استثناء الطلبة العلويين بتركيا من دروس الدين الإسلامي الإلزامية

[Nihal Atsiz]

دبي- العربية.نت



تمكن ذوي الطلبة من الطائفة العلوية في تركيا بالحصول على حكم قضائي باستثناء أبنائهم من حضور دروس الدين الإلزامية في المدارس، وذلك بعد أن حكمت محكمة التمييز لمصلحة ابوين علويين تقدما بدعوى لاستثناء أبنائهما من تلك الدروس.

وبذلك يكون العلويون، بحسب مراقبين، قد خطوا خطوة كبيرة نحو الحصول على جزء من مطالبهم في الخصوصية في العبادة والتعليم، علماً أن إقرار المحكمة بحق الطالب العلوي في عدم حضور دروس الدين وعدم احتساب درجاتها في سجله، يعفيه من هذه المادة ككل باعتبار أن تعليم المذهب العلوي يتطلب تعديلاً كبيراً في قانون التعليم التركي، وهو أمر ليس على اجندة الحكومة التركية في الوقت الحالي.

وكان جاء في حيثيات القرار الصادر عن المحكمة أن مناهج الدين التي تدرّس في تركيا تركز على الدين الإسلامي والمذهب السني الحنفي، "ما لا يتناسب" مع مذهب ذوي الطلاب العلويين. واستندت محكمة التمييز في حكمها إلى مواد الدستور التي تؤكد علمانية التعليم في تركيا، وذلك وفقا لما ورد في صحيفة "الحياة" اللندنية الأربعاء 5-3-2008.

وكانت محكمة حقوق الإنسان الأوروبية اصدرت قبل عامين حكماً مماثلاً طالبت فيه تركيا بتوفير تعليم ديني خاص للعلويين والاقليات الدينية والمذهبية الأخرى. ووجدت الحكومة التركية نفسها أمام خيارين: إما إلغاء درس الدين بالكامل وتحويله درساً اختيارياً، أو توفير دروس ومناهج للعلويين بدل دروس الدين الحالية. وفضّل رئيس الوزراء رجب طيب اردوغان الحل الأول بجعل دروس الدين اختيارية، لكنه تراجع بضغط من قاعدته الشعبية الإسلامية التي رأت في هذه الخطوة تراجعاً كبيراً عن الصفة المحافظة لحزب العدالة والتنمية الحاكم.


ويطالب العلويون بتخصيص أموال لتدريس شعائرهم وإحيائها في تركيا، كما يطالبون بتخصيص أموال من الدولة لبناء دور عبادة تعرف ببيوت الجمع، وكذلك أموال لشيوخ الطريقة وأساتذتها، إضافة إلى تدريس العلوية في المدارس الحكومية كدرس اختياري أو على الأقل رفع الإلزامية عن تعليم أبنائهم درس الدين الحالي في المدارس التركية.

يذكر أن علويي الاناضول الذين يقدمون هذه المطالب ويقيمون الدعاوى القضائية على الحكومة، يختلفون عن علويي سوريا ولبنان ولواء الاسكندرون. فعلويو الاناضول يعتبرون علويتهم ديناً منفصلاً وليس مذهباً، لكن الحكومة التركية تعتبرهم مسلمين.

كما تجدر الإشارة إلى أن النظام العسكري الذي حكم تركيا بعد انقلاب عام 1980 بقيادة الجنرال كنعان افرين، فرض دروس الدين في المدارس التركية للمرة الاولى في تاريخ الجمهورية التركية، وذلك ضمن خطط سياسية لحلف شمال الاطلسي لمواجهة الخطر الشيوعي في حينه.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[حلبي]

الحمد لله
ياريت كل الناس تحصل على حقوقها و تعيش بسلام دون تمييز
وعندي أمل أن تركيا سوفا تكون قدوى في المنطقة و أنشألله يحدي حدوها الجميع لكي نتوحد

ومبروك للأتراك على الحكومة الحالية

[بنفسجة]

كتير منيح

[باشق مجروح]

الصراحة بكتير أحسن.
وياريت بسوريا هيك يصير مع انو راحت علينا.
كنا نسمع بالمدارس قصص وشغلات غصبن عنا.
خطوة منيحة وعقبال الغاء التربية الدينية ككل من المدارس .

