|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
08/09/2009
|
#1 | ||||||
|
عضو
-- زعيـــــــم --
|
بـديـهـيـات سـوريـة
بتكون قاعد بامان الله عم تتفرج على فلم عم تستنا فيه من اسبوع ليطلع ، بفوت ابوك بقلك شو عم تتفرج على فلم .......؟؟
لا عم بتفرج على برنامج ارضنا الخضراء .... ((وكل هالتسميعة بتكون مشان يقلب عالجزيره او العربيه مشان يسمع اخبار طول النهار قاعد يسمع فيها)) عكلن اذا كبر ابوك خاويه . هي خالصين منها .. ------------------------------------ بتطلع بميكرو(سرفيس) وبتحط هيك وبتطلع ( خمسة ليرات) وبتعطيها للي ئدامك، وبكل برودة بيئلك: واحد ؟ لأ 60 !!!!!!!!!!!!!!!!!؟ ورجعلي الباقي كمان (يعني الخمس ليرات بتركب كم واحد ؟؟) ------------------------------------ بدك تنزل من الميكرو: بتقول للشوفير عاليمين زكاتك.... بتتلقى الرد: نازل ؟؟ لا والله بس كنت عم جرب صوتي شو رايك انت ؟؟. كمان ...؟؟ ------------------------------------ مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب.. لا والله بالعادة بفكر العب دء طميمة وماروح لعندهم ------------------------------------ نفس المذيعة بتشوف ولد بالشارع وبتساله؟ حبيبي بتحب البابا والماما؟ لا مابحبهم ابداً , انا بحب البوسنة والهرسك . ليش مذيعاتنا دائما عندون نفس الأسئلة؟؟ ليش كل الشعب حفظان شو هي الأسئلة؟؟ ليش ما بتتغير هالأسئلة؟؟ يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها.... ------------------------------------ اشتريت لبس جديد على العيد حبيبي؟؟؟ يعني شوبتتوقع يقولها؟؟ لأ...ما اشتريت لبس جديد.... هادول سرقة من على حبل الغسيل تبع الجيران ولا بتتوقع يقولها أخدت لبس أخي الكبير تبع السنة الماضية ولبستو...؟؟ طيب بركي فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد؟؟؟ ------------------------------------ شو بتشتري بالعيد...شوكولاته وأكلات طيبة؟؟ لا والله...على العيد بشتري 10 غرام حشيش...وبنقعد نصطهج فيون أنا ورفقاتي..... وبعدين بنأرجل.... وبناخدلنا كاسين يعني الولد الصغير شو بيحب يشتري وياكل؟؟ مجدرة ولا عدس بحامض؟؟ ------------------------------------ شو بتعمل بالعيد احكيلنا حبيبي....بتلعب بالمراجيح؟؟ لأ أبدا...ما بقرب صوب المراجيح....بالعيد بروح بلعب مصارعة رومانية...وشوية تايكواندو.... ------------------------------------ بتلعب مع أصحابك بالعيد؟؟ أعوذ بالله... شو مع أصحابي... أبدا... بنزل بلعب مع شوفيرية التكاسي والزعران... ------------------------------------ مع مين بتحب تروح بالعيد؟؟ مع ماما ولا بابا؟؟ لا والله.. مابحب روح معهن التنين اسئل من بعض . يعيني عادة مع مين بيروح الصبي ؟ مو مع ابو وامو ؟؟ ------------------------------------ احكيلنا ...وين بتروحو بالعيد إنت ورفقاتك... حبيبي....؟ ما بدها سؤال...على الكباريه... لترين عرق.... 4 رقاصات .....2 على اليمين و2 على اليسار.... طيب مذيعاتنا المهمات... ما عم يلاحظوا كيف الولد عم يتلعثم...وعم يتلبك... وما عم يعرف يحكي... ومالو رايد يحكي....... وما عم يطلع صوتو ....