ايطاليا: الوزير كالديرولي يهدد بطرد المسلمين في اول تصريح له

[*Marwa*]

ايطاليا: الوزير كالديرولي يهدد بطرد المسلمين في اول تصريح له

في أول تصريح له بعد تعيينه وزيرا للتشريع القانوني في الحكومة الإيطالية الجديدة برئاسة سلفيو برلسكوني، هدد روبيرتو كالديرولي بطرد كل المهاجرين المسلمين الذين يعجزون عن إثبات شرعية دخولهم إلى البلاد.
وأكد كالديرولي والذي ينتمي إلى حزب رابطة الشمال العنصري الداعي إلى طرد المسلمين من إيطاليا، بعد أدائه اليمين الدستورية، إصراره على التعامل بـ "حزم أكبر" مع قضية هجرة الإسلاميين الغير شرعية إلى البلاد.

وتضم الحكومة الإيطالية الجديدة أربعة من حزب رابطة الشمال، حيث حصل زعيم الحزب اومبرتو بوسي على حقيبة الإصلاحات، وروبرتو ماروني على الداخلية ولوكا زايا على الزراعة وروبرتو كالديرولي على التشريع القانوني.
وقال كالديرولي: "نقوم الآن بدراسة سلسلة من المعايير الجديدة التي تعتبر أول إجراء للحكومة الجديدة"، وأضاف "سيجتمع الوزراء الخمسة المرتبطين بقضية الهجرة بشكل مباشر لوضع هذه الشروط".

وأكد، إن "جميع دول الاتحاد الأوروبي تقوم بتبني هذه المقاييس تباعا، وبشكل خاص فرنسا وأسبانيا، حيث تبنى رئيس فرنسا نيكولا ساركوزي ورئيس الحكومة الأسبانية ثاباتيرو معايير شديدة الصرامة في التعامل مع قضية الهجرة ومقاومة غير الشرعية منها".
وأشار كالديرولي والذي أثار تعيينه وزيرا في الحكومة الإيطالية الجديدة غضب الجالية الإسلامية في إيطاليا بعد تطاوله قبل عامين على الرسول الكريم، إلى اعتزامه مواجهة المهاجرين غير الشرعيين في بلاده بشكل نهائي، بغض النظر عن أي فكر سياسي" على حد تعبيره.

مخاوف مسلمي إيطاليا
كانت الجالية الإسلامية في إيطاليا قد أعربت في وقت سابق عن مخاوفها من اتفاق برلسكوني والمعروف بعدائه الشديد للإسلام والمسلمين مع حليفه حزب رابطة الشمال المتشدد على تطبيق قوانين جديدة ضد المسلمين، مشيرة إلى أن هذه القوانين ستخلق مزيدا من التوتر بينها وبين المجتمع الإيطالي ومؤسساته.
وأكدت الجالية الإسلامية إن برلسكوني والمعروف بعدائه الشديد للإسلام والمسلمين اتفق مع حليفه حزب رابطة الشمال المتشدد على تطبيق قوانين جديدة ضد المسلمين، مشيرة إلى أن هذه القوانين ستخلق مزيدا من التوتر بينها وبين المجتمع الإيطالي ومؤسساته.
كما أكد حزب رابطة الشمال أن نجاحه في الانتخابات الماضية ووصوله مع برلسكوني إلى سدة الحكم, سيكون بمثابة تصد قوي للإسلام والمسلمين, ومواجهة مفتوحة مع من أسماهم بـ"المتطرفين والإرهابيين والمجاهدين الإسلاميين".
وقال ماريو بورجيتسيو أحد قادته المتشددين والذي يمثل إيطاليا في البرلمان الأوروبي, والمعروف بعدائه الشديد للإسلام وبمواقفه المتشددة ضد المسلمين, إن الحكومة الإيطالية الجديدة برئاسة برلسكوني "ستضم صليبيين حقيقيين متمثلين في حزب رابطة الشمال الذين لهم القدرة على مواجهة خطر الإرهاب الجهادي ومن يسانده".

المصدر: موقع الـعـرب

[yass]

ملاحظتين: رابطة الشمال عنصرية؟ نعم عنصرية...