[جمال عبدالناصر]

تركيا بلد كتيرحلو

لكن الحلوى لا تكمل

الله ياخد اركان المؤسسه العسكريه

اضاعو ا تركيا بالعلمانيه

[RAND2]

برافوووو ياريت كل بلد يعمل هيك بعيد عن الطائقية بتصير الدنيا بالف خير

[was616im]

يذكر أن علويي الاناضول الذين يقدمون هذه المطالب ويقيمون الدعاوى القضائية على الحكومة، يختلفون عن علويي سوريا ولبنان ولواء الاسكندرون. فعلويو الاناضول يعتبرون علويتهم ديناً منفصلاً وليس مذهباً، لكن الحكومة التركية تعتبرهم مسلمين.

اما هي سمعة جديدة

[yass]

كاتب النص الأصلي : was616im

اما هي سمعة جديدة

أنا بعرف انو علويي سوريا غير علويي تركيا, مذهبيا و اجتماعيا.. و حتى بالزمانات موضوع قديم عن شي مشابه جبت الفرق من أحد المصادر بس ما بتذكر وين صار هالموضوع...بس شو الفرق و وين الاختلافات و شو بيعتبرو حالهون ما بعرف... بس ما كتير مهم.. كل واحد على دينو (أو لا دينو) ألله يعينو (أو لا يعينو)

[was616im]

كاتب النص الأصلي : yass

أنا بعرف انو علويي سوريا غير علويي تركيا, مذهبيا و اجتماعيا.. و حتى بالزمانات موضوع قديم عن شي مشابه جبت الفرق من أحد المصادر بس ما بتذكر وين صار هالموضوع...بس شو الفرق و وين الاختلافات و شو بيعتبرو حالهون ما بعرف... بس ما كتير مهم.. كل واحد على دينو (أو لا دينو) ألله يعينو (أو لا يعينو)

خيو اذا لقيت الموضوع بطريقك ابقى يا ريت تعطيني اللينك لانو صار عندي فضول يا رجل

[Reemi]

اي هيك افضل وعقبال ما كل الدول تلغي درس الدين من اساسو

[Syrian Gay]

كاتب النص الأصلي : بيبرس تركمان

ووجدت الحكومة التركية نفسها أمام خيارين: إما إلغاء درس الدين بالكامل وتحويله درساً اختيارياً، أو توفير دروس ومناهج للعلويين بدل دروس الدين الحالية.

أكيد تحويله لدرس أختياري أفضل .. بس إذا تم تبديل دروس ومناهج خاصة بالعلويين .. فـ ما استفدنا شي
و رح يتقسّم الطلاب ع طول بهل الحصص الدينية لـ أقسام كل بحسب طائفته ويعرفوا هالطلاب من هني صغار مين من طائفتو ومين لاء .. و تبدأ المشاعر الطائفية تتركز فيون ..

[MadMax]

يا ريت عنا كمان يعملوا الدروس الدينية ... اختيارية ...( مع أنو عنا هالمادة مو كتير ذات أهمية )



أو يلغوها








و اذا بدكون على رأيي بصراحة .... بتمنى يستبدلوا دروس التربية الدينية ........ بدروس تربية جنسية

[Nihal Atsiz]

لمن يريد التعرف على طرق حياة و عبادة العلويين في تركيا فهناك قناة خاصة بعلويي تركيا على القمر التركي تدعى : cem tv و ترددها 11758 , الاستقطاب عمودي , الترميز 2962 .

