قمة الوقاحة..اعلان يصور السيد المسيح كزير نساء!!

[Abu ToNi]

كاتب النص الأصلي : *Marwa*

اولا الله يسامحك ..
تانيا انا اؤمن بالمسيح انو نبي..واؤمن بعيسى كرسول..الموقع اللي كان بيتحدى فهو موقع يدحض ادعاءات الوهية يسوع وانا لا اؤمن باللوهية يسوع! (وانتي قلتها من قبل كل واحد حر بمعتقداته)
وانا لما حطيت هالموضوع هون حطيتوا وتطرقت الو على اساس ايماني و لاني اهتميت بالمسيح كنبي وليس ك الهة!!
يعني الاشي جرحني لاني بعرف انو النبي عيسى ما كان هيك!
بعدين الموضوع انقال فيو اهانة السيد المسيح وليس اهانة الاله المسيح! وانا تعاملت مع هالموضوع من هالناحية! وانا اسفة جدا اني حاولت اقرب وجهات النظر والقلوب بين الاطراف!

وشكرا على تعقيبك في كل الاحوال!

اول شي انت ما بعرف من وين ربطي بين عيسى والمسيح برايك شايفة شي حرف مشترك بيناتهم

على فكةر كل واحد شكل ومانهم شخص واحد ما بدي ادخل بشي اسمه حوار اديان

بس رجاء لو كان الموضوع على " عيسى " كانت القصة محمولة منّك بس طالما القصة على السيد المسيح فرجاء اتركي المسيحيين بمشاكلهم الخاصة

[امرأة من ورق]

كاتب النص الأصلي : •• LEO ••

ردك عبثي وواضح شو قصدتي
وبناءا على كلامك ما خليتي حرمة لرب ولا لدين ولا لمعتقد ... وبطّل في اشي اسمو اهانة لدين أو معتقد .. يعني لغيتي كل هالاشياء من قاموس الحياة .. ولغيتي مفهوم ومعنى التقديس .. يعني الي بدو يهين ويسب دين أو نبي ورسول يهين ويسب عادي .. خدو راحتكم يا بشر
لو ضليتي ساكتة كان أحسن
وميت هلا ..

اول شي مو انت ولا غيرك بيحقلو يحكم على كلامي وانو احسن لو ضل ساكتة

وتاني شي انا ماقلت انو يبطل يصير في شي اسمو اهانة لدين او معتقد وانو هالاهانات تصير تتوجه بشكل طبيعي...... حتى راجع ردي التاني وشوف انو انا ضد اي اهانة لاي دين حتى لو كان من الاديان الغريبة عنا متل البوذية لمجرد كونها مقدسة عند بعض الناس

بس اللي حكيتو (وياريتك فيك فهمت انا شو حكيت) انو لما المؤمن بيؤمن بقوة وبصدق انو النبي بالفعل انسان تجاوز باقي البشر كلون بعظمته بيصير بيحس انو اي اهانة ضد النبي بتضل ولا شي جنب عظمة النبي ولا ممكن تغبر عليه

وياالف هلا

[*Marwa*]

كاتب النص الأصلي : gabriel

اول شي انت ما بعرف من وين ربطي بين عيسى والمسيح برايك شايفة شي حرف مشترك بيناتهم

على فكةر كل واحد شكل ومانهم شخص واحد ما بدي ادخل بشي اسمه حوار اديان

بس رجاء لو كان الموضوع على " عيسى " كانت القصة محمولة منّك بس طالما القصة على السيد المسيح فرجاء اتركي المسيحيين بمشاكلهم الخاصة

