أخوية  

أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة. نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط
ردني  لورا   أخوية > مجتمع > منبــر أخويـــة الحــــــر

إضافة موضوع جديد  إضافة رد
 
أدوات الموضوع
قديم 21/02/2008   #1
شب و شيخ الشباب مسطول على طول
عضو
-- زعيـــــــم --
 
الصورة الرمزية لـ مسطول على طول
مسطول على طول is offline
 
نورنا ب:
Aug 2006
المطرح:
المنــــبر الحـــــر
مشاركات:
1,586

افتراضي تدخين الأطفال .. لا رادع !




ثناء الكردي ـ الجزيرة توك ـ دمشق

هل هي سنة الحياة أن لا يخلو الواقع من الأخطاء البشرية أو ربما الإجابة تكمن في السؤال ،وهوأن
من يقود هذه الحياة هم بشر ،والطبيعة البشرية مهما نمت وتطورت فمن المستحيل أن تصل ومن
الصعب أن تقارب درجة الاكتمال العقلي،أن تخطئ فهو أمر طبيعي لكن الخارج عن الطبيعة السليمة أن
ترتكب جرائم ولا أخلاقيات في حق المجتمع والبشر الذين تقطن معهم.

بِتَّ في هذا ا لعصر الذي ركَّز توجهه على المورد الاقتصادي ليكون الهدف الأساسي إن لم يكن الوحيد
في حياة شرائح واسعة من النّاس ليستحمُّوا بذلك من بقايا مايُسمى بصفات إنسانيَّة متحولين إلى شبه
آلات أو أحياناً إلى مخلوقات حية بشعة،لاهمّ لهم سوى المزيد من الأرباح ،حتى لو أدت سلعهم
وخدماتهم إلى إيذاء الناس،يبيعون ما يشاءون في محلاتهم التجارية، ويستضيفون من يشاءون في
نواديهم ومقاهيهم العامَّة ،لا يهمهم أحد،هدفهم الأسمى ملء الجيوب لا غير،وعلى حساب من
تكون...فلتكن،وكأن أرزاقهم ستتوقف إذا سمحوا لضمائرهم بقليلٍ من الرقابة.



مظهرين مؤسفين يمكن رؤيتهما في دمشق وبشكل متكرر ولا تسمح لخيالك أن يسرح بعيداًإلى أطراف
العاصمة ،بل في مركز المدينة وعلى مرأى الجميع.

المظهر الأوَّل بيع الدخان أو التبغ للأطفال الصِّغار اللذين لا تتجاوز أعمارهم أحياناً العشر سنوات من
قبل بائعين بالغين كبار،من خلال بيعهم حبات مفردة منها بأسعارٍ بسيطة،ذلك أنَّ البائع يكون على دراية
بأنَّ مصروف الطفل محدود،وأنه غير قادر على شراء علبة سجائر كاملة ،وربما لا يسمحون هم
أنفسهم لأطفالهم برؤية علبة الدخان أصلاً ،حتى لا تنحرف سلوكياتهم، بينما تسمح لهم نفوسهم الملوثة
ببيع أطفال الغير القاصرين التبغ،والتي ربما تكون

في أغلب الأحيان بداية هدَّامة لصحتهم وسلوكهم متجاوزين بذلك للمسؤوليات الأخلاقية التي ينبغي أن
يلتزم بها كل صاحب مهنة أو وظيفة ،كل ذلك لدر دخلٍ ضئيلٍ لن يموت من الجوع بالتأكيد لو أنه خسر
صفقة وضيعة مثلها.



الظاهرة الثانية تتجلَّى في استقبال أصحاب المقاهي وسط دمشق أطفال دون سن المراهقة حتى
،والسمَّاح لهم بالجلوس على طاولات المقهى دون صحبة كبير،وطلب الأرجيلة أو الشيشة،وكم كان
بودِّي أن أصرح باسم المقهى لينال صاحبه الجزاء العادل،لولا قلة عتبي على عقله ،لأنَّه لو كان يمتلكه
أصلاً لما سمح لنفسه أن يكون رزقه من جرَّاء انحراف أطفال صغار لاذنب لهم سوى أنهم ينتمون إلى
أُسر مهمِّلة غير واعية ،خالية من الرقابة.

مهما تكن الأسباب ،المجتمع لابدَّ أن يتحلى بالمسؤولية حتى في غياب القوانين،كيلا نتعاون مع
الظروف الصَّعبة على تدمير أطفالنا.