[oliver68]

كاتب النص الأصلي : Syrian Gay

أكيد تحويله لدرس أختياري أفضل .. بس إذا تم تبديل دروس ومناهج خاصة بالعلويين .. فـ ما استفدنا شي
و رح يتقسّم الطلاب ع طول بهل الحصص الدينية لـ أقسام كل بحسب طائفته ويعرفوا هالطلاب من هني صغار مين من طائفتو ومين لاء .. و تبدأ المشاعر الطائفية تتركز فيون ..

أنا كمان مع هالفكرة، إنو يصير اختياري ولا يوصل التمييز العنصري للأطفال.
بس مشان إنو يلتغى الدين بالمرة، فبظن هالفكرة مو واردة بنوب، لأن بدك تحترم بالمجتمع كل الناس مع أفكارها، يعني خلي الدين اختياري ليللي بحب يتزود ويتعلم، وبظن نحنا هلأ بأمس الحاجة لرجال دين معتدلين مو متل يللي عميطلعوا عالفضائيات العربية بالوقت الحالي

[Reemi]

لأن بدك تحترم بالمجتمع كل الناس مع أفكارها

اي يروحو يتعلمو بالجامع او الكنيسه .... معقول ما يكون عنا تربيه جنسيه ويكون عنا تربيه دينيه ؟؟؟؟؟؟

[oliver68]

كاتب النص الأصلي : Reemi

اي يروحو يتعلمو بالجامع او الكنيسه .... معقول ما يكون عنا تربيه جنسيه ويكون عنا تربيه دينيه ؟؟؟؟؟؟

له إم الريم، أنا ما حكيت إنو ما يكون في تربية جنسية ، بالعكس، لازم يكون في هيك شي، عكل مو هادا موضوعنا، فكرتي إنو ما بصير نلغي التعليم الديني بالمدارس، وحسب فكرتك إنو يتعلموا بالمعابد الدينية فهالشي ملغم شوي، لأن ما بتعرفي مين بفوت على هيك محلات والتطرف بكل الأديان بلش بالجوامع والكنايس، فلازم يكون في توعية دينية للطالب مشان ما يوقع بهيك أفخاخ، ومشان ما ينجبر هيك علام على يللي ما بدو يتعلم دين، خلوا التربية الدينية اختياري، وبظن إنتي بالأردن وعرفانة إنو الثقافة الإسلامية بالجامعات متطلب جامعة اختياري مو إجباري، على الأقل بجامعتي، فياريت هيك أسلوب يمتد للمدارس.

[Syrian Gay]

كاتب النص الأصلي : أبو طريق

أنا كمان مع هالفكرة، إنو يصير اختياري ولا يوصل التمييز العنصري للأطفال.
بس مشان إنو يلتغى الدين بالمرة، فبظن هالفكرة مو واردة بنوب، لأن بدك تحترم بالمجتمع كل الناس مع أفكارها، يعني خلي الدين اختياري ليللي بحب يتزود ويتعلم، وبظن نحنا هلأ بأمس الحاجة لرجال دين معتدلين مو متل يللي عميطلعوا عالفضائيات العربية بالوقت الحالي

أنا قلت أنو مع الأختياري
كمان من حق المتدينين انو يدرسوا اولادون دينياً .. بس قصدي أنو إذا عملوا بتركيا بالذات مناهج خاصة بالعلويين فكمان غلط .. لأن ساعتا حتى بين الأسلام نفسون رح يصير تقسيمات ..

[باشق مجروح]

حصص التربية الدينية هي فصل بالمواطنة . ومرفوضة.
هناك اماكن اخرى ممكن ان يتعلم الانسان من خلالها الدين.
وكلنا منعرف اساساً التربية الدينية ما بتضيف اي جديد للانسان بل بتساهم بتقسيم الصف دينياً.
الغاء التدريس الديني نهائياً هو المطلوب.
كلنا تعلمنا ديننا برات المدارس .. من الاهل والكتب ودور العبادة..