عنصرية فقط ضد المسلمين؟ لأ... مو مقصرين مع الكل.. انو حتى عنصريين ضد أهل جنوب ايطاليا و صقلية (كون يعتبرو انهم كسالى و انو الشمال الثري معيّشهون و هنن عالة عالشمال)

الخبر طلع بشكل كبير بأكثر من موقع أخباري.. و أعتقد انو مفبرك بهاد الموقع (اللي ما بعرفو بس واضح توجهو من طريقة فبركة الموضوع) الحملة تبعيتهم ضد كل الهجرة غير الشرعية من مسلمين و غير مسلمين .. يعني أول ناس راح يتضررو هنن أهل أوربا الشرقية كون في اتفاقيات أكثر تفصيلا من هالنواحي و الترحيل أسرع.. لذلك اعلان الخبر و كأنو مؤامرة فقط ضد المسلمين فيه تلفيق و تسويق لنظرية المؤامرة


تحية

[Donald Duck]

مروى اتاكدي من الخبر ..

لانو بتضري بمصلحة ايطاليا انتي بهالخبر ..

الاوروبين ما بغلطوا ..

ما بعرفوا التطرف ..

ومعالملتهم مع المسلمين ما في احلى منها ..

..........................

يعني الي بسمع بقول ما في تطرف بايطاليا ..

في كل الدول في تطرف ..

ولما هالخبر طلع خصوصا انو طلع بمواقع رسمية مو بمنتديات ..

صار اسمه تلفيق وتسويق ..

عنجد مهزلة ..

[yass]

كاتب النص الأصلي : Donald Duck

مروى اتاكدي من الخبر ..

لانو بتضري بمصلحة ايطاليا انتي بهالخبر ..

الاوروبين ما بغلطوا ..

ما بعرفوا التطرف ..

ومعالملتهم مع المسلمين ما في احلى منها ..

..........................

يعني الي بسمع بقول ما في تطرف بايطاليا ..

في كل الدول في تطرف ..

ولما هالخبر طلع خصوصا انو طلع بمواقع رسمية مو بمنتديات ..

صار اسمه تلفيق وتسويق ..

عنجد مهزلة ..

اقرا منيح ردي احسنلك من زت الحكي ببلاش... شوف كيف حكيت من أولها انو تحالف الشمال عنصري و قلت انو الخبر مفبرك و ليس ملفق... مجرد حكيت انو عنصريتهون مو بس ضد المسلمين (لسى مبارح طردو 45 أكوادوري ع اسبانيا)


في فرق بين انك تقول انو تحالف الشمال عنصري ضد كل شي مانو ايطالي وثري و انك تقول انو عنصري فقط ضد المسلمين...

[Donald Duck]

كاتب النص الأصلي : yass

اقرا منيح ردي احسنلك من زت الحكي ببلاش... شوف كيف حكيت من أولها انو تحالف الشمال عنصري و قلت انو الخبر مفبرك و ليس ملفق... مجرد حكيت انو عنصريتهون مو بس ضد المسلمين (لسى مبارح طردو 45 أكوادوري ع اسبانيا)

ليش انا رديت على تعليقك !!!!!!

بعدين هات تنشوف رايك ..

ما في متطرفين بايطاليا ضد المسلمين .. !! وهذا اشي طبيعي جدا ..

الي انت بتقول فيه صحيح .. بس كمان ما فيك تنفي وجود عنصرية من بعض الناس في اورويا وفي ايطاليا كمان ضد المسلمين ..

يعني ليش على طول قولت خبر مفبرك ..

بجوز الخبر يكون صحيح وبجوز يكون مفبرك ..

بس ما بتقدر تنفي وجود عنصرية ضد المسلمين في اوروبا ..

[yass]

كاتب النص الأصلي : Donald Duck

ليش انا رديت على تعليقك !!!!!!

بعدين هات تنشوف رايك ..

ما في متطرفين بايطاليا ضد المسلمين .. !! وهذا اشي طبيعي جدا ..

الي انت بتقول فيه صحيح .. بس كمان ما فيك تنفي وجود عنصرية من بعض الناس في اورويا وفي ايطاليا كمان ضد المسلمين ..

يعني ليش على طول قولت خبر مفبرك ..

بجوز الخبر يكون صحيح وبجوز يكون مفبرك ..