لتدخين الأطفال مخاطر جمَّة فالنيكوتين في التبغ له تأثير كبير على أدمغة الأطفال وهو مخدر قوي
يسبب الإدمان،ولا ينظر إليه حالياً أنه من المواد المخدرة الممنوعة أو المحظورة بسبب تغاضي
الحكومات في أغلب الدّول سعياً وراء حصيلة الضَّرائب على التبغ حيث يحقق دخلاً كبيراً لها ،لذا
يستخفّ الأطفال بخطورة النيكوتين لأنَّه غير ممنوع ،أمَّا الشيشة أوالأركيلة فإنَّ دخانها ليس أقل خطراً
من السجائر حيث يقول المكتب الفرنسي لمكافحة التبغ والتدخين والحملة الأوروبية لمكافحة التدخين
أنّ دخان الأولى يحتوي على مواد سامَّة أكثر فضلاً عن كونها تمثل مخاطر إضافية فيما يتعلق بالتدخين
السلبي تعتبر أكثر من السجائر العاديَّة بالنظر لطبيعة الأماكن التي يتم تداولها فيها.



لا بد من وجود رادع قانوني ولابدّ من إصدار المزيد من التشريعات التي تمنع بيع التبغ لأعماردون ال

وأماكن العمل والتجمعات التَّواصل من خلال النَّدوات واللقاءات المباشرة والمستمرة مع الأطفال
لتوعيتهم في حال وجود نقص من هذه النَّاحية داخل أسرهم ،وعدم التَّساهل في جزاء الأطفال
والمراهقين المدخنين سواء في المدارس أو الأماكن العامَّة .

18 سنةأو حتى استقبالهم في المقاهي،وينبغي على كل المسؤولين في النوادي والجامعات والمدارس

جرعات قليلة جداً من الضمير الحي، وستكون حياتنا أجمل بكثير ..

كريم عربجي كم أنت عظيم
www.karimarbaji.com
مليون تحيه لأهل بيت المقدس واكناف بيت المقدس
الف تحيه لكتائب القسام وسرايا القدس
الف تحيه للمقاومه الفلسطنيه الباسله
الف تحيه للمقاومه العراقيه الشريفه
الف تحيه لحزب الله وابناء المقاومه الأسلاميه
  رد مع اقتباس
قديم 21/02/2008   #2
شب و شيخ الشباب ناصرشكري
عضو
-- زعيـــــــم --
 
الصورة الرمزية لـ ناصرشكري
ناصرشكري is offline
 
نورنا ب:
Aug 2006
مشاركات:
1,016

إرسال خطاب MSN إلى ناصرشكري
افتراضي


شو ما في رادع والله حرام ولاد صغار بدخنوا الله يصلح حالهم

الرجل بلا امرأة يتيم عاطفيا
  رد مع اقتباس
قديم 21/02/2008   #3
شب و شيخ الشباب alaacezar
عضو
-- قبضاي --
 
الصورة الرمزية لـ alaacezar
alaacezar is offline
 
نورنا ب:
Nov 2006
المطرح:
~ARAMCO ~
مشاركات:
423

إرسال خطاب MSN إلى alaacezar بعات رسالي عبر Skype™ ل  alaacezar
افتراضي


المشكلة مو في الصغار المشكلة بتكون في البيت والأهل لو انو الاب او الام مايدخنو قدام الصغيرا مستحيل ان يدخن الا اذا تأثر بي الصديق وعلى قول المثل كل قرين بالمقارن يقتدى.....

سوف يأتي يوم ستعرفيـــن فيه أن انحدار

دموعــــــي لم يكن إنـــحنـــاء ولا ضعـــــف

فانحـــدار الميــــــــاه من الجـــــبال لا ياتي

الا مــــــــن علـــــــــــــــــوهـــــــــــــــــــــا...
  رد مع اقتباس
قديم 21/02/2008   #4
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


أي هوووووووووووووووووون الحق عالحكومة... ليش؟ لأنو مافي أسهل من الحصول على الدخان بسوريا

الدخان لازم ينباع حصرا حصرا بمحلات مخصصة (مو بقاليات و لا براكيات بالشوارع), انما محل تشتري فيه بالهوية لما ما يكون واضح عليك انو فوق الـ18... و لازم تكون صارمة الى حد البطش من حيث اللي يبيع لقاصر ينخرب بيتو..

لازم كمان يتطبّق منع التدخين في المرافق العامة و الأماكن المغلقة و الصرامة بالتطبيق الى حد البطش

و أخيرا قصة دايما..... التوعية فالتوعية فالتوعية... يعني حتى انو الممثل فلان ما يطلع بالمسلسل عم يمجق السيكارة كل الحلقة الو دور... الأطفال و المراهقين جدا جدا ضعفاء أمام المظاهر...

