ساركوزي: النقاب غير مرحب به

[ayhamm26]

قال الرئيس الفرنسي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

إن ارتداء النقاب "غير مرحب به" في فرنسا، بينما عبر عشرات البرلمانيين عن قلقهم من انتشاره في صفوف المسلمات بفرنسا.

ووصف ساركوزي في خطاب أمام أعضاء البرلمان بمجلسيه، النقاب بأنه "علامة استعباد" للمرأة وأنه "ليس رمزا دينيا"، مؤكدا أن ارتداءه "غير مرحب به في الجمهورية الفرنسية".
وقال في الخطاب إنه "لا يمكن أن نقبل في بلادنا نساء سجينات خلف سياج ومعزولات عن أي حياة اجتماعية ومحرومات من الكرامة.. هذه ليست الرؤية التي تتبناها الجمهورية الفرنسية بالنسبة لكرامة المرأة".

وأكد ساركوزي "أن العلمانية ليست رفضا للديانات بل مبدأ يقوم على الحياد والاحترام"، وأضاف "ينبغي أن لا نخطئ المعركة.. في الجمهورية يجب احترام الإسلام بنفس قدر احترام باقي الأديان".

كما أكد تأييده لقيام لجنة تحقيق حول ظاهرة النقاب في فرنسا والتي طالب به 60 برلمانيا، في خطوة من شأنها تجديد الجدل حول العلمانية في البلاد.

وقد قدم أولئك البرلمانيون اقتراحا يطالب بأن تدرس لجنة برلمانية انتشار النقاب، وقالوا إنه بمثابة "انتهاك للحريات الفردية في وطننا".


ويمثل ذلك المقترح صدى لجدل يحتدم منذ عشر سنوات في فرنسا حول ارتداء الفتيات المسلمات للحجاب في فصول الدراسة، وقد أقر قانون عام 2004 حظر ارتداء علامات دينية واضحة على التلاميذ في مدارس الدولة.

ويقول منتقدون إن القانون وصم المسلمين في وقت يتعين فيه على البلاد أن تحارب التمييز في سوقيْ العمل والإسكان والذي أدى إلى شقاق بين التيار العام في المجتمع وكثير من الشبان من أبناء المهاجرين.

الجزيرة نت

[I_Love_Syria]

كاتب النص الأصلي : ayhamm26

قال الرئيس الفرنسي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

إن ارتداء النقاب "غير مرحب به" في فرنسا

مابعرف أنا كمان بشوفو مانو شي كتير ضروري بحكم انو مانو فرض أو سنّة يعني أنا بستغرب من النسوان الي بتلبسو بأوروبا ولو بتراقب تصرفاتهن مابتلاقي في إلتزام بالسنن فمابعرف ليش متمسكين فيه للنقاب

[ayhamm26]

كاتب النص الأصلي : I_Love_Syria

مابعرف أنا كمان بشوفو مانو شي كتير ضروري بحكم انو مانو فرض أو سنّة يعني أنا بستغرب من النسوان الي بتلبسو بأوروبا ولو بتراقب تصرفاتهن مابتلاقي في إلتزام بالسنن فمابعرف ليش متمسكين فيه للنقاب

لك انا بعرف يازلمة , لاء والمصيبة انن بيلبسو النقاب و بيصروا انو يمارسوا الحياة طبيعية ووين باوربا

ما اختلفنا على حق اي واحد يلبس اللي بيقتنع في, بس انو بدن يلبسوا غطا وش وبنفس الوقت بدن يشتغلوا و يدرسوا جامعة و يسوقوا سيارة اي ما بتظبط هيك , اللي بدها تلبس النقاب يا بدها تضل قاعدة ببيتها ما تعمل اي شي غير تربية الاولاد يا بدها تروح على السعودية او افغانستان

والشغلة الاغرب من هدا كلو, انو المفروض المتمسك بالنقاب يكون شديد التدين, طيب شديد التدين ليش قاتل حالو على العيشة بين الكفار ؟؟

[mhsen77]

وأكد ساركوزي "أن العلمانية ليست رفضا للديانات بل مبدأ يقوم على الحياد والاحترام"،

بغض النظر عن رأينا المتعارض بين بعض \في منا بيقول ارتداء الحجاب سنة و اخرين بيقولو لاء \

بما انو السيد ساركوزي عم يقول باحترام الديانات
اغلب المسلمين بيعتبرو الحجاب سنة
فهوي لازم يحترم هالشي