بس ما بتقدر تنفي وجود عنصرية ضد المسلمين في اوروبا ..

طبعا رديت ع تعليقي لأنو مافي غيري علّق لحد هلأ يا معلّم... و أنا اللي قلت الخبر مفبرك و برجع بقول مفبرك لأنو بدو يعطي صورة انو العنصرية بس ضد المسلمين..و الواقع مو هيك.. مزبوط هدول بيكرهو المسلمين لكن ضمن كرههم لكل شي غريب عنهم مو بس المسلمين

طبعا في نسبة عنصرية ضد المسلمين ما بعرف وين شفت انو مافي عنصرية... بس العنصري ضد المسلمين مو بس عنصري ضد المسلمين.. بهالحالة بالذات تحالف الشمال أكثر أكثر ما يكره (كوراثة عن الفكر الفاشي الايطالي) هم الشعوب السلافية, بعدين يجو الأميركان الجنوبيين و المسلمين.. يعني مو بس يكرهو المسلمين انما بيكرهو كل شي مانو ايطالي

و بأوربا طبعا في عنصرية مثل كل دول العالم فيها عنصرية بس مو أكثر من غيرها (بالعكس أقل من محلات تانية) و الحديث عن العنصرية كشيء منتشر فيه غلط كبير جدا... أساسا بتلاقي عنصرية ضد العرب و المسلمين بدول أوربا الشرقية (بلغاريا بولونيا رومانيا ... الخ) أكثر بكثير من دول أوربا الغربية.. و اسأل اي واحد عاش بالمطرحين و شاف الفرق

[Donald Duck]

كاتب النص الأصلي : yass

طبعا رديت ع تعليقي لأنو مافي غيري علّق لحد هلأ يا معلّم... و أنا اللي قلت الخبر مفبرك و برجع بقول مفبرك لأنو بدو يعطي صورة انو العنصرية بس ضد المسلمين..و الواقع مو هيك.. مزبوط هدول بيكرهو المسلمين لكن ضمن كرههم لكل شي غريب عنهم مو بس المسلمين

طبعا في نسبة عنصرية ضد المسلمين ما بعرف وين شفت انو مافي عنصرية... بس العنصري ضد المسلمين مو بس عنصري ضد المسلمين.. بهالحالة بالذات تحالف الشمال أكثر أكثر ما يكره (كوراثة عن الفكر الفاشي الايطالي) هم الشعوب السلافية, بعدين يجو الأميركان الجنوبيين و المسلمين.. يعني مو بس يكرهو المسلمين انما بيكرهو كل شي مانو ايطالي

و بأوربا طبعا في عنصرية مثل كل دول العالم فيها عنصرية بس مو أكثر من غيرها (بالعكس أقل من محلات تانية) و الحديث عن العنصرية كشيء منتشر فيه غلط كبير جدا... أساسا بتلاقي عنصرية ضد العرب و المسلمين بدول أوربا الشرقية (بلغاريا بولونيا رومانيا ... الخ) أكثر بكثير من دول أوربا الغربية.. و اسأل اي واحد عاش بالمطرحين و شاف الفرق

صحيح انو العنصرية ما بنحصر فقط على المسلمين ..

بس في عنصرية على المسلمين مثل ما انت ذكرت ..

يعني كيف الخبر مفبرك ..!!

انا ما بقول العنصرية ضد المسلمين بس .. يعني في اوروبا معروف في عنصرية ضد السود ..

في كل مكان في عنصرية ..

بس الخبر احكى عن عنصرية هالشخص للمسلمين خصوصا انو صرح تصريح ضد نبي المسلمين ..

فبرأيك الخبر مفبرك من اي ناحية ؟؟

[yass]

كاتب النص الأصلي : Donald Duck

صحيح انو العنصرية ما بنحصر فقط على المسلمين ..

بس في عنصرية على المسلمين مثل ما انت ذكرت ..

يعني كيف الخبر مفبرك ..!!

انا ما بقول العنصرية ضد المسلمين بس .. يعني في اوروبا معروف في عنصرية ضد السود ..

في كل مكان في عنصرية ..

بس الخبر احكى عن عنصرية هالشخص للمسلمين خصوصا انو صرح تصريح ضد نبي المسلمين ..