نحنا منؤمن بعيسى المسيح ابن مريم متل ما انتي بتآمن برب المجد يسوع المسيح!
وكتير ايات قرآنية انزكر فيها اسم المسيح يعني المسيح مش حكر على دين معين..لانو نحنا منآمن ومنحب كل الانبياء (اعتقد انو حقنا)
بعدين يا صديقي انتي كيف بتقوللي اترك المسيحيين بمشاكلهم الخاصة؟! يعني بليز شو هالطلب؟! انا ناقلة هون خبر للجميع مسيحيين مسلمين بوذيين ملحدين كل الناس..و كل انسان حقه انو يجاوب ويرد عالموضوع!!
ولاّ كمان نشر المواضيع بكون حسب ديانة الناشر؟! يعني ازا انا مسلمة انشر بس مواضيع للمسلمين؟!! لكان خلص لازم يسكروا القنوات الاخبارية ويسكروا المواقع كلها!!

تحياتي!

[L.A.]

شو رأيك مروى تحزفي هل موضوع و تريحي
لأنو الكلام بلش يطلع برا الموضوع

[georgetow]

اول شي بتمنى تكون الردود بعيده عن الاهانات متل مابتمنى انو الموضوع مايكون لغايه غير بريئه تاني شي بلنسبه النا كمسيحيه منغار على ديننا وبنعتز فيه بس القصه انو نحن مسالمين يعني لا بنكفر ولا نهدر دم ..... والي عوده على الموضوع

[•• LEO ••]

كاتب النص الأصلي : امرأة من ورق

اول شي مو انت ولا غيرك بيحقلو يحكم على كلامي وانو احسن لو ضل ساكتة

وتاني شي انا ماقلت انو يبطل يصير في شي اسمو اهانة لدين او معتقد وانو هالاهانات تصير تتوجه بشكل طبيعي...... حتى راجع ردي التاني وشوف انو انا ضد اي اهانة لاي دين حتى لو كان من الاديان الغريبة عنا متل البوذية لمجرد كونها مقدسة عند بعض الناس

بس اللي حكيتو (وياريتك فيك فهمت انا شو حكيت) انو لما المؤمن بيؤمن بقوة وبصدق انو النبي بالفعل انسان تجاوز باقي البشر كلون بعظمته بيصير بيحس انو اي اهانة ضد النبي بتضل ولا شي جنب عظمة النبي ولا ممكن تغبر عليه

وياالف هلا

يا بنت الناس ما بعرف انتي بتلفي وبتدوري ولاّ شوي مو مركّزة اليوم .. !

مين قال انو هالاهانة بتأثر على شخص النبي أو على الدين .. مين ؟؟؟



انتي بهالرد :

مابعرف وين المشكلة
انو الكبير بيضل كبير حتى لو تهجم عليه حدا او صورو بشكل كاريكاتوري فلما المؤمن مقتنع انو الانبياء بالفعل كبار ليش لحتى يتأثر بهيك تصاوير للانبياء

ما بتعرفي وين المشكلة .. لغيتي قداسة المعتقدات وحرمتها .. ووجوب الدفاع عنها ببساطة



وازا ما فهمتي .. مارح تفهمي
وميت هلا ..

[امرأة من ورق]

اسفة كتير اني فايتة بحوار معك يا ليو لانو واضح انك مو فايت تحاور وانما تفش خلقك من شي شغلة غير لانو اسلوبك ابدا مو اسلوب حوار وانما اسلوب تهجم وتهكم من اول مافتت عالموضوع

انا ماقلت مافي مشكلة بمعنى انو عادي انسان يهين معتقدات شخص تاني وارجع على باقي ردودي وبتشوف انو فعلا هاد قصدي

اما قصدي ب "مابعرف وين المشكلة" يعني انو المؤمن هوي اللي مالازم يحسها مشكلة بمعنى انو مايحس انو النبي بالفعل تمت اهانته لانو النبي اكبر من هيك وانما المهان الحقيقي هوي المتطاول على معتقدات ومقدسات الاخرين لانو هوي اللي رح يكون بين انسان حقير ووضيع لما تطاول على المقدسات ورح يكون خسر احترام الناس الو وهي بالنسبة للدين والمؤمنين فيه مانها مشكلة لما شخص بيغلط وبيخسر الاحترام بعين الناس