برأيي كان ساركوزي مخادع بالاسباب يلي برر فيها بان الحجاب مكروه و ليس رمزا دينيا

[mhsen77]

كلام ساركوزي صاير فيه متل ما بيقولو \\كلام حق يراد به باطل \\


بتوقع القصد مو تحرير المرأة المسلمة ولا غيرو
و كلامو مناقض بعضو لما بيقول

ووصف ساركوزي في خطاب أمام أعضاء البرلمان بمجلسيه، النقاب بأنه "علامة استعباد" للمرأة وأنه "ليس رمزا دينيا"،

وأكد ساركوزي "أن العلمانية ليست رفضا للديانات بل مبدأ يقوم على الحياد والاحترام"

مع العلم كل بيعرف انو الحجاب بينظرلو اغلب المسلمين على انو سنة نبوية

طبعا بغض النظر عن رأينا الشخصي بهالموضوع

[zen]

محيسن الزلمة عم يحكي ع النقاب مو الحجاب
في فرق

وانا ما بشوف لازم ارتداء النقاب
في أماكن العمل
لانو مو طبيعي تضل حاطة نقاب كيف بدها تشوف وتشتغل منيح
وفيما باقي
فيضل الموضوع حرية شخصية بحتة بالحياة اليومية هي حرة بتحطو ما بتحطوا
تصطفل

[mhsen77]

كاتب النص الأصلي : zen

محيسن الزلمة عم يحكي ع النقاب مو الحجاب
في فرق

وانا ما بشوف لازم ارتداء النقاب
في أماكن العمل
لانو مو طبيعي تضل حاطة نقاب كيف بدها تشوف وتشتغل منيح
وفيما باقي
فيضل الموضوع حرية شخصية بحتة بالحياة اليومية هي حرة بتحطو ما بتحطوا
تصطفل

تحياتي زين

انا رأيي الشخصي متل رأيك تمام
بالاصل انا ما بعترف انو الحجاب من الدين الاسلامي وما بلاقي اي دليل عليه بالقرآن


بس انو ما فينا نفرض رأينا عالاخرين يلي الهن وجهة نظر مختلفة

و الرئيس الفرنسي بدو يفرض رأيو بقوة السلطة و هالشي يلي انا رفضتو

[zen]

كاتب النص الأصلي : mhsen77

تحياتي زين

انا رأيي الشخصي متل رأيك تمام
بالاصل انا ما بعترف انو الحجاب من الدين الاسلامي وما بلاقي اي دليل عليه بالقرآن


بس انو ما فينا نفرض رأينا عالاخرين يلي الهن وجهة نظر مختلفة

و الرئيس الفرنسي بدو يفرض رأيو بقوة السلطة و هالشي يلي انا رفضتو

مو هيك القصة
انو اذا الوحدة ماشية بالطريق ولابسة نقاب او مو لابسة شي ما حدا بيحكي معها طبعا بفرنسا الحكي
اما داخل العمل او المدارس
فممنوع
هوي ما قال انو بكل الارضي الفرنسية ممنوع
وتحياتي محيسن

[ابو نجبو]

كاتب النص الأصلي : mhsen77

بالاصل انا ما بعترف انو الحجاب من الدين الاسلامي وما بلاقي اي دليل عليه بالقرآن

يا أيها النبي قل لازواجك و بناتك و نساء المؤمنين يدنين عليهنّ من جلابيبهنّ,ذلك أدنى ان يعرفن فلا يؤذين وكان الله غفوراً رحيما..الاحزاب أية 59

اختلف المفسرون على كلمة معنى كلمة"الجلباب" قال بعضهم إن على المرأة الحرة أن تلف جسمها في إزار ولا تترك إلا فتحة بحجم العين ترى من خلالها طريقها.... وقال آخرون تلفه إلى جبهتها.... وقال آخرون تترك الوجه كله، وذكروا حديثا نبويا يبيح للمرأة إظهار ذراعها إلى النصف .....
الحجاب مذكور بالقرأن ..لاشك بهالشي...بس الاختلاف كان على طريقة ارتداؤه.....