فبرأيك الخبر مفبرك من اي ناحية ؟؟

من ناحية انو عم يصوّر انو تحالف الشمال فقط عنصري ضد المسلمين.. هو حزب عنصري.. حتى ضد أهل جنوب ايطاليا عنصري.. حزب فاشي فيك تقول يعني ضد الكل.. و اللي يقرا الخبر يحس انو كأنو مشكلتهون بس مع المسلمين و مافي مشاكل مع باقي الخلق, لحد هلأ رحلو رومانيين و بلغار و غجر و بولونيين, و سفينة مهاجرين أفارقة تركوها بدون انقاذ بنص البحر اجت سفينة صيد انقذتهم.. يعني مو بس عالمسلمين لذلك الخبر غير كامل لأنو ما يقول الحقيقة كاملة.. و الحقيقة المجزّئة ليست حقيقة

قبل الانتخابات بكم يوم أتباعهون حرقو كنيسة بروتستانتية بضاحية من ضواحي ميلانو مثلا . و في ضيعة عمدتها عمل خندق حول معسكر غجر حاوطهم بشكل كامل بشكل مافيهون يتحركو, و قال ما بيردمو لحتى يتعهدو انو يروحو من هنيك... عمايلهم معبية الجرايد و عمايلهم ضد كل شي مانو مثلهم (حتى الايطاليين اليساريين مو سلمانين من شغبهم)


أعتقد واضح الفرق

[Donald Duck]

كلامك صحيح وانا ما اعترضت عليه ..

بس الخبر ما بقول انو بس العنصرية ضد المسلمين فقط ..

يعني الي نقل هالمقال هذا .. نقل العنصرية يلي تمارس من هالحزب ضد المسلمين ..

اشي طبيعي ينشر في مواقع ذو اغلبية مسلمه من المتابعين خبر عن العنصرية ضد المسلمين ..

في اي مكان تمارس العنصرية ..

وكثير عنصرية بتصير على الكرة الارضية ... وما في نفي للعنصرية الي بتصير في كل انحاء العالم ..

والعنصرية ما بتتنحصر على المسلمين وفقط ..

بس الي انا اعترضت عليه ..

انو انت قولت الخبر مفبرك ..

مع انه الخبر ما ذكر الا العنصرية الي بتكون ضد المسلمين والي انت ما نفيتها .. وما نفى باقي العنصرية ..

[yass]

هدد روبيرتو كالديرولي بطرد كل المهاجرين المسلمين الذين يعجزون عن إثبات شرعية دخولهم إلى البلاد.

هدد جميع المهاجرين الذين يعجزون عن اثبات شرعية دخولهم مو بس المسلمين... و الخبر عم يتحدث عن انو هدد بشكل خاص و فقط المهاجرين المسلمين... هون الفبركة. بدهون يعطو صورة انو الاسلام هو المعني فقط بهالعنصرية

و نفس المنوال بكل المقالة.. عم يحكي انو التهديدات موجهة فقط للمسلمين, و هالشي مو صحيح و يعطي صورة خاطئة و بعتقد واضح جدا هالشي

[Donald Duck]

في هذه معك حق ..

بس كمان الخبر بحكي عن العنصرية ضد المسلمين في اوروبا .. والي موجودة حقا ..

خصوصا انو الشخص الي ذكرتة كانت الو تصريحات من قبل ضد المسلمين والي مذكورة بالمقال ..

بس بدي استفسر منك شغلة ..

لاني مثل ما بسمع .. انو في اوروبا وامريكا في نقاط التفتيش الي بالمطار بتكون المعاملة للمسلمين غير .. وهذا كله بفضل احداث 11 سبتمبر مثل ما بعرف .. يعني بعاملوه كانة متهم ..

هالحكي صحيح !!

حقيق ..

الله يعطيكي العافية مروى ..

