مواصفات الفتاة السوريه

[shareef98]

مواصفات الفتاة السورية

أولاً: فيسبوكياً:

1- اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.

2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.

3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.



ثانياً- مسنجرياً:

1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو (مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.

2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..

3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.

4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.



ثالثا: في الشارع:

1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.

2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك.

3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت


رابعا: في المحلات التجارية:

1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتاكور من كوالالامبور....

2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن.

3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها.

على كل حال :الله لايحرمنا ياهن

[leonardo_dicabreo]

دخلك هاد الحكي عن تجربه شخصيه , ولا كيف أبو الشباب . . . ! ! !

[jovia]

كاتب النص الأصلي : shareef98

1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو (مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.

عن جد انا هيك بس الاختلاف انو انا ما بضيف عندي مينما كان وكل اللي عالميسينجر بيكونو اصحاب نفوذ وتئال ثم بدي قلك كمان شغلة كل للي عالميل استنى لعدلك ياهون طلعو عشرين منهون 15 مع وقف التنفيذ شي بلوك من زمان وشي انا طفشتلو العيشة تبعو

كاتب النص الأصلي : shareef98

على كل حال :الله لايحرمنا ياهن

كاتب النص الأصلي : shareef98

بعدين بعد كل اللي قلتو بتدعي هالدعوة الله يجبرك ويعلي مراتبك

[shareef98]

كاتب النص الأصلي : leonardo_dicabreo

دخلك هاد الحكي عن تجربه شخصيه , ولا كيف أبو الشباب . . . ! ! !

ياسيدي...شخصيه..إذا بدك..

وفيك برياحه...تستبدل الشين بالميم

[shareef98]

كاتب النص الأصلي : jovia

وكل اللي عالميسينجر بيكونو اصحاب نفوذ وتئال

أحبطتيني....للأسف الشريف...أنا محدود الصلاحيات وخفيف......يعني بحياتي ما رح إحلم صير عندك
عالماسينجر.............يللااااا� �اااااااااااااااا.... ب تمرء

[inodessa]

الحق ع الشباب... هني عاطينون وجه..
انا اذا شفت بنت حلوي بعمل حالي مو معبرها !!!..

[jovia]

كل شي نصيب اشرف لا تزعل بيجوز مكتوبلك تكون بماسنجر تسعتالاف وتسمعمية وتسعة وتسعين بنت بس ضليت انا ما كملتلك ياهون عالالف

[shareef98]

كاتب النص الأصلي : inodessa

الحق ع الشباب... هني عاطينون وجه..
انا اذا شفت بنت حلوي بعمل حالي مو معبرها !!!..

ولك أهلاااااااااااااااااااااا ااااااااااااااا بالغالي

كبير يا عيون...كبير.....بس لاتتواضع: إنت ما بتعمل حالك.......إنت فعلاً مانك شايفها

[shareef98]

كاتب النص الأصلي : jovia

كل شي نصيب اشرف لا تزعل بيجوز مكتوبلك تكون بماسنجر تسعتالاف وتسمعمية وتسعة وتسعين بنت بس ضليت انا ما كملتلك ياهون عالالف

تسعتالاف وتسعميه وتسعه وتسعين+واحد=ألف......

[jovia]

كاتب النص الأصلي : shareef98

تسعتالاف وتسعميه وتسعه وتسعين+واحد=ألف......

شاااااااااطر لك تاريك زكي يا الله بس عهالسمايلي للي حاطتو شكلك عرفت الجواب بعد جهد جهيد بس معك معك بتتعلم

[shareef98]

كاتب النص الأصلي : jovia

بس معك معك بتتعلم

إي دخيلك خليكي معي معي.....بدي اتعلّم كيف لواحد بيطلع بلعو من السعلي..بأول سحبة أركيله

وللا هاي ما بتزبط معك إلا بوجود معلمك وتاج راسك

[jovia]

كاتب النص الأصلي : shareef98

إي دخيلك خليكي معي معي.....بدي اتعلّم كيف لواحد بيطلع بلعو من السعلي..بأول سحبة أركيله

وللا هاي ما بتزبط معك إلا بوجود معلمك وتاج راسك

هههههه اكيد ما بتزبط الا بوجودو لانو اساسا مابكح من سحبة الاركيلة الا لما كان معي للضرورة التمثيلية
ثم بدي افهم شغلة ليش طلعت عن صلب الموضوع وشطحت لشي ما الو علاقة للي كتبتو

[shareef98]

كاتب النص الأصلي : jovia

هههههه اكيد ما بتزبط الا بوجودو لانو اساسا مابحك من سحبة الاركيلة الا لما كان معي للضرورة التمثيلية
ثم بدي افهم شغلة ليش طلعت عن صلب الموضوع وشطحت لشي ما الو علاقة للي كتبتو

انا شطّيح.....هيك الله كاتبلي كون....بس بشطح مع الحبايب بس...

[عمار فيكا]

بعمرك وحياتك لا تعطي للبنت السورية أكتر من حجمها أنا برأي الشخصي وقت يلي بتعطيها أهمية بتصير بترفس
وقت يلي بتتركها بتصير بتلحقك
فلذلك أنصح كل الشباب بإنو مايعطوا أهمية كتير للبنات على قولة همام حوت اللواتي يتمنعن وهن الراغبات
ودمتم

[leonardo_dicabreo]

كاتب النص الأصلي : shareef98

ياسيدي...شخصيه..إذا بدك..

وفيك برياحه...تستبدل الشين بالميم

برضو هالشغله عن تجربه شخصيه , ولا كيف . . . ! ! !

[jovia]

لك ما قلك شخصية وشين ميم حين ومين وجيم
فكو للزلمة مو شايفو اتغير لونو ورطب جينزو من الرعبة

[عطر المغرب]

كاتب النص الأصلي : عمار فيكا

بعمرك وحياتك لا تعطي للبنت السورية أكتر من حجمها أنا برأي الشخصي وقت يلي بتعطيها أهمية بتصير بترفس
وقت يلي بتتركها بتصير بتلحقك
فلذلك أنصح كل الشباب بإنو مايعطوا أهمية كتير للبنات على قولة همام حوت اللواتي يتمنعن وهن الراغبات
ودمتم

اااااااااااااااااااي بقا لا تحكو هيك عن البناااات
اي والله انتم يا شباب ما بتسووو شي بلاهن


هدا دفاعا عن صديقاتي السوريات
هع هع

[jovia]

كاتب النص الأصلي : عطر المغرب

هدا دفاعا عن صديقاتي السوريات
هع هع

الله يجبرك عطورة ما قصرتي
ال مواصفات الفتاة السورية ال
لكان مواصفات الشب العونطجي للي شكل حكايتك كيف يا ترى اكيد اول وصف جيبتك مخزوئة وايدك على مصروف الوالدين