هي اخر مشاركة الي بهاد الموضوع وبتمنى هلأ تكون وصلت فكرتي عالاقل لباقي المشاركين

[*Marwa*]

كاتب النص الأصلي : Luay Adam

شو رأيك مروى تحزفي هل موضوع و تريحي
لأنو الكلام بلش يطلع برا الموضوع

للاسف فعلا الردود خرجت عن الموضوع والخبر!
وازا الادارة شايفة انو الموضوع لازم ينحذف فما عندي مشكلة!
شكرا لمرورك

[*Marwa*]

كاتب النص الأصلي : georgetow

اول شي بتمنى تكون الردود بعيده عن الاهانات متل مابتمنى انو الموضوع مايكون لغايه غير بريئه تاني شي بلنسبه النا كمسيحيه منغار على ديننا وبنعتز فيه بس القصه انو نحن مسالمين يعني لا بنكفر ولا نهدر دم ..... والي عوده على الموضوع

بحترم رايك ..وكون متأكد انو انا لما نشرت الموضوع ما نشرته لهدف وغاية غير بريئة..بالعكس!
على كل ازا في شك انو انا فتحتو لهدف غير بريء فانا بطلب من الادارة تحذفو!

تحياتي

[ارسلان]

لا اخت مروة ما تسمحي بحذف الموضوع

نحن نؤمن به شاء من شاء وابى من ابى

ونحن مالتزمون بالدفاع عنه كما ندافع عن سيدنا سول الله هذ قمة الروعة في الاسلام

تحيتي لك

[*Marwa*]

كاتب النص الأصلي : ارسلان

لا اخت مروة ما تسمحي بحذف الموضوع

نحن نؤمن به شاء من شاء وابى من ابى

ونحن مالتزمون بالدفاع عنه كما ندافع عن سيدنا سول الله هذ قمة الروعة في الاسلام

تحيتي لك

شكرا لردك
انو عنجد ما توقعت هيك يصير وهيك يفكروا اني هدفي مش بريء او اني بكره المسيح او ما شابه!
وحياة الله انا كان دافعي الوحيد لما حطيت الموضوع هو حبي للمسيح عليه السلام وغيرتي عليه

[•• LEO ••]

اما قصدي ب "مابعرف وين المشكلة" يعني انو المؤمن هوي اللي مالازم يحسها مشكلة بمعنى انو مايحس انو النبي بالفعل تمت اهانته لانو النبي اكبر من هيك وانما المهان الحقيقي هوي المتطاول على معتقدات ومقدسات الاخرين لانو هوي اللي رح يكون بين انسان حقير ووضيع لما تطاول على المقدسات ورح يكون خسر احترام الناس

ازا بالفعل هيك كان قصدك .. بعتبر كلامك مية مية .. ومافي أي اعتراض ..
ازا كان هيك قصدك بالردود السابقة
بس بكون في اضافة : واجب المؤمن انو يدافع عن دينو .. بالرغم انّا عارفين انو كلام المتهجم ما غير من قدر النبي أو الدين ..



وما تزعلي وهي وردة وميت هلا ..

[امرأة من ورق]

كاتب النص الأصلي : •• LEO ••

ازا بالفعل هيك كان قصدك .. بعتبر كلامك مية مية .. ومافي أي اعتراض ..
ازا كان هيك قصدك بالردود السابقة
بس بكون في اضافة : واجب المؤمن انو يدافع عن دينو .. بالرغم انّا عارفين انو كلام المتهجم ما غير من قدر النبي أو الدين ..



وما تزعلي وهي وردة وميت هلا ..