[باشق مجروح]

من تقرير للـ بي بي سي :

.
.
وكان فوز جياني اليمانو، وهو من عتاة الفاشيين الجدد في ايطاليا، في عطلة نهاية الاسبوع قد قوبل باحتفال مؤيديه برفع الايدي على طريقة ايام موسيليني هاتفين "دوتشي، دوتشي".
وتعهد عمدة روما الجديد بطرد 20 الف مهاجر من المحكومين من المدينة، في اول خطاب له بعد توليه منصبه. ومع ان بوريس جونسون حاول في حملته الانتخابية التخفيف من حدة تصريحات سابقة كانت اقرب للتطرف والتعالي، الا انه يظل ممثلا لتيار لا يرحب بالمهاجرين.
ولا يقتصر هذا التوجه على ايطاليا وفرنسا وبريطانيا، وانما يتصاعد في دول اخرى من هولندا الى السويد.
.
.

واضح من الخبر الكلام شامل للجميع ولا يقتصر على المسلمين يعني حتى ولو ممكن يكون غير شخص لكن بالنهاية هي سياسة ( تحالف الشمال ككل )

[yass]

هلأ بخصوص المطارات بالنسبة لأميركا ما عندي علم.. بأوربا مزبوط تشددت الاجراءات الأمنية بشكل واضح لكن تجاه كل الناس من مواطنين و غير مواطنين.. مو بس الاجراءات للعرب أو للمسلمين و لا حتى فقط للاجانب انما لكل المسافرين.. و الأغلبية العظمى من القوانين الجديدة تطلبها شركات الطيران (و منها شركة الطيران السورية... في عنصر أمن تابع للشركة.. سوري يعني, يفتشك على باب الطيارة, بمدريد على الأقل و بتصور بكل المحطات هيك)

سبب امتعاضي من هالنوع من التعامل مع الاخبار هو الصورة الكاذبة اللي تعطي عن وضع الجاليات بأوربا.. يعني ما بيحكو غير عن الشغلات السلبية (اللي موجودة أي نعم, لكن ما تتعدى نطاق محدود) و ما بتلاقي هالنوع من المواقع بتحكي مثلا كيف في بلديات كثيرة خصصت قطع أراضي بالمجان تماما لبناء مساجد و مدارس اسلامية, كيف يعملو محاضرات عن الاسلام و الحضارة الاسلامية و شغلات ثقافة اسلامية و الناس تجي و تهتم و تحاول تتعلم و تعرف و تتعرف.. أو كيف في كومة شخصيات مسلمة و من أصول مهاجرة منتخبة بمناصب كثيرة و أهل البلد ينتخبوهون حتى لو مسلمين و حتى لو عرب... هيك شغلات ما بيحكو عنها.. ما بيحكو غير عن الجانب السلبي و يعطو صورة سلبية من أجل تصوير مؤامرة ضد الاسلام.. يعني شو برأيك موقف الانسان الغربي المنفتح و اللي ما عندو مشكلة مع المسلمين بالعكس ما عندو مانع ينبنى جامع بمصاري ضرايبو أو ما عندو مانع يتساعدو لما عم تصورو كعنصري و بسبب واحد مهستر مثل الايطالي هاد تبع تحالف الشمال تعطي عنو صورة سلبية و كل الشغلات المنيحة اللي يعملها ما تحكي فيها و لا تعطيها أهمية؟ شو بيفرق هالطريقة بالتعامل عن طريقة تعامل العنصري هاد اللي عامل كل المسلمين متعصبين و متزمتين؟ نفس المنطق ...لازم مثل ما الواحد يشوف الجانب السلبي و يحاربو و يوقف بوجهو يشوف الجانب الايجابي و يقدرو و يشكر عليه


يعني تخيل الجانب العكسي... انو يكون في جريدة أو قناة بس تحكي عن الجالية العربية لما يعملو شغلة عاطلة.. لما حدا يمسكوه عم يبيع حشيش أو لما يكون عامل شي عملة... و ما بيطالعو الأخبار الجيدة... انو عربي طلع دكتور ناجح أو شي عالم عربي عمل اكتشاف جديد... شو بيكون موقفك منها؟ ما تقول متحاملة و ظالمة العرب؟ طيب نفس الشي بس بالعكس...

