعدين بدنا نتخورف ع المزبوط .. انو دفاع هش كتير ولازمو كلو تبديل من اولو لاخرو واول الشي يجيبو الياس مرقص وعبدالقادر دكة اللي نطلبو ع المنتخب .. ويجيبولن شي لاعبين تانيين لانو هي مي حالة بالمرة ...
وطبعا بستمر جهاد بتألقو وادائو الرائع هو والخطيب اللي حط كول رهيب من النمط الخليجي عنجد ..
مع انو كان لازم نفوز باكتر من تلاتة وكان لازم يكون مستوانا احسن من هيك قدام هيك فريق ... بس بتوقع ع فجر ابراهيم هيك منيحة .. وبتمشي لقدام