انا ماني زعلانة بس الي عتب انو مابيصير تتسرع بالحكم عالناس ولما بتشوف فكرة ماتعجبك ماتفوت فورا عالمسخرة وانما حاول تحاور هالانسان ممكن تكون فهمان فكرتو غلط او حتى لو فهمتها صح وكانت مختلفة عن فكرتك ممكن مع الحوار تشوف فيها وجهة نظر مقبولة الى حد ما وكمان تقربلو وجهة نظرك

[•• LEO ••]

الي عتب انو مابيصير تتسرع بالحكم عالناس ولما بتشوف فكرة ماتعجبك ماتفوت فورا عالمسخرة وانما حاول تحاور هالانسان ممكن تكون فهمان فكرتو غلط

أولا أنا ما "اتمسخرت" وازا ممكن تقتبسيلي وين الرد الي كان في "مسخرة" هاتي اشوف
تانيا المفروض الي بدو يوصل فكرة يعرف كيف يوصلها .. مو مشكلتي ازا الي قدامي مو عارف يوصلها
تالتا :

ازا كان هيك قصدك بالردود السابقة

رابعا : مافي رابعا

خامسا : 300 هلا ..

[Abu ToNi]

يا اخي عيفوا المسيح لحاله


هيك كنتي متوقعة من الاخوية تقوم وتقعد ؟!؟!

هاد كان هدفك انا غير هيك ما عبشوف وقت بكون شخص اله تاريخ مشرّف بالمناغشات بين الأديان اكيد هيك موضوع بالمنتدى اللي بيحمل طابع مسيحي ما بده يكون متل اي قناة اخبارية عبتنشر الخبر

مشان فكرة انه من حقكم اتدافعوا على انبيائكم يا اخي من حقكم بس المسيح مانه عيسى ابن مريم اللي عندكم

غير شخص تاما

انا بآمن بانه اله انت بتامن بانه نبي

انت بتامن بانه ولد تحت نخلة

انا بىمن بانه ولد بمذود

انا بىمن بانه صلب على المسيح انت بتآمن بانه لم يمت انما شبه به

فكيف بدك اتدافع على الشخص نفسه

وقت بينكتب موضوع او بيتصور فيلم على عيسى ابن مريم تفضل شرفنا بتعليقاتك اللي ما منقدر نحن بدونها

[Abu ToNi]

بعدين انا قريت الخبر بالأول اجتني الضحكة لأنها فعلا فكرة غريبة وبعالم الدعيات كتير بدها تحقق نجاح كبير

يمكن ما بدها تلاقي اي امتنان من الكنيسة بس اكيد بدها تكون فكرة طريفة

بس ليش الكل " خصوصا العرب " عندهم اعتقاد ان العالم كلهم غيران منهم وبدهم يشوه لهم تاريخهم وحضارتهم


يا جماعة ركزوا منيح افتحوا عيونكم وادنيكم شوفوا نحن وين صرنا نحن بعتذر من الكلمة " اخرى " امة انجبتها التاريخ فلا تحسبوا العالم سالين علينا كنا وما زلنا بآخر سلم التاريخ وما حدا سائل علينا فلا تحسبوا العالم غيرانين مننا وبدهم يتناطحوا معنا .

[ASH]

الله يلعنهم يا رب عن جد

وشكرا على الموضوع

[cuty]

كاتب النص الأصلي : gabriel

يا جماعة ركزوا منيح افتحوا عيونكم وادنيكم شوفوا نحن وين صرنا نحن بعتذر من الكلمة " اخرى " امة انجبتها التاريخ فلا تحسبوا العالم سالين علينا كنا وما زلنا بآخر سلم التاريخ وما حدا سائل علينا فلا تحسبوا العالم غيرانين مننا وبدهم يتناطحوا معنا .

لهيك بيحتلو بلادنا من زمان زمان...علماؤنا ما بيغادرو بلادهم ...ممنوع يرجعو عاوطانهم

التضليل و التعتيم عقضايانا و حقوقنا....يمكن مو لدرجة انهم ما بنامو الليل من ورانا

بس لو مو ساءلين عنا...ما بصير و لا صار كل هالشي