انفهم علي شي و للا بنوب؟

[باشق مجروح]

هلأ بخصوص المطارات بالنسبة لأميركا ما عندي علم.. بأوربا مزبوط تشددت الاجراءات الأمنية بشكل واضح لكن تجاه كل الناس من مواطنين و غير مواطنين.. مو بس الاجراءات للعرب أو للمسلمين و لا حتى فقط للاجانب انما لكل المسافرين.. و الأغلبية العظمى من القوانين الجديدة تطلبها شركات الطيران (و منها شركة الطيران السورية... في عنصر أمن تابع للشركة.. سوري يعني, يفتشك على باب الطيارة, بمدريد على الأقل و بتصور بكل المحطات هيك)

هلق هي تشددت على المسلمين أكتر من غيرهون شي أكيد وطبيعي مو على كل الناس.
المسلمين الهون وضع خاص بالتأكيد واكتر ناس بيعانو من التشديد . أنا بالنسبة الي بقول هالشي صحيح ياس . وذلك بسبب احداث 11 سبتمبر واحداث لندن ومدريد وما شابه من اعمال ارهابية.
يعني التشديد ع المسلمين مو عداء للاسلام بل وقاية للذات من عدو جديد بدء بالتسرب لهالبلدان هي وما قدر يشوف منها الا بلاد كفر رغم كل شي قدمتلو ياه من مراكز اسلامية وحرية تعبير وحركة وكتير اشياء ما بيحلم يشوفها ببلدو.
طبعاً هون انا ما بحكي عن كل الجالية انا بحكي عن البعض و بما انو الشر يعم والخير يخص فان الاشرار الي حكيت عنهون أنا هني سبب معاناة الجميع بالمطارات والتمييز ضدهون بالبلدان الي عايشين فيها وهادا قصد دونالد يمكن.

[Donald Duck]

كاتب النص الأصلي : yass

هلأ بخصوص المطارات بالنسبة لأميركا ما عندي علم.. بأوربا مزبوط تشددت الاجراءات الأمنية بشكل واضح لكن تجاه كل الناس من مواطنين و غير مواطنين.. مو بس الاجراءات للعرب أو للمسلمين و لا حتى فقط للاجانب انما لكل المسافرين.. و الأغلبية العظمى من القوانين الجديدة تطلبها شركات الطيران (و منها شركة الطيران السورية... في عنصر أمن تابع للشركة.. سوري يعني, يفتشك على باب الطيارة, بمدريد على الأقل و بتصور بكل المحطات هيك)

سبب امتعاضي من هالنوع من التعامل مع الاخبار هو الصورة الكاذبة اللي تعطي عن وضع الجاليات بأوربا.. يعني ما بيحكو غير عن الشغلات السلبية (اللي موجودة أي نعم, لكن ما تتعدى نطاق محدود) و ما بتلاقي هالنوع من المواقع بتحكي مثلا كيف في بلديات كثيرة خصصت قطع أراضي بالمجان تماما لبناء مساجد و مدارس اسلامية, كيف يعملو محاضرات عن الاسلام و الحضارة الاسلامية و شغلات ثقافة اسلامية و الناس تجي و تهتم و تحاول تتعلم و تعرف و تتعرف.. أو كيف في كومة شخصيات مسلمة و من أصول مهاجرة منتخبة بمناصب كثيرة و أهل البلد ينتخبوهون حتى لو مسلمين و حتى لو عرب... هيك شغلات ما بيحكو عنها.. ما بيحكو غير عن الجانب السلبي و يعطو صورة سلبية من أجل تصوير مؤامرة ضد الاسلام.. يعني شو برأيك موقف الانسان الغربي المنفتح و اللي ما عندو مشكلة مع المسلمين بالعكس ما عندو مانع ينبنى جامع بمصاري ضرايبو أو ما عندو مانع يتساعدو لما عم تصورو كعنصري و بسبب واحد مهستر مثل الايطالي هاد تبع تحالف الشمال تعطي عنو صورة سلبية و كل الشغلات المنيحة اللي يعملها ما تحكي فيها و لا تعطيها أهمية؟ شو بيفرق هالطريقة بالتعامل عن طريقة تعامل العنصري هاد اللي عامل كل المسلمين متعصبين و متزمتين؟ نفس المنطق ...لازم مثل ما الواحد يشوف الجانب السلبي و يحاربو و يوقف بوجهو يشوف الجانب الايجابي و يقدرو و يشكر عليه


يعني تخيل الجانب العكسي... انو يكون في جريدة أو قناة بس تحكي عن الجالية العربية لما يعملو شغلة عاطلة.. لما حدا يمسكوه عم يبيع حشيش أو لما يكون عامل شي عملة... و ما بيطالعو الأخبار الجيدة... انو عربي طلع دكتور ناجح أو شي عالم عربي عمل اكتشاف جديد... شو بيكون موقفك منها؟ ما تقول متحاملة و ظالمة العرب؟ طيب نفس الشي بس بالعكس...