أبو مـــــــــ1984ـــــــارال
خبز,, سلم,, حرّية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 21/02/2008   #5
صبيّة و ست الصبايا The morning
مشرف متقاعد
 
الصورة الرمزية لـ The morning
The morning is offline
 
نورنا ب:
Sep 2006
المطرح:
Chicago
مشاركات:
7,423

افتراضي


اقتباس:
أي هوووووووووووووووووون الحق عالحكومة... ليش؟ لأنو مافي أسهل من الحصول على الدخان بسوريا
لا بهي الحق مو عالحـكومه .. حتى لو بتمنع الحكومه بيع الدخان بالمحلات و البقاليات و الخ ..
الناس رح بتم تتبادلو من الباب الوراني
تأكيدا لزلك يقول الشاعر ..
اقتباس:
التموين منعنا نبيع بضاعتنا لأهل الحارة, و عم يفوتو أهل الحارة بالهريبة من الباب الورّاني
اقتباس:
الدخان لازم ينباع حصرا حصرا بمحلات مخصصة (مو بقاليات و لا براكيات بالشوارع), انما محل تشتري فيه بالهوية لما ما يكون واضح عليك انو فوق الـ18... و لازم تكون صارمة الى حد البطش من حيث اللي يبيع لقاصر ينخرب بيتو..
ينخرب بيتو بالمصاري يعني يتغرم بمبلغ كبير ؟
لو كان هيك قصدك فانو ما رح بغير كمان شي من الموضوع لانو رده الفعل رح بتكون مشابهه تماما
لرده لفعل على قانون السير الجديد .. (( نتيجتو هي رفع تسعيره الشرطي ))


اقتباس:
و أخيرا قصة دايما..... التوعية فالتوعية فالتوعيه... يعني حتى انو الممثل فلان ما يطلع بالمسلسل عم يمجق السيكارة كل الحلقة الو دور... الأطفال و المراهقين جدا جدا ضعفاء أمام المظاهر...
اما بهي فبوافقك الرأي 105% لانو برأي من هون بيبلش التصليح .. يعني من هون بيبلش التصليح بعدين بيجي الخطوات اللي سبق انك قلتهم لانو حتى لو اتطبقو فما رح يعطو نتيجه بدون رادع شخصي ..
بس هامـش مهم ,,
قبل محاربه تدخين الاطفال ..
لازم يكون في محاربه عاده التلطيش للاطفال تحت سن الـ 15 سنه على اقل تقدير

من يومها صار القمر أكبر :)

______

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

  رد مع اقتباس
قديم 21/02/2008   #6
شب و شيخ الشباب ظل جيفارا
عضو
-- زعيـــــــم --
 
الصورة الرمزية لـ ظل جيفارا
ظل جيفارا is offline
 
نورنا ب:
Oct 2006
المطرح:
من قلبي سلام لطرطوس...رغم المسافات
مشاركات:
1,554

إرسال خطاب MSN إلى ظل جيفارا إرسال خطاب Yahoo إلى ظل جيفارا
افتراضي


انا هون برأيي انو الحق مركب بين تلات عناصر
الحكومة اللي لازم تفرض رقابة وهيدي شغلة صعبة كتير عليها بتوقع مأساة لإنو في مليون جهاز رقابي لازم يتغيروا لإنو الفساد نخرهن ولازم يصير متل ما قال الأخ ياس عقوبات مرتفعة ومخيفة لبائعي الدخان
التوعية العامة يعني بكل الأفلام والتلفزيونات بنشوف البطل بس تخلص القصة بيشغل سيجارة رمز لإنتصاره
اي من وين لوين رح يقدر هيدا الطفل انو يبقى بعيد عن هالخطر
الأهل : اللي لازم اصلا يتوعوا مشان يراقبوا اولادهن اكتر والبيت بالنهاية هو المدرسة الأولى .

تحياتي الحارة
ظل جيفارا

فإقتلوني ..وأحرقوني ..بعظامي الفانيات ..ثم مروا برفاتي ..في القبور الدارسات
....................................................إلى روح الحلاج شهيد الحرية
"تمركز رأس المال هو المشكلة ولا حل إلا الإشتراكية ."
  رد مع اقتباس
قديم 21/02/2008   #7
شب و شيخ الشباب yass
مشرف متقاعد
 
الصورة الرمزية لـ yass
yass is offline
 
نورنا ب:
Jul 2004
المطرح:
الآن... هنا
مشاركات:
9,461

افتراضي


اقتباس:
لا بهي الحق مو عالحـكومه .. حتى لو بتمنع الحكومه بيع الدخان بالمحلات و البقاليات و الخ ..
الناس رح بتم تتبادلو من الباب الوراني
تأكيدا لزلك يقول الشاعر ..