[ayhamm26]

كاتب النص الأصلي : mhsen77

بغض النظر عن رأينا المتعارض بين بعض \في منا بيقول ارتداء الحجاب سنة و اخرين بيقولو لاء \

بما انو السيد ساركوزي عم يقول باحترام الديانات
اغلب المسلمين بيعتبرو الحجاب سنة
فهوي لازم يحترم هالشي


برأيي كان ساركوزي مخادع بالاسباب يلي برر فيها بان الحجاب مكروه و ليس رمزا دينيا

الخلاف هون مو على ارتداء الحجاب, الحجاب العادي اللي هو تغطية الراس بس هو محل اجماع اغلب المسلمين سنة وشيعة, بينما الخلاف الكبير على النقاب بس

وما بظن ساركوزي كان قصدو الحجاب وانما فقط النقاب

[leonardo_dicabreo]

أنا مع ساركوزي ميّه بالميّه ! !

بعدين الّي بيلبسوه همه الي بيشتغلو من تحت لتحت , ولابساته للشغل أندر كفر ! !

[mhsen77]

كاتب النص الأصلي : zen

وتحياتي محيسن

اسمي محسن مو محيسن

كاتب النص الأصلي : ابو نجبو

يا أيها النبي قل لازواجك و بناتك و نساء المؤمنين يدنين عليهنّ من جلابيبهنّ,ذلك أدنى ان يعرفن فلا يؤذين وكان الله غفوراً رحيما..الاحزاب أية 59

اختلف المفسرون على كلمة معنى كلمة"الجلباب" قال بعضهم إن على المرأة الحرة أن تلف جسمها في إزار ولا تترك إلا فتحة بحجم العين ترى من خلالها طريقها.... وقال آخرون تلفه إلى جبهتها.... وقال آخرون تترك الوجه كله، وذكروا حديثا نبويا يبيح للمرأة إظهار ذراعها إلى النصف .....
الحجاب مذكور بالقرأن ..لاشك بهالشي...بس الاختلاف كان على طريقة ارتداؤه.....

ابو نجبو الغالي الاية بعرفها تماما بس يمكن بفهمها بطريقة مختلفة شوي
رح وضح رأيي :
هي الاية نزلت على نبينا محمد لما كان بين المشركين و كانت نساء النبي و بناتو و نساء المسلمين يتعرضو لايذاء المشركين يعني بفهم منها انها اجت لظرف معين و هلأ هالظرف انتهى فا برأيي انتفى السبب للعمل بحكم الاية

تقبل رأيي مع كل احترامي لباقي الاراء

كاتب النص الأصلي : ayhamm26

الخلاف هون مو على ارتداء الحجاب, الحجاب العادي اللي هو تغطية الراس بس هو محل اجماع اغلب المسلمين سنة وشيعة, بينما الخلاف الكبير على النقاب بس

وما بظن ساركوزي كان قصدو الحجاب وانما فقط النقاب

شكرا ايهم عالتوضيح يلي فعلا كان غايب عن ذهني

[المحارب العتيق]

كل فترة فنة جديدة . يعمل هيئة امر بالمعروف ونهي عن المنكر ( على طرقيقتو ) ويخلصنا

[wile]

حبيب الله يخليك بس بالإسلام ما بصير يحكم بمعنى الآية إلا مفسر!!!! يعني مو مين ماكان بقول هي يعني هيك وهي يعني هيك!

كمان بالإسلام ما بينلغى حكم شي آية إلا لما ينسخ حكمها أي إنوه لا يعمل بهذا الحكم

والنسخ بكون إما بدليل من القرآن أو من السنة ( السنة أي الحديث الصحيح )

[wile]

والله يا جماعة فرنسا عم تحاول تتصدى للإسلام الذي بدأ ينتشر وتظهر ملامحه في فرنسا مشان هيك ساركوزي عم يحاول يحافظ على الصورة التقليدية وما بدو تتكون في فرنسا أحزاب إسلامية وما إلى ذلك

بس فعلا هي إهانة لما يسمى بالديمو قراطية الفرنسية لما فيه من إعتداء على الحريات

يعني المرا الي لابسة نقاب بشو مضايقتون؟؟ ما بعرف

[mhsen77]

كاتب النص الأصلي : wile

حبيب الله يخليك بس بالإسلام ما بصير يحكم بمعنى الآية إلا مفسر!!!! يعني مو مين ماكان بقول هي يعني هيك وهي يعني هيك!