وما عم يحكي شي....؟؟؟ هالمذيعة الحنونة هاي.... ما عم يطلع من خاطرها تترك الولد بحالو؟؟ ما عم تلاحظ إنو الولد ما بدويحكي....؟؟ لك اتركيه بحالو و بعدين ..؟؟ ------------------------------------ حاطت راسك ونازل دحي بهالكتب والدراسة، بيجي أبوك أو امك...: عم تدرس؟ لا والله ...!! عم غير زيت للسيارة ------------------------------------ حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشهم علائم الإستغراب والدهشة: بدك تحكي بالتلفون؟ لأ شو إحكي اعوذ بالله !!! كنت عم عد الأرقام يلي فيه !شوبدي اعمل يعني ؟؟ ------------------------------------ لابس أحلى لبس عندك ومتعطّر وشايل مفاتيح السيارة وجزدانك و طاير لبرا البيت، بيجي حدا من أهلك بيسألك، شو رايحلك شي مشوار !!؟؟ لا والله طالع عالأسطوح صلّح الدش بسيطة ولوووو .. ------------------------------------ معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟ لا والله لساتنا عالطريق، في عجئة كتير بالمهاجرين كتير هيك .. ------------------------------------ مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟ لأ !! عم ارقص.. بس الوضع بيوحي إني نايم ------------------------------------ وتستمر الحياة .. .
ربما كان عدم الاتفاق أقصر مسافة بين فكرين. (جبران النبي)
|
||||||
|
|
08/09/2009
|
#2 | ||||||
|
مسجّل
-- اخ حرٍك --
|
حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وشهم علائم الإستغراب والدهشة: بدك تحكي بالتلفون؟
لأ شو إحكي اعوذ بالله !!! كنت عم عد الأرقام يلي فيه !شوبدي اعمل يعني ؟؟ و أذا كانت بشتعل بالمحل وعندك تلفون أرضي بتصل فيك شي حدا وبقول بكل براءة ............ وينك أنت أو بقول مين في عندك وأنت بتبلش تسأل الزبائن يلي عندك ........ أذا سمحت شو أسمك يلي عم يحكي معي حابب يعرف مين عندي وتستمر أسئلة |
||||||
|
|
|
09/09/2009
|
#3 | |||||||
|
عضو
-- زعيـــــــم --
|
اقتباس:
بيفوت ولد.. بيقلو: "عطيني بسكوتة إم الخمسة" بيعطيه بيسألو: "قديش حقها عمو؟"  |
|||||||
|
|
|
09/09/2009
|
#4 | ||||||
|
-- مستشــــــــــار --
 |
بتجي المذيعة بتسأل الفائز بجائزة قيّمة .....شو شعورك وانته ربحان الجائزة
اللي بيتو من قزاز .....يبيعو فوراً ...أريحلو
......... غيبة السبع ...خلّت للندل هيبة ..... يعني ان لم تكن زئباً....ضروري تكون خروف..!!!! |
||||||
|
|
|
09/09/2009
|
#5 | ||||||
|
عضو
-- زعيـــــــم --
|
كمان في سؤال دايم عند المذيعات بإيامات العيد.. وقت يستضيفوا شي فنان
السؤال هو "شو بتعمل بالعيد" هلق مرة من كام سنة.. في مذيعة هيك دبّة شوي (مالي ذاكر اسمها) مع مذيعة تانية مو كتير دبّة.. كانوا مستضيفين باسم ياخور بتنط المذيعة الدبدوبة.. وبتسألو السؤال القاتل: "إستاذ باسم.. شو طقوسك بالعيد؟" هلق ع كتر هو مو حربوق ولئيم.. شو جاوبها؟ قلها: "بطلع ع الجبل.. وبعمل هيك" (وفرد إيديه ع ملاتهن متل اللي بدو يطير)  إنو.. شو بدها تكون طقوسي بالعيد يعني!! |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 11:26 (بحسب عمك غرينتش الكبير +3)