-------
التموين منعنا نبيع بضاعتنا لأهل الحارة, و عم يفوتو أهل الحارة بالهريبة من الباب الورّاني
-------

قلتيلي شاعر يجوز شاعر بنفسو أو بالبرد أو هيك شي... بس شاعر هيك لحالو فرد مرة لآ

أي مبدئيا ممكن يكون هالشي صحيح... بس لاحظي. الموزع الرئيسي تكون كلفتو الرخصة (مو رشوة.. الرخصة القانونية) كتير.. و بيعرف انو اذا كمشوه عم يبيع لمركز بيع غير مرخّص راح تروح هالرخصة اللي عم كلفتو كتير و اللي عم يربح من وراها كتير... يعني بلا مجازفة لأنو الشغلة ما فيها مزح


اقتباس:
ينخرب بيتو بالمصاري يعني يتغرم بمبلغ كبير ؟
لو كان هيك قصدك فانو ما رح بغير كمان شي من الموضوع لانو رده الفعل رح بتكون مشابهه تماما
لرده لفعل على قانون السير الجديد .. (( نتيجتو هي رفع تسعيره الشرطي ))
أي يعني نفس الشي تقريبا لوضع الموزع الرئيسي بالنسبة لصاحب نقطة البيع, تكون الرخص محددة و قليلة و غالية و بيعرف انو البيع لقاصر ممكن تطيرلو الرخصة.. فاذا عندك الموزع و صاحب نقطة البيع مضمونين... راح ينخفض بشكل ضخم جدا القدرة على الحصول (ما بقول انو راح ينتفي)

أما بالنسبة لفساد المراقبين... امر طبعا حتمي بالموزمبيق... ممكن ينعمللهون عقود متل عقود مفتشي المالية انو ياخدو نسبة من كل مخالفة يقيدوها, قوليلهون هيك و بيصيرو ذياب و أسود .. يعني... هيك شغلات


اقتباس:
اما بهي فبوافقك الرأي 105% لانو برأي من هون بيبلش التصليح .. يعني من هون بيبلش التصليح بعدين بيجي الخطوات اللي سبق انك قلتهم لانو حتى لو اتطبقو فما رح يعطو نتيجه بدون رادع شخصي


أي التوعية و لو عن طريق حملات "صدم", حملات صدم يعني حملات اعلامية يكون محتواها قاسي أو مقزز... يعني خلال آخر 4 سنين باسبانيا مع دخول قانون الدخان الجديد نزل استهلاك الدخان عند القاصرين

ذكور من 24 الى 11 بالمية
اناث من 25 الى 14 بالمية (الاناث بيدخنو أكتر بشوي و النسب متشابهة عند البالغين كمان. قصدي نسبة الفرق بين الجنسين)

يعني و بعد القانون الجديد اللي كتير حدد استهلاك الدخان و غلّى سعرو و حط عوائق كبيرة أمام المدخينين عملو كمان استطلاع رأي و شافو انو أحد أكبر أسباب محاولة الاقلاع عن التدخين للمراهقين كان اعلان لوزارة الصحة مقرف جدا جدا ( كان يطلع فيه كأنو واحد عم يدخن و لما يطالع السحبة يطلع من تمو هيك عقرب و عنكبوت و من أنفو متل الحيايا الصغار... شي مقزز فعلا)




  رد مع اقتباس
قديم 21/02/2008   #8
شب و شيخ الشباب Government
مشرف
 
الصورة الرمزية لـ Government
Government is offline
 
نورنا ب:
Aug 2006
المطرح:
وين مابدك ..
مشاركات:
6,927

إرسال خطاب MSN إلى Government إرسال خطاب Yahoo إلى Government
افتراضي


اخي خلو هالاطافيل تنبسط وتجرب كلشي بحياتا ...
لانو ازا ضلو مكبوتين هيك .. وعبشوفو الناس عبدخن قدامن وهالكبار اللي قدامن عبدخنو وهالمسلسلات الناس عبدخنو بدن يصيرو يجربوا هالشي الغريب والعجيب اللي بشوفو مع كل الناس
وهنن محرومين منو او انو محرم عليهن ..
رح ينكبتو ويضل نفسن بهالشغلة وضل عندو رغبة فيا ومارح يقدروا يحصلوة
وهالشي مع الزمن ومع كتر الكبت والطلب المتزايدة عليها .. اكيد هالولد رح بنفجر ورح يعمل شي اكتر من الدخان لو صحلو .. واكتر بكتير كمان ..


بس لو الدخان هيك متورفروا ع طول وماحدا مانعو منو (باسثناء الاهل طبعا ) رح توقف الشغلة ع نفسية الولد وطباعوا ومدا معرفتو لمصلحتو .. يعني لما بشوف الدخان هيك قدامو وفي يصحل عليه بسهولة .. رح يوقف ويفكر بسلبياتو منو لحالو .. ورح يقنع حالو بحالو انو هادا شي غلط ورح يضرني ..
وطبعا لما بوصل لهالقناعة لحالو وبدن ماحدا يضغط عليه فرح يبعد عن الدخان طول عمرو وحياتو ومارح يقرب ع هالشي ولا اي مخلوق بالكون رح يخلي يجربوا مين ماكان يكون .. لانو هو وصل بهالقناعة لحالو وبدون ضغط اي مخلوق ..
بس ازا امو بدا تمنعو منو وابو بدو يمنعو منو .. والمدرسة رح تمنعو والمحلاللي جنب بيتن بدو يمنعو منو
ويحرم عليه
وبرجع بفتح التلفزيون بشوف الممثل هادا عبدخن وهداك عبدخن .. وابو عبدخن وعمو عبدخن وخالو عبدخن وجدو ع بدخنن هون محروم منو ومابيقدر يجرب

هداك الوقت بدو ينزل ع الشارع واول عقب سيكارة بدو يلاقي بدو يدخنو ..