كمان بالإسلام ما بينلغى حكم شي آية إلا لما ينسخ حكمها أي إنوه لا يعمل بهذا الحكم

والنسخ بكون إما بدليل من القرآن أو من السنة ( السنة أي الحديث الصحيح )

يا حبيب انا هيك بفهم هالاية و هالشي بيرجع الي وحدي مو لاي حدا تاني و انا قلت هيك بفهمها و ما فرضتو على حدا فالله يخليك لا تحسسني انك عم تتهجم عليي


و رح ارجع فسرلك مرة تانية الاية

يا أيها النبي قل لازواجك و بناتك و نساء المؤمنين يدنين عليهنّ من جلابيبهنّ,ذلك أدنى ان يعرفن فلا يؤذين وكان الله غفورا

بهالايام مين بدو يأذي نساء المؤمنين ؟
المسلمين انفسهم يا ترى؟؟؟؟ يلي هنن على اعتبار مؤمنين
كان بزمن الاية وقت نزلت الاذى آتي من الكفار و لما ما عاد في اذى من الكفار انتفى السبب للحجاب
بعدين مشان السنة هي شي مختلف عليه و كتير كمان بين الطوائف الاسلامية فاي سنة بدك يتبعها المسلمين؟

النسخ بيكون فقط من القرآن

يلي بتعتبرو مفسر للقرآن انا ما بعتبرو غير شخص عادي عندو فكرة ممكن تقنعني و ممكن لاء لهيك انا ماني مضطر انطرو يفكر عني

انا هيك بآمن اذا ما بتوافق إيماني مع تفكيرك انا ما فرضتو عليك ولا على حدا ولا عزمت حدا عليه و اذا حبيت تعلق عليه ما في اي مشكلة بس مو بطريقة تهجم يا حبيب


تحياتي

[..Jimy]

كاتب النص الأصلي : wile

يعني المرا الي لابسة نقاب بشو مضايقتون؟؟ ما بعرف

1- ما فينا نعرف هي مرا أو زلمي او رجل آلي آو شمبانزي هارب من حديقة الحيوان..(قصة الشمبانزي صارت بسلطة عمان تم تهريبو بواسطة نقاب)

2- مو معروف هالشخص شو دخل حامل وشو طلع حامل..

3- الدواعي الامنية الغنية عن التعريف..(بتذكر من فترة قريبة تم القبض علصوص لمحلات الصيغة بيستعينو بالنقاب للهرب)

4- العامل النفسي يلي هوي شيء ثانوي بمفاهيمنا..ولكن من غير الصحي وخاصة للاطفال رؤية جسم حي متحرك ناطق عديم الملامح..

واخيرا ما تقلي ابدا انو النقاب جزء من الاسلام ..لأنو مانو جزء من الاسلام ولا رح يكون..

كاتب النص الأصلي : wile

حبيب الله يخليك بس بالإسلام ما بصير يحكم بمعنى الآية إلا مفسر!!!!

وبالله مين بحدد إذا هاد بيحئلو يفسر وهاد لأ ..

[wile]

حبيب أنا بعتذر لأني تهجمت عليك بالمرة الماضية

بس هيكي إنت عم تساوي دين جديد لحالاك!

يعني معقولة كل واحد بفسر الآية متل ما بدو!!!!!!!!!!!!!!!!!!!!!! لك هيك رح يجي واحد ويقول الشرك واجب ويفسرلو شي آية على كيفه

حبيب إذا لم تكن من من يشهد له الناس بالعلم بالدين ومن من درس الدين وتعمق فيه فما بصير تتطلع تفسر الآية على كيفك وتقول والله أنا هيك فهمت!

الله يخليك بس إنت عندك يا أما خلل بالعقيدة أو إنك منتمي لمذهب جديد ( 2009 )

والله أنا ما بدي زعلك بس عم حاكيك عن جد

يعني معقولة إبن عباس ( إبن عم النبي وأحد الصحابة ) يكون مجرد شخص عادي عنده فكرة ؟؟؟؟؟؟؟؟؟؟؟؟ وطبعا كل الصحابة والتابعين إتفقو على وجوب الحجاب وهدول برأيك أشخاص عاديين عندون فكرة
مقولتك هي متل الي عم يقول الدكتور مجرد شخص عادي وأنا بإحسن فكر متلو وأحسن منو كمان ,, معناها خلي الدكتور يقحط وقوم عالجلنا العالم

يا حبيبي الدين مو فكرة! الدين مذهب وعلم كامل ومتكامل لحاله مو أي واحد بيجي بقول لاء هدول العلماء حمير وأنا أفهم منون!

الله يسامحك .. يا أخي المسلمين أجمعو على وجوب الحجاب وإجماع الأمة حجة فمن وين طلعتلي بهالشغلة؟؟؟