انفهم علي شي و للا بنوب؟

اكيد في اوروبا في المتعصبين والمعتدلين ..

وانا ما صورت انو كل اوروبا متعصبين ..

بعرف انو في اوروبا في ناس معتدلين كثير ..

خصوصا انو في عائلة اسبانية عاشت ببلدي .. وابنهم كان من اعز اصدقائي ..

في كل انحاء العالم في التعصب وفي المعتدل ..

[Donald Duck]

كاتب النص الأصلي : باشق مجروح

هلق هي تشددت على المسلمين أكتر من غيرهون شي أكيد وطبيعي مو على كل الناس.
المسلمين الهون وضع خاص بالتأكيد واكتر ناس بيعانو من التشديد . أنا بالنسبة الي بقول هالشي صحيح ياس . وذلك بسبب احداث 11 سبتمبر واحداث لندن ومدريد وما شابه من اعمال ارهابية.
يعني التشديد ع المسلمين مو عداء للاسلام بل وقاية للذات من عدو جديد بدء بالتسرب لهالبلدان هي وما قدر يشوف منها الا بلاد كفر رغم كل شي قدمتلو ياه من مراكز اسلامية وحرية تعبير وحركة وكتير اشياء ما بيحلم يشوفها ببلدو.
طبعاً هون انا ما بحكي عن كل الجالية انا بحكي عن البعض و بما انو الشر يعم والخير يخص فان الاشرار الي حكيت عنهون أنا هني سبب معاناة الجميع بالمطارات والتمييز ضدهون بالبلدان الي عايشين فيها وهادا قصد دونالد يمكن.

صحيح باشق ..

وكمان بستغرب من شغلة .. انو في جماعات اسلامية مضطهدة في بلادها بتسافر وبتفتح مقراتها في اوروبا ..

وبكون الهم كامل الحرية في التعبير عن الرأي ..

بس المتطرفين الاسلامين شوهوا صورة الاسلام حتى عند العرب والمسلمين نفسهم ..

[yass]

برجع قول أنا ما بعرف شو الوضع بأميركا مثلا ... أو الوضع عندك بأوكرانيا.. باسبانيا مافي تمييز ضد المسلمين.. اساسا كيف فيك تميّز المسلم؟ ما فيك, لا عالشكل و لا عالجواز... قسم كبير جدا من المهاجرين العرب و المسلمين عندهم جنسيات.. و بالمطارات يعني معليه أنا بستعملها كتير... و اسمي واضح عربي و ولا مرة حدا وقفني أو زعجني لهالسبب, في اجراءات جديدة مشددة و ماشية عالكل مثل منع السوائل بحقائب اليد و شوية اجراءات اضافية بس مو هالشي الكبير... يعني أشد تفتيش تعرضتلو بأي مطار أوربي اهون من أهون تفتيش بالشام أو بحلب

باسبانيا في قانون صريح وواضح يمنع التمييز بالتعامل مهما كان السبب و مهما كان المسبب..و عقوبة موظف عام يثبت عليه انو عامل بتمييز عنصري أو ديني توصل للسجن و الطرد (صارت حالة من فترة انو شب برازيلي رفع دعوة على عنصرين بشركة حراسة خاصة لأنو قال انو ما خلوه يدخل على ديسكوتيك لأنو برازيلي... انحكمو 3 سنين و غرامة عشر آلاف كل واحد) و القانون عم يتطبّق جدا و في اهتمام بالغ من الحكومة الاسبانية انو يتطبق بحذافيرو, و كتير كتير مهووسين بهالناحية.

[Donald Duck]

بس سؤال ياس .. اذا ما في مانع ..

تيسير علوني مراسل الجزيرة .. ليش تم سجنة !!

يعني انا لليوم ما بعرف ليش .. !! وشو التهمه الي موجهة الو ..