وهادا رأيي طبعا

اللــي طــــالع الجحش ع المأدنة .. بنزلـــو

  رد مع اقتباس
قديم 21/02/2008   #9
شب و شيخ الشباب ظل جيفارا
عضو
-- زعيـــــــم --
 
الصورة الرمزية لـ ظل جيفارا
ظل جيفارا is offline
 
نورنا ب:
Oct 2006
المطرح:
من قلبي سلام لطرطوس...رغم المسافات
مشاركات:
1,554

إرسال خطاب MSN إلى ظل جيفارا إرسال خطاب Yahoo إلى ظل جيفارا
افتراضي


اقتباس:
كاتب النص الأصلي : GOVERMENT عرض المشاركة
اخي خلو هالاطافيل تنبسط وتجرب كلشي بحياتا ...
لانو ازا ضلو مكبوتين هيك .. وعبشوفو الناس عبدخن قدامن وهالكبار اللي قدامن عبدخنو وهالمسلسلات الناس عبدخنو بدن يصيرو يجربوا هالشي الغريب والعجيب اللي بشوفو مع كل الناس
وهنن محرومين منو او انو محرم عليهن ..
رح ينكبتو ويضل نفسن بهالشغلة وضل عندو رغبة فيا ومارح يقدروا يحصلوة
وهالشي مع الزمن ومع كتر الكبت والطلب المتزايدة عليها .. اكيد هالولد رح بنفجر ورح يعمل شي اكتر من الدخان لو صحلو .. واكتر بكتير كمان ..
بس لو الدخان هيك متورفروا ع طول وماحدا مانعو منو (باسثناء الاهل طبعا ) رح توقف الشغلة ع نفسية الولد وطباعوا ومدا معرفتو لمصلحتو .. يعني لما بشوف الدخان هيك قدامو وفي يصحل عليه بسهولة .. رح يوقف ويفكر بسلبياتو منو لحالو .. ورح يقنع حالو بحالو انو هادا شي غلط ورح يضرني ..
وطبعا لما بوصل لهالقناعة لحالو وبدن ماحدا يضغط عليه فرح يبعد عن الدخان طول عمرو وحياتو ومارح يقرب ع هالشي ولا اي مخلوق بالكون رح يخلي يجربوا مين ماكان يكون .. لانو هو وصل بهالقناعة لحالو وبدون ضغط اي مخلوق ..
بس ازا امو بدا تمنعو منو وابو بدو يمنعو منو .. والمدرسة رح تمنعو والمحلاللي جنب بيتن بدو يمنعو منو
ويحرم عليه
وبرجع بفتح التلفزيون بشوف الممثل هادا عبدخن وهداك عبدخن .. وابو عبدخن وعمو عبدخن وخالو عبدخن وجدو ع بدخنن هون محروم منو ومابيقدر يجرب
هداك الوقت بدو ينزل ع الشارع واول عقب سيكارة بدو يلاقي بدو يدخنو ..
وهادا رأيي طبعا
بس حرام متل ما بتعرف الدخان فيه نيكوتين يعني عقار إدماني طيب لما الواحد عمره عشر سنين ولا خمس عشر سنة يقرر انو بده يدخن بمعظم الاحيان هيك اعمار بيكون الوعي فيها لسا ما اكتمل
يعني رح يتعلق بالدخان ولسا ما شكل الوعي الكافي ....
تحياتي الحارة
ظل جيفارا
  رد مع اقتباس
قديم 21/02/2008   #10
شب و شيخ الشباب Government
مشرف
 
الصورة الرمزية لـ Government
Government is offline
 
نورنا ب:
Aug 2006
المطرح:
وين مابدك ..
مشاركات:
6,927

إرسال خطاب MSN إلى Government إرسال خطاب Yahoo إلى Government
افتراضي


اقتباس:
كاتب النص الأصلي : ظل جيفارا عرض المشاركة
بس حرام متل ما بتعرف الدخان فيه نيكوتين يعني عقار إدماني طيب لما الواحد عمره عشر سنين ولا خمس عشر سنة يقرر انو بده يدخن بمعظم الاحيان هيك اعمار بيكون الوعي فيها لسا ما اكتمل
يعني رح يتعلق بالدخان ولسا ما شكل الوعي الكافي ....
تحياتي الحارة
ظل جيفارا
لا يازلمة .. هلأ الدخان مو من اول سيكارة رح تأدمن عليه ولا من تاني سيكارة ولا حتى بعد 50 سيكارة
يعني مابكون عندك هالرغبة الملحة .. في ناس الا فترات طويلة عبدخن ومع هيك فيا تترك وببساطة ..
مابعرف ازا هالشغلة طبيعة جسم او شي الله واعلم
بس انو اتاكد تمام مو من اول سيكارة ولا تنين الولد رح يصير مدمن ممكن تعدي عليه سنين وما بيأدمن عليه وعاد وخاصة عند الاعمار الصغيرة ..

بعدين يازلمة الولد اللي عمرو 7 او 8 سنين بدو يعرف يدخن اصلا ..
ازا اخد هالسيكاراة بدو يدخنا تنفيخ وبخ هوا هيك بس امو اكتر .. يعني مابنخاف عليه
ومن دافع التجربة بس
  رد مع اقتباس
قديم 21/02/2008   #11
شب و شيخ الشباب awsayed
مسجّل
-- اخ طازة --
 
الصورة الرمزية لـ awsayed
awsayed is offline
 
نورنا ب:
Feb 2008
المطرح:
alhamdanieh
مشاركات:
12

إرسال خطاب MSN إلى awsayed
افتراضي


باكيت المارلبورو الأميركي سعرو بأميركا يتجاوز عن سعرو بالدول العربية عن عشر أضعاف مع انو شحنو بكلف مثلي سعرو والسبب انو اميركا واضعة ضرائب على بيع الدخان ونحنا هون عنا مصروف الشب يادوب عم يكفي لانو في عندو مصروف باكيت أو أكثر في اليوم فلو كان بأميركا كان ما كفاه حق سيجارتين (فرط متل ما بيقولو )فحلنا الوحيد هو نعلي سعر الباكيت لأكثر من خمسين ضعف حتى ما حدا يقدر يفكر بهيك شي أو نقبل بالموت الي عم يحصل لانو أخر النتائج بتقو انو التدخين أدى بحياة حوالي 100000 بسنة ال2007
  رد مع اقتباس
قديم 21/02/2008   #12
شب و شيخ الشباب حلبي
عضو
-- مستشــــــــــار --
 
الصورة الرمزية لـ حلبي
حلبي is offline
 
نورنا ب:
Jan 2008
المطرح:
هوووون
مشاركات:
1,985

افتراضي


اقتباس:
كاتب النص الأصلي : awsayed عرض المشاركة
باكيت المارلبورو الأميركي سعرو بأميركا يتجاوز عن سعرو بالدول العربية عن عشر أضعاف مع انو شحنو بكلف مثلي سعرو والسبب انو اميركا واضعة ضرائب على بيع الدخان ونحنا هون عنا مصروف الشب يادوب عم يكفي لانو في عندو مصروف باكيت أو أكثر في اليوم فلو كان بأميركا كان ما كفاه حق سيجارتين (فرط متل ما بيقولو )فحلنا الوحيد هو نعلي سعر الباكيت لأكثر من خمسين ضعف حتى ما حدا يقدر يفكر بهيك شي أو نقبل بالموت الي عم يحصل لانو أخر النتائج بتقو انو التدخين أدى بحياة حوالي 100000 بسنة ال2007
لسا لو تعرف مين المستورد الرئيسي للدخان الأمريكي بسوريا يللي معبي زوايا الحارات و للي نسبة البياعين 99,9% من الأطفال
مابدي قول بخاف أنو يحصلي شي مابتمنى

{ إن في خلق السموات والأرض واختلاف الليل والنهار لآيات لأولي الألباب }
  رد مع اقتباس
قديم 21/02/2008   #13
صبيّة و ست الصبايا وشم الجمال
عضو
-- مستشــــــــــار --
 
الصورة الرمزية لـ وشم الجمال
وشم الجمال is offline
 
نورنا ب:
Aug 2007
المطرح:
جبين الشمس
مشاركات:
4,561

افتراضي


انا بس بدي احكي تعليق بسيط وهو انو اطفال عمرن 7 سنين عنا بيدخنوا...
ممكن فيني اربط الموضوع بالضغوط يللي بيعانوا منها خاصة الفقر والدراسة ورفقات سيئين كلو بدوروا بيوجهم للغلط...والمصيبة الاكبر لما يدمنوا عليه لانهم رح يتبعوا اساليب اكتر انحراف متل السرقة ليحصلوا على الدخان...والشي الافظع ما بعد الدخان لانو الواحد كل ما كبر كل ما صار مزاجو اعلى وما عاد شي يرضيه فممكن يتجه ناح المخدرات والحشيش والذي منو
اما شو الرادع فانا بشوف ما دام الكبار بيدخنوا فهمو عبارة عن مقلدين وما داموا عايشين بمجتمع ما بتقبلهم غير كاطفال بمعنى مالهم وجود ابعد من هيك ...يعني ما بينموهم وما بيقوا شخصياتهم بالاتجاه الصحيح فكون واثق انو رح تسمع بيوم من الايام (بس لا تصدق)وليدون يدخنون

تباً إننا جيل كامل من الانتظار .. متى نفرغ من الصبر .. و من مضغ الهواء ..


اتعرى من الجميع كي أجدني,,,,
فأضيع !!!!

حاولتُ أن أغرق أحزاني في الكحول، لكنها، تلك اللعينة، تعلَّمَت كيف تسبح!
  رد مع اقتباس
قديم 23/02/2008   #14
شب و شيخ الشباب ظل جيفارا
عضو
-- زعيـــــــم --
 
الصورة الرمزية لـ ظل جيفارا
ظل جيفارا is offline
 
نورنا ب:
Oct 2006
المطرح:
من قلبي سلام لطرطوس...رغم المسافات
مشاركات:
1,554

إرسال خطاب MSN إلى ظل جيفارا إرسال خطاب Yahoo إلى ظل جيفارا
افتراضي


اقتباس:
كاتب النص الأصلي : GOVERMENT عرض المشاركة
لا يازلمة .. هلأ الدخان مو من اول سيكارة رح تأدمن عليه ولا من تاني سيكارة ولا حتى بعد 50 سيكارة
يعني مابكون عندك هالرغبة الملحة .. في ناس الا فترات طويلة عبدخن ومع هيك فيا تترك وببساطة ..
مابعرف ازا هالشغلة طبيعة جسم او شي الله واعلم
بس انو اتاكد تمام مو من اول سيكارة ولا تنين الولد رح يصير مدمن ممكن تعدي عليه سنين وما بيأدمن عليه وعاد وخاصة عند الاعمار الصغيرة ..
بعدين يازلمة الولد اللي عمرو 7 او 8 سنين بدو يعرف يدخن اصلا ..
ازا اخد هالسيكاراة بدو يدخنا تنفيخ وبخ هوا هيك بس امو اكتر .. يعني مابنخاف عليه
ومن دافع التجربة بس
صديقي ما رح احكي بموضوع طبي ما بعرف فيه شي
بس انو القصة وما فيها وبلا طول لعي وبلا طول سيرة و....
انو اذا اجينا لنحسب الفرق بين نسبة الأطفال اللي بيجرب التدخين وبيشرب لحدود خمسين سيجارة وكم واحد فيهن بيضل مدخن طول العمر
رح تطلع النسبة كتير كبيرة
لهيك بطالب بوعي بحد معين قبل ما الإنسان ياخد هيك قرار ..
تحياتي الحارة
ظل جيفارا
  رد مع اقتباس
قديم 23/02/2008   #15
شب و شيخ الشباب خوليو
مسجّل
-- اخ حرٍك --
 
الصورة الرمزية لـ خوليو
خوليو is offline
 
نورنا ب:
Apr 2007
مشاركات:
21

افتراضي


حينما افتتحوا "نهر قويق" .. هممت إلى الحديقة العامّة لأتفحّص الأمر .. أنا الذي قطعت صلتي مع "الطبيعة" ومع "مشاوير التمشاية في الحدائق" .. منذ زمن بعيد .. وما ذلك إلا لأسباب تتعلّق بالكسل ..
هناك مقولة يرددها أبي دوماً : السيّارة "وما تزرعه فيك من كسل" تحطّم علاقتك مع تفاصيل الأشياء .. مع رائحة الوطن .. مع أغلب مشاكل الناس اليوميّة ..

يومها تذكّرت هذا الشعور .. حينما دخلت الحديقة وجلست على كرسيّ خشبي أمام النهر .. وابتعت "كأس قهوة" من بائع جوّال رثّ الثياب .. ثمّ أشعلت سيجارتي وبدأت أتأمّل الناس ..

تأمّلتهم كيف يتجمّعون حول النهر ويصيحون "شلّال .. شلّال" .. وما ذاك الشلّال إلا صفّ صخر .. يعلو الآخر بمتر أو اثنين ..
وتأمّلت كهلاً .. بدت عليه معالم الفقر كثيراً .. وارتسمت على خدوده خوازيق السنين .. يفتح جريدة "تشرين أو الثورة أو البعث" .. يقلّب صفحاتها باهتمام دعاني للشك برداءة هذه الجرائد ..

وتأمّلت أباً .. يركل ابنه لأنّه تهوّر واقترب كثيراً من حافّة "الكورنيش" .. وآخر يتأبّط زوجته "التي لم يظهر منها شيئ" ... يمشي بخيلاء .. وكأنّه يمنّي امرأته بهذه الجولة .. وبأنّه أخرجها اليوم من المنزل للاستجمام ..

رأيت ولدين يتصارعان من أجل خمس ليرات ..

وأكثر ما أثّر بنفسي .. حينما رأيت "بائع القهوة" .. يتّجه نحو طفلين .. أظنّهما لم يتجاوزا المرحلة الابتدائيّة .. يجادلهما بسعر "فنجان القهوة" .. فاشترطا عليه أن يعطيهما مع "الفنجان" .. "سيكارتين" حمراء طويلة ..
وهزّ البائع "رثّ الثياب" رأسه بالموافقة أخيراً .. ثمّ أخرج "قدّاحة" وأشعل لهما سيجارتيهما ..


أخذا ينفثانها .. حتّى خجلت من نفسي أمامهما وأطفأت سيجارتي .. وأحسست بصدمة مشهد لم آلفه منذ سنين طويلة جداً .. واختفت من عيني ملامح طفولتيهما .. وصرت أجد في طريقة اتكائهما على "الكورنيش" .. والتحليق الوقح في وجوه الناس .. رجولة و"عنتريّة" قرّفتني المشهد .. وقرّفتني نهر "قويق" ..



خوليو
  رد مع اقتباس
قديم 23/02/2008   #16
صبيّة و ست الصبايا XerostomiA
عضو
-- أخ لهلوب --
 
الصورة الرمزية لـ XerostomiA
XerostomiA is offline
 
نورنا ب:
Dec 2007
المطرح:
دبي ..
مشاركات:
355

افتراضي


جُزيت الخير أخي الفاضل لـ تسليط الضوء على هذا النوع المخبىء من الألم ..
أصبحنا بحاجة للقاحات تمنع نقل جينات الألم لعقول أبنائنا ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 


ppl doubt wat u say but they can never doubt wat u do
  رد مع اقتباس
قديم 23/02/2008   #17
شب و شيخ الشباب باشق مجروح
عضو
-- مستشــــــــــار --
 
الصورة الرمزية لـ باشق مجروح
باشق مجروح is offline
 
نورنا ب:
Dec 2005
مشاركات:
5,511

إرسال خطاب MSN إلى باشق مجروح إرسال خطاب Yahoo إلى باشق مجروح
افتراضي


الحق بيتقاسمو كل من الأهل والحكومة ومؤسساتها.
أنا بشوف انو الدكتاتورية والتسلط المنزلي ممكن تكون سبب لحدوث هالظاهرة كما انو وجود حاجز فكري بين الاباء والابناء وغياب المنطق والسياسة الحكيمة في التربية تؤدي أيضاً لكل هذا.
غياب دور المدرسة والنشاطات التثقيفية والتعريفية وغياب الاعلام ودوره وتأثيره على الاطفال وضعف سلطة الدولة في هذا المجال من حيث اتخاذ اجراءات صارمة وقيادة حملات جدية لمنع التدخين أو تضييق الخناق على المدخنين.
من فترة شفت تقرير من اليابان انو تم منع بيع التدخين نهائياً بالمحلات وأصبح مقتصر على آلات أوتوماتيكية بالشوارع لا تعمل الا ببطاقة توزعها الدولة على البالغين للسن القانوني.
هذا الاجراء جاء بعد قرارات كثيفة بمنع التدخين بالاماكن العامة واماكن العمل.

صديقي الله .
لا أحسدك على معرفتك مصير كل منا .
لأنك قد تبكي على مصير حزين بينما صاحبه سهران يضحك.
وتعرف الفرح قبل وقوعه فلا ترى مثلنا لذة المفاجأة.
....
  رد مع اقتباس
قديم 23/02/2008   #18
شب و شيخ الشباب مالك الحلبي
عضو
-- قبضاي --
 
الصورة الرمزية لـ مالك الحلبي
مالك الحلبي is offline
 
نورنا ب:
Jan 2008
المطرح:
حلب
مشاركات:
990

افتراضي


الأب والأم فقط لا غير

(إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآَخِرَةِ وَاللهُ يَعْلَمُ وَأَنْتُمْ لاَ تَعْلَمُونَ) [النور:19]
  رد مع اقتباس
إضافة موضوع جديد  إضافة رد


أدوات الموضوع

ضوابط المشاركة
لافيك تكتب موضوع جديد
لافيك تكتب مشاركات
لافيك تضيف مرفقات
لا فيك تعدل مشاركاتك

وسوم vB : حرك
شيفرة [IMG] : حرك
شيفرة HTML : بليد
طير و علّي


الساعة بإيدك هلق يا سيدي 12:17 (بحسب عمك غرينتش الكبير +3)


Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
Page generated in 0.13768 seconds with 14 queries